သတင်းနှင့် လှုပ်ရှားမှုများ

   စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနသည် ဆန်တန်ချိန် ၅၀ တန်(သို့မဟုတ်) စပါးတင်း ၅,၀၀၀ နှင့်အထက် သိုလှောင်ထားရှိသည့် ဆန်စပါးသိုလှောင်ရုံ များအားလုံးကို မြန်မာဆန်စပါးအွန်လိုင်း Myanmar Rice Online(My RO) စနစ်တွင်မှတ်ပုံတင်ရန် ၂၀၂၃ ခုနှစ်၊ နိုဝင်ဘာလ ၃ ရက်မှစတင်ပြီး ထုတ်ပြန်ခဲ့ပြီးဖြစ်သည်။

   စားသုံးသူရေးရာဦးစီးဌာနမှ ပုသိမ်မြို့နယ်အနေဖြင့် မှတ်ပုံတင်ပြုလုပ်ခြင်း ဆိုင်ရာလုပ်ငန်း များကို ကွင်းဆင်းဆောင်ရွက်ခဲ့ပြီး စပါး/ဆန် သိုလှောင်ထားရှိသည့် ကုမ္ပဏီ၊ လုပ်ငန်းရှင်၊ လူပုဂ္ဂိုလ်တို့မှ မှတ်ပုံတင်ဆောင်ရွက်ခြင်း လုပ်ငန်းများကို ဆောင်ရွက်ခဲ့ကြပြီး လုပ်ငန်းရှင်များ အနေဖြင့် My ro မှတ်ပုံတင်ပြုလုပ်ခြင်းဆိုင်ရာများ နှင့် ပတ်သက်၍ သိရှိနားလည်စေရန်အတွက် စားသုံးသူရေးရာအစည်းအဝေး ခန်းမတွင်(၅-၈-၂၀၂၅)ရက်နေ့ နံနက်(၁၀)နာရီအချိန်က ပုသိမ်မြို့နယ်ရှိ ဆန်စက်အသင်း နှင့် ဆန်စပါးကုန်သည်အသင်း၊ အသင်းအဖွဲ စုအဖွဲ့လုပ်ငန်းရှင်များ သိရှိနားလည်စေရန် အသိပညာပေး ဟောပြောခဲ့ကြောင်းသိရသည်။ 

   ပုသိမ်မြို့နယ် လုပ်ငန်းရှင်တို့အား မဟုတ်မမှန်သတင်းများ လွဲမှားနားလည်မှု မရှိစေရန်အတွက် မှတ်ပုံတင် သတ်မှတ်ပမာဏထက်သိုလှောင်ခွင့်မရှိကြောင်းသိုလှောင်ပါက  အရေးယူခံရကြောင်း မဟုတ်မမှန် သတင်းလွှင့်နေမှုမှာ မှန်ကန်မှု မရှိကြောင်းကို ဆန်/စပါး သိုလှောင်သူလုပ်ငန်းရှင်နှင့် အသင်းအဖွဲ့မှ တာဝန်ရှိသူများ သိရှိနိုင်ရန် ရှင်းလင်း ဆွေးနွေးခဲ့ကြောင်း သိရပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် ဝါးခယ်မမြို့နယ်တာဝန်ခံဦးအောင်မိုးနှင့် ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၄.၈.၂၀၂၅) ရက်နေ့ နေ့လည် (၁၁:၃၀)နာရီက ဝါးခမမြို့နယ်၊ ကျုံမငေးမြို့ရှိမြို့မဈေးအတွင်းရှိကုန်စုံဆိုင်များတွင် ရောင်းချနေသောအသင့်စား ခေါက်ဆွဲခြောက်များအား  ကုန်ညွှန်းအမှတ်အသား ဖော်ပြချက် ပြည့်စုံမှု ရှိ/ မရှိ ကွင်းဆင်းစစ်ဆေးခဲ့ပါသည်။

