HighLight News

              စားသုံးသူရေးရာဦးစီးဌာန ဧရာဝတီတိုင်းဒေသကြီး မအူပင်ခရိုင်၊ ခရိုင်ဦးစီးမှူးနှင့် ဝန်ထမ်းများသည် (၁၅-၇-၂၀၂၅)ရက် နံနက်(၀၉:၀၀)နာရီအချိန်တွင် ပန်းတနော်မြို့နယ် မြို့မဈေးကြီးအတွင်း ဆီကိုယ်စားလှယ် လက်ကားဆိုင်(၂၁) ဆိုင်အား  စားအုန်းဆီလက် လီရောင်းချပေးနေမှု သက်မှတ်ချက်နှင့်အညီ ပြည်သူများအား ရောင်းချခြင်းရှိ/ မရှိ ကွင်းဆင်းစစ်ဆေးခဲ့ကြောင်း သိရှိရပါသည်။

        ကွင်းဆင်းစစ်ဆေးရာတွင် ပန်းတနော် စားအုန်းဆီ လက်ကားအရောင်းဆိုင်များအား ကွင်းဆင်းစစ်ဆေးရာတွင် အချိန်အတွယ်မှန်ကန်မှုရှိ/ မရှိ၊ ဈေးနှုန်းမှန်ကန်မှုရှိ/ မရှိနှင့် ဆီကိုယ်စားလှယ်က စစ်ဆေးသည့်နေ့အတွင်း ဆီရောင်းချပိဿာနှင့် ရည်ညွှန်းဈေးဖော်ပြ၍ ရောင်းချခြင်းရှိ/ မရှိ၊ ဆီရောင်းချမှု စာရင်းရေးသွင်းထားမှုအခြေအနေကို စစ်‌ပြီး၊ ရောင်းချနေသော ဆီပေပါခွဲများကို သန်ရှင်းသပ်ရပ်စွာ ဆေးကျောပြီးမှ ပြန်လည်အသုံးပြုရန်၊ ဆီပေပါအသစ်များ ရရှိပါက သန့်ရှင်စွာကိုင်တွယ်အသုံးပြုရန် စားအုန်းဆီ လက်လီ/ လက္ကားဖြန့်ဖြူး ရောင်းချသည့် ကိုယ်စားလှယ်များ အားစားအုန်းဆီ ဖြန့်ဖြူးမှုကြီးကြပ်သည့် EOS(Software) ကိုအသုံပြု၍ ဆောင်ရွက်ရာတွင် တိကျစွာ အချက်အလက်များဖြည့်သွင်း ဆောင်ရွက်နိုင်ရေး အကြံပြုစစ်ဆေး ပြောကြားခဲ့ပြီး၊ ယခုကဲသို့ စစ်ဆေးဆောင်ရွက်မှုကို လစဉ်ဆောင်ရွက်သွားမည်ဖြစ်ကြောင်း  ဆိုင်ရှင်များကို အသိပေးပြောကြားခဲ့ကြောင်း သိရှိရပါသည်။

DOCA(ဧရာဝတီ)

             စားသုံးသူရေးရာဦးစီးဌာန ဧရာဝတီတိုင်းဒေသကြီး မအူပင်ခရိုင် ဓနုဖြူမြို့နယ်တာဝန် ခံဦးဝင်းမင်းစိုးနှင့် ဝန်ထမ်းများသည် ၂၀၂၅ ခုနှစ်၊ ဇူလိုင် ၁၆ ရက် နံနက်(၀၈:၀၀)နာရီအချိန်တွင် ဓနုဖြူမြို့နယ် မြို့မဈေးကြီးအတွင်း ဆီကိုယ်စားလှယ် လက်ကားဆိုင်(၁၆) ဆိုင်အား  စားအုန်းဆီလက် လီရောင်းချပေးနေမှု သက်မှတ်ချက်နှင့်အညီ ပြည်သူများအား ရောင်းချခြင်း ရှိမရှိ ကွင်းဆင်းစစ်ဆေးခဲ့ကြောင်း သိရှိရပါသည်။

