HighLight News

          စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၄)ဦးတို့သည် (၁၄.၈.၂၀၂၅)ရက်နေ့ နံနက်(၁၀:၀၀)နာရီအချိန်တွင် အမှတ်(၂/က)၊ (၈)ရပ်ကွက်၊ ကျန်စစ်မင်းအိမ်ရာ၊ လှိုင်သာယာမြို့နယ်ရှိ City Mart (ကျန်စစ်မင်း)သို့ သွားရောက်၍ ဆန်များအား သတ်မှတ်ရည်ညွှန်းဈေးဖြင့် ရောင်းချမှုရှိ/ မရှိ ကွင်းဆင်းစစ်ဆေးခဲ့ပါသည်။

          ထိုသို့ ကွင်းဆင်းဆောင်ရွက်ရာ ဒေါ်နီလာဝင်း၊ ဦးစီးမှူးမှ ဆန်အရောင်းကောင်တာတွင် ရောင်းချနေသော ဆန်အမျိုးအစားများသည် စားသုံးသူရေးရာဦးစီးဌာနမှ သတ်မှတ်ထားသော ရည်ညွှန်းဈေးအတိုင်းရောင်းချပေးနေပြီး ဆန်ရောင်းချနေမှုနှင့်ပတ်သက်၍ စားသုံးသူပြည်သူများအား ဈေးနှုန်းမြှင့်တင်ရောင်းချခြင်းမပြုရန်၊ ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ထားရှိခြင်းများ တွေ့ရှိပါက အရေးကြီးကုန်စည်နှင့် ဝန်ဆောင်မှု ဥပဒေအရ အရေးယူဆောင်ရွက်သွားမည်ဖြစ်ကြောင်း City Mart မှ တာဝန်ခံအား ရှင်းလင်းဆွေးနွေးပြောကြားခဲ့ကြောင်း သိရှိရပါသည်။

DOCA (ရန်ကုန်)

          (၁၃.၈.၂၀၂၅)ရက်နေ့ ညနေ(၀၃:၀၀) နာရီအချိန်တွင် လှိုင်သာယာ(အရှေ့ပိုင်း)မြို့နယ်၊ အထွေထွေ အုပ်ချုပ်ရေးဦးစီးဌာန၊ အစည်းအဝေးခန်းမ၌ စားအုန်းဆီဖြန့်ဖြူးရောင်းချမှုနှင့် ပတ်သက်၍ အစည်းအဝေးသို့ စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်လဲ့လဲ့စိုး၊ ဒုဦးစီးမှူး တက်ရောက်ခဲ့ပါသည်။

          ထိုသို့ကျင်းပရာတွင် မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးအောင်ဘော်မှ မြေပြင်တွင် ကုမ္ပဏီများမှရရှိသော လက်ကားစားအုန်းဆီကိုယ်စားလှယ်များမှ လက်လီကိုယ်စားလှယ်များသို့ စားအုန်းဆီ ရောက်ရှိမှုစာရင်း၊ ခွဲဝေမှုစာရင်း၊ မြေပြင်တွင်ရောင်းချမှု စာရင်းများနှင့်ပတ်သက်ပြီး ဆွေးနွေးပြောကြားခဲ့ရာ လက်ကား/လက်လီကိုယ်စားလှယ်မှလည်း မိမိတို့ရရှိသောခွဲတမ်းများအား မြေပြင်၌ ခွဲဝေပေးမှုနေမှုအခြေအနေများအား ရှင်းလင်းပြောကြားခဲ့ပြီး အစည်းအဝေးကို (၀၄:၁၅)အချိန်တွင် ရုပ်သိမ်းခဲ့ကြောင်း သိရှိရပါသည်။

DOCA (ရန်ကုန်)

          စားသုံးသူရေးရာဦးစီးဌာန၊ မှော်ဘီခရိုင်၊ မှော်ဘီမြို့နယ်ရုံးမှ ဒေါ်ဖြူဖြူမြင့်၊ ဒုကြီးကြပ်ရေးမှူးသည် (၁၄.၈.၂၀၂၅)ရက်နေ့ နံနက်(၁၀:၀၀) နာရီအချိန်တွင် မြို့မဈေးအတွင်းရှိ စားအုန်းဆီလက်လီ အရောင်းဆိုင်များသို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

          ထိုသို့ဆောင်ရွက်ခဲ့ရာတွင် မြို့မဈေးမှ တာဝန်ခံဦးဝေလင်းအောင်မှ ပူးပေါင်းလျက် ဘီ(၂)၊ ရုံအမှတ်(၂၅/၂၆/၂၇)ရှိ ဒေါ်နွယ်နွယ်အောင် စားအုန်းဆီအရောင်းဆိုင်သို့ ရောက်ရှိခဲ့ရာ မိမိရရှိသောခွဲတမ်းအား အမှတ်(၂)ရပ်ကွက်ရှိ စားသုံးသူပြည်သူများသို့ စာအုပ်စနစ်ဖြင့် အိမ်ထောင်စုတစ်စုလျှင် (၅၀)ဆယ်သားနှုန်းဖြင့် တစ်လကို (၂.၅၀)သားနှုန်းဖြင့် ဆီဖြန့်ဝေပေးပါကြောင်း၊ ရပ်ကွက်အလိုက် စနစ်တကျရောင်းချပေးပါကြောင်း၊ ဈေးနှုန်းမြှင့်တင်ရောင်းချခြင်းလည်းမရှိဘဲ သတ်မှတ်ဈေးအတိုင်း ရောင်းချပေးပါကြောင်း လက်ကျန်လည်းမထားရှိပါကြောင်း သိရှိရပါသည်။

