သတင်းနှင့် လှုပ်ရှားမှုများ

    ပုသိမ်ခရိုင်၊ ပုသိမ်မြို့၊ စားသုံးသူရေးရာဦးစီးဌာနမှ ခရိုင်ဦစီးမှူးနှင့် ဝန်ထမ်းများသည် (၂၁.၇.၂၀၂၅) ရက်နေ့၊ နံနက် (၁၀:၀၀) အချိန်တွင် ပုသိမ်မြို့အတွင်းရှိ ဆန်အရောင်းဆိုင်များသို့  ဈေးကွက်စောင့်ကြည့်စစ်ဆေးခဲ့ပါသည်။

    ထိုသို့ ဈေးကွက်စောင့်ကြည့်စစ်ဆေးရာတွင် ဆန်များ ဈေးနှုန်းကြီးမြင့်မှုမရှိစေရေး၊ သတ်မှတ် ရည်ညွှန်းဈေးအတိုင်းရောင်းချမှု ရှိ/မရှိ၊ ဈေးကွက်စောင့်ကြည့်စစ်ဆေးခဲ့ပြီး ပြည်သူများဈေးနှုန်း သက်သာစွာဖြင့် စားသုံးနိုင်ရေးနှင့်အတူ ပြည့်ပြည့်ဝဝဝယ်ယူစားသောက်နိုင်ရေး ရည်ရွယ်ချက်ဖြင့်  ဆန်ဆိုင်များအား အပတ်စဉ်ဈေးကွက်စောင့်ကြည့်စစ်ဆေးခြင်းလုပ်ငန်းများကို အခြားမိတ်ဖက်ဌာန များနှင့် ပူးပေါင်း၍ ဈေးကွက်စောင့်ကြည့်စစ်ဆေးခြင်းများ ဆောင်ရွက်ကြောင်း သိရှိရပါသည်။

DOCA(ဧရာဝတီ)

    ရေကြည်မြို့နယ်၊ စားသုံးသူရေးရာဦးစီးဌာနမှ မြို့နယ်ဦးစီးမှူးသည် (၂၂.၇.၂၀၂၅) ရက်နေ့၊ နေ့လယ် (၁၃း၀၀) အချိန်တွင် ပြည်တွင်းကုန်သွယ်မှုလုပ်ငန်းများ ဖွံ့ဖြိုးတိုးတက်စေရန် ရေကြည်မြို့၊ ဆရာစံရပ်ကွက်ရှိ ကြိမ်၊ ဝါး လက်မှုအချောထည်လုပ်ငန်းရှင် ဦးသန်းဇော်နှင့် တွေ့ဆုံဆွေးနွေး ခဲ့ပါသည်။

     ထိုသို့ ဆွေးနွေးရာတွင် ကုန်ကြမ်းရရှိမှု၊ ကုန်ချောထုတ်လုပ်တင်ပို့ရောင်းချမှု၊ ဈေးနှုန်းဈေးကွက် အခြေအနေများအား တွေ့ဆုံဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံသည် ဇူလိုင်လ(၁၈)ရက်နေ့တွင် ကျိုက်လတ်မြို့ “၉၉၉” မုန့်ဟင်းခါးဖို လုပ်ငန်းသို့ ထုတ်ကုန်လုံခြုံစိတ်ချမှု ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သိရသည်။

           အဆိုပါစစ်ဆေးခြင်းတွင် “၉၉၉” မုန့်ဟင်းခါးဖိုလုပ်ငန်းမှာ တစ်နေ့တာထုတ်လုပ်နိုင်မှု အရေအတွက်နှင့် ထုတ်လုပ်နေမှုအနေအထားများ စစ်ဆေးခြင်း၊ ထွက်ရှိလာသော မုန့်ပိဿာချိန်မှာ တစ်နေ့လျှင် (၅၀၀၀)ပိဿာခန့် ထုတ်လုပ်လျက်ရှိကြောင်း၊ အချိန်အတွယ် မှန်ကန်မှု ရှိစေရန် စစ်ဆေးခြင်း၊ ရောင်းချသည့် မုန့်တစ်ပိဿာလျှင် လက်လီ/လက်ကားဈေး (၂၀၀၀မှ၁၈၀၀) ကျပ်နှုန်းထားဖြင့် ရောင်းချလျက်ရှိကြောင်း ကုန်စည်နှင့် ပတ်သက်၍ ကုန်စည်အား အရည်အသွေး ပြည့်မီစွာ ထုတ်လုပ်နိုင်ရေး၊ ဈေးကွက်ဈေးနှုန်း အခြေအနေများ ပြည့်မီမှန်ကန်စွာ ထုတ်လုပ်နိုင်ရေး၊ ထုတ်ကုန်လုံခြုံစိတ်ချမှုရှိစေရေးနှင့် စားသုံးသူများ ဘေးအန္တရာယ်ကင်းရှင်းစေရေး ဓာတုဆေးဝါးများ သုံးစွဲခြင်းမပြုစေရေးတို့ ဆွေးနွေး အသိပညာပေး ဆောင်ရွက်ခဲ့ကြောင်း သတင်းရရှိပါသည်။

