သတင်းနှင့် လှုပ်ရှားမှုများ

        အွန်လိုင်းမှတစ်ဆင့် ရောင်းဝယ်မှုပြုလုပ်ရာတွင် ဈေးရောင်းချသူများ ယုံကြည်စိတ်ချမှုရှိစေရန်၊ အတုအပ လိမ်လည်ရောင်းချခြင်းများမရှိစေရန်၊ Online Shopping များနှင့်ပတ်သက်၍ စားသုံးသူများ၏ ထိခိုက်နစ်နာမှုများကိုကာကွယ်နိုင်ရန် ရည်ရွယ်၍ လုပ်ငန်းရှင်များအား အွန်လိုင်းစနစ်ဖြင့် ရောင်းချခြင်းနှင့် စပ်လျဉ်း၍ အသိပညာပေးဟောပြောပွဲကို ၂၀၂၆ ခုနှစ်၊ မေလ(၁၅)ရက်နေ့ နံနက်(၁၀း၀၀)နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပဆောင်ရွက်ခဲ့ကြောင်း သိရသည်။

        အသိပညာပေးဟောပြောရာတွင် မအူပင်မြို့နယ်တာဝန်ရှိသူ ဦးအောင်ဇော်ဦးမှ မိတ်ဆက်စကားပြောကြားခဲ့ပြီး မအူပင်မြို့နယ်မှ  အွန်လိုင်းစနစ်ဖြင့် ရောင်းချသူများအတွက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန မှ လုပ်ငန်းမှတ်ပုံတင်ခြင်း၊ စားသုံးသူအခွင့်အရေးကာကွယ်ပေးခြင်းနှင့် တရားဝင်လုပ်ကိုင်ရမည့် နည်းဥပဒေများကို အဓိကထား အသိပညာပေးလျက်ရှိပါသည်၊ အွန်လိုင်းစနစ်ဖြင့်ရောင်းချခြင်း (Online Sales) လုပ်ငန်းများသည် လုပ်ငန်းမှတ်ပုံတင် လက်မှတ် ECOMREG ပြုလုပ်ရန် လိုအပ်ပါကြောင်း၊ ဝယ်ယူသူများ၏ ထိခိုက်နစ်နာမှုများအပေါ် တာဝန်ယူဖြေရှင်းပေးရမည့်အပြင်၊ အရေးကြီးကုန်စည်နှင့် ဝန်ဆောင်မှုဥပဒေအရ စစ်ဆေးမှုများကို ခံယူနိုင်ရန် ပြင်ဆင်ထားခြင်းဖြစ်ကြောင်း၊ မှတ်ပုံတင်လျောက်ထားပြီး လုပ်ငန်းများမှ အွန်းလိုင်းစနစ်ဖြင့်ရောင်းချရာတွင် လိုက်နာကျင့်သုံးရမည့် အချက်အလက်များနှင့် မိမိတို့လျှောက်ထားသည့် ဝန်ဆောင်မှုပေးခြင်းလုပ်ငန်းကိုသာ ဆောင်ရွက်ရန်နှင့် မှတ်ပုံတင်လျှောက်ထားရာတွင် မြေပြင်အချက်အလက်များ ကွဲလွဲမှုမရှိစေရန်အတွက် အထူးဂရုစိုက်ရန်၊ မြေပြင်အချက်အလက်များ ပြုပြင်ပြောင်းလဲလိုပါက ပြန်လည်ပြင်ဆင်တင်ပြနိုင်ရန်တို့ကိုလည်းကောင်း အသိပညာပေးဟောပြောခဲ့ပြီး တက်ရောက်သူလုပ်ငန်းရှင် ၂၅ဦးရှိကြောင်း၊ လုပ်ငန်းရှင်တို့မှလည်း သိလိုသည်များ ပြန်လည်မေးမြန်းဆွေးနွေးခဲ့ကြောင်း  သိရှိရပါသည်။    

DOCA(ဧရာဝတီ)

