သတင်းနှင့် လှုပ်ရှားမှုများ

  ဧရာဝတီတိုင်းဒေသကြီး၊ မအူပင်ခရိုင်ဦးစီးမှူးရုံးမှ ကြီးကြပ်လမ်းညွှန်မှုဖြင့် လစဉ် လုပ်ငန်းအမျိုးအစား အလိုက်  ဆီပေပါထုတ်ယူ ရရှိမှု များကို သတ်မှတ်ရက်အတွင်း ရောက်ရှိပြီး စနစ်တကျထုတ်ယူ ဆောင်ရွက်ခြင်း လုပ်ငန်းများကို ကြပ်မတ်ဆောင်ရွက်ကာ လုပ်ငန်း အခက်အခဲများ ကြန့်ကြာမှုမရှိစေရန် စားသုံးသူရေးရာဦးစီးဌာန၊ ဓနုဖြူမြို့နယ်ဦးစီးမှူးရုံးမှ ဝန်ထမ်းများသည် အဖွဲ့စုံဖြင့် ပူးပေါင်းစစ်ဆေးဆောင်ရွက်လျက်ရှိပါသည်။

  ဓနုဖြူမြို့နယ်အတွက် လစဉ် လုပ်ငန်းအမျိုးအစားအလိုက် ဆီခွဲတမ်းများ ရရှိလျက်ရှိပြီး လစဉ် သတ်မှတ်ရက်များအတွင်း ရောက်ရှိသော ဆီများကို ခွဲတမ်းရရှိသော လုပ်ငန်းများမှ စနစ်တကျငွေချေထုတ်ယူပြီး မြို့နယ်အတွင်း ဖြန့်ဖြူးရောင်းချခြင်း လုပ်ငန်းများကို မြေပြင်ကွင်းဆင်း စစ်ဆေးဆောင်ရွက်ခြင်းများ ပြုလုပ်လျက်ရှိ ပါသည်။

  ပန်းတနော်မြို့နယ်အနေဖြင့် အောက်တိုဘာလအတွက်လုပ်ငန်းသုံး ဆီပေပါ ရရှိမှုမှာ လူဦးရေ ၉၅ ဦးတွင် ဆီပိဿာ ၁၁၆၆၀ ပိဿာ ၁၉.၀၃ တန်  ပေပါ ၁၀၆ ကို Central Myanmar International Tradingကုမ္ပဏီ ၊  Myanmar Top Notch ကုမ္ပဏီ၊  Resources Group Trading ကုမ္ပဏီတို့မှ (၂)ကြိမ် ထုတ်ယူရရျိပြီး  သတ်မှတ်ရက်အတွင်း ဆီရောက်ရှိမှုအပေါ်  ငွေပေးချေ၍ စနစ်တကျထုတ်ယူခဲ့ပြီး ဖြန့်ဖြူးခွဲဝေမှုများကို အမှန်တကယ်နေရာများသို့ ထုတ်ပေးမှုများအား ကွင်းဆင်းစစ်ဆေးဆောင်ရွက်ခဲ့ပြီး  နိုဝင်ဘာလ ခွဲတမ်းရရျိမှုအပေါ် စာရင်းများစိစစ်ပြုစု၍ ခရိုင်ဦးစီးမှူးရုံးသို့ တင်ပြဆောင်ရွက်လျက်ရှိကြောင်း သိရပါသည်။

DOCA (ဧရာဝတီ)

          စားသုံးသူရေးရာဦးစီးဌာနအနေဖြင့် အွန်လိုင်းစနစ်ဖြင့် ရောင်းဝယ်သည့်လုပ်ငန်းများအား ကုန်သွယ်ရေးဦးစီးဌာနမှ ပေးပို့သည့်အချက်အလက်များအပေါ်အခြေခံ၍ Mobile Application အသုံး ပြုလျက် မြေပြင်စစ်ဆေးခြင်းလုပ်ငန်းများအား ပြည်ထောင်စုနယ်မြေ၊ တိုင်းဒေသကြီး/ပြည်နယ်များ တွင် ၂၀၂၅ ခုနှစ်၊ ဇန်နဝါရီလမှစ၍ စစ်ဆေးဆောင်ရွက်လျက်ရှိရာ မန္တလေးတိုင်းဒေသကြီး၊ တောင်သာ မြို့နယ်၊ အမှတ်(၂)ရပ်ကွက်ရှိ အွန်လိုင်းစနစ်ဖြင့် ရောင်းဝယ်သည့်လုပ်ငန်းဖြစ် သော ‘‘ဝိုင်းဝိုင်း’’ အလှကုန် လုပ်ငန်းအား စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူး ဦးဆောင်၍ ဝန်ထမ်းများသည် ၂၉.၁၀. ၂၀၂၅ ရက်နေ့၊ နေ့လည် ၁၄:၀၀ နာရီအချိန်တွင် မြေပြင်ကွင်းဆင်း စစ်ဆေးခြင်းအား ဆောင်ရွက်ခဲ့ ပါသည်။