            ထိုသို့ကွင်းဆင်းစစ်ဆေးဆောင်ရွက်ရာတွင် ဝါးခယ်မမြို့နယ်တာဝန်ခံမှ ဝါးခမမြို့နယ်၊ ကျုံမငေးမြို့ရှိ မြို့မဈေးအတွင်းရှိကုန်စုံဆိုင်များတွင် ရောင်းချနေသောအသင့်စား ခေါက်ဆွဲခြောက်များအား ကုန်ညွန်း အမှတ်အသားဖော်ပြခြင်း ပြည့်စုံမှု ရှိ/မရှိစစ်ဆေးခဲ့ပြီး၊ ကုန်မျိုးစုံဆိုင်ရှင်များအားစီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ ၂၀၁၉ ပါ ပြဌာန်းချက်များမှ အခန်း(၁၈)ပါ ကုန်ညွှန်းအမှတ်အသား ဖော်ပြခြင်းနှင့်စပ်လျဉ်၍ မည်သည့် စီးပွားရေးလုပ်ငန်းရှင်မဆို ပုဒ်မခွဲ (ခ)နှင့် (ဆ)တို့ပါ ကုန်အညွှန်းအမှတ်သားဖော်ပြရာတွင် မြန်မာဘာသာဖြစ်၊ မြန်မာဘာသာနှင့် အခြားဘာသာတစ်ခု(သို့)တစ်ခုထက်ပို၍ တွဲလျှက်ဖြစ်စေရေးသားဖော်ပြရမည်ဖြစ်ပြီး၊ စီးပွားရေး လုပ်ငန်းရှင်များ အနေဖြင့်ကုန်စည်အမျိုးအစားအလိုက် သတ်မှတ်ထားသည့် ဥပဒေညွှန်ကြားချက်များအား လိုက်နာဆောင်ရွက်ကြရန် ဈေးကွက်အတွင်းရောင်းချနေသော ကုန်စည်များတွင် ကုန်ညွှန်းအမှတ်အသား ဖော်ပြချက်၊ ပြည့်စုံမှု ရှိ/မရှိအား ဌာနအနေဖြင့် ဈေးကွက်စောင့်ကြည့်စစ်ဆေးမှုများ စဉ်ဆက်မပြတ် ဆောင်ရွက်သွားပါမည် ဖြစ်ကြောင်း သတင်းရရှိရပါသည်။

        DOCA(ဧရာဝတီ)

       စစ်ကိုင်းတိုင်းဒေသကြီး ကန့်ဘလူခရိုင်ဦးစီးမှူးရုံး လက်အောက်ရှိ ကျွန်းလှမြို့နယ် တာဝန်ခံသည် ၂၀၂၅ ခုနှစ်၊ ဩဂုတ်လ(၈)ရက်နေ့ နံနက်(၀၉း၀၀)နာရီ အချိန်တွင်  ကျွန်းလှမြို့၊ ပိတောက်မြိုင်ရပ်ကွက်ရှိ အ.မ.က(၂) စာသင်ကျောင်းတွင်  စားသုံးသူ အကာအကွယ်ပေးရေး အသိပညာပေး ဟောပြောပွဲ ကျင်းပပြု လုပ် ဆောင်ရွက်ခဲ့ပါသည်။

