သတင်းနှင့် လှုပ်ရှားမှုများ

       စားသုံးသူရေးရာဦးစီးဌာန၊ တောင်ငူမြို့နယ်တာဝန်ခံသည် မြို့နယ်စည်ပင်သာယာရေး အဖွဲ့နှင့် မွေးမြူရေးနှင့်ကုသရေးဦးစီးဌာနတို့နှင့်အတူ ဈေးကွက်အတွင်း ရောင်းချနေသော ကုန်စည် များဝယ်ယူ သုံးစွဲရာတွင် စားသုံးသူနစ်နာဆုံးရှုံးမှုများ မဖြစ်စေရေးအတွက် ကုန်ဈေးနှုန်းတည်ငြိမ်ရေး ကုန်စည်များ အလေးချိန်မှန်ကန်မှုရှိစေရန် ဒီဇင်ဘာလ ၁၅  ရက်နေ့ နံနက်ပိုင်းတွင် စားသုံးသူ ရေးရာဦးစီးဌာန၊ မြို့နယ်တာဝန်ခံဦးဆောင်၍ ကွင်းဆင်းဆောင်ရွက်ခဲ့ပါသည်။

          အဆိုပါအဖွဲ့သည် တောင်ငူမြို့ရှိ မြို့မဈေးကြီး နှင့် ဘုရင့်နောင်ဈေးတွင် ရောင်းချလျှက်ရှိ သော အခြေခံစားသောက်ကုန်ဆိုင်များ၊ဝက်သားဆိုင်၊ ဆိတ်သားဆိုင် နှင့် ကြက်သားဆိုင်များသို့ မြို့နယ် စည်ပင်သာယာရေး အဖွဲ့မှ သတ်မှတ်ထားသော ဈေးနှုန်းများအတိုင်း ပြည်သူများသို့ ရောင်းချပေးခြင်း ရှိ/မရှိကို ကွင်းဆင်း စစ်ဆေးခဲ့ပါသည်။

တာဝန်ရှိသူများ ကွင်းဆင်းစစ်ဆေးရာတွင် ကုန်စည်များ ဈေးနှုန်းအဆမတန်ကြီးမြင့်မှုများ မဖြစ်ပေါ်စေရေးအတွက် ဈေးနှုန်းမြှင့်တင်ဖြန့်ဖြူးခြင်းများမပြုရန် နှင့် သင့်တင့်မျှတသော ဈေးနှုန်း များဖြင့်ရောင်းဝယ်မှုပြုကြရန်၊ မူလလေလံဆွဲစဉ်က လေလံဈေးနှုန်းအတိုင်းသာရောင်းချရန်၊ ဈေးနှုန်း မြှင့်တင်ရောင်းချပါက စည်ပင်ဥပဒေအတိုင်း အရေးယူဆောင်ရွက်သွားမည်ဖြစ်ကြောင်း နှင့် ကွင်းဆင်း စစ်ဆေးခြင်းများကိုလည်း စဉ်ဆက်မပြတ် ဆောင်ရွက်သွားမည်ဖြစ်ကြောင်းကို ဆိုင်ပိုင်ရှင်များအား အသိပေး ပြောကြားခဲ့ပါသည်။

DOCA(ပဲခူး)

    မြန်မာဆန်စပါးအွန်လိုင်း (MyRO)ကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာန စားသုံးသူရေးရာဦးစီးဌာနနှင့် မြန်မာနိုင်ငံဆန်စပါးအသင်းချုပ်တို့ ပူးပေါင်းဆောင်ရွက်လျက်ရှိပြီး (My RO)တွင် မှတ်ပုံတင်သက်တမ်း တစ်နှစ်ပြည့်မြောက်ပြီးသော သိုလှောင်ရုံများ သက်တမ်းပြန်လည် တိုးနိုင်ရေးနှင့် www.myro.com.mm တွင် လစဉ် လဆန်း(၁)ရက်နေ့မှ (၇)ရက်နေ့အတွင်း လုပ်ငန်း ရှင်များအနေဖြင့် မိမိတို့သိုလှောင်ရုံများ၏ ကုန်ရ၊ ကုန်ထုတ်၊ ကုန်လက်ကျန်များကို ဖြည့်သွင်းနိုင်ရေး ပခုက္ကူခရိုင်ဦးစီးမှူးရုံးအနေဖြင့် တွန်းအားပေး ဆောင်ရွက်လျက်ရှိပါသည်။