DOCA (ရန်ကုန်)

           (၁၄.၈.၂၀၂၅)ရက်နေ့ နံနက်(၁၁:၀၀) နာရီအချိန်တွင် စားသုံးသူရေးရာဦးစီးဌာန၊ တိုက်ကြီးခရိုင်၊ တိုက်ကြီးမြို့နယ်ခွဲတာဝန်ခံ ဦးရှင်းခန့်ကိုကိုသည် တိုက်ကြီးမြို့မဈေးတွင် စားအုန်းဆီလက်လီ ရောင်းချနေခြင်းအား ကွင်းဆင်းစစ်ဆေးခဲ့ပါသည်။

          ထိုသို့စစ်ဆေးခဲ့ရာတွင် ဈေးတာဝန်ခံဦးပြည့်ဖြိုးမောင်မှ ပူးပေါင်းပါဝင်လျက် ဈေးအတွင်းရှိ ဦးမြသောင်းဆိုင်တွင် စားအုန်းဆီရောင်းချနေမှုအား စစ်ဆေးခဲ့ရာ စာအုပ်စနစ်ဖြင့် အိမ်ထောင်စု တစ်စုလျှင်(၅၀)ကျပ်သားနှုန်းဖြင့် တစ်လလျှင် (၄)ကြိမ်ပေးပါကြောင်း၊ ဈေးနှုန်းမှာလည်း သတ်မှတ်ရည်ညွှန်းဈေးအပေါ် ဖြစ်သင့်ဖြစ်ထိုက်သည့်သယ်ယူစရိတ်နှင့် အမြတ်(၂%)သာ ထပ်ဆောင်းရောင်း ပါကြောင်း၊ မိမိတို့ဌာနမှလည်း ဈေးကစားရန် ရည်ရွယ်ချက်ဖြင့် သိုလှောင်ခြင်း၊ ဈေးနှုန်းမြှင့်တင် ရောင်းချခြင်းများရှိပါက အရေးယူဆောင်ရွက်သွားမည်ဖြစ်ကြောင်း ဆွေးနွေးပြောကြားခဲ့ကြောင်း သိရှိရပါသည်။

DOCA (ရန်ကုန်)

            ၁၂.၈.၂၀၂၅ ရက်နေ့ နေ့လယ်(၁၃:၀၀) နာရီအချိန်တွင် ကြည့်မြင်တိုင်မြို့နယ်အတွင်းရှိ  Home Made & Home Brake နှင့် ရွှေမြို့တော် မုန့်တိုက်တို့တွင် ရောင်းချနေသော စားသောက်ကုန်များအား  ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ကြောင်း သိရှိရပါသည်။ ကွင်းဆင်းစစ်ဆေးရာတွင် ကြည့်မြင်တိုင်မြို့နယ် စည်ပင်သာယာရေးမှ ရပ်ကွက်တာဝန်ခံများဖြစ်သော ဒေါ်မျိုးကျော့သွယ် (အကြီးတန်းစာရေး)၊ ဒေါ်စုစုသင်း(အငယ်တန်းစာရေး) နှင့် အနောက်ပိုင်းခရိုင်ဦးစီးမှူးရုံးမှ စစ်ဆေးရေးမှူး ဒေါ်ခိုင်သဉ္ဗာဦး(ဦးစီးမှူး)၊  ဒေါ်မြတ်မွန်(ဒု-ကြီးကြပ်ရေးမှူး)၊ ဒေါ်ကျော့ကေခိုင်ညွန့် (ရုံးအကူ မှူး) တို့ပူးပေါင်း၍ စစ်ဆေးခဲ့ကြပါသည်။

          ထိုသို့ ကွင်းဆင်းစစ်ဆေးခဲ့ရာ ၆/၂၀၂၅ ရက်နေ့တွင်သွားရောက်၍ ၎င်းမု့န်တိုက်များအား သွားရောက်စစ်ဆေးခဲ့ရာ ကုန်ညွှန်းအမှတ်အသားများ ပြည့်စုံစွာပါဝင်မှုမရှိခြင်းကြောင့်  ယခုတစ်ဖန်  ၈/၂၀၂၅  ရက်နေ့တွင် ထပ်မံသွားရောက်စစ်ဆေးခဲ့ရာ ယင်းတို့၏ မုန့်တိုက်များတွင် ရောင်းချနေသောမုန့်မျိုးစုံတို့တွင် ကုန်ညွှန်းအမှတ်အသားများ ပြည့်စုံစွာပါဝင်လာကြောင်း စစ်ဆေးတွေ့ရှိရကြောင်း သိရှိရပါသည်။

DOCA(ရန်ကုန်)