    ၂၀၂၆ ခုနှစ်၊ မေလ  ၁၉  ရက်နေ့၊ နံနက်  ၁၀:၀၀ နာရီအချိန်၌ စားသုံးသူရေးရာဦးစီးဌာန၊ ပြည်ထောင်စုနယ်မြေ၊ နေပြည်တော်ဦးစီးမှူးရုံးမှ ဦးတင်စိုးနိုင်(စစ်ဆေးရေးအရာရှိ) ဦးဆောင်၍ ဝန်ထမ်း များသည် အစားအသောက်နှင့်ဆေးဝါးကွပ်ကဲရေးဦးစီးဌာန(FDA)၊ အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့၊ စည်ပင်သာယာ(ဈေးများဌာန) တို့နှင့်ပူးပေါင်း၍ပုဗ္ဗသီရိမြို့နယ်အတွင်းရှိ ရွာတော် မင်္ဂလာဈေးတွင် စားသုံးသူများနေ့စဉ်အသုံးပြုလျက်ရှိသော ကုန်စည်နှင့်ဝန်ဆောင်မှုများ ဘေးအန္တရာယ် ကင်းရှင်းပြီး လုံခြုံစိတ်ချရမှုရှိစေရေးအတွက် ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

    ကွင်းဆင်းစစ်ဆေးရာ၌ ဈေးကွက်အတွင်းရောင်းချနေသောကုန်စည်နှင့်ဝန်ဆောင်မှုများတွင် စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက်  မြန်မာနိုင်ငံစားသုံးသူကာကွယ်ရေး ကော်မရှင်မှ ထုတ်ပြန်ကြော်ငြာထားသော ညွှန်ကြားချက်အမှတ်(၂/၂၀၁၉)နှင့်အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည်များကိုသာရောင်းချရန်နှင့်  စီးပွားရေးလုပ်ငန်းရှင်များအနေ ဖြင့် ထုတ်ပြန်ကြေညာထားသောညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့်စပ် လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ်အရည်အသွေးပြည့်မီသောကုန်စည်များကိုသာရောင်းချရန် ဆွေးနွေးပြောကြား၍ ဈေးကွက်စောင့်ကြည့်စစ်ဆေးခဲ့ကြောင်း သတင်းရရှိပါသည်။

DOCA (ပြည်ထောင်စုနယ်မြေ)

            စစ်ကိုင်းတိုင်းဒေသကြီး၊ ကလေးခရိုင်၊ ကလေးမြို့ပေါ်တွင် ( ၁၅.၅.၂၀၂၆ ) ရက်နေ့၊ (၁၁:၀၀) နာရီအချိန်တွင် စားသုံးသူရေးရာဦးစီးဌာနမှ ဦးဆောင်၍ ပြည်တွင်းအခွန်များဦးစီးဌာန၊ အကောက်ခွန်ဦးစီးဌာန၊ ကျန်းမာရေးဦးစီးဌာန၊ မြန်မာနိုင်ငံရဲတပ်ဖွဲ့နှင့် မြို့နယ်စည်ပင်သာယာရေးကော်မတီတို့ ပူးပေါင်း၍ ကလေးမြို့ပေါ်ရှိ ကုန်မျိုးစုံဖြန့်ချိရေးဆိုင်များ၊ စတိုးဆိုင်များနှင့် Liquor ဆိုင်များအား ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

           ထိုသို့ကွင်းဆင်းစိစစ်ရာတွင် လက်ရှိအချိန်တွင် မြန်မာနိုင်ငံတွင် အရည်အသွေးမြင့် ဆေးလိပ်အတုထုတ်ကုန်များ တိုးပွားလာနေပြီး ၎င်း၏ ထုတ်ကုန်တစ်ခုဖြစ်သော " Mevius Original Blue " အမှတ်တံဆိပ် ထုတ်ကုန်အတုများအနေဖြင့် အစိုးရအခွန်တံဆိပ်အတုအသုံးပြု၍ ရောင်းချမှုရှိ/ မရှိ၊ ကွင်းဆင်းစစ်ဆေး၍ရောင်းချခြင်းရှိပါက သက်ဆိုင်ရာဥပဒေအတိုင်း ဆောင်ရွက်သွားမည်ဖြစ်ကြောင်း၊ ရောင်းချသောလုပ်ငန်းရှင်များအား စားသုံးသူများဘေးအန္တရာယ်ကင်းရှင်းစေရေး ထုတ်လုပ်သော ထုတ်ကုန်များအပေါ် သက်ဆိုင်ရာဌာန၏ သတ်မှတ်ချက်များပါရှိရေး မိမိဝယ်ယူရောင်းချသော ကုန်ပစ္စည်းအပေါ် အာမခံချက်ရှိစေရေးနှင့် ကုန်အညွှန်အမှတ်သားများ ပြည့်စုံစွာပါဝင်စေရေးတို့ကို အသိပညာပေးခြင်း လက်ကမ်းစာဆောင်များအား ဖြန့်ဝေခြင်းများ ဆောင်ရွက်ခဲ့ကြောင်း သိရှိရပါသည်။  

