ပြည်တွင်းကုန်သွယ်မှုသတင်း

   မြင်းခြံမြို့၊ အေးမြသီတာဈေး၌ ရာသီပေါ်ဟင်းသီးဟင်းရွက်နှင့် အသီးအနှံမျိုးစုံရောင်း ဝယ်လျက်ရှိရာ မိုးထောပတ်ပဲအစိုများကိုလည်း ရောင်းချလျက်ရှိကြောင်းသိရှိရသည်။ ရာသီပေါ် မိုးထောပတ်ပဲအစိုများကို ပုပ္ပါးမြို့မှတင်သွင်းပြီး ဒေသတွင်းဖြန့်ဖြူးရောင်းချကြောင်း၊ ၂၀၂၅ခုနှစ်၊ အောက်တိုဘာလ ဒုတိယပတ်တွင် မိုးထောပတ်ပဲအစို နို့ဆီတစ်ဗူးလျှင် (၁၀၀၀)ကျပ်၊ တစ်ပြည်လျှင် (၇၅၀၀) ကျပ်ခန့်ပေါက်ဈေးများဖြင့်ရောင်းချလျက်ရှိကြောင်း၊ ယခင်စက်တင်ဘာလ ဒုတိယပတ်တွင် မိုးထောပတ်ပဲ ပေါ်ဦးပေါ်ဖျားနို့ဆီတစ်ဗူးလျှင် (၁၅၀၀) ကျပ်၊ တစ်ပြည်လျှင် (၁၁၅၀၀) ကျပ်ခန့်ပေါက်ဈေးများဖြင့် ရောင်းချခဲ့ကြောင်း၊ ကာလတူနှိုင်းယှဉ်ပါက ယခုလတွင် ယခင်လ ထက် မိုးထောပတ်ပဲ(အစို) နို့ဆီတစ်ဗူးလျှင် (၅၀၀)ကျပ်ခန့်၊ တစ်ပြည်လျှင် (၄၀၀၀) ကျပ်ခန့်ဈေးနှုန်း များကျဆင်းခဲ့ကြောင်း၊ ရာသီပေါ်ကာလဖြစ်ပြီး မိုးထောပတ်ပဲများပေါများစွာ ထွက်ပေါ်လာပြီ ဖြစ်သောကြောင့် ဈေးနှုန်းများကျဆင်း ခြင်းဖြစ်ကြောင်း၊ မိုးထောပတ်ပဲအစို များသည် ဟင်းလျာအဖြစ် စားသုံးမှုများပြီး အရာင်းအဝယ်ကောင်းကြောင်း၊ ရောင်းချမှုအနေဖြင့် နေ့စဉ်ကုန်ချိန် (၁၀-၁၅) ပြည်ခန့်ရောင်းကုန်ကြောင်း ကုန်စိမ်းရောင်းချသူ၏ ပြောပြချက်အရ သိရှိရသည်။

DOCA(မန္တလေး)

   မြင်းခြံမြို့နယ်ရှိ လက်လီလက်ကားရောင်းချသော အေးမြသီတာဈေးတွင် စားဖိုဆောင်အုပ်စုဝင်သီးနှံဖြစ်သော ထိုင်ဝမ်ခရမ်းရှည်သီးများကို ရှမ်းပြည်နယ်တောင်ပိုင်းအောင်ပန်းမြို့ရှိ ကုန်စိမ်းပွဲရုံများမှ မှာယူ၍ ဒေသတွင်း တင်သွင်းရောင်းချကြောင်း၊ ၂၀၂၅ ခုနှစ်၊ အောက်တိုဘာလဒုတိယပတ်တွင် ခရမ်းရှည်သီးတစ်ပိဿာလျှင် (၁၅၀၀) ကျပ်ခန့်ပေါက်ဈေးများ ဖြင့်ရောင်းချ လျက်ရှိကြောင်း၊ ယခင် စက်တင်ဘာလ ဒုတိယပတ်တွင် ပေါ်ဦးပေါ်ဖျားခရမ်းရှည်သီးတစ်ပိဿာလျှင် (၂၀၀၀) ကျပ်ခန့်ပေါက်ဈေးများဖြင့် ရောင်းချခဲ့ကြောင်း၊ ကာလ တူနှိုင်းယှဉ်ပါက ယခုလတွင် ယခင်လထက် ခရမ်းရှည်သီးတစ်ပိဿာလျှင်(၅၀၀)ကျပ်ခန့် ဈေးနှုန်းများကျဆင်းခဲ့ကြောင်း၊ ရှမ်း ပြည်နယ်တောင်ပိုင်းတွင် မိုးရွာသွန်းမှုများသောကြောင့် ဈေးနှုန်းများကျဆင်းခြင်းဖြစ်ကြောင်း၊ ထိုင်ဝမ်မျိုးဖြစ်သော ခရမ်းရှည်သီးသည် စားသုံးရာတွင် နူးညံ့ပြီးချိုမြသောကြောင့် ဝယ်ယူစား သုံးမှုများပြားကြောင်း၊ အိမ်ရှင်မများအတွက် ဈေးနှုန်းချိုသာကြောင့် ဈေးကွက်၌တွင်တွင် ကျယ်ကျယ် ရောင်းချရကြောင်း ကုန်စိမ်းရောင်းချသူ၏ ပြောပြချက်အရသိရှိရသည်။

