သတင်းနှင့် လှုပ်ရှားမှုများ

   ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ်တာဝန် ခံနှင့်ဝန်ထမ်းတို့သည် ၂၀၂၅ ခုနှစ်၊ အောက်တိုဘာလ(၂၅) ရက်နေ့၊ နေ့လည် (၁၃:၃၀) နာရီအချိန်တွင် တော်လှဝကျေးရွာရှိ “ဇမ္ဗူထွန်း” ဆန်စက်သို့ မြေပြင်ဆန်/စပါး လက်ကျန်အခြေအနေ ကွင်းဆင်းစာရင်းကောက်ယူခြင်း ဆောင်ရွက်ခဲ့ပါသည်။

   အဆိုပါ စာရင်းကောက်ယူရာတွင် “ဇမ္ဗူထွန်း” ဆန်စက်ရှိ မြေပြင်ဆန်/စပါး လက်ကျန် အခြေအနေနှင့် ပေါ်ဆန်း/ဧည့်မထ စပါး/ဆန် သိုလှောင်ထားရှိမှု အခြေအနေ၊ Myro တွင် စာရင်းတင်ထားခြင်းရှိ/မရှိ ကုန်ရ/ကုန်ထုတ် စာရင်းများ ဖြည့်သွင်းထားခြင်းရှိ/မရှိ မြေပြင်လက်ကျန် အခြေအနေမှန်တို့အား ကွင်းဆင်းစာရင်းကောက်ယူခြင်း ဆောင်ရွက်ခဲ့ကြောင်း သတင်းရရှိပါသည်။

DOCA(ဧရာဝတီ)

   ဖျာပုံခရိုင် ၊ ဒေးဒရဲမြို့နယ် ၊ စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်သည် ၂၀၂၅ ခုနှစ်၊ အောက်တိုဘာလ(၂၅)ရက်နေ့၊ နံနက်(၁၂:၀၀)နာရီအချိန်တွင် (၃) ရပ်ကွက်ရှိ “ဝန်းရံခ” ဆန်စက်သို့ ဆန်/စပါးလက်ကျန်စာရင်း ကွင်းဆင်းကောက်ယူစိစစ်ခြင်းများ ပြုလုပ်ခဲ့ကြ ပါသည်။

          အဆိုပါစာရင်းကောက်ယူရာတွင် ဒေးဒရဲမြို့နယ် (၃) ရပ်ကွက်ရှိ “ဝန်းရံခ” ဆန်စက်သို့ Myro တွင် စာရင်းတင်ထားရှိမှု အခြေအနေနှင့် မြေပြင်လက်ကျန် အခြေအနေ အမှန်တို့အား ကွင်းဆင်း၍ ကွက်ကောက်စာရင်းယူခြင်း ပြုလုပ်ခဲ့ကြောင်း သတင်း ရရှိပါသည်။

DOCA(ဧရာဝတီ)

ဖျာပုံခရိုင်စားသုံးသူရေးရာဦးစီးဌာနမှ ဒု-ခရိုင်ဦးစီးမှူးသည် ဒေးဒရဲမြို့နယ်စားသုံးသူရေးရာဦးစီးဌာန မြို့နယ်တာ၀န်ခံရုံး၌ ၂၀၂၅ခုနှစ်၊ အောက်တိုဘာလ၂၅ရက်နေ့၊နံနက်၁၀:၃၀နာရီအချိန်တွင် ဆီလုပ်ငန်း ရှင်၇ဦးအားစားသုံးသူကာကွယ်‌ရေးအသိပညာ‌ပေးဟောပြောခြင်းကိုဆောင်ရွက်ခဲ့ပါသည်။
       အဆိုပါဟောပြောရာတွင် မြို့ဒု-ခရိုင်ဦးစီးမှူးမှဒေးဒရဲမြို့နယ်အတွက် လုပ်ငန်းသုံးဆီခွဲဝေမှုအခြေ အနေနှင့်ဖြန့်ဖြူးရမည့် သတ်မှတ်ဈေးနှုန်းများ ရှင်းလင်းပြောကြားပြီး မိမိတို့ခွဲတမ်းရရှိမှုအပေါ်မှန်မှန် ကန်ကန်သုံးစွဲကြရန် အသင်းမှချမှတ်ထားသော စည်းကမ်းများအား တိတိကျကျမှန်မှန်ကန်ကန်သုံးစွဲ ကြရန်နှင့်အသင်းမှ ချမှတ်ထားသော စည်းကမ်းများကိုလိုက်နာကြရန် ဆီလုပ်ငန်းရှင်များအားပြော ကြားခဲ့ပြီးဆီစာအုပ်ခွဲဝေဖြန့်ဖြူးမှုအခြေ‌အနေများ၊စား သုံးသူပြည်သူများသက်သာစွာ ၀ယ်ယူနိုင်ရန် အဓိကထားဆောင်ရွက်ရန်လို‌ကြောင်း စားအုန်းဆီအရောင်းဆိုင်များအနေဖြင့် စားအုန်းဆီများအား သတ်မှတ်အချိန်ကာလအတွင်း သတ်မှတ်ပမာဏ၊ သတ်မှတ်ဈေးနှုန်းအတိုင်း အလေးချိန်ပြည့်မီစွာဖြင့် ပြည်သူလူထုလက်ဝယ်အရောက် ရောင်းချသွားရန်လိုအပ်ကြောင်း၊ မလိုလားအပ်သော နေရာများသို့ မရောင်းချမိစေရန်လိုအပ်ကြောင်းအသိပညာပေးဆွေးနွေးဟောပြောခဲ့ကြောင်းသတင်းရရှိပါသည်။ 

