သတင်းနှင့် လှုပ်ရှားမှုများ

ဈေးကွက်စောင့်ကြည့်စစ်ဆေးခြင်း

စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင်သည် ၁၇.၆.၂၀၂၄ ရက်နေ့တွင် မိုးညှင်းမြို့၊ မြို့မရပ်ကွက်အတွင်းရှိ Happy (ကုန်စုံဆိုင်)သို့ ကုန်အညွှန်း အမှတ်အသားဖော်ပြခြင်းနှင့် ပတ်သက်၍ စားသုံးသူကာကွယ်ရေးဥပဒေပါ ပြဌာန်းချက်များနှင့် ကိုက်ညီခြင်း ရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

ဈေးကွက်စောင့်ကြည့်စစ်ဆေးခဲ့ရာ မိုဂု မိုဂု အမှတ်တံဆိပ်ပါ စပျစ်သီးအရသာဖျော်ရည်သည် အသင့်သောက်အချိုရည်အမျိုးမျိုးတို့တွင် ကုန်စည်အမျိုးအစားအလိုက် သတ်မှတ်ချက်များနှင့်အညီ မြန်မာဘာသာဖြင့် ပြည့်စုံစွာဖော်ပြရမည့် ကုန်စည်၏ အမျိုးအမည်၊ အရွယ်အစား၊ အရေအတွက် အသားတင်ပမာဏ၊ ထားသိုသိမ်းဆည်းမှုအညွှန်းနှင့် ဓာတ်မတည့်ကြောင်းဖော်ပြချက်တို့ကို ကုန်အ ညွှန်းအမှတ်အသား ဖော်ပြထားရှိခြင်း ရှိ/မရှိ ဈေးကွက်စောင့်ကြည့်စစ်ဆေးခဲ့ရာ ကုန်အညွှန်း အမှတ်အသားပြည့်စုံစွာ ဖော်ပြထားရှိကြောင်း စစ်ဆေးတွေ့ရှိရပြီး ကုန်စုံဆိုင်လုပ်ငန်းရှင်အား ကုန်စည်အမျိုးမျိုး ရောင်းချဖြန့်ဖြူးရာတွင်လည်း ကုန်အညွှန်းအမှတ်အသား ပြည့်စုံမှန်ကန်မှုမရှိသော ကုန်စည်များကို ရောင်းချဖြန့်ဖြူးခြင်းမပြုရန် အသိပညာပေးဆွေးနွေးခဲ့ပြီး ကုန်အညွှန်းအမှတ် အသား ဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ကချင်)

အအေးခန်းလုပ်ငန်းရှင်နှင့်တွေ့ဆုံဆွေးနွေးခြင်း

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံး၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနခွဲတာဝန်ခံသည် (၁၇-၆-၂၀၂၄) ရက်နေ့တွင် မွန်ပြည်နယ်ဦးစီးမှူးရုံး၌ မော်လမြိုင်မြို့၊ ခရွမ်းရှမ်းရွာမှ “ကိုး”အအေးခန်းလုပ်ငန်းရှင်နှင့်တွေ့ဆုံဆွေးနွေးခဲ့သည်။

ထိုသို့တွေ့ဆုံဆွေးနွေးရာတွင် သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနခွဲတာဝန်ခံက စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများ၊ ပြည်တွင်းကုန်သွယ်မှုဖွံ့ဖြိုးတိုးတက်ရေးတို့ကိုဆောင်ရွက်လျက်ရှိရာ MSME လုပ်ငန်းများဖွံ့ဖြိုးတိုးတက်ရေးကိုလည်း ဆောင်ရွက်လျက်ရှိကြောင်း၊ “ကိုး” အအေးခန်းလုပ်ငန်း၏ အအေးခန်းတည်ဆောက်ထားရှိမှု အခြေအနေ၊ ဝန်ဆောင်မှုပေးခြင်းများ၊ အအေးခန်းတွင် လက်ရှိကုန်သိုလှောင်ထားရှိမှုများ၊ ကြုံတွေ့ရသောအခက်အခဲများနှင့်စပ်လျဉ်း၍ ဆွေးနွေးရာ အအေးခန်းလုပ်ငန်းရှင်က “ကိုး” အအေးခန်းကို (၂၀၁၆) ခုနှစ်တွင် စတင်တည်ဆောက်ခဲ့ပြီး ယခုအချိန်တွင် အအေးခန်း (၆) ခန်းတည်ဆောက်ပြီး လုပ်ငန်းဆောင်ရွက်လျက်ရှိကြောင်း၊ လက်ရှိတွင် အအေးခန်း၌ ငရုတ်သီးခြောက်၊ ငါးခြောက်နှင့် အေးခဲသောအသားများကိုသိုလှောင်ထားကြောင်း၊ ဝန်ဆောင်ခအနေဖြင့် တစ်နေ့လျှင် တစ်ပိဿာသိုလှောင်ခ (၄) ကျပ်နှုန်းဖြင့် ဝန်ဆောင်ခပေးလျက်ရှိကြောင်း၊ အလုပ်အကိုင်အခွင့်အလမ်းအနေဖြင့် လုပ်သား (၄) ဦးကို အလုပ်အကိုင်ပေးနိုင်ကြောင်း လုပ်ငန်းရှင်၏ ပြောပြချက်အရသိရှိရပါသည်။

