သတင်းနှင့် လှုပ်ရှားမှုများ

       ပဲခူးတိုင်းဒေသကြီး ၊ သာယာဝတီခရိုင် ၊  လက်ပံတန်းမြို့တွင် မြန်မာနိုင်ငံ ဆန်စပါးအသင်းချုပ်မှ ဦးဆောင်၍ (၂၆.၇.၂၀၂၃) ရက်နေ့ ၊ နံနက် (၀၉:၀၀)နာရီအချိန်တွင် လက်ပံတန်းမြို့နယ် ကျွန်းကလေးကျေးရွာ၊ ရန်ကုန်-ပြည်ကားလမ်းဘေးရှိ Royal Pine Hill ဟိုတယ်၌ ပဲခူးတိုင်းဒေသကြီးအနောက် ဆန်စပါးလုပ်ငန်းရှင်များ၊ ဆန်ကုန်သည်များ၊ Exporter များ၊ စိုက်ပျိုးထုတ်လုပ်သူတောင်သူများ၊ ဌာနဆိုင်ရာမှ တာဝန်ရှိသူများနှင့် တွေ့ဆုံ၍ ဆန်စပါးစိုက်ပျိုးထုတ်လုပ်တိုးတက်စေရေးအတွက် လုပ်ငန်းညှိနှိုင်း အစည်းအဝေးပွဲကို ကျင်းပပြုလုပ်ခဲ့ပါသည်။

       အစည်းအဝေးတွင် ပဲခူးတိုင်းဒေသကြီးအစိုးရအဖွဲ့ ၊  စီးပွားရေးရာဝန်ကြီး ဦးတင်ဦးတက်ရောက်၍ အဖွင့်အမှာစကား ပြောကြားပြီး ဆန်စပါးကဏ္ဍဖွံ့ဖြိုးတိုးတက်ရေးအတွက် ဆောင်ရွက်ပြုပြင်ရမည့် လုပ်ငန်းများကို ဆွေးနွေး၍ “နိုင်ငံ့စီးပွားမြှင့်တင်ဖို့ ဆန်စပါးနဲ့ကြိုးပမ်းစို့” ဆွေးနွေးပြောကြားခဲ့ကြောင်း၊ ဆက်လက်၍ မြန်မာနိုင်ငံဆန်စပါးအသင်းချုပ် ဦးရဲမင်းအောင်မှလည်းကောင်း၊ စားသုံးသူရေးရာဦးစီးဌာန ပဲခူးတိုင်းဒေသကြီးဦးစီးမှူး ဦးဇေယျာဆွေ မှလည်းကောင်း၊ ဆန်စပါးအသင်းချုပ်အတွင်းရေးမှူး ဦးလူမော်မြင့်မောင်မှလည်းကောင်း၊ စိုက်ပျိုးရေးဦးစီးဌာန ဒုတိယတိုင်း‌ဒေသကြီးဦးစီးမှူးမှလည်းကောင်း၊ ဆန်ကုန်သည်များအသင်းဥက္ကဌ ဦးကျော်ကိုဆန်းမှလည်းကောင်း၊ ဆန်စက်ပိုင်ရှင်များ၊ စိုက်ပျိုးထုတ်လုပ်သူ တောင်သူများမှလည်းကောင်း၊ မြန်မာ့ဆန်စပါးကဏ္ဍ ဖွံ့ဖြိုးတိုးတက်ရေးအတွက် အပြန်အလှန်ဆွေးနွေးကြပြီး လိုအပ်သည်များကို မြန်မာနိုင်ငံဆန်စပါးအသင်းချုပ်ဥက္ကဌ ဦးရဲမင်းအောင်မှ ပြန်လည် ရှင်းလင်းဖြေကြားမှု ပြုလုပ်ခဲ့ကာ အစည်းအဝေးကို နေ့လယ် (၁၃:၀၀)နာရီအချိန်တွင် ရုပ်သိမ်းခဲ့ကြောင်း သိရှိရပါသည်။

DOCA(ပဲခူး)

