သတင်းနှင့် လှုပ်ရှားမှုများ

  ဧရာ၀တီတိုင်းဒေသကြီး၊ဖျာပုံခရိုင်၊ဒေးဒရဲမြို့နယ်အတွင်းရှိကျေးရွာများသို့ စားအုန်းဆီထုတ်ယူခွင့်စာအုပ်များအား ကျေးရွာအုပ်ချုပ်ရေးမှူးများထံ စနစ်တကျထုတ်ပေးခြင်းအားယနေ့နံနက်ပိုင်းက ဒေးဒရဲမြို့နယ်စားသုံးသူရေးရာဦးစီးဌာနရုံး၌ဆောင်ရွက်ခဲ့ပါသည်။
       ဒေးဒရဲမြို့နယ်စားသုံးသူရေးရာဦးစီးဌာနအနေဖြင့်အထက်ဌာနများ၏လမ်းညွှန်ချက်များနှင့်အညီ စားအုန်းဆီများ ပြည်သူများလက်၀ယ်မှန်ကန်စွာ ရရှိစေရေးကြပ်မတ်ဆောင်ရွက်ပေးလျက်ရှိရာမြို့ပေါ် ရပ်ကွက်များအား ဆီထုတ်ယူခွင့်စာအုပ်များ ထုတ်ပေးပြီးဆီများကို လက်လီအရောင်းဆိုင်များမှစနစ် တကျရောင်းချပေးလျက်ရှိပါသည်။
    ကျေးရွာနေပြည်သူများအားစားအုန်းဆီထုတ်ယူခွင့်စာအုပ်ဖြင့်စားအုန်းဆီများအသုံးပြုနိုင်စေရန် အုန်းပင်ကျေးရွာအုပ်ချုပ်ရေးမှူးထံ ဆီစာအုပ်များစနစ်တကျပေးအပ်ခဲ့ပြီး ကျန်ကျေးရွာများသို့လည်း ဆီစာအုပ်များစနစ်တကျ ထုတ်ပေးနိုင်ရေးဆောင်ရွက်ပေးလျက်ရှိပြီး စားအုန်းဆီထုတ်ယူခွင့်စာအုပ်  များအား‌ အုန်းပင်ကျေးရွာရှိ အိမ်ထောင်စု(၁၅၇၄)အား ဆီစာအုပ်(၁၅၇၄ )အုပ်ကျေးရွာ
ပြည်သူများသို့ စနစ်တကျပြန်လည်ထုတ်ပေးရန်နှင့် ဆီရောင်းချရာ၌ သတ်မှက်ချက်များနှင့်အညီ ရောင်းချနိုင်ရေးစားသုံးသူရေး ရာဦးစီးဌာန ဒေးဒရဲမြို့နယ်တာ၀န်ခံမှကျေးရွာအုပ်‌ချုပ်ရေးမှူးအား အသိပညာ ပေးပြောကြားခဲ့ကြောင်းသတင်းရရှိပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံး၊ တိုက်ကြီးမြို့နယ်ခွဲတာဝန်ခံ ဦးရှင်းခန့်ကိုကိုသည် (၆.၁၁.၂၀၂၅) ရက်နေ့ နေ့လယ် (၁၄:၁၅) နာရီအချိန်တွင် တိုက်ကြီးမြို့မဈေးရှိ ရုံ (၂၁)၊ အခန်း(၅၅)ရှိ ဒေါ်သင်းသင်းခိုင် စားအုန်းဆီအရောင်းဆိုင်သို့ ကွင်းဆင်းစစ်ဆေးခဲ့ကြောင်း သိရသည်။

          ထိုသို့စစ်ဆေးခဲ့ရာတွင် မြို့မဈေးစည်ပင်ဝန်ထမ်းများမှ ပူးပေါင်းပါဝင်လျက် ဒေါ်သင်းသင်းခိုင်ဆိုင်သို့ ရောက်ရှိခဲ့ရာ ဆီဝယ်ယူခွင့်စာအုပ်များဖြင့် စနစ်တကျအလှည့်ကျ အပိုင်းလိုက် နေ့စဉ်ဖြန့်ဖြူး ရောင်းချပေးပါကြောင်း၊ လက်ကားကိုယ်စားလှယ်များက သတ်မှတ်ပေးသောဈေးနှုန်းအတိုင်း ရောင်းချပေးပြီး အလေးချိန်ကိုလည်း ပြည့်ဝစွာချိန်တွယ်ပေးပါကြောင်း မိမိတို့ဌာနမှလည်း ဈေးနှုန်းမြှင့်တင်ရောင်းချခြင်းများ သိုလှောင်ထားခြင်းများရှိခဲ့လျှင် အရေးကြီးကုန်စည်နှင့်ဝန်ဆောင်မှုဥပဒေပါ ပြစ်မှုပြစ်ဒဏ်များအရ အရေးယူဆောင်ရွက်သွားမည်ဖြစ်ကြောင်း သိရှိရပါသည်။

