HighLight News

             စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူး ဦးအောင်လွင်သည် (၉.၇.၂၀၂၅)ရက်နေ့ နံနက် (၀၉:၃၀) နာရီအချိန်တွင် ညောင်တုန်းမြို့နယ်ဦးစီးမှူးရုံးခန်းမတွင်  ပဲ/နှမ်း ကုန်သည်များအသင်းအဖွဲ့မှ တာဝန်ရှိသူများနှင့် တွေ့ဆုံ၍ ပြည်တွင်း ကုန်သွယ်မှုဖွံ့ဖြိုးတိုးတက်စေရေး ဆွေးနွေးခြင်းကို ဆောင်ရွက်ခဲ့ပါသည်။

               ထိုသို့ဆွေးနွေးခဲ့ရာတွင် ညောင်တုန်းမြို့နယ်ဦးစီးမှူးဦးအောင်လွင်က ပြည်တွင်းကုန်သွယ်မှုဖွံ့ဖြိုးတိုးတက်ရေးဆွေးနွေးပြီး မြို့နယ်တွင်း ပဲ၊ နှမ်းထွက်ရှိမှုအခြေအနေများကိုမေးမြန်းခဲ့သည်။  အသင်းအဖွဲ့ဝင်က  မြို့နယ်ကအသင်းအနေဖြင့် ဒေသတွင်းထွက်ရှိသော မတ်ပဲများကို အဓိကထားဝယ်ယူပြီး ရန်ကုန်တင်ပို့မှုအခြေအနေများကို ဆွေးနွေးခြင်း၊ ကုန်ပစ္စည်းအရည်အသွေး၊ အလေးချိန်၊ ဈေးနှုန်းမှန်ကန်စေရေး ဦးစားပေးဆောင်ရွက်လျက်ရှိပြီး ကြောင်း၊ အသင်းအဖွဲ့ဝင်အားလုံးမှာလည်း မိမိတို့မြို့နယ်တွင် လုပ်ငန်းရှင်သန်လည်ပတ်နိုင်ရေး ကြိုးပမ်းဆောင်ရွက်လျက်ရှိပါကြောင်း၊ သက်ဆိုင်ရာဌာန၊ အဖွဲ့အစည်း များမှလည်း ကူညီဆောင်ရွက်ပေးလျက်ရှိပြီး ဒေသတွင်းဖွံ့ဖြိုးမှုအခြေအနေများကို ပိုမိုတိုးတက်လာနိုင်မှာဖြစ်ကြောင်း ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

              (၁၄.၇.၂၀၂၅)ရက်နေ့ မအူပင်ခရိုင် မအူပင်မြို့နယ်အထွေထွေအုပ်ချုပ်ရေးမှူးအစည်းအဝေးခန်းမတွင် စားအုန်းဆီ လက်လီ/လက္ကားဖြန့်ဖြူး ရောင်းချသည့် ကိုယ်စားလှယ်များအားစားအုန်းဆီဖြန့်ဖြူးမှုကြီးကြပ်သည့် EOS(Software) သင်တန်းသို့ ညောင်တုန်း မြို့နယ်မှ(၇၅)ဦးနှင့် ဓနုဖြူမြို့နယ်မှ(၃၁)ဦးတက်ရောက်ခဲ့ကြောင်း သိရသည်။