DOCA(မွန်)

“ ကော့မှူးမြို့နယ်၌ စားအုန်းဆီ လက်လီ၊ လက်ကားအရောင်းဆိုင်များ စားအုန်းဆီရောင်းချနေမှုအခြေအနေ ကွင်းဆင်းစစ်ဆေးခြင်း ”

သတင်းနှင့် လှုပ်ရှားမှုများ

ရန်ကုန်တိုင်းဒေသကြီး၊ တွံတေးရိုင်၊ ကော့မှူးမြို့နယ်အတွင်းရှိ စည်ပင်သာယာမြို့မဈေးအတွင်း/ အပြင်နှင့်ရပ်ကွက်များတွင် လက်လီ၊ လက်ကားရောင်းချလျက်ရှိသော စားအုန်းဆီကိုယ်စားလှယ်ဆိုင်များ၊ ကုန်ခြောက်ဆိုင်များတွင် လက်လီဖြန့်ဖြူးရောင်းချနေသည့် စားအုန်းဆီဆိုင်များကို ညွှန်ကြားချက်နှင့်အညီ စားသုံးသူပြည်သူများ အလွယ်တကူဝယ်ယူရရှိနိုင်နိုင်ရေးနှင့် ဖြန့်ဖြူးရောင်းချခြင်း ရှိ/မရှိ ဇွန်လ (၁၅)ရက်နေ့၊ နံနက်(၉:၃၀)အချိန်တွင် တာဝန်ရှိသူများက ကွင်းဆင်းစစ်ဆေးခဲ့ကြောင်း သိရသည်။

ထိုသို့ ကွင်းဆင်းစစ်ဆေးရာတွင် ကော့မှူးမြို့နယ် အထွေထွေအုပ်ချုပ်ရေးဦးစီးဌာန ဒုတိယမြို့နယ်အုပ်ချုပ်ရေးမှူးနှင့်ဝန်ထမ်းများ၊ မြို့နယ်ရဲတပ်ဖွဲ့မှ ခေတ္တမြို့နယ်နှင့်တပ်ဖွဲ့ဝင်များ၊ မြို့နယ် စစ်ဖက်ရေးရာ လုံခြုံရေးတပ်ဖွဲ့မှတာဝန်ရှိသူများ၊ မြို့နယ်စည်ပင်သာယာရေးအဖွဲ့မှ အမှုဆောင်အရာရှိ နှင့်ဝန်ထမ်းများ၊ စားသုံးသူရေးရာဦးစီးဌာနမှမြို့နယ်တာဝန်ခံနှင့်ပူးပေါင်းအဖွဲ့သည် စည်ပင်သာယာမြို့မဈေးအတွင်း/အပြင်၌ စားအုန်းဆီလက်လီ၊ လက်ကားဖြန့်ဖြူးရောင်းချနေမှုအခြေအနေ၊ စည်ပင်လမ်း၊ ပြည်တော်သာရပ်ကွက်၊ စားအုန်းဆီ ကိုယ်စားလှယ်ဆိုင်နှင့် ဗိုလ်ချုပ်လမ်း၊ မြို့မရပ်ကွက်၊ ဘုရားလမ်းရပ်ကွက်၊ လက်ခိုက်ကျေးရွာ၊ ဆပုဂံကျေးရွာရှိ လက်လီ၊ လက်ကားစားအုန်းဆီကိုယ်စားလှယ် ဆိုင်များတွင် စားအုန်းဆီရောင်းချနေမှု အခြေအနေနှင့် ကော့မှူးမြို့နယ်အတွင်းရှိ စားသုံးသူပြည်သူများ ဈေးနှုန်းမှန်ကန်စွာဖြင့် စားအုန်းဆီများကို အခက်အခဲမရှိဝယ်ယူစားသုံးနိုင်ရေးအတွက် လက်လီ၊ လက်ကားရောင်းချသည့်ဆိုင်များအား သတ်မှတ်ခွဲတမ်းများ ခွဲဝေချထားပြီးဖြစ်၍ ရရှိသည့်ခွဲတမ်းအလိုက် အခြေခံလက်ကားရည်ညွှန်းဈေးအား မိမိတို့ဒေသအရောက် သယ်ယူစရိတ်ပါ (၂)ရာခိုင်နှုန်းအမြတ်ထက် မပိုသော ဈေးနှုန်းဖြင့် ဈေးကွက်အတွင်းအမှန်တကယ် ရောင်းချခြင်း ရှိ/မရှိနှင့် စားအုန်းဆီဈေးနှုန်း တည်ငြိမ်စေရေးလုပ်ငန်းအဖွဲ့အနေဖြင့်လည်း ကုမ္ပဏီအလိုက် ရောင်းချပေးသည့် လက်လီ၊ လက်ကားဆိုင်အမည်စာရင်းကို နေ့စဉ်ထုတ်ပြန်ပေးလျက်ရှိကြောင်း၊ စားအုန်းဆီ လက်ကားရည်ညွှန်းဈေးတို့ကိုလည်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းတို့ပူးပေါင်းပြီး စားအုန်းဆီတင်သွင်း သိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီက အပတ်စဉ် တနင်္လာနေ့တွင် ထုတ်ပြန်ကြေငြာပေး လျက်ရှိကြောင်း အသိပညာ ပေးကွင်းဆင်းစစ်ဆေးခဲ့ကြောင်း သိရသည်။

