သတင်းနှင့် လှုပ်ရှားမှုများ

   ၂၀၂၆ ခုနှစ်၊ ဇန်နဝါရီလ(၁၈)ရက်နေ့၊ မွန်းလွဲ(၁)နာရီအချိန်တွင် မြိတ်ခရိုင်စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ဝန်ထမ်းများသည် တနင်္သာရီတိုင်းဒေသကြီး၊ ကမ်းနားလမ်း၊ ဆိပ်ငယ်ရပ်ရှိ မြိတ်ခရိုင်စားသုံးသူ‌ရေးရာဦးစီးဌာနတွင် စားသုံးသူပြည်သူများနှင့်တွေ့ဆုံကာ စားသုံး သူများဘေးကင်းစေရေးနှင့် ဘေးအန္တရာယ်ကင်းစေရေးစွာသုံးစွဲနိုင်ရေးအတွက် စားသုံးသူကာကွယ် ရေးဆိုင်ရာအသိပညာပေးဟောပြော ဆွေးနွေးခဲ့ကြောင်း သိရှိရပါသည်။ အသိပညာပေးဆွေးနွေးရာတွင် မြိတ်ခရိုင်စားသုံးသူရေးရာဦးစီးဌာန၊ ခရိုင်ဦးစီးမှူးက မိမိ၏ ဌာန အကြောင်းမိတ်ဆက်ပေးခြင်း၊ ဌာန၏မျှော်မှန်းချက်များ၊ ရည်မှန်းချက်များ ရှင်းလင်းပြောပြပြီး စားသုံးသူများအနေဖြင့် စားသုံးသူအခွင့်အရေးရှိကြောင်း၊ ထုတ်ကုန်များသုံးစွဲရာတွင် မိမိတို့ ဌာနမှ ထုတ်ပြန်ထားသော ကုန်အညွှန်းအမှတ်အသားကိုကြည့်ရှုပြီး ဝယ်ယူကြရန်၊ စားသုံးသူနစ်နာမှု ဖြစ်ပါက တိုင်ကြားနိုင်ကြောင်း၊ တိုင်းကြားနိုင်မည့်နည်းလမ်းများနှင့် စားသုံးသူများလိုက်နာဆောင် ရွက်ရမည့်တာဝန်များကို ရှင်လင်းပြောကြားခဲ့ကြောင်းသိရှိရပါသည်။ အဆိုပါ ဟောပြောပွဲသိူ့ စားသုံး သူပြည်သူ (၃၀)ဦးတက်ရောက်ခဲ့ကြောင်း သိရှိရပါသည်။

DOCA(တနင်္သာရီ)

    ၂၀၂၆ ခုနှစ်၊ ဇန်နဝါရီလ (၁၆) ရက်နေ့၊ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန၊ ဒုတိယ ပြည်နယ်ဦးစီးမှူးရုံးမှ ဒုတိယပြည်နယ်ဦးစီးမှူး ဒေါ်လင်းမျိုးသာ (လက်ထောက် ညွှန်ကြားရေးမှူး)သည်  မြို့နယ်စည်ပင်သာယာရေးဌာန၊ ဗဟိုစာရင်းအင်းဦးစီးဌာနနှင့်ပူးပေါင်း၍ ကျိုင်းတုံမြို့၊ မြို့မဈေး အတွင်းရှိ အခြေခံစားသောက်ကုန်အရောင်းဆိုင်များအား ဈေးနှုန်းများမြှင့် တင်ရောင်းချခြင်း ရှိ/မရှိ ကွင်းဆင်းစစ်ဆေးခြင်း ဆောင်ရွက်ခဲ့ပါသည်။

