HighLight News

           (၂၃.၇.၂၀၂၅)ရက်နေ့ နံနက်(၁၀:၀၀)နာရီမှစ၍ စားသုံးသူရေးရာဦးစီးဌာန၊ မြောက်ပိုင်းခရိုင်ဦး စီးမှူးရုံးမှ ဒုခရိုင်ဦးစီးမှူး ဦးကျော်ခိုင်ပါ(၄)ဦး၊ ကျန်းမာရေးဦးစီးဌာနမှ(၁)ဦး၊ မြို့နယ်စည်ပင်သာယာ အုပ်ချုပ်ရေးရုံးမှ (၁)ဦးတို့သည် လှိုင်သာယာ(အနောက်ပိုင်း)မြို့နယ်ရှိ  သိန်းမေတ္တာ(၁)စားသောက် ဆိုင်သို့ ကွင်းဆင်းစစ်ဆေးခဲ့ပါသည်။

          ထိုသို့စစ်ဆေးခဲ့ရာတွင် သိန်းမေတ္တာ(၁)ဆိုင်ရှင် ဦးမြင့်ဇော်ဦးဆိုင်သို့ ရောက်ရှိခဲ့ရာ ချက်ပြုတ်သည့်နေရာများ သန့်ရှင်မှုမရှိခြင်း၊ သားငါး၊ ဟင်းသီးဟင်းရွက်များစနစ်တကျထားသိုမှုမရှိခြင်း၊ အမှိုက်ပုံးများ ဖုံးအုပ်မထားခြင်း၊ ဟင်းချက်စဉ် အေပရွှန်၊ ခေါင်းစွပ်တို့ကို မဝတ်ဆင်ထားခြင်း၊ မီးနူး စာရွက်များတွင် ဈေးနှုန်းများရေးထားခြင်း မရှိခြင်းတို့တွေ့ရှိရပြီး မိမိတို့ဌာနမှ အစားအသောက်သည် စားသုံးသူပြည်သူများအား ကျန်းမာရေးကို အဓိကကျသော အချက်ဖြစ်သောကြောင့် သန့်ရှင်းသပ်ရပ်စွာ ချက်ပြုတ်ရောင်းချရမည်ဖြစ်ကြောင်း၊ အမှိုက်ပုံးများကို စနစ်တကျဖုံးအုပ်ထားရန်၊ ဟင်းချက်စဉ် အသုံးပြုရမည့် ဝတ်စားဆင်ယင်မှုများကိုလည်း ပြုလုပ်ရမှာဖြစ်ကြောင်း ဈေးနှုန်းများကိုလည်း အများမြင်သာသောစာလုံးအရွယ်ဖြင့် ဖော်ပြရန်လိုအပ်ကြောင်း ဆွေးနွေးပြောကြားခဲ့ကြောင်း သိရှိရပါသည်။

DOCA (ရန်ကုန်)

           စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၃)ဦးတို့သည် အမှတ်(၁၉၇/၁၉၈/၁၉၉)၊ (၁၀)လမ်း၊ ဇေကမ္ဘာဝင်း၊ ရန်ကုန်စက်မှုဇုန်၊ မင်္ဂလာဒုံမြို့နယ်ရှိ Yum Yum စက်ရုံသို့ (၂၂.၇.၂၀၂၅)ရက်နေ့ နေ့လယ် (၀၁:၀၀)နာရီအချိန်တွင် ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ ဈေးကွက်မရောက်မီ စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

             ထိုသို့ဆောင်ရွက်ခဲ့ရာတွင် မြို့နယ်စည်ပင်သာယာအုပ်ချုပ်ရေးမှူးရုံးမှ အကြီးတန်းစာရေး ဦးကျော်သူရအောင်မှ ပူးပေါင်းပါဝင်လျက် Yum Yum အမှတ်တံဆိပ်ဖြင့် ထုတ်လုပ်သော CHEMAMY၊ CHICKEN၊ SHRIMY၊ TOMYUM တို့ဖြစ်ပြီး ကုန်ပစ္စည်းအားလုံးတွင် စားသုံးသူကာကွယ်ရေးဥပဒေ (၂၀၁၉)၊ အခန်း(၁၈)တွင် ပြဌာန်းထားသော ကုန်အညွှန်းအမှတ်အသားများ ဖော်ပြခြင်းဆိုင်ရာအချက်များနှင့် ကိုက်ညီမှုရှိခြင်း၊ သက်ဆိုင်ရာဌာနတို့၏ ခွင့်ပြုထောက်ခံချက်အမှတ်များလည်း ပါဝင်ကြောင်း စစ်ဆေးတွေ့ရှိရပြီး လုပ်ငန်းရှင်ကိုလည်း စီးပွားရေးလုပ်ငန်းရှင် လိုက်နာရမည့်တာဝန်များကို ဆွေးနွေးပြောကြားခဲ့ကြောင်း သိရှိရပါသည်။

