သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး ညောင်တုန်းမြို့နယ်၊ မြို့နယ်ဦးစီးမှူး ဦးအောင်လွင် နှင့် ဝန်ထမ်းများသည် (၂၂.၉.၂၀၂၅) ရက်နေ့ နေ့လည် (၁၃၀၀) မှ (၁၃၄၅) နာရီအချိန်ထိ စားသုံးသူ ကာကွယ် ရေးအသိပညာပေး ဟောပြောပွဲကို ဌာနဆိုင်ရာ မိတ်ဖက် ဌာနများဖြစ်သော ကျန်းမာရေးဦးစီးဌာန၊ ပြန်ကြား ရေးနှင့် ပြည်သူ့ဆက်ဆံရေးဦးစီးဌာန တို့ပါဝင်ပြီး ညောင်တုန်းမြို့နယ် သခွတ်ချောင်းကျေးရွာ ခွန်အားဆန်စက်တွင် ကျင်းပပြုလုပ်ခဲ့ပါသည်။

         ဟောပြောပွဲတွင် ညောင်တုန်းမြို့နယ်ဦးစီးမှူးမှ စားသုံးသူရေးရာဦးစီးဌာန၏ စားသုံးသူကာကွယ် ပေးရေးဥပဒေများအကြောင်း၊ စားသုံးသူအခွင့်အရေးများအကြောင်း၊  ကုန်အညွှန်းအမှတ်အသားနှင့် စပ်လျဉ်းသည့် ကိစ္စရပ်များအကြောင်းဟောပြောခဲ့ပါသည်။

        ဆက်လက်၍ ကုန်စည်၊ ဝန်ဆောင်မှုနှင့် စပ်လျဉ်း၍ စားသုံးသူများနစ်နာမှု ရှိလာပါကအရေးဆို တိုင်ကြားနိုင်သည့် Call Center 1535 သို့ ဆက်သွယ် မေးမြန်း တိုင်ကြား နိုင်ပြီဖြစ်ကြောင်း၊ စားသုံးသူ များသာမက ကုန်စည်၊ ဝန်ဆောင်မှု ထုတ်လုပ်ဖြန်းဖြူးရောင်းချနေသော လုပ်ငန်းရှင်များပါ စားသုံးသူကာ ကွယ်ရေးကိစ္စရပ်များနှင့် ပတ်သက်၍  သိရှိလိုသည်များကို မည်သူမဆို Call Center 1535  မေးမြန်း နိုင်ပါ ကြောင်း၊ အသိပညာပေးဟောပြောခဲ့ပြီး တက်ရောက်လာသူများမှ စားသုံးသူကာကွယ်ပေးရေးနှင့် စပ်လျဉ်း၍ သိရှိလိုသည်များကို မေးမြန်းကြရာ မြို့နယ်ဦးစီးမှူးမှ အကျယ်တဝင့်ရှင်းလင်း ဖြေကြား ပြီး လက်ကမ်းစာ စောင် များဖြန့်ဝေခဲ့ကြောင်း နှင့် ဟောပြောပွဲသို့ ဆန်စက်လုပ်သား (၂၅) ဦး တက်ရောက်ခဲ့ကြောင်း သတင်းရ ရှိပါသည်။

DOCA(ဧရာဝတီ)

              စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ မအူပင်မြို့နယ်တာဝန်ခံ ဦးအောင်ဇော်ဦးနှင့် ဝန်ထမ်းများသည် မိတ်ဖက်ပူးပေါင်းအဖွဲ့ဖြစ်သော စည်ပင်သာယာရေးအဖွဲ့၊ ကျန်းမာရေးဦးစီးဌာန၊ စက်မှု ကြီးကြပ်ရေးနှင့် စစ်ဆေးရေးဦးစီးဌာန ပူးပေါင်း၍ (၂၂.၉.၂၀၂၅) ရက်နေ့ နေ့လည် (၁)နာရီ အချိန်တွင် မအူပင်မြို့နယ် ရွှေတောင်ပေါ်ကျေးရွာရှိ၊ ဆီစက်ပိုင်ရှင်များဖြစ်သော ဦးမြင့်ဦးနှင့် ဦးအေးလွင် တို့၏ ဆီစက် လုပ်ငန်းသို့ သွားရောက်၍ ကွင်းဆင်းလေ့လာဆောင်ရွက်ခဲ့ပါသည်။