DOCA(ရန်ကုန်)

“ ခရမ်းမြို့နယ် အခြေခံပညာမူလတန်း ကျောင်း အမှတ်(၁)၌ စားသုံးသူကာကွယ်ရေး အသိပညာပေးဟောပြောပွဲ ကျင်းပခြင်း ”

သတင်းနှင့် လှုပ်ရှားမှုများ

ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်အတွင်းရှိ အမှတ်(၁) အခြေခံပညာမူလတန်း ကျောင်း၌ စားသုံးသူကာကွယ်ရေး အသိပညာပေး ဟောပြောပွဲကို ဇွန်လ(၁၄)ရက်နေ့၊ နံနက်(၁၀:၃၀) အချိန်တွင် ကျင်းပခဲ့ကြောင်း သိရသည်။

အဆိုပါ စားသုံးသူကာကွယ်ရေး အသိပညာပေးဟောပြောပွဲတွင် ခရမ်းမြို့နယ် စားသုံးသူရေးရာဦးစီးဌာန မြို့နယ်တာဝန်ခံ ဒေါ်ကျော့ကေခိုင်က စားသုံးသူပြည်သူများဘေးအန္တရာယ်ကင်းရှင်းစေရေးနှင့် ထုတ်ကုန်များ လုံခြုံစိတ်ချရမှုရှိစေရေးတို့အတွက် စားသုံးသူကာကွယ်ရေးဥပဒေပါ စားသုံးသူအခွင့်အရေးများဖြစ်သော စားသုံးသူ၏အခြေခံလိုအပ်ချက်များပြည့်စုံစေနိုင်မှု၊ လုံခြုံစိတ်ချစွာဖြင့် ဘေးအန္တရာယ် ကင်းရှင်းစေနိုင်မှု၊ သတင်းအချက်အလက်ပြည့်စုံစွာရရှိစေနိုင်မှု၊ လွတ်လပ်စွာရွေးချယ်စေနိုင်မှု၊ နစ်နာဆုံးရှုံး မှုများအတွက် ပြောဆိုတင်ပြကြားနိုင်စေမှု၊ ထိခိုက်နစ်နာမှုများအတွက် လျော်ကြေးပေးနိုင်စေမှု၊ စားသုံးသူ ရေးရာကိစ္စရပ် များနှင့်ပတ်သက်၍ သင်ယူလေ့လာနိုင်စေမှု၊ ကောင်းမွန်ရှင်သန်နိုင်သော ပတ်ဝန်းကျင်ကို ရရှိစေနိုင်မှုစသည့် စားသုံးသူအခွင့်အရေးဆိုင်ရာအချက်များ၊ စားသုံးသူတာဝန်များ၊ ကုန်ပစ္စည်းနှင့် ဝန်ဆောင်မှုများဝယ်ယူခြင်းမပြုမီ သတိပြုဆောင်ရွက်ရမည့်အချက်များ၊ စီးပွားရေးလုပ်ငန်းရှင်များ၏ တာဝန်များ၊ ကုန်စည်နှင့်စပ်လျဉ်၍ အာမခံချက် ပေးထားမှုအပေါ် စားသုံးသူကတောင်းဆိုနိုင်သည် အခွင့်အရေးများ၊ ကုန်အညွှန်းအမှတ်အသားများ ဖော်ပြခြင်းဆိုင်ရာအချက်များထဲမှ မည်သည့်စီးပွားရေး လုပ်ငန်းရှင်မဆို ပုဒ်မ(၄၁)၊ ပုဒ်မခွဲ(ခ)ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင် ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်းနှင့် ပုဒ်မခွဲ(က) ကျန်းမာရေးဆိုင်ရာဘေးထွက် ဆိုးကျိုး သို့မဟုတ် ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက်တို့အား ကုန်အညွှန်း အမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည်ဖြစ်ကြောင်း စားသုံးသူကာကွယ်ရေးအသိပညာပေး ဆွေးနွေးပြောကြားခဲ့ကြောင်း သိရသည်။