DOCA (ရန်ကုန်)

       (၂၁.၇.၂၀၂၅)ရက်နေ့ နံနက်(၀၉:၀၀)နာရီအချိန်တွင် တိုက်ကြီးမြို့နယ်အထွေထွေအုပ်ချုပ်ရေး ဦးစီးဌာန အစည်းအဝေးခန်းမတွင် တိုက်ကြီး၊ မှော်ဘီ၊ လှည်းကူးခရိုင် ခရိုင်အဆင့်ရှာဖွေရေးသင်တန်း (၁/၂၀၂၅)ဖွင့်ပွဲအခမ်းအနားကျင်းပပြုလုပ်ခဲ့ပါသည်။

          အခမ်းအနားသို့ တိုက်ကြီးခရိုင်စီမံအုပ်ချုပ်ရေးအဖွဲ့ ဥက္ကဌနှင့်အဖွဲ့ဝင်များ၊ တိုက်ကြီး၊ မှော်ဘီ၊ လှည်းကူးခရိုင်/ မြို့နယ်မီးသတ်ဦးစီးဌာနမှ မီးသတ်ဦးစီးမှူးနှင့်ဝန်ထမ်းများ၊ မိခင်နှင့်ကလေးစောင့် ရှောက်မှုကြီးကြပ်ရေးအသင်းအဖွဲ့ဝင်များ၊ စားသုံးသူရေးရာဦးစီးဌာနမှ မြို့နယ်ခွဲတာဝန်ခံနှင့်လူမှုရေး အသင်းအဖွဲ့များ စုစုပေါင်းအင်အား(၁၅၀)ဦးခန့်တက်ရောက်ခဲ့ပြီး အခမ်းအနားတွင် တိုက်ကြီးခရိုင် စီမံအုပ်ချုပ်ရေးအဖွဲ့ဥက္ကဌမှ သင်တန်းဖွင့်မိန့်ခွန်းပြောကြားခြင်း၊ သင်တန်းမှူးမှ ဆက်လုပ်ခွင့်တောင်းခံခြင်းနှင့် ရှာဖွေကယ်ဆယ်ရေးသင်တန်းဖွင့်ပွဲတွင် ကယ်ဆယ်ရေးပစ္စည်းများ ခင်းကျင်းပြသထားမှုအား လိုက်လံကြည့်ရှု၍ သင်တန်းမှူးများမှ ရှာဖွေကယ်ဆယ်ရေးပစ္စည်းများ၏ အသုံးပြုပုံများအား ရှင်းလင်းတင်ပြခြင်း အရန်မီးသတ်တပ်ဖွဲ့ဝင်များနှင့်လူမှုရေးအသင်းအဖွဲ့များမှ သင်တန်းသား(၁၀၀) ဦးအား သင်တန်းပို့ချခြင်း ဆောင်ရွက်ခဲ့ကြောင်း သိရှိရပါသည်။

DOCA (ရန်ကုန်)

          (၂၂.၇.၂၀၂၅)ရက်နေ့ နံနက် (၀၉:၃၀)နာရီအချိန်တွင် တိုက်ကြီးခရိုင်၊ တိုက်ကြီးမြို့နယ် ဗောဓိကုန်းရပ်ကွက်၊ မြို့နယ်ပြည်သူ့ဆေးရုံအစည်းအဝေးခန်းမတွင် မြို့နယ်အဆင့်သွေးလွန် တုပ်ကွေးရောဂါအရှိန်အဟုန်မြှင့်ကာကွယ်နှိမ်နင်းရေး လုပ်ငန်းညှိနှိုင်းအစည်းအဝေးအား ကျင်းပပြုလုပ်ခဲ့ပါသည်။