            အဆိုပါ ကွင်းဆင်းလေ့လာဆောင်ရွက်မှုတွင် ဆီကြိတ်ခွဲမှု နေ့၊ ည လည်ပတ်နိုင်မှု အခြေအနေ၊ ဆီကုန်ကြမ်းများဖြစ်သော နေကြာနှင့် မြေပဲများရရှိနိုင်မှု၊ ဈေးကွက်၊ ဈေးနှုန်းတွက်ချေကိုက်မှုနှင့် ဆီဖြန့်ဝေ ရောင်းချနိုင်မှု အခြေအနေများ၊ စားသုံးသူကာကွယ်ပေးရေးဥပဒေပါ ထုတ်လုပ်သောကုန်စည်တွင် ကုန်အညွှန်း အမှတ်အသား ဖော်ပြထားရှိမှုအခြေအနေ၊ ထုတ်ကုန်လုံခြုံစိတ်ချရမှုရှိစေရေး အခြေအနေများကို စစ်ဆေး ဆွေးနွေးဆောင်ရွက်ခဲ့ပြီး စားသုံးသူကာကွယ်ပေးရေး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိ ပါသည်။

DOCA(ဧရာဝတီ)

               စားသုံးသူရေးရာဦးစီးဌာန၊ မအူပင်ခရိုင်၊ ဓနုဖြူမြို့နယ်တာဝန်ခံ ဦးဝင်းမင်းစိုးနှင့် ဝန်ထမ်း (၁) ဦးသည် ဓနုဖြူမြို့နယ်၊ အမှတ်(၉၄)၊ သီရိရတနာလမ်း၊ (၇)ရပ်ကွက်ရှိ မာဃပဲမုန့်လုပ်ငန်းသို့ (၂၂.၉.၂၀၂၅)နေ့ နံနက်  (၁၁:၀၀)နာရီ အချိန်တွင် ကွင်းဆင်းလေ့လာခဲ့ပါသည်။

            မာဃပဲမုန့်လုပ်ငန်းပိုင်ရှင် ဒေါ်ထိုက်ထိုက်ဝင်းက ဂျုံ၊ ပဲ၊ ထန်းလျက် နှင့် အခြားပါဝင်ပစ္စည်း များကို ဓာတုဆေးမပါဝင်ပဲ အချိုးကျ ကောင်းမွန်သောအရသာရရှိအောင် ဆောင်ရွက်၍ ရောင်းအား အနေဖြင့် တစ်နေ့လျှင် ဗူး(၃၀၀)ခန့်ရောင်းရပြီး တစ်ဗူးလျှင် (၄၀၀၀)ကျပ်ဖြင့် ရောင်းချပေးလျက် ရှိကြောင်း ဆွေးနွေး လေ့လာသိရှိခဲ့ရပါသည်။

            မြို့နယ်တာဝန်ခံ ဦးဝင်းမင်းစိုးက စားသုံးသူကာကွယ်ရေးဥပဒေပါ ကုန်အညွှန်းအမှတ် အသားများအကြောင်းနှင့် ထုတ်ကုန်လုံခြုံစိတ်ချရမှု ရှိစေရေးတို့ကို အသိပညာပေးဆောင်ရွက်ပြီး လုပ်ငန်းခွင်သန့်ရှင်းရေးနှင့် ဈေးကွက်ရရှိမှုတို့အပေါ် ရှင်းလင်းဆွေးနွှေးခဲ့ကြကြောင်း သတင်းရရှိပါသည်။

DOCA(ဧရာဝတီ)

      ၂၇.၉.၂၀၂၅ ရက်နေ့ နံနက် (၀၉း၀၀) နာရီအချိန်တွင် မော်လမြိုင်မြို့၊ ကုန်စည်ဒိုင်ခန်းမ၌ ကျင်းပပြုလုပ်သော မွန်ပြည်နယ် ရော်ဘာကုန်စည်ဒိုင်ဖြစ်မြောက်ရေး စကားဝိုင်းဆွေးနွေးပွဲ အခမ်းအနားသို့ မွန်ပြည်နယ်ဝန်ကြီးချုပ်နှင့် အစိုးရအဖွဲ့ဝင်ဝန်ကြီးများ၊ မွန်ပြည်နယ်စိုက်ပျိုးရေး ဦးစီးဌာန ပြည်နယ်ဦးစီးမှူး၊ စားသုံးသူရေးရာဦးစီးဌာန ပြည်နယ်ဦးစီးမှူး၊ ဌာနဆိုင်ရာ ဝန်ထမ်းများ၊ ရော်ဘာကုန်သည်နှင့် တောင်သူများ တက်ရောက်ခဲ့ကြောင်း သိရသည်။

