စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် စားသုံးသူရေးရာဌာနခွဲနှင့်ထုတ်ကုန်လုံခြုံစိတ်ချရမှုဌာနခွဲကြီးကြပ်သူအရာရှိ ဒေါ်စုစုထွန်း လက်ထောက် ညွှန်ကြားရေးမှူးနှင့် ဝန်ထမ်းများသည် စားသုံးသူများဘေးကင်းလုံခြုံမှုရှိစေရေးနှင့် ထုတ်ကုန်များ လုံခြုံစိတ်ချရမှု ရှိစေရေးအတွက် (၁၉.၅.၂၀၂၅) ရက်နေ့၊ နေ့လယ်(၁၅:၀၀)နာရီအချိန်တွင် မကွေးမြို့၊ အောင်ရတနာ အုပ်စု၊ ရန်နိုင်ရပ်ကွက်၊ ၂၅ လမ်းပေါ်ရှိ "အေဇက်ဝိုင်" မကွေးဆီစက်မှ မြေပဲဆီ၊ နှမ်းဆီ စားသောက် ကုန်ပစ္စည်းများရောင်းချသည့် လုပ်ငန်းအား Online မှတ်ပုံတင်ရာတွင် အချက်အလက် များနှင့် ကိုက်ညီမှု ရှိ/မရှိ မြေပြင်ကွင်းဆင်းစစ်ဆေး ဆောင်ရွက်ခဲ့ကြောင်းသိရသည်။
ထိုသို့စစ်ဆေးရာတွင် စားသောက်ကုန်ပစ္စည်းများရောင်းချသည့် လုပ်ငန်းအား Online စနစ်ဖြင့် ရောင်းချခြင်း လုပ်ငန်းနှင့် စပ်လျဉ်း၍ မှတ်ပုံတင်မည့် လုပ်ငန်းအမည် မှန်ကန်မှု ရှိ/မရှိ၊ လုပ်ငန်း လိပ်စာမှန်ကန်မှု ရှိ/မရှိ၊ ဖုန်းနံပါတ်မှန်ကန်မှု ရှိ/မရှိ၊ လျှောက်ထားသူ၏ အကျင့်စာရိတ္တကောင်းမွန် ကြောင်း၊ အမည်ပျက်စာရင်းတွင် ပါဝင်ခြင်း မရှိကြောင်း ထောက်ခံချက်နှင့် ရောင်းချနေသည့် ကုန်စည်/ ဝန်ဆောင်မှု အုပ်စုအတိုင်း ကိုက်ညီမှု ရှိ/မရှိ၊ ရောင်းချနေသည့် ကုန်စည်/ဝန်ဆောင်မှုသည် ဥပဒေ တစ်ရပ်ရပ်အရ တားမြစ်ထားသော (သို့မဟုတ်)ကန့်သတ်ထားသော ကုန်စည်ဟုတ်/မဟုတ် (သို့မဟုတ်) ဥပဒေ တစ်ရပ်ရပ်နှင့် ငြိစွန်းခြင်း ရှိ/မရှိ၊ ကုန်စည်အလိုက် သက်ဆိုင်ရာဌာနများ၏ ထောက်ခံချက်/ ညွှန်ကြားချက်များနှင့် ကိုက်ညီမှု ရှိ/မရှိ စသည့် မြေပြင်စစ်ဆေးရမည့် အချက် (၁၈)ချက်နှင့်အညီ စစ်ဆေးခဲ့ပြီး အွန်လိုင်းစနစ်ဖြင့် ရောင်းချသည့် လုပ်ငန်းဆိုင်ရာ အမိန့်ကြော်ငြာစာများ၊ အွန်လိုင်း မှတ်ပုံတင်လက်မှတ်ရရှိထားသူ၏ တာဝန်များ၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင် ၏ တာဝန်နှင့် အာမခံရမည့်အချက်များ၊ စားသုံးသူအခွင့်အရေးနှင့်တာဝန်များအကြောင်းကို ရှင်းလင်း ဆွေးနွေးခဲ့ကြောင်း သိရှိရပါသည်။
DOCA(မကွေး)