DOCA(မန္တလေး)

   မြင်းခြံကုန်စည်ဒိုင်တွင် အရောင်းအဝယ်ဖြစ်လျက်ရှိသော ၂၀၂‌၅ခုနှစ်၊ အောက်တိုဘာလ ဒုတိယပတ်၌ လယ်ယာထွက်ကုန်ပဲမျိုးစုံ၊ ပြောင်းနှင့်ဆီထွက်သီးနှံဈေးနှုန်းများမှာ  ပဲစဉ်းငုံနီ တစ်တင်းလျှင် (၇၈၀၀၀) ကျပ်၊ မတ်ပဲတစ်တင်းလျှင် (၇၆၀၀၀-၅၇၀၀၀) ကျပ်၊ ပဲဇီးကွက် တစ်တင်းလျှင် (၉၀၀၀၀)ကျပ်၊ ထောပတ်ပဲဖြူအသေး တစ်တင်းလျှင် (၆၄၅၀၀) ကျပ်၊ ကုလားပဲV2 တစ်တင်းလျှင် (၈၁၅၀၀)ကျပ်၊ ကုလားပဲ 929 တစ်တင်းလျှင် (၈၀၇၀၀) ကျပ်၊ ကုလားပဲဝါ အထွက်တိုးတစ်တင်းလျှင် (၇၉၇၀၀) ကျပ်၊ ပဲပုပ်တစ်တင်းလျှင် (၁၂၁၀၀၀) ကျပ်၊ ပဲဘိစပ်တစ်တင်း လျှင် (၃၃၀၀၀) ကျပ်၊ စီပီပြောင်း တစ်တင်းလျှင် (၂၆၂၀၀)ကျပ်၊ နှမ်းညို တစ်တင်းလျှင် (၈၇၅၀၀)ကျပ်၊ မြေပဲ S1လုံးဆံတစ်တင်းလျှင် (၁၀၂၀၀၀) ကျပ် ပေါက်ဈေးများဖြင့် အရောင်းအဝယ်ဖြစ်လျက်ရှိကြောင်း၊  ယခင်တစ်ပတ်ထက် ယခုတစ်ပတ် တွင် ပဲစဉ်းငုံ၊ ပဲပုပ်နှင့် အစေ့ထုတ်ပြောင်းနှင့် နှမ်းညိုဈေးနှုန်းများမှာ တစ်တင်းလျှင် (၅၀၀-၁၀၀၀)ကျပ်ခန့် အနည်းငယ် မြင့်တက်ခဲ့ပြီး ထောပတ်ပဲ၊ ကုလားပဲV2၊ 929၊ အထွက်တိုးနှင့် ထောပတ်ပဲ အသေးဈေး နှုန်းများမှာတစ်တင်းလျှင် (၈၀၀-၂၀၀၀)ကျပ်ခန့်ဈေးနှုန်းကျဆင်းခဲ့ကြောင်း၊ မတ်ပဲ၊ ပဲဇီးကွက်နှင့် မြေပဲဆံဈေးမှာ ဈေးနှုန်းပြောင်းလဲမှုမရှိကြောင်း၊ နေ့စဉ်သီးနှံမျိုးစုံအ ရောင်းအဝယ် ဖြစ်မှုအနေဖြင့် (၁၀၀-၃၀၀) အိတ်ခန့်အရောင်းအဝယ် ဖြစ်လျက်ရှိကြောင်း၊ ပဲမျိုးစုံ ပြောင်းတင်ပို့မှု အနေဖြင့် ရန်ကုန်ဘုရင့်‌နောင်ပွဲရုံ၊ လှိုင်သာယာ၊ ရွှေပြည်သာမြို့များသို့ တင်ပို့ကြောင်း၊ နှမ်းတင်ပို့မှုအနေဖြင့် မကွေးမြို့သို့လည်း တင်ပို့ကြောင်း  သီးနှံအရောင်းအဝယ်လုပ်ကိုင် သူတစ်ဦး၏ပြောပြချက် အရသိရှိ ရသည်။

DOCA(မန္တလေး)