    စားသုံးသူရေးရာဦးစီးဌာန ၊ ပဲခူးတိုင်းဒေသကြီး ၊ သာယာဝတီခရိုင်၊  ကြို့ပင်ကောက်မြို့နယ်အတွင်းရှိ ဆန်စက်လုပ်ငန်းရှင်များနှင့်တွေ့ဆုံ၍ ခရိုင်ဦးစီးမှူးဦးသန်းစိုး၊ မြို့နယ်တာဝန်ခံ ဒေါ်ရီရီရှိန်၊ ဒု-ကြီးကြပ်ရေးမှူး ဒေါ်အေးအေးမော်နှင့် ဒု-ကြီးကြပ်ရေးမှူး ဦးကျော်မျိုးထွန်းတို့သည် (၂၈.၇.၂၀၂၃)ရက်နေ့ နံနက်(၁၀:၀၀)နာရီအချိန်တွင် ရန်ကုန်ပြည်လမ်းရှိ လမင်းစန္ဒာဆန်စက်လုပ်ငန်းရှင်နှင့်တွေ့ဆုံ၍ စားသုံးသူကာကွယ်ရေးဥပဒေ၊ အခန်း(၁၀)ပါ စီးပွားရေးလုပ်ငန်းရှင်၏ တာဝန်များနှင့် အခန်း(၁၁)ပါ ကုန်စည်နှင့် စပ်လျဉ်း၍ အာမခံချက်ပေးရန် အကြောင်းအရာများနှင့် ပြည်တွင်းကုန်သွယ်မှု ဖွံ့ဖြိုးတိုးတက်ရေးအတွက် စားသုံးသူရေးရာဦးစီးဌာနမှ ‌ဆောင်ရွက်ပေးနေမှု အခြေအနေများ ၊ ဈေးကွက်ချဲ့ထွင်နိုင်ရေးအတွက် ကူညီဆောင်ရွက်ပေးနေမှု အခြေအနေများနှင့် ဈေးနှုန်းဈေးကွက်အခြေအနေများအား လေ့လာ၍ ကွင်းဆင်းဆောင်ရွက်ခဲ့ကြောင်း သိရှိရပါသည်။

DOCA(ပဲခူး)

     စားသုံးသူရေးရာဦးစီးဌာန ၊ ပဲခူးတိုင်းဒေသကြီး ၊ သာယာဝတီခရိုင် ၊ မိုးညိုမြို့နယ်၌ ဓာတ်မြေသြဇာနှင့် ပိုးသတ်ဆေးရောင်းဝယ်ရေးဆိုင်များတွင် ကုန်အညွှန်းအမှတ်အသားများပြည့်စုံစွာ ဖော်ပြခြင်းရှိ/ မရှိ ကို ၂၀၂၃ခုနှစ်၊ ဇွန်လ ၂၈ ရက်နေ့၊ နံနက်(၉:၃၀)နာရီအချိန်တွင် မိုးညိုမြို့နယ်တာဝန်ခံနှင့် ဝန်ထမ်းတို့မှ ဓာတ်မြေသြဇာ ဆေးဆိုင်များသို့ ဈေးကွက်စောင့်ကြည့်စစ်ဆေးခဲ့ပါသည်။

  ပြည်သူများအနေဖြင့် ကုန်စည်များဝယ်ယူရာတွင် ဘေးအန္တရာယ်ကင်းရှင်းရေး၊ လုံခြုံစိတ်ချရမှုရှိစေရေးတို့အတွက် ရည်ရွယ်၍ စားသုံးသူကာကွယ်ရေး ဥပဒေအခန်း(၁၈)ပါ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ ပြည့်စုံစွာဖော်ပြရန်၊ ဥပဒေအခန်း(၁၀)ပါ စီးပွားရေးလုပ်ငန်းရှင်များ၏တာဝန်များနှင့် အခန်း(၁၁)ပါ ကုန်စည်နှင့် စပ်လျဉ်း၍ အာမခံချက်ပေးရန်အသိပညာပေးဆွေးနွေးခဲ့ကြောင်းနှင့် ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည် ။

DOCA(ပဲခူး)