          ဖွင့်ပွဲအခမ်းအနားတွင် ပြည်နယ်ဝန်ကြီးချုပ် ဦးအောင်ကြည်သိန်းက မွန်ပြည်နယ်အတွင်း ကုန်စည်ဒိုင်ဖြစ်မြောက်ခြင်းသည် ဒေသတွင်းရော်ဘာထုတ်ကုန်များကို တစ်နေရာတည်း၌ ရောင်းဝယ်နိုင်ပြီး စိုက်ပျိုးထုတ်လုပ်သူများ၊ လုပ်ငန်းရှင်များနှင့် ဈေးကွက်အဖွဲ့အစည်းများ အတွက် အကျိုးအမြတ်များစွာ ရရှိနိုင်မည်ဖြစ်ကြောင်း ပြောကြားခဲ့သည်။ ထို့နောက် ပြည်နယ် ဝန်ကြီးချုပ်က ရော်ဘာကုန်စည်ဒိုင်ဖြစ်မြောက်ရေး စကားဝိုင်းဆွေးနွေးပွဲတွင် ပါဝင်ဆောင်ရွက် သူများကို အမှတ်တရလက်ဆောင်ပစ္စည်းများ ပေးအပ်ခဲ့ကြောင်း သိရှိရပါသည်။

DOCA (မွန်)

         မအူပင်ခရိုင်၊ စားသုံးသူရေးရာဦးစီးဌာန၊ ပန်းတနော် မြို့နယ်တာဝန်ခံတို့သည် သက်ဆိုင်ရာ မိတ်ဖက်အဖွဲ့အစည်းများဖြစ်သော အထွေထွေအုပ်ချုပ်ရေးဦးစီးဌာန ကျန်းမားရေးဦးစီးဌာန၊ အစား  အသောက်နှင့် ဆေးဝါးကွပ်ကဲရေးဦးစီးဌာန၊ မြန်မာနိုင်ငံရဲတပ်ဖွဲ့၊ မီးသတ်တပ်ဖွဲ့၊ ပြန်ကြားရေးနှင့် ပြည်သူဆက်ဆံရေးဦးစီးဌာနတို့နှင့် အလျဉ်းသင့်သလို ပူးပေါင်း၍ စားသုံးသူများ ဒေသတွင်းအခြေခံစားသောက်ကုန်များနှင့် အသုံးအဆောင် ပစ္စည်းအမျိုးမျိုးတို့အား  သင့်တင့်မျှတသော ဈေးနှုန်းများဖြင့် ဝယ်ယူသုံးစွဲနိုင်ရေးကို အဓိကထား၍ ကုန်စုံဆိုင်များ၊ စားသောက်ကုန်ဆိုင်များ၊ လောင်စာဆီဆိုင်များ စားအုန်းဆီဆိုင်များနှင့် ဆေးဝါးဆိုင်များကို ၂၂-၉-၂၀၂၅ ရက်နေ့ နံနက် ၁၀နာရီအချိန်က ကွင်းဆင်းစစ်ဆေးကြပ်မတ် ဆောင်ရွက်ခဲ့ပါသည်။

            စစ်ဆေးဆောင်ရွက်ရာတွင် စားသုံးသူရေးရာဦးစီးဌာနမှ မြို့နယ် တာဝန်ခံ ဦးအောင်ကျော်သက်က စစ်ဆေးဆောင်ရွက်ရာတွင် မြို့နယ်တွင်း ပြည်သူများ အခြေခံစားသောက်ကုန်နှင့် အခြားသော အသုံးအဆောင်ပစ္စည်းအမျိုးမျိုးကို သင့်တင်မျှတသော ဈေးဖြင့် ဝယ်ယူနိုင်ရေး၊ ကုန်စည်အမျိုးမျိုးတွင် ကုန်အညါှန်အ၎ှတ်အသားဖော်ပြပါဝင်ခြင်းရှိမရှိ၊ စားသုံးသူရေးရာဦးစီးဌာန၏ ညွှန်ကြားချက်များတွင် ပါဝင်သော အချက်အလက်များ ကိုက်ညီသော ကုန်စည်များ ရောင်းချခြင်းရှိမရှိ၊ ဒေသတွင်း ကုန်ဈေးနှုး အခြေအနေများကို မေးမြန်းခြင်း၊ သက်ဆိုင်ရာ ဌာနဆို့’ ခွင့်ပြုချက်ထောက်ခံချက် ပါရှိမှု ရှိမရှိကို စစ်ဆေးခြင်းများ ဆောင်ရွက်ခဲ့ပြီး ရောင်းချသော ဆိုင်ရှင်များကို ဒေသတွင်းကုန်စည်များ ရောင်းချရာ၌ သင့်တင်မျှတသော ဈေးဖြင့် ရောင်းချရန်၊ သိုလှောင်ပြီး ဈေးကစားရန် ပြုလုပ်ခြင်းများ မရှိစေရေးကို ဆိုင်ရှင်များအား မှာကြားစစ်ဆေးခဲ့ကြောင်း သိရသည်။

DOCA(ဧရာဝတီ)