          မြေပြင်ကွင်းဆင်းစစ်ဆေးရာတွင် မြေပြင်တွင်လုပ်ငန်းအမှန်တကယ်ရှိခြင်း၊ လုပ်ငန်းတည်နေရာ မှန်ကန်မှုရှိခြင်း၊ လျှောက်ထားသည့်ကုန်စည်များမှန်ကန်မှုရှိခြင်း၊ လိုအပ်သည့်အချက်အလက်များ ပြည့်စုံမှန်ကန်မှုရှိ၍ ကုန်သွယ်ရေးဦးစီးဌာနမှ ပေးပို့သောအချက်အလက်များနှင့် ကိုက်ညီကြောင်း ၊ Mobile Application အသုံးပြု၍ မြေပြင်စစ်ဆေးခြင်းလုပ်ငန်းအား ဆောင်ရွက်ခဲ့ကြောင်း သိရှိရသည်။

DOCA (မန္တလေး)

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင်၊  လပွတ္တာမြို့နယ် တာဝန်ခံဦးမြင့်ဌေးနှင့် ဝန်ထမ်းများသည်မြို့နယ်စည်ပင်သာယာရေးအဖွဲ့နှင့်ပူးပေါင်း၍  (၆.၁၁.၂၀၂၅)ရက်နေ့ နေ့လယ်(၁၁း၀၀)နာရီအချိန်တွင် လပွတ္တာမြို့၊ မြို့ပေါ်ရှိ ကုန်မျိုးစုံဆိုင်များသို့ ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ကြောင်း သိရသည်။

          ထိုသို့ကွင််းဆင်းဆောင်ရွက်ရာတွင် မြို့နယ်တာဝန်ခံဦးမြင့်ဌေးမှ လပွတ္တာမြို့၊ မြို့ပေါ်တွင် ဈေးကွက်အတွင်း ရောင်းချနေသော ဆိုင်(၃)ဆိုင်ရှိ စားသုံးဆီဗူးများတွင် ကုန်အညွှန်းအမှတ်အသား ပြည့်စုံမှုရှိ/ မရှိ စစ်ဆေးခဲ့ပြီး ဆိုင်ပိုင်ရှင်များအားစီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသောစားသုံးသူကာကွယ်ရေး ဥပဒေ ၂၀၁၉ ပါပြဌာန်းချက်များမှ စားသုံးသူ၏ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏ တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ ဥပဒေအခန်း(၁၈)ပါ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ(၄၁)ပုဒ်မခွဲ(ခ)နှင့် (ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့) တစ်ခုထက်ပို၍တွဲလျှက်ဖြစ်စေ ရေးသားဖော်ပြရမည်ဖြစ်ပြီး၊ စီးပွားရေး လုပ်ငန်းရှင်များအနေဖြင့် ကုန်စည်အမျိုးအစားအလိုက် သတ်မှတ်ထားသည့် ဥပဒေညွှန်ကြားချက်များနှင့်အညီ လိုက်နာဆောင်ရွက်ကြရန် ဈေးကွက်အတွင်းရောင်းချနေသော ကုန်စည်များတွင် ကုန်အညွှန်းအမှတ်အသား ပြည့်စုံစွာဖော်ပြထားမှုရှိ/မရှိအား ဌာနမှဈေးကွက်စောင့် ကြည့်စစ်ဆေးမှုအား စဉ်ဆက်မပြတ် ဆောင်ရွက်သွားမည်ဖြစ်ကြောင်း အသိပေးစစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

     ၁၀.၁၁.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံးမှ ဝန်ထမ်း များသည် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနတွင် ပို့ကုန်သွင်းကုန်လုပ်ငန်းရှင် မှတ်ပုံတင်အသစ် လျှောက်ထားလာသော မွန်ပြည်နယ်၊ မော်လမြိုင်မြို့နယ်ရှိ SP BLOOM LAB Co.,Ltd  သို့ ကွင်းဆင်းစစ်ဆေးခဲ့သည်။

   ထိုသို့ ကွင်းဆင်းစစ်ဆေးရာတွင် ပို့ကုန်သွင်းကုန် လုပ်ငန်းရှင်မှတ်ပုံတင်အသစ် လျှောက်ထားလာသည့် မြန်မာကုမ္ပဏီတစ်ခုဖြစ်သော SP BLOOM LAB Co.,Ltd  တည်ထောင်ထားမှုနှင့် ပတ်သက်၍ ကုမ္ပဏီရုံးခန်း လိပ်စာတွင် အမှန်တကယ် ဖွင့်လှစ်ထားခြင်း ရှိ/မရှိ၊ အမှန်တကယ် လုပ်ငန်းဆောင်ရွက်မှု ရှိ/မရှိ၊ ကုန်သွယ်ရေးဦးစီးဌာနမှ သတ်မှတ်ထားသည့် စံသတ်မှတ်ချက်များနှင့် ကိုက်ညီမှု ရှိ/မရှိ ကွင်းဆင်းစစ်ဆေးခဲ့ရာ ကိုက်ညီမှုရှိ ကြောင်း သိရှိရပါသည်။

