ပြည်တွင်းကုန်သွယ်မှုသတင်း

     ပြည်ခရိုင်၊ ပေါက်ခေါင်းမြို့ရှိ သဖန်းချိုအုပ်စု၊ လေးကြီးကျေးရွာတွင် ကြက်သွန်များ စိုက်ပျိုး ထားရှိကြောင်း သိရပါသဖြင့် စိုက်ပျိုးထွက်ရှိမှုနှင့် ဈေးနှုန်း၊ ဈေးကွက် အခြေအနေများအား သိရှိနိုင်ပါရန် ပေါက်ခေါင်းမြို့နယ်တာဝန်ခံနှင့် ဝန်ထမ်းများအဖွဲ့သည် (၈.၅.၂၀၂၅)ရက် နံနက်ပိုင်း တွင် ကွင်းဆင်းခဲ့ပါသည်။

     သဖန်းချိုအုပ်စု၊ လေးကြီးကျေးရွာရှိ တောင်သူဦးခင်လေးမှ ကြက်သွန်နီ ၀.၂၅ဧကကို စိုက်ပျိုးထားရှိပြီး စိုက်ပျိုးပြီး (၂)ခန့် အကြာတွင် ကြက်သွန်များကို နှုတ်ယူရောင်းချကြပါသည်။ ၀.၂၅ဧကတွင် စိုက်ပျိုးထုတ်လုပ်ကုန်ကျစရိတ်အနေဖြင့် ၈ သိန်းကျပ်ခန့်ကုန်ကျပြီး ထွက်ရှိမှုမှာ ပိဿာ ၆၃၀ခန့်ထွက်ရှိကြောင်း သိရပါသည်။ ကြက်သွန်ဘောင်တစ်ဘောင်လျှင် ၁၄ပိဿာခန့် ထွက်ရှိ၍ စိုက်ပျိုးဘောင် ၄၅ဘောင်ရှိပါသည်။ ကြက်သွန်များထွက်ရှိလာသောအခါ တစ်ပိဿာလျှင် ၂၅၀၀ကျပ်ဖြင့် စိုက်ခင်းသို့လာရောက်ဝယ်ယူသလို ဈေးများနှင့် ပွဲရုံများသို့လည်း တင်ပို့ရောင်း ချကြပါသည်။  ၀.၂၅ဧကတွင် ရရှိသောဝင်ငွေမှာ ၁၅၇၅၀၀၀ကျပ်ဖြစ်၍ တောင်သူအကျိုးအမြတ်မှာ ၇၇၅၀၀၀ကျပ်ခန့်ရရှိကြောင်း သိရပါသည်။ တောင်သူအကျိုးအမြတ်မှာ အထွက်နှုန်းနှင့် ဈေးနှုန်းအပေါ်မူတည်၍ အပြောင်းအလဲရှိကြောင်း သိရပါသည်။ ထို့ကြောင့် ကြက်သွန်နီ စိုက် တောင်သူများအနေဖြင့် အထွက်နှုန်းကောင်းမွန်အောင် မျိုးကောင်းများရွေးခြယ်၍ နည်းပညာများ စနစ်တကျဖြင့်စိုက်ပျိုးနိုင်မည်ဆိုလျှင် ဒီထက်မက အကျိုးအမြတ်များလည်းရရှိနိုင်မည်ဖြစ်ပါသည်။

DOCA(ပဲခူး)

