ပြည်တွင်းကုန်သွယ်မှုသတင်း

    စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ ၁၇-၁၀-၂၀၂၅ရက် နေ့တွင် ထုတ်ပြန်ထားသည့် စက်သုံးဆီတစ်လီတာ၏ သတ်မှတ်ရည်ညွှန်းဈေးများမှာ 92 Octance (၂၈၂၀)ကျပ်၊ 95 Octance(၂၉၀၅)ကျပ်၊ ရိုးရိုးဒီဇယ်(၂၅၇၅)ကျပ်၊ ပရီမီယမ်ဒီဇယ်(၃၁၁၅)ကျပ် ဖြစ် ကြောင်း  သိရှိရသည်။

   မြင်းခြံမြို့နယ်တွင် စက်သုံးဆီအရောင်းဆိုင်(၂၇)ဆိုင်မှ စက်သုံးဆီများကို နေ့စဉ်ပုံမှန်ဖွင့်လှစ် ရောင်းချလျက်ရှိရာ ၂၀၂၅ခုနှစ်၊ အောက်တိုဘာလ(၁၇)ရက်နေ့ စက်သုံးဆီတစ်လီတာ အရောင်းဈေးနှုန်းများအနေဖြင့် 92 Octance(၂၈၈၀)ကျပ်၊ 95 Octance(၂၉၆၅)ကျပ်၊ ရိုးရိုးဒီဇယ်(၂၆၃၅)ကျပ်၊ ပရီမီယမ်ဒီဇယ်(၃၁၇၅)ကျပ်ဖြင့် ရောင်းချလျက်ရှိကြောင်း သိရှိရသည်။ သတ်မှတ်ရည်ညွှန်းဈေး များသည် ယခင်အပတ်နှင့်နှိုင်းယှဉ်ပါက 92 Octance တစ်လီတာလျှင် (၂၀)ကျပ်၊ 95 Octance တစ်လီတာလျှင်(၁၀)ကျပ်၊ ရိုးရိုး ဒီဇယ်တစ်လီတာလျှင် (၄၀)ကျပ်၊ ပရီမီယမ်ဒီဇယ်တစ်လီတာလျှင်(၅၀) ကျပ်တို့ဖြင့် အသီးသီးဈေးနှုန်းများ ကျဆင်းခဲ့ကြောင်း သိရှိရသည်။    

DOCA(မန္တလေး)   

     မန္တလေးတိုင်းဒေသကြီး၊ ကျောက်ဆည်ခရိုင်တွင် စိုက်ပျိုးရေးနှင့်မွေးမြူရေးကိုအခြေခံသော ဒေသတစ်ခုဖြစ်သည့်အလျှောက် စပါး၊ ပဲ၊ ပြောင်း၊ ကြက်သွန်သီးနှံများအပြင် စီးပွားဖြစ်ဝင်ငွေတိုးသော CP ကြက်မွေးမြူခြင်းလုပ်ငန်းကိုလည်း လုပ်ကိုင်လျှက်ရှိပါသည်။ CP ကြက်မွေးမြူခြင်းဖြင့် ကျေးလက်နေဒေသပြည်သူများ ပုံမှန်ဝင်ငွေရရှိလျှက်ရှိကြောင်း၊ ယခုအချိန်တွင် ကြက်သားစျေးများ ကောင်းမွန်သောကြောင့် ကြက်မွေးမြူသူများ စီးပွားဖြစ်တွက်ခြေကိုက်လျက်ရှိကြောင်း၊ အများဆုံး မွေးမြူသော ကြက်မျိုး မှာအသားတိုးကြက်(CP)မျိုးများကို အများဆုံးမွေးမြူကြကြောင်း၊ မွေးမြူရာ တွင်စနစ်တကျ ဝါးခင်း၍  အမိုးအကာများဖြင့်သန့်ရှင်းသပ်ရပ်စွာ မွေးမြူကြကြောင်း၊ (CP)ကြက်မျိုး၊ ကြက်ပေါက်တစ်ကောင်လျှင် (၃၅၀၀)ကျပ်ဝန်းကျင်ခန့် ဝယ်ယူ၍မွေးရကြောင်း၊ (CP)ကြက်မျိုးများ သည် ပူလွန်းအေးလွန်းသည့် ရာသီဥတုကိုမခံနိုင်ပေ ကြက်ပေါက်များကို မွေးမြူစတွင် ရေခဲဆေး တိုက်ရကြောင်း၊ မွေးမြူပြီး ရက်ပေါင်း (၂၀)အထိ လွှစာမှုန့်များခံ၍ မွေးမြူပေးရကြောင်း၊ ကျန်းမာရေး ကောင်းမွန်စေရန်အတွက် ကြက်ပေါက်များကိုအားဆေးတစ်ကြိမ်မှ နှစ်ကြိမ်တိုက်ကျွေးပေးရကြောင်း၊ မွေးမြူပြီး (၁)လ၊ (၁)လခွဲအကြာတွင် ရောင်းတန်းဝင်ကြက်များဖြစ်လာကြောင်း ၊ သက်တမ်းတို၍ စီးပွားဖြစ်မြန်ကြောင်း၊ (CP)ကြက် အကောင်(၁၀၀)လျှင် အစာဖိုး(၁)ရက်လျှင်(၄၀၀၀၀/-) ကျပ်ခန့် ကုန်ကျကြောင်း၊ (CP)ကြက်စာ 50kg အိတ် တစ်အိတ်လျှင် (၁၂၀၀၀၀/-)ကျပ်ပေးရကြောင်း၊ မိမိခြံ တွင် အကောင်(၁၀၀) မွေးမြူထားကြောင်း၊ တစ်ကောင်လျှင် အချိန်(၁ပိဿာ ၅၀ကျပ်သား)မှ (နှစ်ပိဿာ) အကောင်အထိရှိကြောင်း၊ ကြက်ဝယ်ယူသူများအနေဖြင့် ကြက်ခြံအထိလာရောက် ဝယ်ယူကြကြောင်း ၊ ကြက်စျေးနှုန်းအနေဖြင့် အကောင်ဖောက်သည်ဈေး (၁)ပိဿာလျှင်(၁၆၀၀၀/-) ကျပ် စျေးဖြင့်ရောင်းချရကြောင်း၊ ကြက်မွေးမြူမှုအကျိုးအမြတ်အနေဖြင့် အစာဖိုး၊ ဆေးဖိုးနှင့် အခြား အသုံးစရိတ်များနှုတ်ပြီး (၁၂၅၀၀၀၀/-)ကျပ် မြတ်ကြောင်း၊ ယခုအချိန်ဈေးနှုန်းများ ကောင်းမွန် သောကြောင့် တစ်နိုင်တစ်ပိုင်မွေးမြူသူများအနေဖြင့် (၁)လ (၁)ခွဲအချိန်တွင် အကျိုးအမြတ် ဖြစ်ထွန်း ကြောင်း၊ အကျိုးအမြတ်အနေဖြင့် ခန့်မှန်း၍မရကြောင်း၊ ဈေးနှုန်းများကျဆင်းပြီး ကြက်နာများ ဝင်ရောက်ပါက ကြက်မွေးမြူသူများအရှုံးဖြင့်ရင်ဆိုင်ရကြောင်း ကြက်မွေးမြူသူတစ်ဦး၏ ပြောကြားချက်အရ သိရှိရပါသည်။