          ထိုသို့ ကွင်းဆင်းစစ်ဆေးခြင်းလုပ်ငန်းဆောင်ရွက်ရာတွင် ကျိုင်းတုံမြို့၊ မြို့မဈေးအတွင်းရှိ အခြေခံစားသောက်ကုန်အရောင်းဆိုင်များမှ ကုန်ပစ္စည်းများမှာ ယခင်အပတ်နှင့်ဈေးနှုန်းနှိုင်းယှဉ်ပါက ပေါ်ဆန်းဆန်၊ ဧည့်မထ(ဒေသ) ဆန်၊ ဂျင်းနှင့်ဂေါ်ဖီထုပ် ဈေးနှုန်းအနည်းငယ် ကျဆင်းခဲ့ပါသည်။ ယင်းသို့ ပေါ်ဆန်းဆန်နှင့် ဧည့်မထ(ဒေသ)ဆန်ဈေးနှုန်း ကျဆင်းရခြင်းမှာ ဆန်(အသစ်)ဈေးနှုန်း ဖြစ်သောကြောင့်လည်းကောင်း၊ ဂျင်းနှင့်ဂေါ်ဖီထုပ် ဈေးနှုန်းကျဆင်းရခြင်းမှာ ရာသီပေါ်ထွက်ချိန် ဖြစ်သောကြောင့်ဖြစ်ပါသည်။ ပဲဆီ၊ ကြက်သွန်နီနှင့်ခရမ်းချဉ်သီး ဈေးနှုန်းအနည်းငယ် မြင့်တက်ခဲ့ပါ သည်။ ယင်းသို့ ပဲဆီဈေးနှုန်းမြင့်တက်ရခြင်းမှာ ဝယ်ရင်းဈေးမြင့်တက်ခဲ့သောကြောင့်လည်းကောင်း၊ ကြက်သွန်နီနှင့်ခရမ်းချဉ်သီး ဈေးနှုန်းမြင့်တက်ရခြင်းမှာ ပြည်မမှအဝင်နည်းသောကြောင့်ဖြစ်ပါသည်။ ကျန်အခြေခံစားသောက် ကုန်ဈေးနှုန်းများမှာ ပြောင်းလဲမှုမရှိဘဲ ဈေးနှုန်းတည်ငြိမ်လျက်ရှိပါသည်။

    ထို့နောက် ဒုတိယပြည်နယ်ဦးစီးမှူးနှင့်တာဝန်ရှိသူများသည် အခြေခံစားသောက်ကုန်များ ဈေးနှုန်းမြှင့်တင်ရောင်းချခြင်းမပြုကြရန်၊ သင့်တင့်မျှတသောဈေးနှုန်းများဖြင့်သာ ရောင်းချကြရန် နှင့် စားသုံးသူကာကွယ်ရေးဥပဒေအခန်း (၁၀)ပါ “စီးပွားရေးလုပ်ငန်းရှင်၏တာဝန်များ” ကို လိုက်နာဆောင်ရွက်ရန် အသိပညာပေးဆွေးနွေးခြင်းများ ဆောင် ရွက်ခဲ့ပါသည်။

DOCA(ရှမ်း)

    ၂၀၂၆ ခုနှစ်၊ ဇန်နဝါရီလ (၁၆) ရက်နေ့၊ နံနက် (၁၀:၀၀) နာရီအချိန်တွင် ရှမ်းပြည်နယ် (အရှေ့ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူး ဦးအောင်လင်းဦး (ဦးစီးမှူး) ဦးစီး၍ ခရိုင်ကျန်းမာရေးဦးစီးဌာန၊ ခရိုင်အစားအသောက်နှင့်ဆေးဝါး ကွပ်ကဲရေးဦးစီးဌာန၊ မြို့နယ်စည်ပင်သာယာရေးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့တို့နှင့် ပူးပေါင်း၍ ကျိုင်းတုံမြို့၊ မြို့မဈေးကြီးအတွင်းရှိ ကုန်စုံဆိုင်များအား ထုတ်ကုန်များလုံခြုံစိတ်ချရမှုရှိစေရေး ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက် ခဲ့ပါသည်။

