သတင်းနှင့် လှုပ်ရှားမှုများ

               ပဲခူးတိုင်းဒေသကြီး၊ သာယာဝတီခရိုင် ဦးစီးမှူးရုံးအနေဖြင့်  လက်ပံတန်းမြို့နယ်အတွင်း  စားသုံးသူကာကွယ်ရေးကိစ္စရပ်များအား အများပြည်သူတို့ ကျယ်ကျယ် ပြန့်ပြန့် သိရှိနိုင်ရေး လျာထား ချက်များ ချမှတ်၍ လုပ်ငန်းများဆောင်ရွက်လျက်ရှိရာ ၂၀၂၆ခုနှစ် ဇူလိုင်လ ၂၁ရက်နေ့၊ နေ့လည် (၁:၀၀) အချိန်တွင် လက်ပံတန်းမြို့နယ်တာဝန်ခံ ဦးကျော်မျိုးထွန်းနှင့် ဝန်ထမ်းတို့မှသွားရောက်၍ စားသုံးသူကာကွယ်ရေး အသိပညာပေး ဟောပြောဆွေးနွေး ဆောင်ရွက်ခဲ့ပါသည်။

          ဆွေးနွေးဟောပြောပွဲတွင် လက်ပံတန်းမြို့နယ်တာဝန်ခံ ဦးကျော်မျိုးထွန်းမှ စားသုံးသူကာ ကွယ်ရေးဆိုင်ရာ စားသုံးသူအခွင့်အရေးနှင့် တာဝန်များ၊ စီးပွားရေးလုပ်ငန်းရှင်များ၏ တာဝန်များ၊ ကုန်အညွှန်း အမှတ်အသား ရေးသားဖော်ပြခြင်းဆိုင်ရာ အကြောင်းအရာများ၊နစ်နာဆုံးရှုံးမှုများ ရှိပါက တိုင်ကြား နိုင်သည့် နည်း လမ်းများ၊ပြစ်မှု၊ပြစ်ဒဏ်များ Online Sale မှတ်ပုံတင် လက်မှတ် လျှောက်ထားခြင်း၊ အွန်လိုင်းမှ ဈေးဝယ်ခြင်းများနှင့် စပ်လျဉ်း၍ သိကောင်းစရာများအား ဆွေးနွေး ဟောပြောခြင်း ဆောင်ရွက်ခဲ့ပြီး အဆိုပါဆွေးနွေး ဟောပြောပွဲသို့စိုက်ပျိုးရေးသိပ္ပံ ကျောင်းအုပ် ဆရာကြီးအပါအဝင် ဆရာ၊ ဆရာမများ ကျောင်းသား၊ ကျောင်းသူ (၉၀) ဦးတက်ရောက်ကြပြီး တက်ရောက်လာသူများအား လက်ကမ်း စာစောင်များ ဖြန့်ဝေခဲ့ပါသည်။

 DOCA(ပဲခူး)

      စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းပြီး သင့်တင့်သောဈေးနှုန်းဖြင့်ဝယ်ယူစားသုံးနိုင်စေရန်နှင့်ပြည်တွင်းလိုအပ်ချက်များကို ဖြည့်ဆည်း ပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်း သိုလှောင် ဖြန့်ဖြူးခြင်းလုပ်ငန်း ကြီးကြပ်ရေးကော်မတီက ဆောင်ရွက်ပေးလျက်ရှိကြောင်း သိရပါသည်။

          စားအုန်းဆီကို ပြည်ပမှဝယ်ယူတင်သွင်းရာတွင် စားအုန်းဆီ တင်ပို့သည့်နိုင်ငံများ၏ စျေးနှုန်းအတက်အကျပေါ်မူတည်၍ ပြည်တွင်း၌ ဖြစ်သင့်ဖြစ်ထိုက်သည့်ဈေးနှုန်းများ ဖြစ်ပေါ် စေရေးကို ထိန်းကျောင်းဆောင်ရွက်လျက်ရှိပါသည်။

