ဧရာဝတီတိုင်းဒေသကြီး၊ မအူပင်မြို့နယ်တွင် ဒေသခံတောင်သူများက မြေအောက်ရေနှင့် မြစ်ရေကို အကျိုးရှိစွာ အသုံးချပြီး စားဖိုဆောင်သီးနှံများကို မိသားစုစားဝတ်နေရေးအတွက် အပိုဝင်ငွေရရှိအောင် တစ်ပိုင်တစ်နိုင် စိုက်ပျိုးလုပ်ငန်းကို လုပ်ကိုင်ကြသည်။ ဗုံလုံသီး (ခေါ်) ပဲလင်းမြွေသီး စိုက်ပျိုးရေးလုပ်ငန်းမှာ အောင်မြင်ဖြစ်ထွန်း၍ နေ့စဉ်အပိုဝင်ငွေရရှိပြီး စီးပွားဖြစ်ထွန်း၍ မအူပင်မြို့နယ်၊ အရှေ့ဘက်ကမ်း ကမ်းနား သဲသောင်မြေပေါ်တွင် စိုက်ပျိုးကြောင်း ဒေသခံတောင်သူများထံမှ သိရသည်။
စိုက်ပျိုးမှုအနေဖြင့် ဗုံလဲသီး မျိုးစေ့ တစ်စေ့ကို ၂၀၀ကျပ်ဖြင့် ၁ဧကတွင် အစေ့ ၅၀၀၀ စိုက်ပျိုးပြီး ၂၀၂၅ခုနှစ် စက်တင်ဘာလတွင် စတင်စိုက်ပျိုးခဲ့ပြီး ၂၀၂၆ခုနှစ် ဖေဖော်ဝါရီလတွင် အသီးမျိူး ပြတ်မည်ဖြစ်ကြောင်းသိရသည်။ စိုက်ပျိုးမှု ကုန်ကျစရိတ် ဝါး၊ မျိုး၊ လုပ်သား၊ သွင်းအားစု ကုန်ကျစရိတ် ၂ ၀၀၀ ၀၀၀ကျပ်ခန့် ကုန်ကျကြောင်း သိရသည်။ စိုက်ပျိုးရာ၌ စိုက်ဘောင်စနစ်ဖြင့် ကျင်းတူးကာ တစ်ကျင်းနှင့် တစ်ကျင်း ငါးပေခန့်ခွာ၍ မျိုးစေ့ချ စိုက်ပျိုးနိုင်သည်။ စိုက်ပျိုးပြီး (၁၀)ရက်ခန့်တွင် အပင်ပေါက်ပြီး စင်ပေါ်သို့ အပင် တက်ရန်အတွက် ဝါးခြမ်းများစိုက်၍ စင်ထိုးခြင်းကို ပြုလုပ်ပေးရန်လိုအပ်ပြီး ရေကိုနှစ်ရက်ခြား၊ သုံးရက်ခြားတစ်ကြိမ် ရေလောင်းပေးရန် လိုအပ်ပါသည်။ စိုက်ပျိုးပြီး တစ်လကျော်အကြာတွင် အသီးများ စတင်သီးကာ အသီးများကို ခဲဆွဲထားရန်လည်း လိုအပ်ပြီး ၁ဧကတွင် သီးနှံအတောင့်ရေ ရှစ်ထောင် ကျော် အထိ ဆွတ်ခူးရရှိနိုင်ကြောင်း သိရသည်။
ဈေးနှုန်းအနေဖြင့် စတင်ထွက်ရှိချိန်က ၁တောင့်ကို လက်ကားဈေး ၁၀၀/-၊ကျပ်ဈေးကောင်း ရရှိပြီး ယနေ့ဈေးနှုန်း တစ်တောင့်ကို လက်ကားဈေး ၅၀၀ ကျပ်ဖြင့်သာ ရောင်းချရကြောင်း သိရသည်။ ရန်ကုန်သို့ အဓိကထား တင်ပို့ရောင်းချပြီး စိုက်ပျိုးမှု အကျိုးအမြတ်အနေဖြင့် ၆လအတွင်း ၅သိန်းကျော် ၇သိန်း နီးပါး ရရှိကြောင်း စိုက်ပျိုးတောင်သူပြောကြားချက်အရသိရသည်။
DOCA(ဧရာဝတီ)