       မအူပင်ခရိုင်၊ ဈေးများအတွင်း မြစ်ချောင်း၊ အင်းအိုင်များမှ ငါးများထွက်ရှိနေသဖြင့် ထွက်ရှိလာသော ငါးများထဲမှ ငါးမွေထိုးငါး များထွက်ရှိလာပြီး ငါးမွေးထိုးကင် ရောင်းချသူများပြားလာကြောင်း တွေ့ရှိရသည်။ မအူပင်မြို့သည် ငါးမွေးမြူသူများ ရှိသဖြင့် ရေချိုငါးဖမ်းလုပ်သားများ အဆင်ပြေလျက်ရှိပြီး၊ ထွက်ရှိသော ငါးများကို ငါးခြောက်ပြုလုပ်ခြင်း၊ တန်ဖိုးမြင့်ပြုပြင်ပြောင်းလဲ၍ ထုတ်လုပ်‌ရောင်းချသူလည်း များပြားသည်။

          ငါးမွေထိုးကင် ရောင်းချသော ဈေးနှုန်းမှာ ၁ပိဿာလျှင် ၃၅၀၀၀-၄၀၀၀၀ကျပ်အထိ ၅၀ကျပ်သားလျှင် ၂၀၀၀၀- ၁၇၅၀၀ကျပ် ဖြင့် အရောင်းအဝယ်ဖြစ်လျက်ရှိသည်။ ပေါ်ဦးပေါ်ဖျားဖြစ်၍ ဈေးကောင်းချက်ရှိသည်ဟူ ရောင်းချသူမှ ပြောပြသည်။ ငါးမွေထိုးကို မီကင်၍ အခြောက်လှန်းကာ ဈေးအတွင်းရောင်းချပါက  ဈေးနှုန်းတစ်မျိုးရရှိပြီး၊ ငါးမွေထိုးကို နေလှန်း၍ အခြောက်ပြုလုပ်ကာ ရောင်းချခြင်းမျိုးလဲ ရှိသည်။ ငါးမွေထိုး အစိမ်း ၁ပိသာလျှင် ၂၀၀၀၀-၂၅၀၀၀ကျပ်ဖြင့် ငါးရောင်းချသူများ အရောင်းအဝယ်ဖြစ်လျက်ရှိကြောင်း ဈေူကွက်အတွင်းမှ သိရပါသည်။

DOCA(ဧရာဝတီ)

       မအူပင်ခရိုင်၊ မအူပင်မြို့နယ် မင်္ဂလာဈေးတွင် ငါးဖယ်ခြစ်ဈေး အနည်းငယ်ကျဆင်းလာကြောင်း ဈေးကွက်အတွင်းမှ သိရသည်။  ၂၀၂၅ခုနှစ် အောက်တိုဘာလတွင် မြစ်၊ ချောင်း၊ အင်း များမှ ငါးဖယ်ထွက်ရှိမှု များပြား လာပြီး ငါးဖယ်ခြစ်ရောင်းချမှု ဈေးကျဆင်းလာကြောင်း သိရသည်။

     ရောင်းချမှုအနေဖြင့် ငါးဖယ်ခြစ် ၁ပိဿာလျှင် ၃၀၀၀၀ကျပ်၊ ၅၀ကျပ်သားလျှင် ၁၅၀၀၀ကျပ် ဖြင့် ရောင်းချလျက်ရှိသည်။ ယခင် စက်တင်ဘာလ အထိ ငါးဖယ်ခြစ် ၁ပိဿာ ၄၀၀၀၀ကျပ် ၅၀ကျပ်သားလျှင် ၂၀၀၀၀ကျပ် ဖြင့်အရောင်းအဝယ်ဖြစ်လျက်ရှိခဲ့သည်။ ငါးဖယ်ခြစ်ကို ရဲယိုရွက်ဖြင့် ချက်စားခြင်း၊ ခရမ်းချဉ်သီးဖြင့် ချက်စားခြင်း၊ ငါးဖယ်ဆီပြန်ချက်စားခြင်းများကို အိမ်ရှင်မများ ဝယ်ယူအားပေးမှုများပြားသည်။ ငါးဖယ်ခြစ်ကို ရန်ကုန်သို့ ပိဿာချိန် ၅၀-၇၀ နီးပါး တင်ပိုရကြောင်း ၊ ရန်ကုန်ထမင်းဆိုင်များက မှာယူကြောင်း ရန်ကုန်တင်ပို့ ဈေးအနေဖြင့် ၁ပိဿာလျှင် ၂၅၀၀၀-၂၇၀၀၀ကျပ်ဖြင့် တင်ပို့ကြောင်း ငါးဖယ်ခြစ်ရောင်းချသူထံမှ သိရသည်။

DOCA(ဧရာဝတီ)