HighLight News

            ဧရာဝတီတိုင်း၊ ဖျာပုံခရိုင်၊ ကျိုက်လတ်မြို့နယ် စားသုံးသူရေးရာ ဦးစီဌာနမှ ကျိုက်လတ်မြို့နယ် တာဝန်ခံနှင့် ဝန်ထမ်းများသည် ၂၀၂၅ ခုနှစ်၊ ဇူလိုင်လ (၁၈) ရက်နေ့၊ နံနက် (၁၀:၀၀) နာရီအချိန်တွင် ကျိုက်လတ်မြို့၊ ပန်းပဲစု ကျေးရွာရှိ (အ.ထ.က ခွဲ)ကျောင်းရှိ ဆရာ/ဆရာမနှင့် ကျောင်းသား/ သူများအား စားသုံးသူကာကွယ်ရေး အသိပညာပေးဟောပြောခဲ့ပါသည်။

             အဆိုပါ အသိပညာပေးပွဲတွင် မြို့နယ်တာဝန်ခံ ဦးမိုးမင်းသန်းက  စားသုံးသူကာကွယ်ရေး ဥပဒေနှင့် စပ်လျဉ်း၍ စားသုံးသူကာကွယ်ရေးဆိုင်ရာ အကြောင်းအရာများ၊ စားသုံးသူများ လုံခြုံစိတ်ချရမှုရှိစေရေးအတွက် စားသုံးသူ၏ အခွင့်အရေးနှင့် တာဝန်များ၊ စားသုံးသူကာကွယ်ရေး ဆောင်ရွက်ချက်များ၊ စားသုံးသူများအနေဖြင့် ကုန်စည်နှင့်ဝန်ဆောင်မှုများ ဝယ်ယူခြင်းမပြုမီ သတိပြုဆောင်ရွက်ရမည့်အချက်များ၊ ကုန်စည်နှင့်စပ်လျဉ်း၍ အာမခံပေးထားမှုအပေါ် စားသုံးသူက တောင်းဆိုနိုင်သည့် အခွင့်အရေးများ ၊ စားသုံးသူများနစ်နာဆုံးရှုံးမှုများ ဖြစ်ပေါ်လာပါက တိုင်ကြားနိုင်သည့် Centre များ ဖွင့်လှစ်ထားရှိကြောင်းနှင့် စားသုံးသူရေးရာဦးစီးဌာန၏ website ဖြစ်သော www.doca.gov.mm website မှလည်း ဆက်သွယ်တိုင်ကြားနိုင်ကြောင်း အသိပညာပေးခဲ့ပြီး ဟောပြောပွဲသို့ ဆရာ/မ (၁၂) ဦးနှင့် ကျောင်းသား/သူ (၂၂၀) ဦး၊ စုစုပေါင်း (၂၃၂) ဦး တက်ရောက်ခဲ့ကြောင်း  သတင်းရရှိပါသည်။

DOCA(ဧရာဝတီ)

            ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်ရှိ ပြန်ကြားရေးနှင့် ပြည်သူ့ဆက်ဆံ ရေးဦးစီးဌာနရုံးတွင်၂၀၂၅ ခုနှစ်၊ ဇူလိုင်လ (၁၇) ရက်နေ့၊ နေ့လယ် (၁၅:၀၀) နာရီအချိန်တွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးမိုးမင်းသန်းသည် Talk Show အစီအစဉ် ပြုလုပ်ဆောင်ရွက်ခဲ့ပါသည်။

          ကျိုက်လတ်မြို့နယ်စားသုံးသူရေးရာဦးစီးဌာနအနေဖြင့် စားသုံးသူနစ်နာဆုံးရှုံးမှုဖြစ်ပါ်လာပါက တိုင်ကြားနိုင်သည့် နည်းလမ်းများအသိပညာပေးခြင်း၊ စားသုံးသူအခွင့်အရေးနှင့် တာဝန်များအကြောင်း၊ Call Centre 1535 သို့ ဆက်သွယ်မေးမြန်း တိုင်ကြားနိုင်ကြောင်း၊ စားသုံးသူများသာမက လုပ်ငန်းရှင်များပါ စားသုံးသူကာကွယ်ရေး ကိစ္စရပ်များနှင့် ပက်သက်၍ တိုင်ကြားနိုင်ကြောင်း အသိပညာပေး အစီအစဉ် ကျင်းပပြုလုပ်ခဲ့သည်ဟု သတင်းရရှိပါသည်။

