ပြည်တွင်းကုန်သွယ်မှုသတင်း

    တနင်္သာရီတိုင်း၊ မြိတ်မြို့သည့် ရေထွက်ကုန်များ ထွက်ရှိသည့်အပြင် ငပိ၊ ငါးခြောက်များဖြင့် ထင်ပေါ်ကျော်ကြားလျက်ရှိပါသည်။ ငပိကို ကျေးလက်ဒေသမှ အဓိကထွက်ရှိပြီး မြိတ်မြို့နှင့် အခြား မြို့များသို့ တင်ပို့ရောင်းချလျက်ရှိကြပါသည်။ ဒေသထွက်ငပိအမျိုးအစားများထဲမှ မျှင်ငပိသည် လူကြိုက်များပြီး ရောင်းအားကောင်းလျက်ရှိပါသည်။

     ၂၀၂၅ခုနှစ်၊ စက်တင်ဘာလ(၅)ရက်နေ့စျေးနှုန်းအရ မြိတ်ဒေသထွက် မျှင်ငပိ တစ်ပိဿာ လျှင်ကျပ်(၉၀၀၀)ခန့်ဖြစ်နေပြီး စျေးများတွင်ရောင်းချနေသောစျေးနှုန်းအရ ကျပ်(၁၂၀၀၀)ခန့်ရှိ ကြောင်း သိရှိရပါသည်။

DOCA(တနင်္သာရီ)

  မွန်ပြည်နယ်၊ ‌ပေါင်မြို့နယ်ဒေသထွက်နာနတ်သီးများဈေးကောင်းရရှိ၍ ခြံပိုင်ရှင်များ အဆင်ပြေလျက်ရှိသည်။ နာနတ်သီးများကို အလုံးအကြီးအသေးပေါ်မူတည်၍ တစ်လုံးလျှင် (၂၅၀၀) ကျပ်၊ အလုံးငယ်တစ်လုံးလျှင် (၁၅၀၀) ကျပ်ဖြင့်ရောင်းချလျက်ရှိသည်။

     နာနတ်သီးစိုက်ပျိုးရာတွင် မြေနေရာသီးသန့်စိုက်ပျိုးရန်မလိုဘဲ ရော်ဘာ၊ နဂါးမောက်သီး၊ ဒူးရင်း၊ မင်းဂွတ်၊ ကျွဲကော်စသည့် အပင်ကြီးများ အောက်ခြေ၌ စိုက်ပျိုးဖြစ်ထွန်းလျက်ရှိသည်။ အချို့သောခြံပိုင်ရှင်များက ခြံစည်းရိုးမခတ်ဘဲ နာနတ်သီးပင်ကို ခြံစည်းရိုးအဖြစ် စိုက်ပျိုးကြ သည်။

     နာနတ်သီးသည် အရသာရှိရုံသာမက အာဟာရနှင့်ဆေးဖတ်ဝင်ဂုဏ်သတ္တိများစွာ ပိုင်ဆိုင် သည်။ အပူပိုင်းဒေသထွက် အသီးဖြစ်သည်။ နာနတ်သီးသည် အာဟာရပြည့်၍ ရောဂါကာကွယ် နိုင်စွမ်းမြင့်မားသော အသီးဖြစ်သည်။ ၎င်း၏ အင်ဇိုင်းနှင့်ဓါတ်တိုးဆန့်ကျင်ပစ္စည်းများက နေ့စဉ် ကျန်းမာရေးပြဿနာများစွာကို ကုသနိုင်သော်လည်း ဆေးဝါးသုံးစွဲနေသူနှင့် ကိုယ်ဝန်ဆောင် များ ဆရာဝန်ညွှန်ကြားချက်ဖြင့် စားသုံးသင့်ကြောင်း သိရသည်။

DOCA (မွန်)

                မန္တလေးစျေးချိုတော်တွင် အလှူပွဲနှင့်ဘုရားပွဲရာသီချိန်ဖြစ်သည့်အတွက် ငါးခြောက်မျိုးစုံ စျေးအနည်းငယ်တက်မြင့်တက် သွားသော်လည်း အရောင်းသွက်လျက်ရှိကြောင်း သိရပါသည်။ ၂၀၂၅   ခုနှစ်စက်တင်ဘာလပထမပတ်အတွင်း အမျိုးအစားအလိုက်တစ်ပိဿာ ပေါက် စျေးတို့မှာ  ငါးနီတူး ခြောက်၂၀၀၀ဝိ/-  နှင့် ၂၈၀၀ဝိ/-၊ ငါးဖောင်ရိုးခြောက် ၄၀၀၀ဝိ/- နှင့် ၆၀၀၀ဝိ/-၊ ငါးပုတ် သင်ခြောက် (လုံး)၁၆၀၀ဝိ/- နှင့်၂၀၀၀ဝိ/-၊ ငါးပုတ်သင်ခြောက်(ပြား) ၂၀၀၀ဝိ/-နှင့်၂၅၀၀ဝိ/-၊  ငါး ရောင်ခြောက် ၄၅၀၀ဝိ/-နှင့် ၇၀၀၀ဝိ/-၊ငါးရံ့ခြောက်(လုံး)၆၅၀၀ဝိ/- နှင့်၇၅၀၀ဝိ/-၊ ငါးရံ့ ခြောက် (ပြား)၈၅၀၀ဝိ/-  နှင့် ၉၅၀၀ဝိ/-၊ပုဇွန်ခြောက် ၂၅၀၀ဝိ/- နှင့်၆၀၀၀ဝိ/- စျေးအသီးသီးဖြင့်ရောင်းချ လျက်ရှိပြီး၊သြဂုတ်လရောင်းစျေးဖြင့် နှိုင်းယှဉ်ပါက  ဝင်ရောက်မှုအနည်း ငယ်လျော့ကျသွားသည့် အတွက် စျေးအနည်းငယ်မြင့်တက်သွားခြင်းဖြစ်ကြောင်း  စျေးသည်တစ်ဦး၏ပြောပြ ချက်အရ သိရပါသည်။