DOCA(စစ်ကိုင်း)

     စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အညီ အစားအသောက်များရောင်းချသည့် ဝန်ဆောင်မှုကဏ္ဍအား စောင့်ကြည့်စစ်ဆေးခြင်းအား မေလ (၁၈)ရက်နေ့၊ နံနက်(၀၉:၃၀)နာရီအချိန်တွင် ကော့မှူးမြို့နယ်၊ ဗိုလ်ချုပ်လမ်း၊ မကျီးကန်ကျေး ရွာရှိ ပြည်ကျော်စားသောက်ဆိုင်အား သက်ဆိုင်ရာဌာနများ ပူးပေါင်းအဖွဲ့ဖြင့် မြေပြင်ကွင်းဆင်းခဲ့ကြောင်း သိရသည်။

       ထိုသို့ မြေပြင်ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်း ဦးဆောင်၍ ဒုတိယဦးစီးမှူး ဒေါ်နီလာဝင်း၊ မြို့နယ်ပြည်သူ့ကျန်းမာရေးဦးစီးဌာနနှင့် မြို့နယ်စည်ပင်သာယာရေးအဖွဲ့မှ တာဝန်ရှိသူများ ပူးပေါင်းအဖွဲ့သည် ကော့မှူးမြို့နယ်၊ ဗိုလ်ချုပ် လမ်း၊ မကျီးကန်ကျေးရွာရှိ ပြည်ကျော်စားသောက်ဆိုင်မှ အစားအသောက်ရောင်းချသည့်နေရာများ၊ အစားအသောက်ထည့်သည့် ပန်းကန်နှင့်ခွက်များ၊ အစားအသောက်ချက်ပြုတ်သည့် အိုးခွက်များသန့်ရှင်းမှုရှိ/မရှိ၊ ချက်ပြုတ်သည့် ဟင်းသီးဟင်းရွက်နှင့် အသီးအနှံ၊ အသား၊ ငါးများ လက်ဆတ်သန့်ရှင်းမှုရှိ/မရှိ၊ စားသုံးသူပြည်သူများအပေါ် ဝန်ဆောင်မှုပေးသူများ အစားအစား ချက်ပြုတ်ကိုင်တွယ်သူများ၏ တစ်ကိုယ်ရည်သန့်ရှင်းမှုရှိ/မရှိ၊ စားသောက်ဆိုင်တွင် ရောင်းချသည့် စားသောက်ဖွယ်ရာများ၏ အမျိုးအမည်နှင့် အမျိုးအစားအလိုက် ဈေးနှုန်း (မီနူး)စာအုပ်တွင် ဖော်ပြ ထားခြင်းရှိ/မရှိ တာဝန်ရှိသူများမြေပြင်ကွင်းဆင်းစစ်ဆေးခဲ့ပြီး ချက်ပြုတ်မည့် ဟင်းသီးဟင်းရွက်နှင့် အသီးအနှံများအား စနစ်တကျလုံခြုံစွာ ဖုံးအုပ်ထားရန်၊ အသုံးပြုပြီးသားအိုးခွက်၊ ပန်းကန်များအား သန့်ရှင်းအောင်ဆေးကြောသန့်စင်ထားရန်၊ ချက်ပြုတ်ပြီးသော ဟင်းလျာများနှင့် သားစိမ်း၊ ငါးစိမ်းများ ရောနှောထားခြင်းမပြုုလုပ်ကြရန်နှင့် ကြော်လှော်ချက်ပြုတ်မည့် အသား၊ ငါး၊ ဟင်းသီးဟင်းရွက်များအား စနစ်တကျဆေးကြောသန့်စင်ပြီးမှ အသုံးပြုရန်နှင့် စားသောက်ဆိုင်မှ ထွက်ရှိလာမည့် စွန့်ပစ်ပစ္စည်းများအား အမှိုက်အမျိုးအစားလိုက် ခွဲခြားပြီး စနစ်တကျစွန့်ပစ်ရန် စားသုံးသူကာကွယ်ရေး အသိပညာပေး ဆွေးနွေးပြောကြားခဲ့ပြီး အစားအသောက်များ ရောင်းချသည့် ဝန်ဆောင်မှုကဏ္ဍအား ပူးပေါင်းအဖွဲ့ဖြင့် ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