DOCA (ရန်ကုန်)

          (၆.၁၁.၂၀၂၅)ရက်နေ့ နေ့လယ်(၀၂:၀၀) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံး၊ မှော်ဘီမြို့နယ်ခွဲရုံးမှ ဒေါ်ဖြူဖြူမြင့်၊ ဒုကြီးကြပ်ရေးမှူးသည် မှော်ဘီမြို့နယ်၊ မြို့မဈေးရှိ ဒေါ်မြမြစိုး စားအုန်းဆီအရောင်းဆိုင်နှင့် ဒေါ်နွယ်နွယ်အောင် စားအုန်းဆီအရောင်းဆိုင်တို့သို့ ကွင်းဆင်းစစ်ဆေးခဲ့ပါသည်။

         ထိုသို့စစ်ဆေးခဲ့ရာတွင် လက်လီကိုယ်စားလှယ်ဒေါ်မြမြစိုးအား ရရှိသောခွဲတမ်းအား ရပ်ကွက်နေပြည်သူများသို့ အလှည့်ကျစနစ်တကျ ရောင်းချပေးစေလိုကြောင်း၊ သတ်မှတ်ရည်ညွှန်းဈေးအတိုင်း ရောင်းချခြင်းရှိ/ မရှိ၊ အလေးချိန်ပြည့်/ မပြည့်၊ ခွဲတမ်းရစားအုန်းဆီများအား ပြည့်ဝစွာရောင်းချပေးခြင်းရှိ/ မရှိနှင့် စားသုံးသူပြည်သူများ ပွင့်လင်းမြင်သာမှုရှိစေရေးအတွက် ရောင်းချရက်စွဲ၊ ပိဿာ၊ ဈေးနှုန်းနှင့်ရောင်းချသူအမည်ကို ဖော်ပြထားသော ဗီနိုင်းချိတ်ဆွဲရောင်းချခြင်းရှိ/ မရှိတို့ကို ကွင်းဆင်းစစ်ဆေးခဲ့ကြောင်း သိရှိရပါသည်။

DOCA (ရန်ကုန်)

         ၂၀၂၅ ခုနှစ်၊ နိုဝင်ဘာလ ၁ ရက်နေ့၊ နေ့လယ်  (၁၃:၀၀)နာရီအချိန်တွင် စားသုံးသူရေးရာဦးစီး ဌာန၊ ညွှန်ကြားရေးမှူးချုပ်ဦးဆောင်သော စက်မှုလုပ်ငန်းသုံးစားအုန်းဆီဖြန့်ဖြူးခြင်းဆိုင်ရာ မူဝါဒ လမ်းညွှန်ချက်နှင့်စပ်လျဉ်း၍ ရှင်းလင်းဆွေးနွေးပွဲအား တနင်္သာရီတိုင်းဒေသကြီးဦးစီးမှူးမှ Virtual စနစ်ဖြင့် တက်‌ရောက်ခဲ့ပါသည်။

    အစည်းအဝေးတွင် စားသုံးသူရေးရာဦးစီးဌာန၊ ညွှန်ကြားရေးမှူးချုပ်မှ အဖွင့်အမှာစကားပြောကြားခြင်း၊ မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်း တာဝန်ရှိသူများမှ ရှင်းလင်းဆွေး နွေးခြင်း၊ တက်ရောက်ကြသော တိုင်းဒေသကြီး/ပြည်နယ်ဦးစီးမှူးရုံးမှ ဆွေးနွေးခြင်းနှင့် ညွှန်ကြား‌ရေးမှူးချုပ်မှ နိဂုံးချုပ်အမှာစကားပြောကြားခြင်းများ ဆောင်ရွက်ခဲ့ပြီး အစည်းအဝေးအား ပြီးမြောက်ကြောင်း သိရှိရပါသည်။

DOCA(တနင်္သာရီ)