DOCA (မွန်)

  မအူပင်ခရိုင်ဦးစီးမှူးရုံးမှ ဦးဇော်မင်း ခရိုင်ဦးစီးမှူးသည် မအးပင်ခရိုင်ရုံးအောက်ရှိ ပန်းတနော်မြို့နယ်တာဝန်ခံရုံးသို့ ရုံးလုပ်ငန်းများ တာဝန်ချဆောင်ရွက်ထားရှိပြီး ပန်းတနော်အနေဖြင့် ရုံးလုပ်ငန်း ဆောင်ရွက်ထားရှိမှု များကို လစဉ်ကွင်းဆင်းစစ်ဆေးဆောင်ရွက်လျက်ရှိပြီး ၁၀-၁၁-၂၀၂၅ ရက်နေ့တွင် ပန်းတနော်မြို့နယ်တာဝန်ခံရုံးသို့ ခရို်ငဦးစီးမှူးနှင့် အဖွဲ့သည် ဆန်စပါးသိုလှောင်ရုံ မှတ်တမ်းတင်ထားရှိမှုနှင့် သက်တမ်းတိုးဆောင်ရွက်ထားရှိမှုနှင့် ဆန်/စပါး လက်ကျန်အခြေအနေများ ကိုပါ စစ်ဆေးဆောင်ရွက်ခဲ့ကြောင်း သိရသည်။

   ပန်းတနော်မြို့နယ်အနေဖြင့် MyRo တွင် ဆန်စပါး မှတ်ပုံတင်ထားရှိမှု၊ သက်တမ်းတိုး ဆောင်ရွက်ထားရှိမှုနှင့် စပါး/ဆန် လက်ကျန်စာရင်းပြုစုထားရှိမှု အခြေအနေများကို လစဉ် မအူပင်ခရိုင်ဦးစီးမှူးရုံးသို့ တင်ပြနိုင်ရေးနှင့် မြို့နယ် ငယ်စာရင်း လုပ်ငန်းရျင်တစ်ဦးချင်းစာရင်းများကို ရက်အလိုက် လုပ်ငန်းရှင်များထံ ဆက်သွယ်ဆောင်ရွက်မေးမြန်းနိုင် ရန်နှင့် မြေပြင်ကွင်းဆင်းစစ်ဆေး ဆောင်ရွက်နိုင်ရန်ကို မှာကြားဆွေးနွေးခဲ့ပြီး ခရိုင်တာဝန်ရှိသူများမှ အခါအားလျော် စွာ စစ်ဆေးသည့်အခါ မြေပြင်ဖြစ်တည်မှုနှင့် ကိုက်ညီမှုရှိစေရေး အမှန်တင်ပြနိုင်ရေးကို မြို့နယ်တာဝန်ခံအား ခရိုင်ဦးစီးမှူးမှ ဆွေးနွေးဆောင်ရွက်ခဲ့ကြသည်။ အောက်တိုဘာ လများထဲတွင် မြေပြင်အမှန်တကယ်သိုလှောင်မှု အခြေအနေများကို အဖွဲ့စုံဖြင့် ကွင်းဆင်းစစ်ဆေးဆောင်ရွက်ခဲ့ပြီး စာရင်းများအရ အောက်တိုဘာလ ၃၁ရက် နောက်ဆုံးစာရင်းအရ စပါးအနေဖြင့် တောင်သူ ၄၉၅၅၀၀ တင်း၊ ဆန် ၂၉၅၀ အိတ်၊ ကုန်သည် စပါး ၂၂၀၀၀ တင်း၊ ဆန် ၂၅၀ အိတ်၊ ဆန်စက်ပိုင်ရှင်  ၁၈၀၀၀၀ တင်း၊ ဆန် ၅၂၀၀ အိတ်၊ ဆန်ဆိုင် ဆန်အိတ် ၃၆၀၀ အိတ်၊ စုစုပေါင်း စပါး ၆၉၇၅၀၀ တင်းနှင့် ဆန် ၁၂၀၀၀ ရှိကြောင်း သိရပြီး အောက်တိုဘာလကုန် နောက်ဆုံးစာရင်း မြေပြင်ကွင်းဆင်းမှု အရသိရပြီး မြေပြင်လုပ်ငန်းရှင်တစ်ဦးခြင်း စာရင်းများကို မြို့နယ်တာဝန်ခံရုံးတွင် စာရင်းပြုစု၍ လစဉ်ဖိုင်တွဲဆောင်ရွက်ထားရှိရန်ကို မှာကြားခဲ့ကြောင်း သိရသည်။

DOCA (ဧရာဝတီ)