DOCA (မန္တလေး)

     မိတ္ထီလာ ဈေးကွက်အတွင်း ကြက်ဥ၊ ဘဲဥများကို မန္တလေးမြို့၊ တောင်ကြီး၊ ပုသိမ်ကြီး မြို့နယ်များမှ တင်သွင်းရောင်းချကြကြောင်း သိရပါသည်။ အောက်တိုဘာလ ဒုတိယပတ်တွင် ဖြစ်ပေါ်ခဲ့သော ကြက်ဥလက္ကား ဈေးနှုန်းမှာ ကြက်ဥ(၃၀လုံးပါ ၁၀ကဒ်) တစ်ဆွဲလျှင် ၁၂၆၀၀၀ - ၁၃၅၀၀၀ကျပ်၊ လက်လီဈေးနှုန်း အနေ ဖြင့် ကြက်ဥတစ်လုံးလျှင်  ၄၂၀ - ၄၅၀ကျပ်၊ ဘဲဥတစ်လုံးလျှင် ၅၅၀ - ၅၇၀ကျပ်၊ ငုံးဥ(၁၀) လုံးလျှင် ၁၁၀၀ တို့ဖြင့် ကျပ် အရောင်းအဝယ်ဖြစ်လျက်ရှိကြောင်း၊ ကြက်ဥ၊ ဘဲဥဈေးနှုန်းများမှာ အရွယ်အစားပေါ်မူတည်၍ ဈေးအနည်းငယ် ကွာခြားမှုရှိကြောင်း၊ ယခင်လနှင့် ယခုလ ကာလတူနှိုင်းယှဉ်လျှင် ကြက်ဥ ဈေးအနည်းငယ် ကျဆင်းလာကြောင်း ၊ ဈေးနှုန်းအနည်းငယ်ကျဆင်း လာရခြင်းမှာ ကြက်စာ ဈေးအနည်းငယ်ကျ ဆင်းခြင်းနှင့် ဥထွက်နှုန်း ကောင်းမွန်ခြင်းတို့ကြောင့် ဖြစ်သည်ဟု ကြက်ဥရောင်းဝယ်ရေး လုပ်ငန်းမှ သိရပါသည်။

DOCA(မန္တလေး)

