လစဉ် ရ/ထုတ်/ကျန် စာရင်းများရေးသွင်းရေး လုပ်ငန်းရှင်မှ မြင်းခြံခရိုင်ဦးစီးမှူးရုံးသို့ လာရောက်ဆောင်ရွက်
My ROတွင် မှတ်ပုံတင်သက်တမ်း တစ်နှစ်ပြည့်မြောက်ပြီးသော သိုလှောင်ရုံများ သက်တမ်း ပြန်လည်တိုးနိုင်ရေးနှင့် www.myro.com.mm တွင် လစဉ်လဆန်း(၁)ရက်နေ့မှ(၇)ရက်နေ့အတွင်း သိုလှောင်ရုံလုပ်ငန်းရှင်များအနေဖြင့် မိမိတို့သိုလှောင်ရုံများ၏ ကုန်ရ/ ကုန်ထုတ်/ ကုန်လက်ကျန် အခြေ အနေများကို စာရင်းမှန်ကန်စွာ ထည့်သွင်းပေးနိုင်ရေးနှင့် သတ်မှတ်ပမာဏများအား သိုလှောင်ထားရှိသော ဆန်စပါးလုပ်ငန်းများ မှတ်ပုံတင်နိုင်ရေးတို့အား မြင်းခြံခရိုင်ဦးစီးမှူးရုံးအနေဖြင့် ကြပ်မတ်ဆောင်ရွက်လျက်ရှိရာ (၇.၁၁.၂၀၂၅)ရက်နေ့၊ နံနက် (၁၀:၃၀) နာရီအချိန်တွင် မြင်းခြံမြို့၊ အမှတ်(၈) ရပ်ကွက်ရှိ‘‘ဦးဝင်းမောင်’’ဆန်ရောင်းဝယ်ရေးဆိုင်မှ ခရိုင်ဦးစီးမှူးရုံးသို့လာရောက်ဆောင်ရွက်ရာ လစဉ် လဆန်း(၁) ရက်နေ့မှ(၇)ရက်နေ့အတွင်း သိုလှောင်ရုံများ၏ ကုန်ရ/ ကုန်ထုတ်/ကုန်လက်ကျန်များအား ထည့်သွင်းခြင်းလုပ်ငန်းများအား လက်တွေ့ပြသသင်ကြားပေးခြင်းလုပ်ငန်းများကို ဒု-ခရိုင်ဦးစီးမှူး ဦးတင်ဇော်ထွေး(ဦးစီးအရာရှိ)က ရှင်းလင်းသင်ကြားပြသ၍ စာရင်းရေးသွင်းခြင်းများကို ဆောင်ရွက်ပေးခဲ့ပြီး ရေးသွင်းသည့်ကုန်စည် စာရင်းများနှင့်မြေပြင်စာရင်းများမှန်ကန်စွာ ရှိစေရေးတို့ကိုလည်း မြေပြင်ကွင်းဆင်း၍ ကြီးကြပ်စစ်ဆေးမှုများဆောင်ရွက်လျက်ရှိပါကြောင်းနှင့် လုပ်ငန်းရှင်များအနေဖြင့် My RO လုပ်ငန်းစဉ်များနှင့်ပတ်သက်၍ အခက်အခဲများရှိပါက လာရောက်မေးမြန်းဆောင်ရွက် နိုင်ပါ ကြောင်း၊ ညွှန်ကြားချက်များကိုလည်း လိုက်နာကြရန်နှင့် ဆန်စပါးရောင်းချခြင်းဆိုင်ရာ အမိန့်နှင့် ညွှန်ကြားချက်များ၊ မူဝါဒများအား အချိန်နှင့်တပြေးညီသိရှိစေနိုင်ရေးနှင့် လစဉ်ဆောင်ရွက်ရမည့် လုပ်ငန်းစဉ်များ၊ သက်တမ်းတိုးခြင်းများကို သတ်မှတ်ကာလအတွင်း ဆောင်ရွက်နိုင်စေတို့အတွက် အသိပေးနှိုးဆော်ဆောင်ရွက်ရန် My RO လုပ်ငန်းပိုင်ရှင်များအား Viber Group ဖွဲ့၍ ဆောင်ရွက်သွားမည်ဖြစ်ကြောင်း အသိပေးဆွေးနွေးခဲ့ကြောင်း သိရှိုရပါသည်။
DOCA(မန္တလေး)