          မကွေးတိုင်းဒေသကြီး၊ ပခုက္ကူခရိုင်တွင် လက်ရှိအချိန်ထိ (MyRO) တွင် မှတ်ပုံတင်ထားသော ဆန်သိုလှောင်ရုံ (၄၉)လုံးရှိပြီး (၃၂)လုံးသည် တစ်နှစ်ပြည့်မြောက်၍ သက်တမ်းတိုး ဆောင်ရွက်ပြီး ကြောင်း၊ ကျန်ရှိသော သိုလှောင်ရုံများကို တစ်နှစ်ပြည့်မြောက်လျှင် သက်တမ်းတိုး ဆောင်ရွက် နိုင်ရေး အကြောင်းကြားထားပြီးဖြစ်ကြောင်း၊ လစဉ် လဆန်း(၁)ရက်နေ့မှ (၇)ရက်နေ့အတွင်း သိုလှောင်ရုံ များ၏ ကုန်ရ၊ ကုန်ထုတ်၊ ကုန်လက်ကျန်များအား မပျက်မကွက် မှန်ကန်စွာ ဖြည့်သွင်းရန်နှင့် မြေပြင် လက်ကျန်နှင့် ကိုက်ညီမှုရှိရန်လိုအပ်ကြောင်း၊ နည်းပညာအခက်အခဲရှိသော ဆန်လုပ်ငန်းရှင်များအနေဖြင့် ခရိုင်ဦးစီး မှူးရုံးသို့လာရောက်၍ လချုပ် ဆန်လက်ကျန်စာရင်းများ ပေးပို့ရန် လိုအပ်ပြီး ရ၊ ထုတ်၊ ကျန် စာရင်းများ (MyRO) တွင် လစဉ် ဖြည့်သွင်းပေးလျက်ရှိကြောင်း၊ ဆန်ကုန်သည်များ Group တွင် အသိပေး အကြောင်းကြားပြီး ဖြစ်ကြောင်း သတင်းရရှိပါသည်။

DOCA(မကွေး)

      ၂၀၂၅-၂၀၂၆ခုနှစ် ပဲရာသီတွင် ဥရောပသမဂ္ဂနိုင်ငံများသို့ ပဲပင်ပေါက်ဖောက်ရန်အတွက် မြန်မာ့ပဲများတင်ပို့နိုင်ရေးတောင်သူနည်းပညာပေး သင်တန်းသို့ ပဲခူးတိုင်းဒေသကြီး၊ စားသုံးသူရေး ရာဦးစီးဌာနနှင့် စိုက်ပျိုးရေးဦးစီးဌာနတို့ ပူးပေါင်းစီစဥ်မှုဖြင့် (၁၆.၁၂.၂၀၂၅)ရက်နေ့၊ နံနက်(၉:၀၀) နာရီအချိန်တွင် ပဲခူးခရိုင်၊ ကဝမြို့နယ် ၊ အုန်းနှဲကျေးရွာရှိ ဇွဲလင်းအထွေထွေရောင်းဝယ်ရေးခန်းမ၌ EUသို့Bean Sprouting အတွက် မြန်မာပဲများတင်ပို့ရာတွင် EUနိုင်ငံများမှ သတ်မှတ်ချက်စံချိန်၊ စံညွှန်းအရည်အသွေးများ ကိုက်ညီစေရေး၊ သီးနှံအရည်အသွေးမြင့်မားစေရေးတို့အတွက် ကောင်းမွန် သောစိုက်ပျိုးနည်းစနစ်ဖြင့် စိုက်ပျိုးနိုင်ပြီး ပိုးသတ်ဆေးဓာတ်ကြွင်းကင်းစင်စေရေးအတွက် တောင်သူနည်းပညာပေးသင်တန်းပြုလုပ်ခဲ့ရာ သင်တန်းဖွင့်ပွဲကို စားသုံးသူရေးရာဦးစီးဌာန၊ စိုက်ပျိုး ရေးဦးစီးဌာန၊ ကြေးတိုင်နှင့်မြေစာရင်းဦးစီးဌာန၊ သမဝါယမဦးစီးဌာန၊ စက်မှုလယ်ယာဦးစီးဌာနနှင့် မြန်မာ့လယ်ယာဖွံ့ဖြိုးရေးဘဏ်တို့မှ ဌာနဆိုင်ရာအကြီးအကဲများ တက်ရောက်ခဲ့ကြပြီး ကဝမြို့ နယ်ကျေးရွာ(၃၂)ရွာမှ ပဲတီစိမ်းစိုက်တောင်သူ(၁၉၀)ဦးတက်ရောက်ခဲ့ပါသည်။