DOCA(ရန်ကုန်)

“ သုံးခွမြို့နယ်နှင့် ခရမ်းမြို့နယ်၌ စားအုန်းဆီ အရောင်းဆိုင်များတွင် စားအုန်းဆီလက်လီ၊ လက်ကားရောင်းချနေမှု အခြေအနေကွင်းဆင်းစစ်ဆေးခြင်း ”

သတင်းနှင့် လှုပ်ရှားမှုများ

ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်နှင့် ခရမ်းမြို့နယ်အတွင်းရှိ စည်ပင်သာယာမြို့မဈေး အတွင်း/ အပြင်တွင် စားအုန်းဆီရောင်းချပေးလျက်ရှိသော ကုန်ခြောက်ဆိုင်များသို့ စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ညွှန်ကြားချက်နှင့်အညီ စားသုံးသူပြည်သူများ သတ်မှတ်ဈေးနှုန်းဖြင့် အလွယ်တကူဝယ်ယူရရှိနိုင်ရန် ရည်ရွယ်၍ ဇွန်လ(၁၃)ရက်နေ့၊ နံနက်(၁၀:၃၀)အချိန်တွင် ကွင်းဆင်း စစ်ဆေးခဲ့ကြောင်း သိရသည်။

ထိုသို့ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းများ၊ စည်ပင်သာယာရေးအဖွဲ့မှ ဈေးတာဝန်ခံနှင့်ဝန်ထမ်းများသည် စည်ပင်သာယာမြို့မဈေးအတွင်း/အပြင်ရှိ ကုန်ခြောက်အရောင်းဆိုင်များတွင် ရောင်းချနေသောစားအုန်းဆီနှင့်ပတ်သက်၍ သုံးခွမြို့နယ်အတွင်းရှိ စားသုံးသူပြည်သူများဈေးနှုန်းမှန်ကန်စွာဖြင့် စားအုန်းဆီများကို အခက်အခဲမရှိဝယ်ယူစားသုံးနိုင်ရေး၊ ဈေးနှုန်းတည်ငြိမ်စေရေး၊ သတ်မှတ်ဈေးနှုန်းဈေးနှုန်းအတိုင်း ဈေးကွက်အတွင်း အမှန်တကယ် ရောင်းချနေခြင်း ရှိ/မရှိနှင့် ဝိသမလောဘဇောဖြင့် ဈေးနှုန်းမြှင့်တင်ရောင်းချနေခြင်း၊ ဈေးကစားရန် ရည်ရွယ်ချက်ဖြင့် တရားမဝင်သိုလှောင်ထားရှိခြင်းများ၊ မသမာသည့်နည်းလမ်းဖြင့် လုပ်ဆောင်မှုမပြုလုပ်ကြရန်နှင့် လက်ကားဖြန့်ဖြူးရောင်းချပေးလျက်ရှိသော ဆီအရောင်းကိုယ်စားလှယ်ကိုလည်း သတ်မှတ်ရည်ညွှန်း ဈေးအတိုင်း ဖြန့်ဖြူးရောင်းချပေးရန် အသိပညာပေးကွင်းဆင်းစစ်ဆေးခဲ့ကြောင်း သိရသည်။