          ထိုသို့ ဈေးကွက်စောင့်ကြည့်စစ်ဆေးခြင်းလုပ်ငန်များဆောင်ရွက်ရာတွင် FDA ၏ ထောက်ခံ ချက်များနှင့် မြန်မာစာကုန်အညွှန်းအမှတ်အသားများပါရှိပြီး တရားဝင်တင်သွင်းထားသော အသင့်စား စားသောက်ကုန်များကိုသာ ဖြန့်ဖြူးရောင်းချရန်၊ တရားမဝင်တင်သွင်းထားသော အသင့်စား စားသောက်ကုန်များကို ရောင်းချခြင်းမပြုရန်နှင့် စားသုံးသူကာကွယ်ရေးဥပဒေအခန်း (၁၈)ပါ “ကုန်အညွှန်းအမှတ်အသားဖော်ပြခြင်း”နှင့် အခန်း (၁၀) ပါ “စီးပွားရေးလုပ်ငန်းရှင်၏ တာဝန်များ”ကို သိရှိလိုက်နာဆောင်ရွက်စေရန် အသိပညာပေးဆွေးနွေးခြင်းများ ဆောင်ရွက်ခဲ့ ပါသည်။

DOCA(ရှမ်း)

  ၂၀၂၆ ခုနှစ်၊ ဇန်နဝါရီလ(၁၉)ရက်နေ့၊ နံနက်(၁၀:၀၀)နာရီအချိန်တွင် ရှမ်းပြည်နယ် စားသုံးသူရေးရာကော်မတီ (၁/၂၀၂၆)အစည်းအဝေးကို စားသုံးသူရေးရာဦးစီးဌာန၊ ရှမ်းပြည်နယ် ဦးစီးမှူးရုံး အစည်းအဝေးခန်းမတွင် ကျင်းပပြုလုပ်ခဲ့ပါသည်။

              အစည်းအဝေးတွင် ရှမ်းပြည်နယ်စားသုံးသူရေးရာကော်မတီ ဥက္ကဋ္ဌ၊ ရှမ်းပြည်နယ်အစိုးရ အဖွဲ့၊ ပြည်နယ်စီးပွားရေးရာဝန်ကြီး ဦးခွန်သိန်းမောင်၊ ရှမ်းပြည်နယ်စားသုံးသူရေးရာကော်မတီ အဖွဲ့ဝင်များနှင့် တောင်ကြီးခရိုင် စားသုံးသူရေးရာကော်မတီအဖွဲ့ဝင်များမှ လူကိုယ်တိုင်တက်ရောက် ခဲ့ကြပြီး အခြားဖိတ်ကြားထားသော  ခရိုင်စားသုံးသူရေးရာကော်မတီအဖွဲ့ဝင်များ၊ ရှမ်းပြည်နယ် စားသုံးသူရေးရာဦးစီးဌာမှ ဒုတိယပြည်နယ်ဦးစီးမှူးများနှင့် ပင်းတယဒေသဦးစီးမှူးရုံးတို့မှVirtual စနစ်ဖြင့် တက်ရောက်၍ ကော်မတီဥက္ကဋ္ဌမှ အဖွင့်အမှာစကားနှင့် လမ်းညွှန်ချက်များပြေားကြားခဲ့ပြီး စားသုံးသူရေးရာကော်မတီအတွင်းရေးမှူး ဦးရွှေဖြူက(၁/၂၀၂၆)၏ အမှာစာများအား ဖြင့်ရှင်းလင်း တင်ပြခဲ့ပါသည်။

               (၁/၂၀၂၆) အမှာစာများအား ဖတ်ကြားရှင်းလင်းခဲ့မှုအပေါ် တက်ရောက်လာကြတဲ့ ကော်မတီအဖွဲ့ဝင်များက အမှာစာများအား အတည်ပြုမှတ်တမ်းတင်ခြင်းနှင့် ရှေ့လုပ်ငန်းစဉ်များကို ဝိုင်းဝန်းဆွေးနွေးညှိနှိုင်းဆောင်ရွက်ခြင်း၊ ၂၀၂၆ ခုနှစ်၊ မတ်လ (၁၅) ရက်နေ့တွင် ကျရောက်မည့် ကမ္ဘာ့စားသုံးသူ အခွင့်အရေးများနေ့ အခမ်းအနား ကျင်းပနိုင်ရေးအတွက် ဝိုင်းဝန်းဆွေးနွေးအကြံပြု ခဲ့ကြပြီး အစည်းအဝေးကို (၁၁:၅၀)နာရီအချိန်တွင် ရုပ်သိမ်းခဲ့ကြောင်း သိရှိရပါသည်။