         ဓနုဖြူမြို့နယ်တာဝန်ခံမှ စားအုန်းဆီ လက်ကားအရောင်းဆိုင်များအား ကွင်းဆင်းစစ်ဆေးရာတွင် အချိန်အတွယ်မှန်ကန်မှုရှိ/ မရှိ၊ ဈေးနှုန်းမှန်ကန်မှုရှိ/ မရှိနှင့် ဆီကိုယ်စားလှယ်က စစ်ဆေးသည့်နေ့အတွင်း ဆီရောင်းချပိဿာနှင့် ရည်ညွှန်းဈေးဖော်ပြ၍ ရောင်းချခြင်းရှိ/ မရှိ၊ ဆီရောင်းချမှု စာရင်းရေးသွင်းထားမှုအခြေအနေကို စစ်‌ပြီး၊ စားအုန်းဆီ လက်လီ/ လက္ကားဖြန့်ဖြူး ရောင်းချသည့် ကိုယ်စားလှယ်များအားစားအုန်းဆီဖြန့်ဖြူးမှုကြီးကြပ်သည့် EOS(Software) ကိုအသုံပြု၍ ဆောင်ရွက်ရာတွင် တိကျစွာ အချက်အလက်များဖြည့်သွင်း ဆောင်ရွက်နိုင်ရေး အကြံပြုစစ်ဆေးပြောကြားခဲ့ကြောင်း  သတင်းရရှိပါသည်။

DOCA(ဧရာဝတီ)

         ရန်ကုန်အရှေ့ပိုင်းခရိုင်စားသုံးသူရေးရာဦးစီးမှူးရုံးမှ ဒေါ်လဲ့လဲ့ဌေး(ဒု-ဦးစီးမှူး)နှင့် ဝန်ထမ်းများသည် (၁၈-၇-၂၀၂၅)ရက်နေ့၊ နေ့လယ်(၁၂:၀၀) နာရီအချိန်တွင် မင်္ဂလာတောင်ညွှန့် မြို့နယ် (New Day )စက်သုံးဆီ အရောင်းဆိုင်သို့ သွားရောက်၍  ကွင်းဆင်းစစ်ဆေးခြင်း  ဆောင်ရွက်ခဲ့ပါသည်။

              ထိုသို့စစ်ဆေးခြင်း ဆောင်ရွက်ရာတွင် စက်သုံးဆီအရောင်းဆိုင်များ၏ စက်သုံးဆီရောင်း ချမှုအခြေအနေများ၊ စက်သုံးဆီဈေးနှုန်း၊ စက်သုံးဆီအရည်အသွေး၊ အခြင်အတွယ် မှန်ကန်မှုရှိ/ မရှိ၊ ဆီကားရောက်ရှိမှုအခြေအနေများနှင့် ဆီလက်ကျန်အခြေအနေများအား စစ်ဆေးမေးမြန်းခြင်း ဆောင်ရွက်ခဲ့ပြီး၊ မြို့နယ်အတွင်း စက်သုံးဆီပြတ်လပ်မှုမရှိစေရေးနှင့် စက်သုံးဆီ ဈေးနှုန်း အဆမတန်မြှင့်တင်ရောင်းချမှုများမရှိစေရေး အသိပေးဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