     ပြည်ခရိုင် ၊ ပြည်မြို့ရှိ ပန်းဈေးကွက် အနေဖြင့် ယခုအချိန် တွင် ရောင်စုံပန်းများဖြစ်သော ဂန္ဓမာပန်း၊ သစ္စာပန်း၊ နှင်းဆီပန်း ၊ မေမြို့ပန်း အစရှိသဖြင့် ပန်းများဈေးကွက်တွင် ရောင်းချလျှက်ရှိနေပါသည်။ ထိုပန်းများကို ပြည်မြို့ အနီးတဝိုက်ရှိ မှော်ဇာ၊ ကင်းပွန်းခြုံနှင့် ရွှေတောင်မြို့နယ်ရှိ ကသစ်ကိုင်းကျေးရွာများမှ လာရောက် ရောင်းချကြပါသည်။ ထိုကျေးရွာများမှ ပန်းများကို စီးပွားဖြစ်စိုက်ပျိုး ကြသလို တစ်နိုင် တစ်ပိုင် လည်း စိုက်ပျိုးပါသည်။ ထွက်ရှိလာသော ပန်းများကို ပန်းဒိုင်များ၊ ဈေးသည်များက အခင်းထဲ အထိလာရောက်ဝယ်ယူရောင်းချကြပါသည်။ ဈေးများတွင်ရောင်ချသော ပန်းများ၏ ဈေးနှုန်းများမှာ ဂန္ဓမာပန်း (အဖြူ၊ အဝါ) အကြီးအသေးရောရာ(၅)ခက်ပါတစ်စည်းလျှင် ၄၅၀၀ကျပ်၊ သစ္စာပန်း (၅)တံပါတစ်စည်းလျှင် ၂၀၀၀ကျပ်၊ နှင်းဆီပန်း အပွင့်အသေး (၁၀)ပွင့်ပါတစ်စည်းလျှင် ၃၅၀၀ကျပ်၊ နှင်းဆီပန်း (အကြီး) တစ်ပွင့်လျှင် ၅၀၀-၇၀၀ကျပ်၊ မေမြို့ပန်း (ကြွေဖြူ)တစ်စည်းလျှင် ၂၀၀၀ကျပ်၊ မေမြို့ပန်း (အက်စတာ)တစ်စည်းလျှင် ၅၀၀-၁၀၀၀ကျပ်ဖြင့် ရောင်းချလျှက်ရှိပါသည်။

    ပန်းဈေးများမှာ ယခင်နှစ်ထက်စာလျှင် ယခုနှစ်မှာဈေးများထက်ဝက်ခန့် မြင့်တက်လာ ရခြင်းမှာ မျိုးဈေးများကြီးမြင့်ခြင်း၊ အထွေထွေကုန်ကျစရိတ်များလည်း ကြီးမြင့်လာခြင်းတို့ကြောင့် ဖြစ်သည်ဟု သိရပါသည်။ ပြည်ဈေးမှတစ်ဆင့် ရန်ကုန်မြို့ရှိဈေးများနှင့် နေပြည်တော်မြို့သို့လည်း တင်ပို့ရောင်းချကြောင်း သိရပါသည်။

DOCA(ပဲခူး)

     ပြည်ခရိုင်၊ တွင်စပါးဈေးနှုန်းများမှာ ယခင်လက်ကျန်ဈေးနှုန်းဖြင့် မှော်ဘီ တင်း(၁၀၀)ဈေး ၁၇၄၈၀၀၀ကျပ်၊ ကရင်မတင်း(၁၀၀)ဈေး ၁၅၆၄၀၀၀ကျပ်၊ရတနာတိုးမှာ ၁၅၆၄၀၀၀ကျပ်၊ နှံကောက်စပါးမှာ ၁၇၄၀၀၀၀ကျပ်ဈေးရှိသော်လည် စပါးအရောင်းအဝယ်မရှိပါ။ ဆန်ဈေးများမှာ မှော်ဘီဆန် (အဟောင်း)မှာ ၇၀၀၀၀ကျပ်၊ ကရင်မဆန် တစ်အိတ်လျှင် ၇၀၀၀၀ကျပ်၊ ဆင်းသွယ်ဆန် တစ်အိတ်လျှင် ၇၂၀၀၀ကျပ်၊ ရိုးနီတစ်အိတ်လျှင် ၉၈၀၀၀ကျပ်ဖြစ်၍ ဆန်တစ်အိတ်လျှင် ဈေးအနည်းငယ်ကျနေခဲ့ပါသည်။