DOCA(ရန်ကုန်)

ထားဝယ်မြို့သို့ မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်းမှ စနစ်သစ်ဖြင့်ရောင်းချမည့် စားအုန်းဆီများ ရောက်ရှိ

သတင်းနှင့် လှုပ်ရှားမှုများ

၂၀၂၄ ခုနှစ်၊ ဇွန်လ ၁၈ ရက်နေ့၊ နံနက် ၉း၀၀ နာရီအချိန်တွင် တနင်္သာရီတိုင်းဒေသကြီး၊ ထားဝယ်မြို့၊ အိမ်ရှေ့ပြင်ရပ်ကွက်၊ ရေးလမ်းရှိ ကောင်းဆက်ဟိန်းယာဉ်ရပ်နားစခန်းသို့ စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီနှင့် မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်း၏ စီစဉ်မှုဖြင့် ယာဉ်မောင်း ဦးချစ်ကို၊ ယာဉ်အမှတ် (4B/9723၊ Nissan Diesel) မော်တော်ယာဉ်ဖြင့် တင်ဆောင်လာသော Kaung Hlyan New Asia ကုမ္ပဏီမှ (စနစ်သစ်)ဖြင့် တင်ပို့‌‌‌ရောင်းချသည့် စားအုန်းဆီ (၁)ပေပါလျှင် (၁၁၀) ပိဿာပါ၊ စားအုန်းဆီ (၆၆) ပေပါသည် ရောက်ရှိလာခဲ့သဖြင့် တိုင်းဦးစီမှူး ဦးစိုးဦးနှင့်တာဝန်ရှိသူများက သွားရောက်စစ်ဆေးခဲ့ပါသည်။ အဆိုပါစားအုန်းဆီ (၆၆) ပေပါအား ကုမ္ပဏီ၏ လက်ကား အရောင်းကိုယ်စားလှယ်မှ တစ်ဆင့် ထားဝယ်မြို့ အိုးလုပ်ရပ်၊ နိဗ္ဗာန်လမ်းရှိ ဦးဘိုသစ်၏ ယမုံလှိုင်ကုန်စုံဆိုင်အပါအဝင် လက်လီဆိုင်(၁၄)ဆိုင်တို့မှ သတ်မှတ်ရည်ညွှန်းဈေးအတိုင်း ခွဲဝေ‌ရောင်းချပေးသွားမည်ဖြစ်ကြောင်း သိရှိရပါသည်။

DOCA(တနင်္သာရီ)

ဂန့်ဂေါမြို့နယ်၌ ထုတ်ကုန်များလုံခြုံစိတ်ချရမှုရှိစေရေး ဈေးကွက်စောင့်ကြည့်စစ်ဆေး

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုနှင့် ပခုက္ကူခရိုင်ဦးစီးမှူး၏ ကြီးကြပ်မှုတို့ဖြင့် ဂန့်ဂေါခရိုင်ဦးစီးမှူးရုံးမှ ဒေါ်ဇာဇာချိုဦးနှင့် ဝန်ထမ်းသည် စားသုံးသူများဘေးကင်းလုံခြုံမှုရှိစေရေးနှင့် ထုတ်ကုန်များလုံခြုံစိတ်ချရမှုရှိစေရေးရည်ရွယ်၍ (၁၇-၆-၂၀၂၄)ရက်နေ့၊ နံနက်(၀၈:၃၀)နာရီအချိန်တွင် ဂန့်ဂေါမြို့ မြို့မဈေးအတွင်းရှိ ကုန်မျိုးစုံရောင်းဝယ်ရေးဆိုင်များသို့ မြို့နယ်စည်ပင်သာယာရေးအဖွဲ့နှင့်ပူးပေါင်း၍ သွားရောက်ကာ ဈေးကွက်စောင့်ကြည့်စစ်ဆေးဆောင်ရွက်ခဲ့ပါသည်။