      ၂၀၂၅ ခုနှစ်၊ ဇူလိုင်လ(၁၇) ရက်နေ့ (၁၃:၀၀) နာရီအချိန်တွင် စားသုံးသူရေးရာဦးစီးဌာန၊ ရန်ကုန်အနောက်ပိုင်းခရိုင်ဦးစီးမှူးရုံးမှ စစ်ဆေးရေးအရာရှိအဖွဲ့သည် Online Sale ရောင်းချမှုနှင့် စပ်လျဉ်း၍ မှတ်ပုံတင်လျှောက်ထားသည့် ကမာရွတ်မြို့နယ်၊ အမှတ်(၇)၊ Junction Square အခန်း(၀၂-၂၄) Online Shop လုပ်ငန်းသို့သွားရောက်၍ မြေပြင်စစ်ဆေး ဆောင်ရွက်ခဲ့ပါသည်။ ထိုသို့ဆောင်ရွက်ရာတွင် စစ်ဆေးရေးအရာရှိမှ Online စနစ်နှင့် ရောင်းချခြင်းလုပ်ငန်းနှင့် ပတ်သက်၍ အချက်(၁၈)ချက်နှင့် ကိုက်ညီမှုရှိ/ မရှိစစ်ဆေးခြင်းနှင့် စစ်ဆေးရေးအရာရှိမှ လုပ်ငန်းရှင်များကို ဆွေးနွေးရာတွင် Online စနစ်နှင့် ရောင်းချခြင်းလုပ်ငန်းကို အရေးကြီးကုန်စည် ဝန်ဆောင်မှုဥပဒေ အဖြစ်သတ်မှတ်ထားသည့်အတွက်  အခြားလိုအပ်ချက် အချက်အလက်များအား အသိပညာပေး ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

           သောကြာနေ့တိုင်း တစ်ပတ်တစ်ခါ စက်သုံးဆီဈေးနှုန်းများ ပြောင်းလဲလျက်ရှိရာ ယခု တစ်ပတ်(၁၈.၇.၂၀၂၅) ရက်နေ့တွင် ဒီဇယ်(ရိုးရိုး) (အဆင့်မြင့်)၊ ဓါတ်ဆီ(ရိုးရိုး) (အဆင့်မြင့်) တို့၏ ဈေးနှုန်းပြောင်းလဲ မှုမှာ 95 Octance ဓါတ်ဆီ(အဆင့်မြင့်) ဈေးနှုန်းတစ်လီတာမှာ ၃၀၂၀ ကျပ်၊ 92 Octance ဓါတ်ဆီ (ရိုးရိုး) ဈေးနှုန်းတစ်လီတာမှာ ၂၉၆၅ ကျပ်၊ ဒီဇယ်(ရိုးရိုး) ဈေးနှုန်းတစ်လီတာမှာ ၂၆၈၅ ကျပ်၊ ဒီဇယ် (အဆင့်မြင့်) ဈေးနှုန်းတစ်လီတာမှာ ၃၃၃၀ ကျပ်ဖြစ်ကြောင်း သိရှိရပါသည်။ ယခင်တစ်ပတ် သောကြာနေ့ ဒီဇယ်၊ ဓါတ်ဆီ (ရိုးရိုး) (အဆင့်မြင့်)   တို့၏ ဈေးနှုန်းမှာ 95 Octance ဓါတ်ဆီ (အဆင့်မြင့်) ဈေးနှုန်းတစ်လီတာမှာ ၃၀၁၀ ကျပ်၊ 92 Octance ရိုးရိုး ဓါတ်ဆီဈေးနှုန်း တစ်လီတာမှာ ၂၉၆၀ ကျပ်၊ ဒီဇယ် (ရိုးရိုး) ဈေးနှုန်းတစ်လီတာ မှာ ၂၆၃၅ ကျပ်၊ ဒီဇယ်အဆင့်မြင့် ဈေးနှုန်း တစ်လီတာမှာ ၃၂၆၅ ကျပ်ဖြစ်ကြောင်း သိရှိရပါသည်။ ယခုတစ်ပတ်အတွင်း စက်သုံးဆီ ဈေးနှုန်းများမှာ ယခင်တစ်ပတ်ထက် ဈေးနှုန်းအနည်းငယ် မြင့်တက်လျက်ရှိကြောင်း သိရှိရပါသည်။

DOCA(ရန်ကုန်)