DOCA(ဧရာဝတီ)

            ဖျာပုံခရိုင်၊ ဘိုကလေးမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဇူလိုင်လ (၁၈) ရက်နေ့၊ နံနက် (၁၀:၀၀) နာရီအချိန်တွင် ဘိုကလေးမြို့၊ ရွှေဝါထွန်းလမ်း(၄) ရပ်ကွက်ရှိ ဦးလှသန်းပိုင် ခေါက်ဆွဲဖိုလုပ်ငန်းသို့ ကွင်းဆင်းစိစစ်ခဲ့ကြပါသည်။

          ဦးလှသိန်း ခေါက်ဆွဲလုပ်ငန်းမှာ စားသောက်ကုန်လုပ်ငန်းဖြစ်ပြီး ဆန်ကြမ်းဖြင့် ထုတ်လုပ်သော ထုတ်ကုန်ပစ္စည်းဖြစ်ပါသည်။ တစ်နေ့အသုံးပြုမှုမှာ ဆန်ကွဲ (၄) ပြည်ဖြစ်ပြီး ၊ (၄) ရက်ကို ဆန်ကွဲအိတ် (၁) အိတ် အသုံးပြုပြီး ထွက်ရှိသော မုန့်ပိဿာချိန်မှာ တစ်နေ့ ထွက်ရှိမှုအနေဖြင့် (၁၅-၂၀) ပိဿာခန့်ထုတ်လုပ်ပြီး ခေါက်ဆွဲ တစ်ပိဿာလျှင် (၂၆၀၀) ကျပ်နှုန်းဖြင့် ရောင်းချပြီး မိသားစုဝင် (၂) ဦးဖြင့် တစ်ပိုင်တစ်နိုင် လုပ်ကိုင်ပြီး မြို့တွင်း၌သာ ရောင်းချလျက်ရှိပါသည်။

           မြို့နယ်တာဝန်ခံဒေါ်ခင်စန်းအေးက ထုတ်လုပ်သော ကုန်စည်နှင့် ပက်သက်ပြီး စားသုံးသူများ ဘေးအန္တရာယ်ကင်းရှင်းစေရေးအတွက် ဓာတုဆေးဝါးများ သုံးစွဲခြင်းမပြုစေရေး တို့အတွက် အသိပညာပေး ဆွေးနွေးခဲ့ပြီး MSMEs ဖွံ့ဖြိုးတိုးတက်ရေး ကွင်းဆင်းစိစစ်ခဲ့ကြောင်း သတင်းရရှိပါသည်။

DOCA(ဧရာဝတီ)

          ဖျာပုံခရိုင်၊ စားသုံးသူရေးရာဦးစီးဌာန၊ ဘိုကလေးမြို့နယ် တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဇူလိုင်လ (၁၅) ရက်နေ့၊ နံနက် (၁၀:၀၀) နာရီအချိန်တွင် မြို့မ(၈) ရပ်ကွက်၊ (၁) လမ်းရှိ သဘာဝနဂါးနီဟံ မုန့်မျိုးစုံလုပ်ငန်းသို့ ကွင်းဆင်းစိစစ်ခဲ့ကြပါသည်။

          သဘာဝနဂါးနီဟံ မုန့်မျိုးစုံလုပ်ငန်းမှ ထွက်ရှိသော ကုန်စည်နှင့် ပါဝင်ပစ္စည်းများမှာ ဂျုံ၊ သကြား၊ ကြက်ဥ၊ ဆီ၊ ရေသန့်၊ ဆားများ ပါဝင်ပြီး တစ်နေ့ထုတ်လုပ်မှုအနေဖြင့် ဘူးပေါင်း ၈၅၀ ထုတ်လုပ်နိုင်ပြီး ဈေးနှုန်းအနေဖြင့် ပတ္တမြားကိတ်ထုတ်သေး (၂၅၀) ကျပ်၊ နကထိုင် ထုတ်သေး (၄၃၀) ကျပ်၊ ဒါးလှီးမုန့် (၆၀၀) ကျပ်၊ ကိတ်မုန့်ထုပ် (၁၃၀၀) ကျပ်ဖြင့် လက်လီ/လက်ကား ရောင်းချပေးလျက်ရှိပါသည်။ လုပ်သားဦးရေ (၇) ဦးရှိပြီး လုပ်သားတစ်ဉီးလျှင် နေ့စားခ (၁၃၀၀၀)၊ (၇၀၀၀) ၊ (၆၀၀၀) ကျပ် လုပ်ငန်းကျွမ်းကျင်မှုပေါ် မူတည်၍ နှုန်းထားအလိုက် ပေးရပါသည်။ ဈေးကွက်အနေဖြင့် ဒေသအတွင်း/ပြင်၊ ကဒုံကနိ၊ မြင်းကကုန်းကျေးရွာများအထိ ဖြန့်ဝေရောင်းချပေးလျက်ရှိပါသည်။