          အဆိုပါ အသိပညာပေးဟောပြောပွဲတွင် စားသုံးသူရေးရာဦးစီးဌာန၊ ကျွန်းလှမြို့နယ်တာဝန်ခံမှ စားသုံးသူကာကွယ်ရေး၏ အဓိပ္ပါယ်ဖွင့်ဆိုချက်၊ စားသုံးသူကာကွယ်ရေးဥပဒေပါ စားသုံးသူ၏ အဓိပ္ပါယ်ဖွင့် ဆိုချက်၊ ကမ္ဘာ့စားသုံသူအခွင့်အရေးများနေ့ဖြစ်ပေါ်လာပုံအကြောင်း၊ စားသုံးသူ ရေးရာဦးစီး ဌာန ပေါ်ပေါက် လာပုံ အဆင့်ဆင့်အကြောင်း၊ စားသုံးသူကာကွယ်ရေးဥပဒေကို ၂၀၁၉ ခုနှစ် ၊ မတ်လ(၁၅)ရက်နေ့၌ ပြဌာန်း ခဲ့ပြီး အခန်း ပေါင်း(၂၅)ခန်း ပုဒ်မပေါင်း(၈၄)ခု ပါဝင်ကြောင်း ၊ စားသုံးသူအကာကွယ်ပေးရေး ဥပဒေ အခန်း (၁၈)ပါ ကုန်အညွှန်းအမှတ်အသား ဖော်ပြခြင်း နှင့် စပ်လျဉ်း၍ မြန်မာနိုင်ငံ စားသုံးသူကာကွယ်ရေး ကော်မရှင်၏ ညွှန်ကြားချက်အမှတ် (၂/၂၀၁၉)နှင့် အညီ ပြည့်စုံစွာ ထည့်သွင်းဖော်ပြ၍  ထုတ်လုပ် ဖြန့်ဖြူး ရောင်းချသည့် ကုန်ပစ္စည်းများကိုသာ ဝယ်ယူစားသောက် အသုံးပြုတတ်ရန် ၊ စားသုံးသူအခွင့်အရေး(၈)ချက် ၊ စားသုံးသူများ လိုက်နာဆောင်ရွက်ရမည့်တာဝန်(၄)ချက်၊ စားသုံးသူနစ်နာဆုံးရှုံးမှုရှိလျှင် တိုင်ကြားနိုင်ပါ ကြောင်း၊ တိုင်ကြားနိုင်သည့် နေရာများဖြစ်သည့် Facebook Page ဖြစ်တဲ့ DOCA Myanmar Page တွင်လည်းကောင်း ၊ မိမိတို့ ဌာနခရိုင်ဦးစီးမှူးရုံး စားသုံးသူသတင်းပြန်ကြားရေးနှင့် တိုင်ကြားမှု လက်ခံ ဆောင်ရွက်ရေးစင်တာ(CICC)တွင် လည်းကောင်း ၊ မိမိတို့ဌာန Website  ဖြစ်တဲ့ www. doca.gov. mm တွင်လည်းကောင်း ၊ MPT ; mytel ;  Telenor ;  Oredoo  ; SIM Card User များအားလုံးတို့ဖြင့် Call Center No. 1535 တွင်ဖုန်းခေါ်ဆို၍ အထောက်အထား အပြည့်အစုံဖြင့် တိုင်ကြားနိုင်ပါကြောင်း နှင့် သိလိုသည်များကို စုံစမ်း မေးမြန်းနိုင်သည့် အကြောင်းများ၊ အစားအသောက်နှင့်ပတ်သက်ပြီး ဆရာ/ဆရာမများနှင့် ကျောင်းသား/   ကျောင်း သူများကို ထုတ်ကုန်ံခြုံစိတ်ချရမှုရှိတဲ့ ကုန်ပစ္စည်းများကိုသာ ရွေးချယ်ဝယ်ယူ စားသောက် အသုံးပြုတတ်ရန် နှင့် သက်ဆိုင်ရာဌာန၏ ထောက်ခံချက်များပါဝင်သည့် အစားအသောက်မျာကို ရွေးချယ်ဝယ်ယူ စားသောက်အသုံးပြုတတ်ရန်အတွက် ကျွန်းလှမြို့၊ ပိတောက်မြိုင်ရပ်ကွက် အ.မ.က(၂) စာသင်ကျောင်းရှိ ဆရာ/မနှင့်ကျောင်းသား/သူ စုစုပေါင်း(၈၀)ဉီးတို့အား အကျယ်တဝင့် ရှင်းလင်း ပြောကြား ခဲ့ပြီး အမိန့်ကြော်ငြာစာအမှတ်(၂/၂၀၁၉)ကုန်အညွှန်းအမှတ်အသား အသေးစိတ် စိစစ်ချက်များ ပါရှိသည့် လက်ကမ်းစာစောင်များအား ဖြန့်ဝေပေးခဲ့ကြောင်း သတင်းရရှိပါသည်။