          အဆိုပါ တောင်သူအသိပညာပေးသင်တန်းသို့  ပဲခူးတိုင်းဒေသကြီး၊ စားသုံးသူ ရေးရာဦးစီးဌာန တိုင်းဒေသကြီးဦးစီးမှူးမှ တက်ရောက်အဖွင့်အမှာစကားပြောကြားရာတွင် တောင်သူအသိပညာပေး သင်တန်းဖွင့်လှစ်ရခြင်း၏ ရည်ရွယ်ချက်အား ရှင်းလင်းဆွေးနွေးခဲ့ပြီး EUနိုင်ငံများသို့ မြန်မာ့ပဲ များတင်ပို့ရာတွင် မြန်မာ့ပဲများ ပြည်ပစျေးကွက်ခိုင်မာမှုရှိစေရေး၊ EUနိုင်ငံများ၏ သတ်မှတ်ချက် စံချိန်စံညွှန်း အရည်အသွေးများ အတိုင်းတင်ပို့နိုင်ရေး၊ ပဲခူးတိုင်းဒေသကြီး ကဝမြို့နယ်မှ ပဲတီစိမ်း များကို EUနိုင်ငံသို့ တင်ပို့ရန် အတွက်ဝယ်ယူမည့်ကုမ္ပဏီအလိုက် ဝယ်ယူမည့်အခြေအနေများအား ရှင်းလင်းပြောကြားပြီး စိုက်ပျိုးရေးဦးစီးဌာနကျွမ်းကျင်ပညာရှင်တစ်ဦးဖြစ်သော Drဒေါ်ခင်မာလာမြင့် မှပဲတီစိမ်း၊ မတ်ပဲများဖျက်ပိုးဘက်စုံ ကာကွယ်နှိမ်နှင်းနည်းများနှင့် ပိုးသတ်ဆေးဓာတ်ကြွင်း ကင်းစင် ရေးနည်းလမ်းများကိုလည်းကောင်း၊ Drဒေါ်ခင်အေးပွင့်ခိုင်မှ ပဲတီစိမ်းသီးနှံများကို ပန်းတိုင်အထွက် နှုန်းရရှိစေရေးအတွက်  ဘက်စုံပေါင်းကာကွယ်နှိမ်နှင်းနည်းများနှင့် ပေါင်းသတ်ဆေး ဓာတ်ကြွင်း ကင်းစင်ရေးကိုလည်းကောင်း၊ ဒေါ်အေးအေးမြင့် (လက်ထောက်ညွှန်ကြားရေးမှူး)မှ ဘက်စုံသီးနှံ ကာကွယ်နှိမ်နှင်းနည်းများ ၊ PMနှင့်ပိုးသတ်ဆေးဓာတ်ကြွင်းလျော့ချမည့် နည်းလမ်းများကို လည်းကောင်း၊ ဒေါ်ကြည်ဆန်း(ဦးစီးအရာရှိ)မှ ပဲတီစိမ်းသီးနှံ GAPစိုက်ပျိုးရေးနည်းစနစ် နည်းလမ်းများကို လည်းကောင်း သင်တန်းပို့ချခဲ့ကြောင်း သိရှိရပါသည်။

DOCA(ပဲခူး)

    ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့နယ် စားသုံးသူရေးရာဦးစီးဌာနမှ ဝန်ထမ်းနှစ်ဦးတို့သည် ဒီဇင်ဘာလ (၁၀)ရက်နေ့ နံနက် (၁၁:၀၀) နာရီအချိန်တွင် ကြို့ပင်ကောက်မြို့နယ် သဲကုန်းရပ်ကွက်၊ အောင်မင်္ဂလာလမ်းရှိ နန်းပျိုဖြူခေါင်းလျော်ရည်၊ရေချိုး ဆပ်ပြာစသဖြင့် လူသုံးကုန်ပစ္စည်း online ရောင်းချသူနှင့် တွေ့ဆုံကာ online ရောင်းချမှုနှင့်ပတ်သက်၍ မြေပြင်ကွင်းဆင်းစစ်ဆေးခဲ့ပါသည်။