ထိုသို့ဈေးကွက်စောင့်ကြည့်စစ်ဆေးရာတွင် ဒုတိယဦးစီးမှူး ဒေါ်ဇာဇာချိုဦးက ကုန်မျိုးစုံရောင်းဝယ်ရေးလုပ်ငန်းရှင်အား စားသုံးသူကာကွယ်ရေးဥပဒေ ၂၀၁၉ အခန်း(၁၈)၊ ပုဒ်မ (၄၁)အရ ကုန်စည်များတွင် ကုန်အညွှန်းအမှတ်အသားပြည့်စုံစွာဖော်ပြခြင်းရှိ/မရှိနှင့် မြန်မာနိုင်ငံစားသုံးသူကာကွယ်ရေးကော်မရှင်မှထုတ်ပြန်ထားသည့် ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာဖော်ပြလာစေရေးနှင့် မြန်မာဘာသာဖြင့်ဖော်ပြရမည့် ကုန်ပစ္စည်းအမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆဲမှုအညွှန်း၊ သုံးစွဲပုံနည်းလမ်းနှင့် ကြိုတင်သတိပေးချက်တို့ကို မဖြစ်မနေထည့်သွင်းဖော်ပြရမည်ဖြစ်ပြီး ကုန်အညွှန်းအမှတ်အသားများပြည့်စုံစွာဖော်ပြရမည်ဖြစ်ကြောင်း ရှင်းလင်းဆွေးနွေးခဲ့ပြီး စားသုံးသူကာကွယ်ရေးဥပဒေ အခန်း(၁၀)ပါ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအကြောင်းတို့ကို ဆက်လက်ဆွေးနွေးပြီး ကုန်စုံဆိုင်တွင် သက်တမ်းလွန်အစားအသောက်များရောင်းချခြင်းနှင့် ကုန်အညွှန်းအမှတ်အသားပြည့်စုံစွာပါဝင်ခြင်းရှိ/မရှိကို ဈေးကွက်စောင့်ကြည့်စစ်ဆေးခဲ့ပြီး လုပ်ငန်းရှင်နှင့် ဝန်ထမ်းများအား စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(မကွေး)

“ နိုင်ငံ့စီးပွားမြှင့်တင်ရေး ရန်ပုံငွေမှ ထုတ်ချေးမှုအပေါ် အကျိုးသက်ရောက်မှု စောင့်ကြည့်အကဲဖြတ်နိုင်ရေး ကွင်းဆင်းဆောင်ရွက်ခြင်း ”

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်တွင် နိုင်ငံ့စီးပွားမြှင့်တင်ရေးရန်ပုံငွေမှ မတည်ထောက်ပံ့ငွေမှ ထုတ်ချေးမှု၊ ပြန်လည်ကောက်ခံရရှိမှု၊ အသုံးစရိတ် ကျခံသုံးစွဲမှုများကို (၆)လတစ်ကြိမ် နိုင်ငံတော်စီမံအုပ်ချုပ်ရေးကောင်စီသို့ တင်ပြရမည်ဖြစ်ကြောင်း အကြောင်းကြားခဲ့ရာနိုင်ငံ့စီးပွားမြှင့်တင်ရေးရန်ပုံငွေမှထုတ်ချေးမှုအပေါ်အကျိုးသက်ရောက်မှု စောင့်ကြည့် အကဲဖြတ်နိုင်ရေးအတွက် ရေကျော်ကျေးရွာရှိ ဦးအောင်မျိုးမင်း ငါးကန်သို့ ငါးမွေးမြူဖြစ်ထွန်းမှု အခြေအနေအား ဇွန်လ(၁၄)ရက်နေ့၊ နေ့လယ်(၁၅:၀၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရသည်။