          ပြည်ပမှစားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့်ဈေးနှုန်းဖြစ်ပေါ်မှု များအရ ၂၀၂၆ ခုနှစ်၊ ဩဂုတ်လ 7 ရက်နေ့မှ 13 ရက်နေ့အထိ ရန်ကုန်အထိုင်ဈေး အခြေခံ လက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ငွေကျပ် ၇,၂၀8 ဖြစ်ကြောင်း စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက အသိပေးထုတ်ပြန် ကြေညာထားကြောင်း သိရှိရပါ​သည်။  

          စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ် သောကြာနေ့တိုင်း ထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင် ဝင်ရောက် ကြည့်ရှုလေ့လာနိုင်ကြောင်း သိရှိရပါသည်။

         ၂၀၂၆ ခုနှစ်၊ သြဂုတ်လ၊ ၃ ရက်နေ့၊ ၁၀း၀၀ နာရီအချိန်တွင် စားသုံးသူရေးရာဦးစီးဌာန၊ မြိတ်ခရိုင်ဦးစီးမှူးရုံး၊ အစည်းအဝေးခန်းမတွင် ခရိုင်ဦးစီးမှူးဦးဆောင်၍ မြိတ်မြို့၊ မြိတ်ခရိုင်ရွှေလုပ်ငန်းရှင်များအသင်းအား အွန်လိုင်းရောင်းချမှုဆိုင်ရာများနှင့်စပ်လျဥ်း၍ အသိပညာပေးရှင်းလင်းဆွေးပွဲအား ကျင်းပပြုလုပ်ခဲ့ကြောင်း သိရသည်။

       အဆိုပါဆွေးနွေးပွဲတွင် ခရိုင်ဦးစီးမှူးမှ နှုတ်ခွန်းဆက်သခြင်းနှင့် စီးပွားရေးလုပ်ငန်းရှင်များအား စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ၏ တာဝန်များအကြောင်း ရှင်းလင်းဆွေးနွေးခြင်း၊ လုပ်ငန်းရှင်များအနေဖြင့် မိမိတို့ရောင်းချလုပ်ကိုင်သည့် ကုန်စည်များ၊ လုပ်ငန်းများ၊ ဝန်ဆောင်မှုများအား Online Social Media အသုံးပြု၍ ကြော်ငြာခြင်း၊ ရောင်းချခြင်းများပြုလုပ်ပါက စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ အွန်လိုင်းမှတ်ပုံတင်စနစ် www.ecomreg.gov. mm တွင် အွန်လိုင်းမှတ်ပုံတင်လျှောက်ထားဆောင်ရွက်ပြီးမှသာလျှင် ရောင်းချရန်လိုအပ်ကြောင်း၊ မှတ်ပုံတင်လက်မှတ်လျှောက်ထားရာတွင် လိုအပ်သည့်အချက်အလက်များ၊ လျှေက်ထားပုံနည်းလမ်းများအား ရှင်းလင်းဆွေးနွေးခြင်းများ ဆောင်ရွက်ခဲ့ကာ  မှတ်ပုံတင်လက်မှတ်မရှိဘဲ အွန်လိုင်းမှရောင်းချနေမှုများအား ဥပဒေပြဌာန်းချက်များနှင့်အညီ အရေးယူဆောင်ရွက်ရမည်ဖြစ်သဖြင့် အွန်လိုင်းမှရောင်းချမှုများအား မှတ်ပုံတင်ဆောင်ရွက်သွားကြရန် တိုက်တွန်းပြောကြားခဲ့ကြောင်း သိရှိရပါသည်။

DOCA(တနင်္သာရီ)

    ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့နယ်၊စားသုံးသူရေးရာဦးစီးဌာန မြို့နယ်တာဝန်ခံရုံး၌ Online Shopping လျှောက်ထားရမည့် ကုန်စည်နှင့် ဝန်ဆောင်မှုများနှင့် ပတ်သတ်သည့် ခေါင်းစဉ်အလိုက် ရှင်းလင်းပြောကြားခဲ့ပါသည်။