             သင်တန်းတွင် စားသုံးသူရေးရာဦးစီးဌာနမှ ဒုခရိုင်ဦးစီးမှူး ဦးအောင်ဇော်ဦးက အဖွဲ့အမှာစကားပြောကြားခဲ့ပြီး စားသုံးသူလက်ဝယ်အရောက် ဆီရောင်းချခွင့်လုပ်ငန်းစဉ်များကို သိရှိနိုင်ရန် လေ့လာမှတ်သားရန်လိုအပ်ကြောင်း၊ စီးပွားရေးလုပ်ငန်းရှင်နှင့် စားသုံးသူအကြား အခွင့်အရေးထိခိုက်နစ်နာမှု မရှိစေရန် ရည်ရွယ်၍ သင်ကြားပို့ချ လုပ်ဆောင်ခြင်းဖြစ်ကြောင်း ပြောကြားခဲ့ပြီး၊ ကုမ္ပဏီမှ မြို့နယ်ဆီလက်ကား ကိုယ်စားလှယ်များမှ EOS(Softwareဖြင့် ဆီရောင်းချခွင့် လုပ်ငန်းစဉ်အဆင့်ဆင့်နှင့် လက်ကားဆိုင်များမှ လက်လီဆိုင်များကို ဆီရော်ငးချခွင့်လုပ်ငန်းအဆင့်ဆင့်၊ လက်လီဆိုင်များမှ အထောင်စု  မိသားစုများ လစဉ် ဆီထုတ်ယူခွင့် လုပ်ငန်းအဆင့်ဆင့်ကို Power Pointဖြင့် ချပြရှင်းလင်းခဲ့ပြီး MCBဘဏ်၏ CTIZEN Payတို့ဖြင့် လုပ်ဆောင်ရမည့် ဆောင်ရွက်ချက်မျာစးကို သင်တန်းသူ/သားများအား ဖွင့်လှစ်ပြီး အကောင့်ဖွင့် ဆောင်ရွက်ခဲ့ပြီးနေ့လည် (၁၄၀၀)နာရီတွင် သင်တန်းပြီးဆုံးကြောင်း သတင်းရရှိပါသည်။

DOCA(ဧရာဝတီ)

          မြန်မာနိုင်ငံဆန်စက်လုပ်ငန်းရှင်များအသင်းခွဲ မအူပင်မြို့နယ်၏ ၂၀၂၅-၂၀၂၈ သက်တမ်းကာလ အလုပ်အမှု ဆောင်ရွေးချယ်တင်မြှောက်ခြင်းအခမ်းအနားကို ၁၃-၇-၂၀၂၂ ရက်နေ့ နံနက် ၁၀:၃၀ နာရီတွင် မအူပင်မြို့နယ် ဆန်စက်လုပ်ငန်းရှင်အသင်း အစည်းအဝေးခန်းမတွင် ကျင်းပပြုလုပ်ရာ မြို့နယ်အထွေထွေအုပ်ချုပ်ရေးဦးစီးဌာနမှ တာဝန်ရှိသူများ၊ မအူပင် ဆန်စက်ပိုင်ရှင်များ၊ မြို့နယ်စားသုံးသူရေးရာဦးစီးဌာန၊ ဆန်စက်အသင်းကိုယ်စားလှယ်နှင့် တာဝန်ရှိသူများ တက်ရောက်ခဲ့ကြောင်း သိရသည်။

           အမှုဆောင်ရွေးချယ်ရေးအတွက် သက်ဆိုင်ရာဌာနများမှ ကိုယ်စားလှယ်များဖြင့်ပူးပေါင်း၍ အမှုဆောင်ရွေးချယ်ရေး လုပ်ငန်းကော်မတီကို ၅ဦးကော်မတီဖြင့် ဖွဲ့စည်းခဲ့ပြီး အမှုဆောင်အသစ်များကို တိုင်းအသင်းကိုယ်စားလှယ်များ မြို့နယ်အသင်း နာယကကြီးများကို ရွေးချယ်တင်မြှောက်ခဲ့ကြပြီး စားသုံးသူရေးရာဦးစီးဌာနမှ ဒု-ခရိုင်ဦးစီးမှူးက အသင်းဖွဲ့စည်းပြီးမှုအခြေအနေများကို တိုင်းဒေသကြီးသို့ ဆက်လင်တင်ပြဆောင်ရွက်သွားမည်ဖြစ်ပြီး အသင်း၏ ရှေ့ဆက်လုပ်ဆောင်ရမည့် လုပ်ငန်းစဉ်များအကြောင်းနှင့် အသင်းအစု၊ အဖွဲ့များ ရှင်သန်အားကောင်းစေရေး ဒေသတွင်းလုပ်ငန်းများ ဖွံဖြိုးတိုးတက်ရန် အသင်းများမှ ဆောင်ရွက်သွားရန်လိုအပ်ကြောင်းကို ထည့်သွင်းဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

            ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေးအတွင်း/ အပြင်နှင့် ရပ်ကွက်များရှိ အခြေခံစားကုန် ပစ္စည်းအရောင်းဆိုင်များသို့ ဇူလိုင်လ(၁၄)ရက်နေ့၊ နံနက်(၀၉:၀၀)နာရီအချိန်တွင် ဇူလိုင်လဆန်းတွင် ဖြစ်ပေါ်နေသည့် အခြေခံစားကုန်ပစ္စည်းများ၏ ဈေးနှုန်းအခြေအနေအား မြေပြင်ကွင်းဆင်းစစ်ဆေးခဲ့ကြောင်း သိရသည်။

       ထိုသို့ ဈေးကွက်အတွင်း မြေပြင်ကွင်းဆင်း စစ်ဆေးခဲ့ရာတွင် စားသုံးသူရေးရာဦးစီးဌာန မြို့နယ်တာဝန်ခံ ဦးတင်မင်းနှင့် မြို့နယ်စည်ပင်သာယာရေးအဖွဲ့မှ မြို့မဈေးတာဝန်ခံ ဦးအေးသွင်တို့သည် စည်ပင်လမ်း ပြည်တော်သာရပ်ကွက်ရှိ ရတနာလွင် ကုန်စုံဆိုင်၊ ဗိုလ်ချုပ်လမ်း မြို့မရပ်ကွက်ရှိ ဦးသိန်းထွဋ်(ခ) ဦးကိုလေး ကုန်စုံဆိုင်၊ စည်ပင်သာယာမြို့မဈေးအတွင်းရှိ ဒေါ်မူ၊ ဒေါ်မွှေးကြူ၊ မိဘရိပ် ဆန်ဆိုင်၊ မြို့မဈေး အပြင်တန်းရှိ ဒေါ်လုံးလုံး၊ ဦးချမ်းသာကြီးဆန်ဆိုင်၊ ဦးတင့်ဆွေဦး၊ ဦးဌေးလှိုင်၊ ဦးတင်ဝင်း၊ ဒေါ်ချောစုလှိုင်၊ ဒေါ်ချိုချိုမြင့် ကုန်ခြောက်ဆိုင်၊ ဒေါ်ပေါက်၊ ဒေါ်နိုင်နိုင်မော် ကြက်သားဆိုင်၊ ဦးခင်မောင်ဝင်း ဝက်သားဆိုင်၊ ဦးကုလား အမဲသားဆိုင်၊ ဦးဇော်ကြီး ဆိတ်သားဆိုင်၊ ဒေါ်သင်းသင်း၊ ဒေါ်မျိုးမျိုးဝင်း ရေချိုရေငံ ငါးပုဇွန် အရောင်းဆိုင်၊ ဒေါ်ချို ကြက်ဥ၊ ဘဲဥ လက်လီလက်ကား အရောင်းဆိုင်၊ ဒေါ်သန်းသန်းစိုး ငါးပိ၊ ငါးခြောက် ဆိုင်နှင့် ဦးဖိုးထောင်၊ ဦးကျောက်ခဲ အသီးအရွက် ကုန်စိမ်းဆိုင်တို့တွင် ဇူလိုင်လဆန်းနှင့် ဇူလိုင်လ အလယ်တွင် ဖြစ်ပေါ်နေသည့် အခြေခံစားကုန်ပစ္စည်း ဈေးနှုန်းအခြေအနေတို့မှာ သိသိသာသာ ကွာခြားမှုမရှိဘဲ စားအုန်းဆီဈေးနှုန်းမှာလည်း တည်ငြိမ်လျက်ရှိသည်ကို စစ်ဆေးတွေ့ရှိခဲ့ကြောင်း သိရှိရပါသည်။