   မိတ္ထီလာမြို့၊ မြို့မဈေးကြီးတွင် အောက်တိုဘာလ ဒုတိယပတ်၌ ခရမ်းချဉ်သီးဈေးမှာ ဈေး အ တက်/အကျ အနည်းငယ်ဖြင့် အရောင်းသွက်ကြောင်း သိရသည်။ ခရမ်းချဉ်သီးကို ယခုအခါဈေးကွက်၌ ဗမာသီး၊ ခေါင်းစိမ်းသီး၊ ထိုင်ဝမ်သီးဟူ၍ တွေ့ရပြီး၊ ဈေးနှုန်းအနေဖြင့် ထိုင်ဝမ်သီးနှင့်ခေါင်းစိမ်းသီးမှာ တစ်ပိဿာ (၂၅၀၀) ကျပ်၊ ဗမာသီးမှာ အလုံးအကြီး၊အသေးပေါ်မူတည်၍ တစ်ပိဿာ (၂၅၀၀မှ ၄၀၀၀) ကျပ်ဈေးရှိပါသည်။ ယခင်တစ်ပတ်နှင့် နှိုင်းယှဉ်ပါက ထိုင်ဝမ်သီးမှာ (၁၀၀၀) ကျပ်ခန့်၊ ဗမာသီးမှာ လည်း (၁၀၀၀) ကျပ်ခန့်ဈေးမြင့်လာပါသည်။ မိုးရွာသွန်းမှုကြောင့် ဗမာခရမ်းချဉ်သီးမှာ ကွဲအပ်လွယ် သဖြင့် အထွက်နှုန်းကျဆင်းကာ ဈေးကွက်သို့ အဝင်နည်းသဖြင့် ဈေးမြင့်လာခြင်းဖြစ်ပြီး၊ ယခုတစ်ပတ် ဈေးကွက်သို့ ခေါင်းစိမ်းသီးများ ဝင်ရောက်လာပါသည်။ ခရမ်းချဉ်သီးကို တစ်နှစ်ပတ်လုံး ရှမ်းပြည်နယ် မှ ထိုင်ဝမ်သီးများ ဝင်ရောက်ပြီး ယခုလိုဒေသထွက် မိုးခရမ်းချဉ်သီးပေါ်ချိန်တွင် မြို့နယ်အတွင်းခရမ်း ချဉ်စိုက်ပျိုးသော ကျေးရွာများမှာလည်း ဗမာခရမ်းချဉ်၊ ထိုင်ဝမ်သီး၊ ခေါင်းစိမ်းသီးများ ဝင်ရောက်မှုရှိ ကြောင်း သိရသည်။

DOCA(မန္တလေး)

   မိတ္ထီလာမြို့ရှိ မြို့မဈေးကြီးအတွင်း အောက်တိုဘာလ ဒုတိယပတ်၌ ကုန်စိမ်းသီးနှံများ အဝင် လှိုင်၊ အရောင်းသွက်ကြောင်းသိရသည်။ ကုန်စိမ်းသီးနှံများမှာ ရှမ်းပြည်နယ်မှ အများဆုံးဝင်ရောက်မှုရှိ ပြီး၊ ယခုနှစ် မိုးကောင်းသည့်အတွက် ဒေသထွက်ကုန်စိမ်းများလည်း ဝင်ရောက်မှုများကြောင်း သိရ သည်။ မြို့မဈေးကြီးအတွင်း ပဲတောင့်ရှည် ပဲစောင်းကားသီး (ပဲမြစ်သီး) တို့မှာ (၂၅) ကျပ်သားလျှင် (၁၅၀၀) ကျပ်၊ ရုံးပတီသီးမှာ (၂၅) ကျပ်သား (၁၀၀၀) ကျပ်၊ ဂေါ်ရခါးသီးမှာ (လေးလုံးမှ ခြောက်လုံးပါ) လျှင် (၁၀၀၀) ကျပ်၊ ခရမ်းသီးတစ်ပိဿာလျှင် (၃၀၀၀) ကျပ်၊ ဆူးပုတ်ကြီးတစ်စီးလျှင် (၇၀၀) ကျပ်တို့ ဖြင့် အရောင်းသွက်လျက်ရှိပါသည်။ ယခင်လနှင့် နှိုင်းယှဉ်ပါက ခရမ်းသီးမှာ စိုက်ခင်းများအတွင်း ရေ ဝင်ရောက်မှုကြောင့် အသီးထွက်နှုန်းကျဆင်းကာ ဈေးမြင့်လာပြီး၊ ကျန်ကုန်စိမ်းသီးနှံများ ဈေးနှုန်းမြင့် တက်မှုမရှိဘဲ ဈေးငြိမ်နေပါသည်။ မိတ္ထီလာမြို့ရှိ မြို့မဈေးကြီးအတွင်း ကုန်ခြောက်၊ ကုန်စိမ်း၊ လူသုံး ကုန်၊ စားသောက်ကုန်များမှာ ဒေသထွက်များအပြင် မြန်မာနိုင်ငံ အောက်ပိုင်းနှင့် ရှမ်းပြည်နယ်ကုန် စည်များ ဝင်ရောက်ကာ မြို့ပေါ်စားသုံးသူများအပြင်၊ မိတ္ထီလာမြို့နယ်အတွင်းရှိ ကျေးရွာများ၊ မလှိုင်၊ သာစည်၊ ဝမ်းတွင်းတို့မှ လာရောက်ဝယ်ယူကြရာ နေ့စဉ်စည်ကားလျက်ရှိကြောင်းသိရသည်။

DOCA(မန္တလေး)