DOCA(စစ်ကိုင်း)

      ၂၀၂၅ ခုနှစ် ၊ ဩဂုတ်လ ၇ ရက်  နံနက် (၁၀:၀၀)နာရီအချိန်တွင် စားသုံးသူရေးရာဦးစီးဌာန စစ်ကိုင်းတိုင်းဒေသကြီးဦးစီးမှူးရုံး အစည်းအဝေးခန်းမတွင် ကျင်းပပြုလုပ်သည့် စားသုံးသူရေးရာ စားသုံးသူကာကွယ်ရေးဆိုင်ရာကျွမ်းကျင်မှု သင်တန်းအား ကန့်ဘလူခရိုင်စားသုံးသူရေးရာဦးစီးဌာနမှ အရာ ထမ်း၊ အမှုထမ်းများမှ Virtual ဖြင့် တက်ရောက်ခဲ့ပါသည်။

          အဆိုပါသင်တန်းတွင် တိုင်းဒေသကြီးဦးစီးမှူး ညွှန်ကြားရေးမှူး ဦးခမ်လျန်စွမ်းမှ အဖွင့်အမှာ စကားပြောကြားရာတွင် သင်တန်းတက်ရောက်ခြင်း၏ အကျိုးကျေးဇူးများ၊ သင်တန်းတွင် အစဖော် ပေးလိုက်သည်များကို ဆက်လက်လေ့လာသင်ယူဖို့လိုကြောင်း၊ သင်တန်း ဆရာ/ဆရာမများ၏ သင်ကြားပို့ချမှုများကို မှတ်သားတတ်ဖို့လိုကြောင်း၊ ပညာသင်ယူသည့်အခါ မိမိထက်ငယ်သည်၊ ကြီးသည်ကို မခွဲခြားပဲ သင်ယူနိုင်စွမ်းရှိရမည်ဖြစ်ကြောင်း၊ ဝန်ထမ်းများအနေဖြင့် လုပ်ငန်းခွင် အတွင်း ကျွမ်းကျင်မှုရှိစေဖို့ လုပ်ငန်းနှင့်သက်ဆိုင်သည့် ဝမ်းစာပြည့်ဖို့လိုကြောင်းနှင့် စာအရေး အသားကောင်းမွန်စေဖို့ စာဖတ်ဖို့လိုမှာဖြစ်ကြောင်း အဖွင့်အမှာစကားပြောကြားခဲ့ပြီး သင်တန်းဆ ရာ/ဆရာမများက သင်တန်းချိန်(၆)ချိန်ဖြင့် သင်ကြားခဲ့ကြောင်း၊ သင်တန်းသား/သူများမှ သင်တန်း ဆန်းစစ်ချက် မေးခွန်လွှာများဖြေဆိုခဲ့ကြပြီး တိုင်းဒေသကြီးဦးစီးမှူးမှ နိဂုံးချုပ်အမှာစကားပြော ကြားခဲ့ပြီး သင်တန်းဆင်းပွဲအခမ်းအနားကျင်းပပြုလုပ်ခဲ့ကြောင်း သိရသည်။

DOCA(စစ်ကိုင်း)

   မအူပင်ခရိုင်၊ စားသုံးသူရေးရာဦးစီးဌာနမှ ဓနုဖြူမြို့နယ်ဦးစီးမှူးသည်  မြို့နယ်ဦးစီးမှူးရုံး၊ အစည်းအဝေး ခန်းမတွင်(၇-၈-၂၀၂၅)ရက်နေ့ နံနက်(၁၀)နာရီအချိန်က ဓနုဖြူမြို့နယ်ရှိ ဆန်စပါးလုပ်ငန်းရှင်နှင့် ဆန်စက် လုပ်ငန်းရှင် (၂၀)ဦးခန့် အား My RO မှတ်ပုံတင်နှင့် စပ်လျဉ်း၍ လုပ်ငန်းရှင်များ သိရှိနိုင်ရန် အသိပညာပေး ဟောပြောခဲ့ကြောင်း သိရသည်။ 