              စားသုံးသူရေးရာဦးစီးဌာန၊ ညောင်ဦးခရိုင်၊ ကျောက်ပန်းတောင်းမြို့နယ်တာဝန်ခံနှင့်ဝန်ထမ်းများ သည်(၁၂.၅.၂၀၂၆) ရက်နေ့၊ နံနက်  ၀၉:၀၀ နာရီအချိန်တွင် ကျောက်ပန်းတောင်းမြို့၊ သာယာအေးရပ် ကွက်ရှိ “ပိုင်ဇမ္ဗူ” အာလူးကြော်လုပ်ငန်းသို့ ကွင်းဆင်း၍ ထုတ်ကုန်များလုံခြုံစိတ်ချရမှုရှိစေရေး ကွင်းဆင်းစစ်ဆေးမှုများဆောင်ရွက်ခဲ့ပါသည်။

          အဆိုပါ ဈေးကွက်စောင့်ကြည့်စစ်ဆေးရာတွင် လုပ်ငန်းရှင်များအား နိုင်ငံတော်မှသင့်တင့် မျှတသောနှုန်းထားဖြင့် ရောင်းချပေးနေသော လုပ်ငန်းသုံးစားအုန်းဆီများကို လုပ်ငန်းခွင်များတွင် မှန်ကန်စွာသုံးစွဲမှုရှိစေရေး၊ လုပ်ငန်းခွင်များတွင် သုံးစွဲမှုပမာဏနှင့်လျှောက်ထားသည့်ပမာဏများ မှန်ကန်မှုရှိစေရေး၊ စီးပွားရေးလုပ်ငန်းရှင်များအား စားသုံးသူကာကွယ်ရေးဥပဒေပါ ကုန်စည်အမျိုး အစားအလိုက်ထည့်သွင်းဖော်ပြရမည့် ကုန်အညွှန်းအမှတ်အသားများ ပြည့်စုံစွာဖော်ပြပါရှိစေရေး၊ စီးပွားရေးလုပ်ငန်းရှင်၏ တာဝန်များအတိုင်း လိုက်နာဆောင်ရွက်စေရေး၊ လုပ်ငန်းရှင်များအနေဖြင့် စီးပွားရေးကျင့်ဝတ် စည်းကမ်းများနှင့်အညီ ဆောင်ရွက်စေရေး၊ မိမိရောင်းချလျက်ရှိသည့် ကုန်ပစ္စည်း နှင့် စပ်လျဉ်းပြီး အာမခံချက်၊ သတ်မှတ်ချက်များနှင့် ပြည့်စုံမှန်ကန်သော သတင်းအချက်အလက်များကို အချိန်နှင့်တပြေးညီထုတ်ပြန်စေရေး၊ သက်ဆိုင်ရာဌာနများမှ ဖော်ပြရန်သတ်မှတ်ထားသောအချက်များ ပါရှိစေရေး ဈေးကွက်စောင့်ကြည့်စစ်ဆေးခြင်းများကို ဆောင်ရွက်ခဲ့ရာ လုပ်ငန်းရှင်များမှလည်း ဥပဒေပါပြဌာန်းချက်များနှင့်အညီလိုက်နာဆောင်ရွက်လျက်ရှိကြောင်း သိရသည်။

DOCA(မန္တလေး)