DOCA(ဧရာဝတီ) 

        စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်တာဝန်ခံရုံးသည် တိုင်း ဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် စားသုံးသူကာကွယ်ရေးလုပ်ငန်း များကို ဆောင်ရွက်လျက်ရှိရာ တာဝန်ခံဦးမျိုးဝင်းသန်းသည် ၂၀၂၅ ခုနှစ်၊ နိုဝင်ဘာလ ၆ ရက် နံနက် (၀၉:၃၀)နာရီအချိန်တွင် ကန့်ဘလူမြို့နယ် နတ်ပေးကျေးရွာ (အ.လ.က)ကျောင်းရှိ ဆရာ/မများနှင့် ကျောင်းသား/သူများကို စားသုံးသူကာကွယ်ရေး အသိပညာပေးဟောပြောပွဲ ဆောင်ရွက်ခဲ့ကြောင်း သိရှိရသည်။

           အဆိုပါဟောပြောပွဲတွင် တာဝန်ခံဦးမျိုးဝင်းသန်းက စားသုံးသူ၏အဓိပ္ပာယ်၊ စားသုံး၏အခွင့် အရေးနှင့်တာဝန်များအကြောင်း၊ ကုန်အညွှန်းအမှတ်အသားဖော်ပြခြင်းအကြောင်း၊ ကုန်စည်များကို ရွေးချယ်ဝယ်ယူရာတွင် သတိပြုရမည့်အချက်များ၊  စားသုံးသူနစ်နာဆုံးရှုံးမှုနှင့်စပ်လျဉ်း၍ တိုင်ကြား နိုင်သည့်နေရာနှင့် တိုင်ကြားရမည့်ပုံစံများအား အသိပညာပေးဟောပြောဆွေနွေးခြင်း၊ Online မှတဆင့် ကုန်စည်များဝယ်ယူရာတွင်လိမ်လည်မှုမခံရအောင်သိရှိရမည့်အချက်များကို ဟောပြော ဆွေးနွေးခဲ့ကြောင်း၊ မည်သူမဆို အွန်လိုင်းစနစ်ဖြင့် ရောင်းချခြင်းလုပ်ငန်းကို မှတ်ပုံတင်လက်မှတ် လျှောက်ထားရရှိပြီးမှသာ လုပ်ကိုင်ရမည်ဖြစ်ကြောင်း၊ မှတ်ပုံတင်လက်မှတ်ရရှိသူ၏ အခွင့်အရေးနှင့် တာဝန်များကို ဟောပြောဆွေးနွေး အသိပညာပေးခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိသည်။

  DOCA (စစ်ကိုင်း)                                                                                   

         ပဲခူးတိုင်းဒေသကြီး၊ သာယာဝတီခရိုင်၊အုတ်ဖိုမြို့နယ်ရှိ တောင်သူများသည် မိုးစပါးများရိတ် သိမ်းပြီးသည်နှင့် ပန်ဂေါ်ဖီ၊ငရုတ်၊ရုံပတီသီး၊ခရမ်းကဲ့သို့ အသီးအနှံများအား စိုက်ပျိုးလျက်ရှိရာ  အုတ်ဖိုမြို့နယ်စားသုံးသူရေးရာ မြို့နယ်တာဝန်ခံရုံးမှ သွားရောက်ကွင်းဆင်းတွေ့ဆုံခဲ့ပါသည်။

      လင်းလွန်းပင်ကျေးရွာရှိ ပန်းဂေါ်ဖီစိုက် တောင်သူ(၃)ဦး၊ဥတိုကျေးရွာနှင့် ခြောက်တင်းကွင်း ကျေးရွာရှိ တောင်သူနှစ်ဦးနှင့် တွေ့ဆုံဆွေးနွေးရာတွင် တောင်သူများ၏ ပြောကြားချက်အရ ယခုနှစ် သည်ရာသီဥတုအခြေအနေအရ မိုးများသဖြင့် ပျိုးပင်အချို့ပျက်စီးခြင်း၊မြေယာပြုပြင်စားရိတ်ပို၍ ကုန်ကျမှုမျိုးနှင့် ကြုံတွေ့ရသော်လည်း ဈေးကောင်းရသဖြင့် အကျိုးအမြတ်သင့်တင်ပါကြောင်း စိုက်ပျိုးစားရိတ်စုစုပေါင်းကုန်ကျမှုမှာ တဧကလျှင် လေးဆယ့်နှစ်သိန်းမှ လေးဆယ့်ရှစ်သိန်း အထိရှိပြီး အကျိုးအမြတ်အနေဖြင့် တဧကလျှင် ကျပ်သိန်း၉၀ကျော်ရရှိနိုင်ကြောင်း ရန်ကုန်နှင့် မြို့တွင်းဈေးကွက်သို့အဓိက ရောင်းချပါကြောင်း သိရှိရပါသည်။

DOCA(ပဲခူး)