           ထို့နောက် မြို့နယ်တာဝန်ခံမှ ထုတ်လုပ်သော ကုန်စည်နှင့်ပက်သက်၍ စားသုံးသူများ လုံခြုံစိတ်ချရမှုရှိစေရေးနှင့် ထုတ်လုပ်သော ဈေးကွက်ရောက်ကုန်စည်တို့တွင် ကုန်အညွှန်းအမှတ်အသားနှင့် တံဆိပ်များ ထည့်သွင်းဖော်ပြပေးရန်နှင့် MSMEs လုပ်ငန်းဖွံ့ဖြိုးတိုးတက်ရေးအတွက် ကွင်းဆင်းစိစစ်ခဲ့ကြောင်း သတင်းရရှိပါသည်။

DOCA(ဧရာဝတီ)

           ဇူလိုင်လ ၁၂ ရက်နေ့ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန ရုံးအမှတ် (၃) နေပြည်တော်တွင် ညွှန်ကြားရေးမှူးချုပ် ဦးခင်မောင်လှိုင် ဦးဆောင်ကျင်းပပြုလုပ်သည့် မူဝါဒ၊ ဥပဒေနှင့်လုပ်ထုံးလုပ်နည်းအား စိစစ်လေ့လာသုံးသပ်ရေးလုပ်ငန်းအဖွဲ့နှင့် မူဝါဒ၊ ဥပဒေနှင့် လုပ်ထုံးလုပ်နည်းများ စိစစ်လေ့လာရေးဆိုင်ရာ ပေါင်းစပ်ညှိနှိုင်းရေး အစည်းအဝေးကို Virtual ဖြင့် ကျင်းပပြုလုပ်ခဲ့ပါသည်၊၊

             အစည်းအဝေးတွင် ညွှန်ကြားရေးမှူးချုပ် ဦးခင်မောင်လှိုင်က အဖွင့်မှာစကား ပြောကြားရာတွင်  online အသိပညာပေး ဆောင်ရွက်နေမှုအခြေအနေနှင့် စားသုံးသူကာကွယ်ရေး ဥပဒေပါ ဥပဒေပုဒ်မများကို ဝန်ထမ်းငယ်များ အလွတ်ရွတ်ဆိုနိုင်ရေး သင်ကြားပေးရန်၊ တိုင်းဒေကြီး/ ပြည်နယ်အလိုက် တိုင်ကြားမှု အမှုလက်ကျန်များရှိပါက တင်ပြပေးရန် အဖွင့်အမှာစကား ပြောကြားခဲ့ပြီး ထုတ်ကုန်လုံခြုံစိတ်ချရမှုဌာနခွဲမှ ဦးထက်ဝင်းအောင် လက်ထောက်ညွှန်ကြားရေးမှူးက CICC တိုင်ကြားမှု တရားစွဲဆိုမှုကို မြို့နယ်များအထိပါ တင်ပြဆောင်ရွက်ပေးရန် ပြောကြားခဲ့ပြီး အဆိုပါအစည်းအဝေးကို ဧရာဝတီတိုင်းဒေသကြီး၊ စားသုံးသူရေးရာဦးစီးဌာနမှ ဒုတိယညွှန်ကြားရေးမှူး ဦးထွန်းထွန်း၊ ထုတ်ကုန်လုံခြုံစိတ်ချရမှု ဌာနခွဲတာဝန်ခံ ဒေါက်တာသရဖီထွန်း virtual ဖြင့် တက်ရောက်ခဲ့ကြောင်း သတင်းရရှိပါသည်၊၊

(DOCA ဧရာဝတီ)