DOCA(ရန်ကုန်)

        တိုက်ရိုက်မျိုးစေ့ချကိရိယာ (Seeder)ဖြင့် မိုးစပါးလက်တွေ့ စိုက်ပျိုးခြင်း အခမ်းအနားကို ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၊ အဖျောက်ကျေးရွာအုပ်စု၊ ကွင်းအမှတ် (၂၇၇) ဦးပိုင်အမှတ်(၁/၁) သရုပ်ပြဧက(၅)ဧက တောင်သူ ဦးစန်းလွင်၏ လယ်ယာမြေ၌ ဇူလိုင်လ (၁၁)ရက်နေ့၊ နံနက် (၀၉:၃၀)နာရီအချိန်တွင် ကျင်းပပြုလုပ်ခဲ့ကြောင်း သိရသည်။                                                                                                 အဆိုပါ အခမ်းအနားတွင် ကော့မှူးမြို့နယ်စီမံအုပ်ချုပ်ရေးအဖွဲ့ဥက္ကဌ ဦးမျိုးမင်းမှ အဖွင့် အမှာစကားပြောကြားပေးခဲ့ပြီး မြို့နယ်စိုက်ပျိုးရေးဦးစီးဌာနမှ မြို့နယ်ဦးစီးမှူး ဦးသက်နိုင်မှ တိုက်ရိုက်မျိုးစေ့ချ ကိရိယာ seeder ၏ အကျိုးကျေးဇူးများဖြစ်သော လုပ်အားသက်သာခြင်း မျိုးစေ့ကုန်ကျသက်သာခြင်း ပင်ကြားတန်းကြား ညီညာစွာ စိုက်ပျိုးနိုင်ခြင်း၊ ကြားလိုက်သမန်းနိုး ရန်လွယ်ကူခြင်း၊ တစ်ဧကအောက်ကွက် ပြည့်မှီခြင်း၊ ပင်ပွားကောင်းမွန်ခြင်း၊ လေဝင်လေထွက် ကောင်း၍ အပင်ဖြစ်ထွန်းမှု ပိုမိုကောင်းမွန်ခြင်း စသည့်တို့အား အကျယ်တဝင့် ရှင်းလင်းပြော ကြားပေးခဲ့ပြီး မိုးစပါးတိုက်ရိုက်မျိုးစေ့ချ ကိရိယာ Seeder ဖြင့် လက်တွေ့စိုက်ပျိုးခြင်းတို့အား ဆောင်ရွက်ခဲ့ကြောင်း သိရသည်။

           အဆိုပါ မိုးစပါး တိုက်ရိုက်မျိုးစေ့ချ ကိရိယာ Seeder ဖြင့် လက်တွေ့စိုက်ပျိုးခြင်း အခမ်း အနားသို့ တွံတေးခရိုင်စီမံအုပ်ချုပ်ရေးအဖွဲ့ အဖွဲ့ဝင်(၂) ဦးဝင်းထွန်းနိုင်နှင့် ကော့မှူးမြို့နယ်စီမံ အုပ်ချုပ်ရေးအဖွဲ့ဥက္ကဌနှင့် အဖွဲ့ဝင်များ၊ မြို့နယ်စိုက်ပျိုးကြီးကြပ်မှုအဖွဲ့ဝင်များ၊ မြို့နယ်အဆင့် ဌာနဆိုင်ရာများ၊ ရပ်ကွက်/ကျေးရွာအုပ်စုမှ အုပ်ချုပ်ရေးမှူးနှင့် လေ့လာသူ တောင်သူများ တိုက်ရိုက်မျိုးစေ့ချ ကိရိယာ Seeder ဖြင့် သရုပ်ပြ စိုက်ပျိုးခြင်းအား လှည့်လည်ကြည့်ရှု့ခဲ့ကြကြောင်း သိရှိရပါသည်။ 

DOCA(ရန်ကုန်)