     ပဲခူးခရိုင်၊ ဝေါမြို့နယ်အတွင်း စိုက်ပျိုးရေးဆေးနှင့်ဓာတ်မြေသြဇာ သွင်းအားစု အရောင်းဆိုင်များသို့ စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ခရိုင်မြို့နယ်ရုံးများမှ ဝန်ထမ်းများ မိတ်ဖက်ပူးပေါင်း အဖွဲ့ဖြစ်သော စိုက်ပျိုးရေးမှ ဝန်ထမ်းများ၊ မြန်မာနိုင်ငံရဲတပ်ဖွဲ့၊ အထွေထွေအုပ်ချုပ်ရေးဦးစီးဌာန၊ သက်ဆိုင်ရာရပ်ကွက်အုပ်ချုပ်ရေးမှူး တို့ပါဝင်သော ပူးပေါင်းအဖွဲ့ဖြင့် သက်ဆိုင်ရာဌာနများ၏ တရားဝင် စာရွက်စာတမ်းအထောက်အထားများနှင့် ကုန်အညွှန်းအမှတ်အသားများအား မြန်မာဘာသာဖြင့် ဖော်ပြထားခြင်းမရှိသော ဓာတ်မြေသြဇာများ ရောင်းချနေခြင်း ရှိ/မရှိကို ၃၁.၇.၂၀၂၃ ရက်နေ့တွင် ကွင်းဆင်း စိစစ်ဆောင်ရွက်ခဲ့ပြီး ယခင်ကလည်း ယခုလို ခရိုင်အတွင်းမြို့နယ်များတွင် ပူးပေါင်း ဆောင်ရွက်ခဲ့ကာ၊ အသိပညာပေး ဆောင်ရွက်ခြင်းနှင့် အကယ်၍ တရားဝင်စာရွက်စာတမ်းနှင့် ကုန်အညွှန်းမပြည့်စုံသော ကုန်ပစ္စည်းများ ရောင်းချပါက ဥပဒေအရ အရေးယူဆောင်ရွက်နိုင်ပါကြောင်း အသိပညာပေး ကွင်းဆင်း ဆောင်ရွက်ခဲ့ကြောင်း သိရှိရပါသည်။

DOCA(ပဲခူး)

    ရှမ်းပြည်နယ်(တောင်ပိုင်း) စားသုံးသူရေးရာဦးစီးဌာန၊ တောင်ကြီးပြည်နယ်ဦးစီးမှူး ရုံးမှဝန်ထမ်းများသည် အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးဌာန၊ မြို့နယ်ရဲတပ်ဖွဲ့များနှင့်အတူ ၂၀၂၃ခုနှစ်၊ ဩဂုတ်လ (၃)ရက်နေ့၊ နံနက်ပိုင်းအချိန်တွင် ရှမ်းပြည်နယ်၊ တောင်ကြီးမြို့ပေါ်တွင် ရောင်းချနေသော ကုန်စုံဆိုင်၊ စတိုးဆိုင်များသို့ စားသုံးသူများအား အန္တရာယ်ဖြစ်စေနိုင်မှုရှိ/မရှိကို ကွင်းဆင်းစစ်ဆေးခဲ့ပါသည်။ ပူးပေါင်းအဖွဲ့ဝင်များသည် ကုန်စုံဆိုင်များတွင်ရောင်းချနေသော အစားအသောက်နှင့် ကုန်စည်များ၌ ကုန်အညွှန်းအမှတ်အသားများ ဖော်ပြထားခြင်းရှိ/မရှိနှင့် သက်တမ်းလွန် ကုန်စည်များ/ ရောင်းချခြင်းရှိ/မရှိတို့ကို စစ်ဆေးကြည့်ရှုခဲ့ပါသည်။

   စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးဥပဒေတွင် ကုန်စည်များ၌ ကုန်အညွှန်းအမှတ်အသားများဖော်ပြရန် ပြဋ္ဌာန်းထားပါကြောင်း၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်ကို အရောင်းဆိုင်များသို့ ဖြန့်ဝေထားပြီးဖြစ်ပါကြောင်း၊ သို့ဖြစ်ပါ၍ အရောင်းဆိုင်များ အနေဖြင့် သတ်မှတ်ကုန်အညွှန်းအမှတ်အသား ပြည့်စုံစွာဖော်ပြထားခြင်းမရှိသော ကုန်စည်များကို ရောင်းချခြင်းမပြုကြရန် အသိပညာပေးပြောကြားခဲ့ကြောင်း သိရပါသည်။

DOCA(ရှမ်း)