    ထိုသို့ကွင်းဆင်းခဲ့ရာတွင် online စနစ်ဖြင့်ရောင်းချနေသော လုပ်ငန်းရှင်အား လျှောက်လွှာ ပုံစံတွင် ဖြည့်သွင်းထားသည့် လိပ်စာတိုင်းလုပ်ငန်းအမှန်တကယ် ရှိ/မရှိ၊မှတ်ပုံတင်လျှောက်ထားစဉ် ကရောင်းချရန် တင်ပြထားသော ကုန်စည်အမျိုးအစား စာရင်းအတိုင်း မြေပြင်တွင် ရောင်းချနေသော စာရင်းကိုက်ညီမှုရှိ/မရှိ ၊လုပ်ငန်းရှင်ဖုန်းနံပါတ်၊ရောင်းချသူ  Facebook Page မှန်ကန်မှုရှိ/မရှိ၊ စားသုံးသူကာကွယ်ရေး ဥပဒေပါ ကုန်စည်ပေါ်တွင် ဖော်ပြပါရှိရမည့် ကုန်အညွှန်းအမှတ်အသား ဖော်ပြမှုတို့ကို စီစစ်ကွင်းဆင်းဆောင်ရွက်ခဲ့ပါသည်။

DOCA( ပဲခူး)

  စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် တိုင်းဒေသကြီးဦးစီးမှူး၏ လမ်းညွှန်မှုဖြင့် ထုတ်ကုန်များလုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြထားခြင်းရှိ/မရှိ၊ စားသုံး သူများ နေ့စဉ်အသုံးပြုလျက်ရှိသော ကုန်စည်နှင့်ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံ စိတ်ချရမှုရှိစေရန် ရည်ရွယ်၍ လစဉ်သတ်မှတ်ထားသောဦးစားပေး ကုန်စည်အမျိုးမျိုးနှင့် အခြား ကုန်စည်များကို သတ်မှတ်စံချိန်စံညွှန်းများ၊ ညွှန်ကြားချက်များနှင့် ကိုက်ညီ မှုရှိ/မရှိ ဈေးကွက် စောင့်ကြည့် စစ်ဆေးခြင်းများ ဆောင်ရွက်လျက်ရှိပြီး ဝန်ဆောင်မှုလုပ်ငန်းများနှင့် စပ်လျဉ်း၍ ကွင်းဆင်းစောင့်ကြည့် စစ်ဆေးမှုများကိုလည်း ဆောင်ရွက်လျက်ရှိပါသည်။ ဈေးကွက်စောင့် ကြည့် စစ်ဆေးရာတွင် မိတ်ဘက်ဌာန ဆိုင်ရာများနှင့်ပူးပေါင်း၍လည်းကောင်း၊ စားသုံးသူကာကွယ်ရေးဥပဒေ အရခန့်အပ်ထားသော စစ်ဆေးရေးအရာရှိများက ဦးဆောင်၍သော်လည်းကောင်း ဆောင်ရွက်လျက် ရှိပါသည်။