DOCA(ဧရာဝတီ)

      ဧရာဝတီတိုင်းဒေသကြီး ပန်းတနော်မြို့၌ ဆေးဆိုင်များအား လိုင်စင်ရှိ/မရှိ စစ်ဆေးခြင်းနှင့် သက်တမ်းလွန်ဆေးဝါးများ ရောင်းချနေမှု ရှိ/မရှိ စစ်ဆေးခြင်း၊  သတ်မှတ်စည်းကမ်းချက်နှင့်အညီ ရောင်းချမှု ရှိ/မရှိ ကွင်းဆင်းစစ်ဆေးဆောင်ရွက်ခြင်းကို (၂၃-၇-၂၀၂၅) ရက်နေ့နံနက်(၁၀)နာရီက ဆေးဝါး ရောင်းချသည့် ဆေးဆိုင်(၇)ဆိုင်အား  ကွင်းဆင်းစစ်ဆေးဆောင်ရွက်ခဲ့ကြောင်း သိရသည်။   

     ဆေးဝါးရောင်းချနေသည့် ဆေးဆိုင်များအား စစ်ဆေးဆောင်ရွက်ရာတွင် ဆေးဆိုင်များ လိုင်စင် ရှိ/မရှိ စစ်ဆေးဆောင်ရွက်ခြင်း၊ ဆေးဝါးရောင်ချသည့် လိုင်စင်ကို ဆိုင်အပြင်ဘက်တွင် ချိတ်ဆွဲ ထားရှိမှု ရှိ/မရှိ၊ သက်တမ်းလွန် ဆေးဝါးများ ရောင်းချမှု ရှိ/မရှိ၊ ရောင်းချ​သော ဆေးဝါးများတွင်အ ညွှန်းများတပ်ဆင်မှု ရှိ/မရှိ၊ ဆေးပါကင်ဗူးများတွင် ကုန်အညွှန်းအမှတ်အသား ဖော်ပြခြင်း ရှိ-မရှိ၊   စစ်ဆေးခြင်း၊  ဆောင်ရွက်ခဲ့သည်။

     အဆိုပါ ဆေးဝါးရောင်းချသည့် ဈေးဆိုင်များအား စစ်ဆေးဆောင်ရွက်ရာတွင် မြို့နယ် အစားအသောက်နှင့် ဆေးဝါး ကွပ်ကဲရေးဦးစီးဌာနနှင့် ဝန်ထမ်းများ၊ မြို့နယ် ကျန်းမာရေး ဝန်ထမ်းများ၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စားသုံးသူရေးရာဦးစီးဌာနမှ ဒေါ်သင်းသင်းမာ၊ မြို့နယ်စည်ပင်သာယာရေးအဖွဲ့၊ မြို့နယ်ရဲတပ်ဖွဲ့ဝင်များနှင့် မြို့နယ် မီးသတ်တပ်ဖွဲ့တို့မှ ကွင်းဆင်းဆောင်ရွက်ခဲ့ကြောင်း သိရသည်။

DOCA(ဧရာဝတီ)

          ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့ ပြန်/ဆက်ရုံး၌၂၀၂၅ ခုနှစ်၊ ဇူလိုင်လ (၁၈)ရက်နေ့တွင် စာဖတ်ပြည်သူ(၁၂)ဦးအား online sale အကြောင်းနှင့်ပတ်သက်၍ စားသုံးသူကာကွယ်ရေး အသိပညာ ဆောင်ရွက်ခဲ့ကြောင်း သိရသည်။

            အဆိုပါ ဟောပြောပွဲတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်သည် စားသုံးသူရေးရာဦးစီးဌာနသည် စားသုံးသူ၏ အခွင့်အရေးနှင့် အကျိုးစီးပွားကို အကာအကွယ် ဆောင်ရွက်လျက်ရှိကြောင်း ပြောကြားခြင်း၊  စားသုံးကုန်စည်များတွင် ကုန်အညွှန်းအမှတ်အသားများပါရှိသည့် ကုန်စည်များကိုသာ ရွေးချယ်စားသုံးသင့်ကြောင်း၊ online မှ အရောင်းအဝယ် ဆောင်ရွက်ရာတွင် online မှတ်ပုံတင်ဆောင်ရွက်ထားရမည်ဖြစ်ကြောင်းနှင့် မှတ်ပုံတင်ရန်လိုအပ်သည့် အချက်များအားပြောခြင်း၊ စားသုံးသူများအနေဖြင့် နစ်နာဆုံးရှုံးများရှိပါက လူကိုယ်တိုင် သော်လည်းကောင်း၊ ဆက်သွယ်ရေးနည်းလမ်းမှသော်လည်းကောင်း ဆက်သွယ်တိုင်ကြားနိုင်ကြောင်းနှင့်  call center 1535  မှလည်း ခေါ်ဆိုတိုင်ကြားသည်ကို ပြောကြားခဲ့ကြောင်း  သတင်းရရှိပါသည်။

DOCA(ဧရာဝတီ)