ထိုသို့ကွင်းဆင်းစစ်ဆေးခဲ့ရာတွင် မြို့နယ်အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေး မှူး၊ ငါးလုပ်ငန်းဦးစီးဌာနမှမြို့နယ်ဦးစီးမှူး၊ ဆည်မြောင်းဦးစီးဌာနမှ မြို့နယ်ဦးစီးမှူး၊ စားသုံးသူရေးရာ ဦးစီးဌာန မှမြို့နယ်တာဝန်ခံ၊ မြန်မာနိုင်ငံရဲတပ်ဖွဲ့မှမြို့နယ်ရဲတပ်ဖွဲ့မှူး၊ စီမံကိန်းရေးဆွဲရေးဦးစီးဌာနမှ မြို့နယ်ဦးစီးမှူး၊ စိုက်ပျိုးရေးဦးစီးဌာနမှမြို့နယ်မန်နေဂျာ၊ မွေးမြူရေးနှင့်ကုသရေးဦးစီးဌာနမှ မြို့နယ် ဦးစီးမှူးနှင့် သမဝါယမဦးစီးဌာနမှ မြို့နယ်ဦးစီးမှူးတို့မှ နိုင်ငံ့စီးပွားမြှင့်တင်ရေးရန်ပုံငွေမှထုတ်ချေးပြီး ငါးမွေးမြူရေးလုပ်ငန်း လုပ်ဆောင်ရာတွင် အကျိုးသက်ရောက်မှုအခြေအနေအား မေးမြန်းရာတွင် ရေကျော်ကျေးရွာ အုပ်ချုပ်ရေးမှူး ဦးတင်ရှိန်မှ နိုင်ငံတော်မှ အတိုးနှုန်းသက်သာစွာဖြင့် ပြည်သူတို့၏အကျိုးကို ရှေ့ရှုပြီး ထုတ်ချေးပေးခဲ့ကြောင်း ၊ငါးမွေးမြူခြင်းလုပ်ငန်းတွင် အဓိကကျသော ငါးအစာများအား ကြိုတင်ဝယ်ယူ စုဆောင်နိုင်ခြင်းတို့သည် ငါးမွေးမြူရေးလုပ်ငန်းရှင်များအနေဖြင့် များစွာအကျိုးသက်ရောက်မှုရှိကြောင်း၊ ငါးမွေးမြူခြင်းကို တိုးချဲ့လုပ်ဆောင်နိုင်ခဲ့သဖြင့် ရွာသူ ၊ ရွာသားများအနေဖြင့် အလုပ်အကိုင် အခွင့်အလမ်းများ ပိုမိုရရှိပြီး အလုပ်လက်မဲ့ပြဿနာများအား ရရှိကြောင်း၊ ဖြေရှင်းဆောင်ရွက်နိုင်ခြင်း၊ ပြည်တွင်းပြည်ပသို့ငါးပိုမိုတင်ပို့နိုင်ခြင်းစသည့် ရရှိမည့်အကျိုးကျေးဇူးများ ဖြေကြားခဲ့ပါသည်။ သက်ဆိုင်ရာဌာနများမှ တာဝန်ရှိသူများကလည်း ယခုလိုနိုင်ငံ့စီးပွားရေးမြှင့်တင်ရေး ရန်ပုံငွေမှ ထုတ်ချေးပြီး ငါးမွေးမြူရေးလုပ်ငန်း ဆောင်ရွက်ရာတွင် များစွာအကျိုးသက်ရောက်မှုရှိသည်တို့ကို တွေ့ရသဖြင့် နောင်တွင်လည်း ယခုလိုလုပ်ငန်းများအား ပိုမိုထုတ်ချေးပေးနိုင်ရန် ဆောင်ရွက်သွားမည်ဖြစ်ပါကြောင်းနှင့် လက်ရှိငါးမွေးမြူရေးအောင်မြင် ဖြစ်ထွန်းမှုအခြေအနေများအား စောင့်ကြည့် အကဲဖြတ်နိုင်ရေးအတွက် ကွင်းဆင်းစစ်ဆေးခဲ့ကြောင်း သိရသည်။

DOCA(ရန်ကုန်)

ကော့သောင်းမြို့သို့ စားအုန်းဆီပေပါ ရောက်ရှိမှုအားသွား‌ရောက်စစ်ဆေးခြင်း

သတင်းနှင့် လှုပ်ရှားမှုများ

၂၀၂၄ ခုနှစ် ဇွန်လ ၁၅ ရက်နေ့တွင် ကော့သောင်းခရိုင် စားသုံးသူ‌ရေးရာဦးစီးဌာနမှ (၈.၆ .၂၀၂၄)ရက်နေ့တွင် ရန်ကုန်ဆီကန် Golden Good Pure Group Co.,ltd မှ တနင်္သာရီတိုင်းဒေသ ကြီး၊ ကော့သောင်းမြိုလက်ကားကိုယ်စားလှယ် ဦးနိုင်လင်းအမည်ဖြင့် မော်တော်ယာဉ်အမှတ် (1F/1267)ဖြင့် ဆီကန်မှ ထုတ်ယူပြီး ကော့သောင်းသို့ ယာဉ်အမှတ် (1F/2267)သို့ ပြောင်းတင်ကာ စားအုန်းဆီ (၂၀)ပေပါ သည် (၁၅.၆.၂၀၂၄) ရက်နေ့တွင် ကုန်ကားယာဉ်ရပ်နားကွင်းသို့ ရောက်ရှိလာမှုအား သွားရောက်စစ်ဆေးခဲ့ကြောင်း သိရှိရပါသည်။