     ပခုက္ကူခရိုင်အနေဖြင့် နိုဝင်ဘာလအတွင်းတွင် ခရိုင်ဦးစီးမှူးနှင့် ဒု-ခရိုင်ဦးစီးမှူးတို့မှ ဦးဆောင်၍ ပခုက္ကူမြို့နယ်တာဝန်ခံ၊ ထုတ်ကုန်လုံခြုံစိတ်ချရမှုဌာနခွဲတာဝန်ခံနှင့်ဝန်ထမ်းများသည် ကလေးတကိုယ် ရေသန့်ရှင်းရေးသုံးပစ္စည်း အမျိုးမျိုးအား ဦးစားပေးကုန်စည်အဖြစ် ကုန်အညွှန်းအမှတ် အသားများ ပြည့်စုံစွာထည့်သွင်းဖော်ပြထားခြင်းရှိ/မရှိ ဈေးကွက်စောင့်ကြည့်စစ်ဆေးခြင်းရာတွင် ပခုက္ကူမြို့ပေါ် ရပ်ကွက်များတွင် ရောင်းချလျက်ရှိသော ကုန်စုံဆိုင်နှင့်စတိုးများတွင်(၃)ကြိမ်၊ ဆိပ်ဖြူ မြို့ တွင်(၁) ကြိမ်၊အမှတ်(၁၀)ရပ်ကွက်ရှိ အ.မ.က၊ ထမကောက်ကျောင်းမုန့်ဆိုင်တွင် ရောင်းချနေ သောမုန့်များ၌ ကုန်အညွှန်းအမှတ်အသားများ ပြည့်စုံစွာထည့်သွင်း ဖော်ပြထားခြင်း ရှိ/မရှိ (၁)ကြိမ်၊ စားသုံးဆီ အမျိုးမျိုးအား ပခုက္ကူမြို့တွင် ဈေးကွက်စောင့်ကြည့်စစ်ဆေးခြင်း(၁)ကြိမ်၊ ဆိပ်ဖြူမြို့တွင်(၁)ကြိမ်၊ ဈေးကွက်မရောက်မီ ပဲမှုန့်နှင့် ပုန်းရည်ကြီးထုတ်လုပ်ဖြန့်ဖြူးရောင်းချသည့် လုပ်ငန်းရှင် များထံသို့ ကွင်းဆင်းဆောင်ရွက်ခြင်းအား ပခုက္ကူမြို့မှ(၂)ကြိမ်၊ ဂန့်ဂေါမြို့၊ ကျောတိုက်ရပ်၊ အ.လ.က(ခွဲ) ကျောင်းမုန့်ဈေးတန်းတွင်(၁)ကြိမ် စုစုပေါင်း ဈေးကွက်စောင့်ကြည့်စစ်ဆေးခြင်း (၁၀) ကြိမ်၊ အထူး ဈေးကွက်အနေဖြင့် စားသုံးဆီ၊ စက်သုံးဆီနှင့်ဆေးဝါးများအား သတ်မှတ်ရည်ညွှန်းဈေးများနှင့် အချဉ် အတွယ်မှန်ကန်မှုရှိစေရန် မိတ်ဖက်ဌာနများနှင့်ပူးပေါင်း ဆောင်ရွက်ကွင်းဆင်းခဲ့ပြီး ဌာန၏ ဥပဒေ၊ အမိန့်နှင့်ညွှန်ကြားချက်ပါ အကြောင်းအရာများကို အသိပညာပေးဆွေးနွေး ဆောင်ရွက်ခဲ့ပါသည်။ထို့ပြင် အွန်လိုင်းမှတ်ပုံတင်ခြင်းဆိုင်ရာများနှင့်စပ်လျဉ်း၍ ပခုက္ကူမြို့ပေါ်ရှိ အွန်လိုင်းစနစ်ဖြင့် ရောင်းချနေသော ယခင်အွန်လိုင်းမှတ်ပုံတင်ထားသည့်လုပ်ငန်းရှင်များအား အွန်လိုင်းစနစ်ဖြင့် ရောင်းချ သည့်လုပ်ငန်းဆိုင်ရာအမိန့်ကြော်ငြာစာများ၊ စားသုံးသူကာကွယ်ရေးဥပဒေပါစီးပွားရေး လုပ်ငန်း ရှင်၏ တာဝန်များနှင့်ကုန်အညွှန်းအမှတ်အသား ဖော်ပြချက်များသိရှိစေရန် အသိပညာပေးခြင်းနှင့် အွန်လိုင်းစနစ် ဖြင့်ရောင်းချနေသော လုပ်ငန်းရှင်များနှင့်တွေ့ဆုံ၍ အွန်လိုင်း မှတ်ပုံ တင်ရန်အတွက် လိုအပ်သည့်အချက် အလက်များအား အသေးစိတ်ရှင်းလင်းဆွေးနွေးခြင်း၊ ဆက်သွယ်ရေး ဝန်ဆောင်မှု နှင့်စပ်လျဉ်း၍ (အင်တာနက်ဝန်ဆောင်မှု)ကဏ္ဍစုံအား ဆက်သွယ်ရေးညွှန်ကြားမှုဦးစီးဌာနနှင့် ပူး ပေါင်း၍ (အင်တာနက်ဝန်ဆောင်မှု)လုပ်ငန်းများဆောင်ရွက်သည့် ဆိုင်များသို့ သွားရောက်၍ ဆက်သွယ်ရေးဝန်ဆောင်မှုနှင့်စပ်လျဉ်း၍  အသိပညာပေးဆွေးနွေးခြင်း ပြုလုပ်ဆောင်ရွက်ခဲ့ကြောင်း သိရှိ ရပါသည်။

DOCA(မကွေး)