     အခြားခရိုင်များမှထွက်ရှိသောနွေစပါးများကို ကြိတ်ခွဲ၍ရောင်းချနေသောဆန်သစ်များကို ပြည်ခရိုင်အတွင်းမှ အရောင်းအဝယ်ရှိနေသော ဈေးများကတော့ အင်းမရဲဘော်(၂၄) ပြည်တစ် အိတ်လျှင် ၆၃၀၀၀ကျပ်၊ အင်းမစူပါတစ်အိတ်လျှင် ၆၅၀၀ကျပ်၊ ကရင်မဆန်သစ် တစ်အိတ်လျှင် ၅၄၀၀၀ကျပ်၊ ဆင်းသွယ်သစ် တစ်အိတ်လျှင် ၆၃၀၀၀ကျပ်၊ ရိုးနီ(အသစ်)(ခပ်ချက်)တစ်အိတ်လျှင် ၉၅၀၀၀ကျပ်၊ မနောသုခတစ်အိတ်လျှင် ၆၃၀၀၀ကျပ်၊ ရတနာတိုး ဆန်သား၈၅% တစ်အိတ်လျှင် ၅၃၀၀၀ကျပ်၊ ရတနာတိုးဆန်သား ၇၅% တစ်အိတ်လျှင် ၅၁၀၀၀ကျပ်၊ မှော်ဘီဆန်သစ် တစ်အိတ်လျှင် ၇၂၀၀၀ကျပ်ဖြင့် အရောင်းအဝယ်ရှိပြီး၊ ဧရာဝတီ ၊ ပုသိမ်မြို့မှ ပခမ်းဆန်သစ် တစ်အိတ်လျှင် ၈၅၀၀၀ကျပ်ဖြင့် အရောင်းအဝယ်ရှိပါသည်။ ဆန်တင်ပို့ရောင်းချမှုအနေဖြင့် ပြည်ခရိုင်မှ ဧပြီလတွင် မကွေး၊ အောင်လံ၊သရက် အေးသာယာမြို့များသို့ ဆန်အိတ်ရေစုစုပေါင်း ၃၃၄၇ အိတ် တင်ပို့နိုင်ပြီး ၊ ဧရာဝတီတိုင်းနှင့် မန္တလေးတိုင်းမှ ပြည်ခရိုင်သို့ ဝင်ရောက်မှုအနေဖြင့် ဆန်အိတ် ၉၀၀ခန့် အရောင်းအဝယ်ရှိကြောင်း သိရပါသည်။

DOCA(ပဲခူး)

          စစ်ကိုင်းတိုင်းဒေသကြီး၊ ကန့်ဘလူခရိုင် ကျွန်းလှမြို့ သစ်ရာမြိုင်ဈေးရှိ သစ်သီးဆိုင်များတွင် ပန်းသီးများ အများအပြားရောင်းချလျက်ရှိကြောင်း၊ ပန်းသီးများကို မန္တလေးမြို့ရှိ သစ်သီးပွဲရုံများမှ မှာယူရောင်းချလျက်ရှိကြောင်း သိရသည်။

          ပန်းသီးအမျိုးအစားများမှာ အလုံးကြီးနှင့် အလုံးသေးနှစ်မျိုးရှိပြီး ၂၀၂၅ ခုနှစ် ၊ မေလ ပထမ ပတ်အတွင်း ကျွန်းလှမြို့ရှိ သစ်သီးဆိုင်များတွင် ပန်းသီးအလုံးကြီး(၁)လုံးလျှင် ၃၀၀၀ကျပ်၊ ပန်းသီး အလုံးသေး(၄)လုံးလျှင် ၁၀၀၀၀ကျပ်ဖြင့် ရောင်းချလျက်ရှိကြောင်း၊ လူကြီးလူငယ် မရွေးကြိုက်နှစ် သက်သည့်အတွက် အရောင်းအဝယ်ဖြစ်လျက်ရှိကြောင်း သစ်သီးဆိုင်များမှ သိရှိရပါသည်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ ကန့်ဘလူခရိုင် ကျွန်းလှမြို့ သစ်ရာမြိုင်ဈေးရှိ သစ်သီးဆိုင်များတွင် စပျစ်သီးများ အများအပြားရောင်းချလျက်ရှိကြောင်း၊ စပျစ်သီးများကို မန္တလေးမြို့ရှိ သစ်သီးပွဲရုံများ မှမှာယူရောင်းချလျက်ရှိကြောင်း သိရသည်။

          စပျစ်သီးအမျိုးအစားများမှာ အလုံးသီးနှင့် အချွန်းသီး နှစ်မျိုးရှိကြောင်း၊ ၂၀၂၅ ခုနှစ် ၊ မေလ ပထမပတ်အတွင်း ကျွန်းလှမြို့ရှိ သစ်သီးဆိုင်များတွင် စပျစ်သီးအလုံး(၁)ပိဿာလျှင် ၁၅၀၀၀ကျပ်၊ (၂၅)ကျပ်သားလျှင် ၃၉၀၀ကျပ်၊ စပျစ်သီးအချွန်း(၁)ပိဿာလျှင် ၁၅၅၀၀ကျပ်ဖြင့် ရောင်းချ လျက်ရှိကြောင်း၊ လူကြီးလူငယ်မရွေး ကြိုက်နှစ်သက်သည့်အပြင် ရွှေရင်အေးဆိုင်များမှ ဝယ်ယူကြ သည့်အတွက် စပျစ်သီးများ အရောင်းအဝယ်ဖြစ်လျက်ရှိကြောင်း သစ်သီးဆိုင်များမှ သိရှိရပါသည်။

DOCA(စစ်ကိုင်း)