         အစည်းအဝေးတွင် တိုက်ကြီးခရိုင်စီမံအုပ်ချုပ်ရေးအဖွဲ့ ဥက္ကဌနှင့်အဖွဲ့ဝင်များ၊ တိုက်ကြီးမြို့နယ် စီမံအုပ်ချုပ်ရေးအဖွဲ့ဥက္ကဌနှင့် အဖွဲ့ဝင်များ၊ ခရိုင်အမျိုးသမီးရေးရာအဖွဲ့ ဥက္ကဌနှင့်အဖွဲ့ဝင်များ၊ စားသုံးသူရေးရာဉီးစီးဌာန၊ တိုက်ကြီးမြို့နယ်ခွဲတာဝန်ခံ ဒေါ်တင်တင်ဌေးနှင့် ပုဂ္ဂလိကဆေးရုံများမှ တာဝန်ခံများ စုစုပေါင်းအင်အား(၁၀၀)ဉီးခန့် တက်ရောက်ခဲ့ရာ မြို့နယ်ပြည်သူကျန်းမာရေးဉီးစီးဌာနမှ ဌာနမှူးဒေါက်တာမင်းသိန်းမှ သွေးလွန်တုပ်ကွေးရောဂါအရှိန်အဟုန်မြှင့်ကာကွယ်နှိမ်နင်းရေး လုပ်ငန်းစဉ်များအား ရှင်းလင်းတင်ပြခြင်း၊ အစည်းအဝေးတက်ရောက်လာသူများမှ ပြန်လည်ဆွေးနွေးခြင်း၊ ဒေါက်တာမင်းသိန်းက Fogging Machine အသုံးပြုပုံအား ရှင်းလင်းတင်ပြကာ တက်ရောက်လာသူများမှ ရပ်ကွက်/ ကျေးရွာအုပ်စုများတွင် အဘိတ်ဆေးခေတ်ခြင်း၊ ရေဝပ်နိုင်သော နေရာများတွင် ပိုးလောက်လန်းများရှိ/ မရှိ လိုက်လံစစ်ဆေးခြင်းနှင့် ဆေးမှုတ်ခြင်းလုပ်ငန်းများ ဆောင်ရွက်ခဲ့ပါကြောင်း သိရှိရပါသည်။

DOCA (ရန်ကုန်)

              စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးနှင့် ဝန်ထမ်းများသည်(၂၂.၇.၂၀၂၅)ရက်နေ့ နံနက်(၀၉:၃၀) နာရီအချိန်တွင် အင်းစိန်မြို့နယ်ရှိ အမှတ်(၆) အခြေခံပညာအထက်တန်းကျောင်း၊ ပညာတံခွန်ခန်းမတွင် စားသုံးသူကာကွယ်ရေးဆိုင်ရာ သိကောင်းစရာများအကြောင်း ဟောပြောခြင်းကို ဆောင်ရွက်ခဲ့ပါသည်။

            ဟောပြောပွဲတွင် ဒေါ်နီလာဝင်း၊ ဦးစီးမှူးက စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ ဖွဲ့စည်းပုံ၊ စားသုံးသူရေးရာဦးစီးဌာန၏ ဆောင်ပုဒ်၊ မျှော်မှန်းချက်၊ ရည်မှန်းချက်၊ စားသုံးသူကာကွယ်ရေး ပေါ်ပေါက်လာပုံတို့ကို ရှေးဦးစွာ အသိပညာပေးပြောကြားခဲ့ပြီး ဆက်လက်၍ ဒေါ်နီလာဦး၊ ဦးစီးမှူးမှ စားသုံးသူကာကွယ်ရေးဥပဒေကို ၂၀၁၉  ခုနှစ်၊ မတ်လ (၁၅)ရက်နေ့တွင် အခန်း(၂၅)ခန်း၊ ပုဒ်မ(၈၄)ခုဖြင့် ပြဌာန်းခဲ့ကြောင်း၊ စားသုံးသူစကားရပ်၏ အဓိပ္ပါယ် စားသုံးသူအခွင့်အရေးနှင့်တာဝန်များအကြောင်း၊ ကုန်စည်နှင့်စပ်လျဉ်း၍ အာမခံချက် ပေးခြင်းများအကြောင်း၊ စားသုံးသူရေးရာဦးစီးဌာနလက်ရှိဆောင်ရွက်နေသည့် လုပ်ငန်းဆောင်ရွက်ချက်များအကြောင်း စသည်တို့ကို အသိပညာပေးဟောပြောခဲ့ပြီး ဟောပြောပွဲသို့ ဆရာ/ ဆရာမ၊ ကျောင်းသား/ ကျောင်းသူစုစုပေါင်း(၁၄၇)ဉီး တက်ရောက်ခဲ့ကြောင်း သိရှိရပါသည်။

DOCA (ရန်ကုန်)