DOCA(ရှမ်း)

           စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာနိုင်ငံ ဆန်စပါးအသင်းချုပ်တို့ပူးပေါင်းဆောင်ရွက်သော မြန်မာဆန်စပါးအွန်လိုင်း(Myro)တွင် သိုလှောင်ရုံ မှတ်ပုံတင်သက်တမ်းတစ်နှစ်ပြည့်မြောက်သော သိုလှောင်ရုံများ သက်တမ်း ပြန်လည်တိုးနိုင်ရေးကို www.myro.com.mm တွင် ဝင်ရောက်၍ သက်တမ်းတိုးခြင်းများ ဆောင်ရွက်နေကြောင်း သိရသည်။

          သိုလှောင်ရုံလုပ်ငန်းရှင်များအနေဖြင့် လစဉ်၊ လဆန်း(၁)ရက်နေ့မှ (၇)ရက်နေ့အတွင်း မိမိတို့ သိုလှောင်ရုံများ၏ ကုန်ရ/ ကုန်ထုတ် လက်ကျန် အခြေအနေများကို ထည့်သွင်းပေးနိုင်ရေး ပြည်ခရိုင် ဦးစီးမှူးရုံးအနေဖြင့် ကြပ်မတ်ဆောင်ရွက်လျက်ရှိပါသည်။

          ပြည်ခရိုင်၊ ပြည်မြို့နယ်တွင် လက်ရှိအချိန်ထိ (Myro)တွင် မှတ်ပုံတင်ထားသော ဆန်သိုလှောင်ရုံအလုံး(၁၁၁)ရှိပြီး ယခင်နှစ် ဇန်နဝါရီ၊ ဖေဖော်ဝါရီလ၌ (Myro)မှတ်ပုံတင်ထားသော ဆန်စပါး သိုလှောင်ရုံများသည် တစ်နှစ်ပြည့်မြောက်ပြီးသည့်အတွက် ပြည်ခရိုင်ဦးစီးမှူးရုံးသို့ သက်တမ်းတိုး ဆောင်ရွက်နိုင်ရေး လုပ်ငန်းစဉ်များအား လာရောက်မေးမြန်းဆောင်ရွက်လျက်ရှိပါသည်။

           (၂၀.၁.၂၀၂၆)ရက်နေ့တွင် ရွှေတောင်မြို့၊ ယွန်းတန်းရပ်ကွက်ရှိ ဆန်စပါးသိုလှောင်ရုံ ပိုင်ရှင် ဦးဇာနည်ထွန်းသည် ၎င်းတို့၏ သိုလှောင်ရုံအား မှတ်ပုံတင်သက်တမ်းတိုးနိုင်ရေးအတွက် လာရောက်မေးမြန်းရာ ပြည်ခရိုင်ဦးစီးမှူး၏ လမ်းညွှန်ချက်ဖြင့် သတင်းနည်းဌာနခွဲမှ သက်တမ်းတိုးလျှောက်ထားမှု လုပ်ငန်းစဉ်အဆင့်ဆင့်နှင့် လစဉ်လဆန်း(၁)ရက်နေ့မှ (၇)ရက်နေ့အတွင်း သိုလှောင်ရုံများ၏ ကုန်ရ/ ကုန်ထုတ်/ ကုန်လက်ကျန် အခြေအနေများအား ထည့်သွင်းပေးရန် ရှင်းလင်းဆွေးနွေး၍ မှတ်ပုံတင်သက်တမ်းတိုးခြင်းအား ကူညီဆောင်ရွက်ခဲ့ကြောင်း သိရှိရပါသည်။

  DOCA(ပဲခူး)