          Online Shopping မှတ်ပုံတင်လျှောက်ထားလိုသည့် ဒေါ်နွဲ့နွဲ့ဝင်း ငါးပိလုပ်ငန်းနှင့် ဒေါ်တင်မိုးခိုင်ရွှေစင်စစ်အထည်ဆိုင် လုပ်ငန်းရှင်တို့အား စားသုံးသူရေးရာဦးစီးဌာနမှ ဝန်ထမ်း(၁)ဦး က လိုအပ်သည်များ ရှင်းလင်းပြောကြားပြီး တစ်ပါတည်းဆောင်ရွက်ခဲ့ပါသည်။သိလိုသည်များရှိပါက လည်း (1535)  Consumer Call Center သို့ ဆက်သွယ်မေးမြန်းနိုင်ပါကြောင်း အသိပညာပေး ဆောင်ရွက်ခဲ့ပါသည်။

 DOCA(ပဲခူး)

       ညောင်တုန်းမြို့နယ်အတွင်း ဆန်၊ စပါးလက်ကျန်အခြေအနေများကို တိကျမှန်ကန်စွာ စာရင်းကောက်ယူနိုင်ရေးနှင့် စားနပ်ရိက္ခာဖူလုံမှုအခြေအနေများကို စဉ်ဆက်မပြတ် စောင့်ကြည့်နိုင်ရေးအတွက် MyRo စနစ်ဖြင့် မှတ်ပုံတင်ထားသည့် လုပ်ငန်းရှင်များ၏ ဖြည့်သွင်းထားသော စာရင်းများကို မြို့နယ်စားသုံးသူရေးရာဦးစီးဌာနက လစဉ် ကြပ်မတ်ဆောင်ရွက်လျက်ရှိကြောင်း သိရသည်။

       (၃၁-၇-၂၀၂၆) ရက်နေ့အထိ MyRo စနစ်၌ ဖြည့်သွင်းထားသော စာရင်းများအရ တောင်သူများထံတွင် စပါး ၁,၆၃၄,၀၈၀ တင်းနှင့် ဆန် ၁,၇၀၀ အိတ်၊ စက်ပိုင်များထံတွင် စပါး ၃၇၉,၈၂၃ တင်းနှင့် ဆန် ၂၈၀,၄၃၃ အိတ်၊ ကုန်သည်များထံတွင် စပါး ၁၀၀,၂၀၀ တင်းနှင့် ဆန် ၁,၃၀၀ အိတ်၊ ဆန်ဆိုင်များတွင် ဆန် ၅,၂၀၀ အိတ်ရှိကြောင်း စာရင်းများအရ သိရသည်။

       ထို့ကြောင့် ညောင်တုန်းမြို့နယ်အတွင်း စုစုပေါင်း စပါး ၂,၁၁၄,၁၀၃ တင်းနှင့် ဆန် ၂၈၈,၆၃၃ အိတ် လက်ကျန်ရှိကြောင်း MyRo မှတ်ပုံတင်လုပ်ငန်းရှင်များ၏ (၃၁-၇-၂၀၂၆) ရက်စွဲဖြင့် ဖြည့်သွင်းထားသည့် စာရင်းများအရ ဖော်ပြထားကြောင်း သိရသည်။

         မြို့နယ်စားသုံးသူရေးရာဦးစီးဌာနအနေဖြင့် MyRo စနစ်တွင် လုပ်ငန်းရှင်များက စာရင်းများကို အချိန်နှင့်တစ်ပြေးညီ မှန်ကန်စွာဖြည့်သွင်းနိုင်ရေး၊ ဆန်နှင့် စပါးလက်ကျန်အခြေအနေများကို စဉ်ဆက်မပြတ် စောင့်ကြည့်နိုင်ရေးနှင့် လစဉ်စာရင်းများကို တိကျမှန်ကန်စွာ ပြုစုတင်ပြနိုင်ရေးအတွက် သက်ဆိုင်ရာလုပ်ငန်းရှင်များအား ကြပ်မတ်လမ်းညွှန် ဆောင်ရွက်လျက်ရှိကြောင်း သိရှိရပါသည်။

DOCA(ဧရာဝတီ)