စစ်ကိုင်းတိုင်းဒေသကြီး၊ ကန့်ဘလူမြို့နယ်တွင် စားသုံးသူများ၏ အခွင့်အရေးကိုကာကွယ် ပေးနိုင်သည့်အပြင် ကျန်းမာရေးအန္တရာယ်များကိုလည်း လျော့နည်းစေနိုင်ရန်ရည်ရွယ်၍ ကန့်ဘလူမြို့ပေါ်ရှိ ကုန်စုံဆိုင်များတွင် ရောင်းချလျက်ရှိသော အလှကုန်ပစ္စည်းအမျိုးမျိုးအား (၂/၂၀၁၉)နှင့် အညီ ကုန်အညွှန်းအမှတ်အသားဖော်ပြထားခြင်းရှိ/မရှိ ကွင်းဆင်းစစ်ဆေးခြင်းကို ၂၀၂၆ ခုနှစ်၊ မေလ ၂၆ ရက်နေ့တွင် ဆောင်ရွက်ခဲ့ကြောင်း သိရသည်။
ထိုသို့ ကွင်းဆင်းစစ်ဆေးရာတွင် စားသုံးသူရေးရာဦးစီးဌာန ကန့်ဘလူမြို့နယ်တာဝန်ခံ ဦးမျိုးဝင်းသန်းနှင့် ဝန်ထမ်းတစ်ဦးတို့သည် ကန့်ဘလူမြို့နယ်အတွင်းရှိ ကုန်စုံဆိုင်များနှင့် အလှကုန်ပစ္စည်းရောင်းချသည့်ဆိုင်များအား ကွင်းဆင်းစစ်ဆေးခဲ့ကြောင်း၊ အလှကုန်ပစ္စည်းအမျိုးမျိုး (၁၀)ဂရမ်နှင့်အောက်၊ (၁၀)ဂရမ်နှင့်အထက် ပစ္စည်းအမျိုးမျိုးအား စစ်ဆေးခဲ့ကြောင်း၊ တရားမဝင်တင်သွင်းလာသော အလှကုန်ပစ္စည်းများ ရောင်းချခြင်းရှိမရှိနှင့် အလှကုန်ပစ္စည်းအတုများရောင်းချခြင်းရှိ/မရှိတို့ကို အဓိကထားစစ်ဆေးခဲ့ပြီး စီးပွားရေးလုပ်ငန်းရှင်များအနေဖြင့် မိမိတို့၏တာဝန်များကို လိုက်နာရန်လိုအပ်ကြောင်း အသိပညာပေးပြောကြားခဲ့ကြောင်း သိရှိရပါသည်။
DOCA(စစ်ကိုင်း)