DOCA(မန္တလေး)

          ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်အတွင်း  စိုက်ပျိုးလျက်ရှိသည့် သီးနှံများအတွက် ဓာတ်မြေဩဇာနှင့် သဘာဝဓာတ်မြေဩဇာ သွင်းအားစုများကို ဩဂုတ်လ(၂၃) ရက်နေ့၊ ညနေ (၁၅:၀၀)နာရီအချိန်တွင် တောင်သူများသို စာချုပ်ချုပ်ဆို ဖြန့်ဖြူးပေးခဲ့ပါကြောင်း သိရှိရသည်။

          ထိုသို့ ဖြန့်ဖြူးရောင်းပေးခဲ့ရာတွင် ကော့မှူးမြို့နယ် ဓာတ်မြေဩဇာ ဖြန့်ဖြူးရောင်းချရေးအဖွဲ့မှ ဥက္ကဌ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌ ဦးမျိုးမင်းနှင့် မြို့နယ်စီမံကိန်းဦးစီးဌာန မြို့နယ်မြေစာရင်းဦးစီးဌာန၊ မြို့နယ်ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာန၊ မြို့နယ်စက်မှုလယ်ယာဦးစီးဌာန၊ မြို့နယ်ကျေးလက်ဒေသဖွံဖြိုးတိုးတက်ရေးဦးစီးဌာန၊ မြို့နယ် လယ်ယာဖွံ့ဖြိုးရေးဘဏ်၊ မြို့နယ်စားသုံးသူရေးရာဦးစီးဌာန၊ မြို့နယ်သမဝါယမဦးစီးဌာန၊ မြို့နယ် ငါးလုပ်ငန်းဦးစီးဌာန၊ မြို့နယ်မွေးမြူရေးနှင့်ကုသရေးဦးစီးဌာန၊ မြို့နယ်စိုက်ပျိုးရေးဦးစီးဌာနနှင့် မြို့နယ်စိုက်ပျိုးထုတ်လုပ်မှုကြီးကြပ်ရေးအဖွဲ့ဝင်များသည် ကော့မှူးမြို့နယ်၊ ဝါးဘလောက် သောက်ကျေးရွာအုပ်စုတွင် ဩဘာတံဆိပ်ဓာတ်မြေဩဇာ (၃၆၉)အိတ်၊ စရိက္ခနိကျေးရွာတွင် ဩဘာတံဆိပ်ဓာတ်မြေဩဇာ (၅၈၁)အိတ် စုစုပေါင်း (၉၅၀)အိတအား တောင်သူများထံသို့ စာချုပ်ချုပ်ဆို ဖြန့်ဖြူးပေးခဲ့ပါကြောင်း သိရှိရပါသည်။

DOCA(ရန်ကုန်)

                  မြေထောက်ပဲမှာ ပြည်တွင်းစားသုံးမှုများပြားပြီး၊ ပြည်ပသို့တင်ပို့သည့် ပဲတစ်မျိုး ဖြစ်ပါ သည်။ မန္တလေးတိုင်းဒေသကြီးတွင် ပဲမျိုးစုံစိုက်ပျိုးမှုများပြားပြီး၊ ၂၀၂၄-၂၀၂၅ ခုနှစ် မြေထောက်ပဲ သီးနှံအပါအဝင်ပဲမျိုးစုံ စိုက်ပျိုးမှု(၁၀၁၉၄၇၇)ဧကဖြစ်ကြောင်း သိရှိရပါသည်။ မန္တလေးပွဲစား၊ ကုန်သည်၊စက်ပိုင်များမဟာကထိန်တော်အသင်းတွင် ၂၀၂၅ ခုနှစ် စက်တင်ဘာလပထမပတ် အတွင်း ဖြစ်ပေါ်လျက်ရှိသော ၃တင်းဝင်တစ်အိတ်လျှင် မြေထောက်ပဲပေါက်စျေးမှာ ၂၆၀၀၀၀ ကျပ်နှင့်၂၉၀၀၀၀ကျပ်၊တစ်ပိဿာပေါက်စျေးမှာ ၄၈၁၅ကျပ်နှင့် ၅၃၇၀ကျပ်တို့ဖြစ်ကြောင်း သိရပါ သည်။ ယခင်နှစ်ကာလတူ မြေထောက်ပဲပေါက်စျေးမှာ ၃တင်းဝင်တစ်အိတ်လျှင် ၃၁၀၀၀၀ကျပ် နှင့် ၃၆၀၀၀၀ ကျပ်၊ တစ်ပိဿာစျေးမှာ ၅၇၄၁ကျပ်နှင့် ၆၆၆၇ ကျပ်ဖြစ်ပြီး ယခုနှစ်နှင့်ယခင်နှစ် စျေး နှိုင်းယှဉ်ပါက မြေထောက်ပဲ ပေါက်စျေးမှာ လျော့နည်းသွားကြောင်း တွေ့ရှိရပါသည်။

DOCA (မန္တလေး)