   ဟောပြောရာတွင် စားသုံးသူရေးရာဦးစီးဌာန၊ ဓနုဖြူမြို့နယ်ဦးစီးမှူး ဦးဝင်းမင်းစိုးမှ  စီးပွားရေးနှင့် ကူးသန်းရောင်း ဝယ်ရေး ဝန်ကြီးဌာနသည် ဆန်တန်ချိန် ၅၀ တန်(သို့မဟုတ်) စပါးတင်း ၅,၀၀၀ နှင့်အထက် သိုလှောင်ထားရှိသည့် ဆန်စပါးသိုလှောင်ရုံ များအားလုံးကို မြန်မာဆန်စပါးအွန်လိုင်း Myanmar Rice Online(My RO) စနစ်တွင်မှတ်ပုံတင်ရန် ၂၀၂၃ ခုနှစ်၊ နိုဝင်ဘာလ ၄ ရက်မှစတင်ပြီး ထုတ်ပြန်ခဲ့ခြင်းဖြစ်ကြောင်း၊ဝန်ကြီးချုပ်မှ နယ်မြေဒေသဖွံ့ဖြိုးရေး ကွင်းဆင်းရာတွင် တောင်သူတစ်ဦးမှ မှတ်ပုံတင်ရန်သတ်မှတ်ထားသည့် ပမာဏထက် ပိုမိုသိုလှောင်ခွင့် မရှိကြောင်း သိုလှောင်ခြင်းပြုပါက အရေးယူခံရနိုင် ကြောင်း တင်ပြလာမှုအပေါ် မဟုတ်မမှန်သတင်းလွှင်ခြင်းများဖြစ်ပေါ်နေသဖြင့် တောင်သူနှင့် လုပ်ငန်းရှင်များသိရှိနိုင်ရန် အသိပညာပေး ခြင်းဖြစ်ကြောင်း၊  ပန်းတနော်မြို့နယ်မှ မှတ်ပုံတင်ပြီး ဆန်/စပါးသိုလှောင်ရုံ (၄၄)လုံး မှတ်ပုံတင် ဆောင်ရွက်ပြီးစီးပြီး ထပ်မံသက်တမ်းတိုးရန်ရှိသော လုပ်ငန်းများမှလည်း သက်တမ်းတိုးဆောင်ရွက်ကြရန်၊ ဥပဒေအရ စီးပွားရေးအလို့ငှာ စပါးသိုလှောင်ထားရှိသော သိုလှောင်ရုံများ ရှိပါက မှတ်ပုံတင်ရန်သပ်မှတ်ထားသည့်အတိုင်း မှတ်ပုံတင်ရ မည်ဖြစ်ပြီး သိုလှောင်မှု ပမာဏထက်ပိုမိုသိုလှောင်ခွင့်မရှိကြောင်း သိုလှောင်ပါကအရေးယူခံရကြောင်းမဟုတ်မမှန် သတင်းလွှင့်နေမှုမှာ မှန်ကန်မှုမရှိကြောင်းနှင့်MyROမှတ်ပုံတင်ဆောင်ရွက်ရမည့်လုပ်ငန်းစဉ်အား မအူပင် ဆန်စပါးလုပ်ငန်းရှင်နှင့် ဆန်စက်လုပ်ငန်းရှင် များသိရှိနိူင်ရေးအသိပညာပေးဆွေးနွေးခဲ့ပြီး  လုပ်ငန်းများ သိလိုသည်ကိုလည်း ပြန်လည်ဖြေရှင်း ဆွေးနွေးခဲ့ကြောင်း သိရသည်။

DOCA(ဧရာဝတီ)