DOCA(တနင်္သာရီ)

“ ကွမ်းခြံကုန်းမြို့နယ်အတွင်းရှိ အေးမေတ္တာဆေးဆိုင်အား ကွင်းဆင်းစစ်ဆေးခြင်း ”

သတင်းနှင့် လှုပ်ရှားမှုများ

ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်အတွင်းရှိ ဆေးနှင့်ဆေးပစ္စည်းများ ဖြန့်ဖြူးရောင်းချနေမှုအခြေအနေအား စည်ပင်သာယာ မြို့မဈေး အတွင်း/အပြင်နှင့် ရပ်ကွက်များတွင် လက်လီ၊ လက်ကားဝယ်ယူဖြန့်ဖြူးရောင်းချလျက်ရှိသော ဆေးနှင့်ဆေးပစ္စည်းအရောင်းဆိုင်များသို့ ဇွန်လ (၁၃)ရက်နေ့၊ နံနက်(၁၀:၃၀)အချိန်တွင် ဌာနဆိုင်ရာတာဝန်ရှိသူများပူးပေါင်း၍ အဖွဲ့စုံဖြင့် သွားရောက်ကွင်းဆင်းစစ်ဆေးခဲ့ကြောင်း သိရသည်။

ထိုသို့ကွင်းဆင်းစစ်ဆေးခဲ့ရာတွင် မြို့နယ်စည်ပင်သာယာရေးအဖွဲ့မှဈေးတာဝန်ခံနှင့်ဝန်ထမ်းများ၊ မြို့နယ်ကျန်းမာရေးဦးစီးဌာနမှတာဝန်ရှိသူများ၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် အမှတ်(၅)၊ ဗိုလ်ချုပ်လမ်း၊ ဈေးပိုင်ရပ်ကွက်ရှိ အေးမေတ္တာဆေးဆိုင် သွားရောက်ခဲ့ပြီး လုပ်ငန်းရှင် များနှင့်တွေ့ဆုံကာ လူသုံးများသော သွေးပေါင်ကျဆေး၊ နှလုံးအားဆေး၊ ဆီးချိုကျဆေးများ အပါအဝင် ဆေး(၇)မျိုးတို့ကို ဝယ်ယူသည့်နေရာ၊ ဝယ်ယူသည့်ဈေးနှုန်း၊ ရောင်းချသည့်ဈေးနှုန်း၊ အမြတ်ရာခိုင်နှုန်းနှင့် ပစ္စည်းပြတ်လပ်မှု ရှိ/မရှိ စစ်ဆေးမေးမြန်းရာတွင် ဆေးဆိုင်ပိုင်ရှင်မှ ဆေးဝါးများကို AA Medical၊ DKSH စသည့်ကုမ္ပဏီများမှ ဖြန့်ဖြူးရောင်းချသည့် ဈေးနှုန်းအပေါ် (၈-၁၀)ရာခိုင်နှုန်းအထိ အမြတ်တင် ဖြန့်ဖြူး ရောင်းချနေကြောင်း သိရသည်။

DOCA(ရန်ကုန်)

Languages

Main menu

သတင်းနှင့် လှုပ်ရှားမှုများ

ဈေးကွက်စောင့်ကြည့်စစ်ဆေးခြင်း

အအေးခန်းလုပ်ငန်းရှင်နှင့်တွေ့ဆုံဆွေးနွေးခြင်း

“ ခရမ်းမြို့နယ် အခြေခံပညာမူလတန်း ကျောင်း အမှတ်(၁)၌ စားသုံးသူကာကွယ်ရေး အသိပညာပေးဟောပြောပွဲ ကျင်းပခြင်း ”

ဂန့်ဂေါမြို့နယ်၌ ထုတ်ကုန်များလုံခြုံစိတ်ချရမှုရှိစေရေး ဈေးကွက်စောင့်ကြည့်စစ်ဆေး

ကော့သောင်းမြို့သို့ စားအုန်းဆီပေပါ ရောက်ရှိမှုအားသွား‌ရောက်စစ်ဆေးခြင်း

“ ကွမ်းခြံကုန်းမြို့နယ်အတွင်းရှိ အေးမေတ္တာဆေးဆိုင်အား ကွင်းဆင်းစစ်ဆေးခြင်း ”

Pages

You are here

သတင်းနှင့် လှုပ်ရှားမှုများ

Pages