ပြည်တွင်းကုန်သွယ်မှုသတင်း

               မန္တလေးစျေးကွက်အတွင်း တိရိစ္ဆာန်အစာဆီကြိတ်ဖတ်အမျိုးမျိုး စျေးပိုမိုရရှိကာ အရောင်း သွက်လျက်ရှိကြောင်းသိရှိရပါသည်။ ဆီထွက်သီးနှံမြေပဲ၊နှမ်းနှင့် နေကြာသီးနှံများအား ပြည်တွင်း စားဆီ ကြိတ်ခွဲခြင်းတွင် အရေးပါသကဲ့သို့မြေပဲနှင့်နှမ်းမှာပြည်ပသို့ တင်ပို့သည့်ကုန်စည်အမယ်များ ဖြစ်ပါသည်။ မြေပဲ၊နှမ်း၊နေကြာသီးနှံများအား စားဆီကြိတ်ခွဲပြီး ထွက်ရှိလာသည့်မြေပဲဖတ်၊ နှမ်းဖတ် နှင့် နေကြာဖတ်များကို တိရိစ္ဆာန်အစာအဖြစ်အသုံးပြုလျက်ရှိပြီး၊ အရောင်းသွက်လျက်ရှိကြောင်း သိ ရှိရပါသည်။မန္တလေးပွဲစား၊ကုန်သည်စက်ပိုင်များမဟာကထိန်တော်အသင်းတွင် ၂၀၂၅ ခုနှစ်နိုဝင်ဘာ လတတိယပတ်အတွင်းဖြစ်ပေါ်လျက်ရှိသည့်စားဆီတစ်ပိဿာပေါက်စျေးများမှာ မြေပဲဆီ၁၃၀၀ဝိ/- နှင့် ၁၄၀၀ဝိ/-၊ နှမ်းဆီ ၁၂၅၀ဝိ/-စျေး၊နေကြာဆီ ၂၂၀၀၀ ကျပ်နှင့် ၂၂၅၀၀ ကျပ်တို့ဖြစ် ကြောင်း သိရှိရပါသည်။ ပဲဖတ်တစ်ပိဿာ ပေါက်စျေးများအနေဖြင့် မြေပဲဖတ် ၆၈၀ဝိ/- နှင့် ၆၉၀ဝိ/-၊ နှမ်းဖတ် ၄၄၀ဝိ/- နှင့် ၄၅၀ဝိ/-၊နေကြာဖတ် ၃၃၀ဝိ/-နှင့် ၃၄၀၀ကျပ်တို့ဖြင့် ရောင်းချလျှက်ရှိကြောင်း သိရှိရပါသည်။

DOCA(မန္တလေး)

           နတ်တော်လဆန်းကာလတွင် မန္တလေးစျေးကွက်သို့ ခရမ်းချဉ်သီးဝင်ရောက်မှု အပေါ်မူတည် ၍  စျေးနှုန်းအနည်းငယ်မြင့်တက်လျက်ရှိကြောင်းသိရှိရပါသည်။ မန္တလေးစျေးချို၊ ကိုင်းတန်းစျေး ရှိခရမ်းချဉ် သီးပွဲရုံများ၊သီရိမာလာစျေး (ပိုက်ကျုံးစျေး) နှင့် ၄၁လမ်း၊ ကမ်းနားလမ်းရှိ ကုန်စိမ်း လက္ကားစျေးတို့ တွင် ခရမ်းချဉ်သီးအားခေါင်သီးနှင့်အလတ်စသီးဟူ၍ အမျိုးအစားခွဲခြား ရောင်းချလျှက်ရှိပါသည်။ ၂၀၂၅ ခုနှစ်နိုဝင်ဘာလတတိယပတ်အတွင်းဖြစ်ပေါ်လျှက်ရှိသော  ခရမ်းချဉ်သီး လက္ကားစျေးအနေဖြင့် အင်းသီးတစ်သေတ္တာ(၂၀ ပိဿာပါ)လျှင် ၅၀၀၀၀ကျပ်နှင့်၆၀၀၀၀ကျပ်၊ လက်လီစျေး အနေဖြင့် ခရမ်းချဉ်သီး ဘောလုံးသီးနှင့်  အင်းသီး တစ်ပိဿာလျှင်    ၃၀၀၀ ကျပ်နှင့် ၃၅၀၀ ကျပ် တို့ဖြင့်ရောင်းချလျက်ရှိပြီး၊ နိုဝင်ဘာလဒုတိယပတ်စျေးနှင့် နှိုင်းယှဉ်ပါက တစ် ပိသာ လျှင် ၂၀၀ ကျပ်နှင့် ၅၀၀ ကျပ်အကြားကွာခြားမှုရှိပြီး၊စျေးအနည်းငယ်မြင့်တက်သွားကြောင်း သိရှိရ ပါသည်။

DOCA(မန္တလေး)

            မန္တလေးမြို့တွင်းသို့ ပန်းမုံလာပွင့်များကို ပုသိမ်ကြီး၊ မတ္တရာ၊ ပြင်ဦးလွင်နှင့် ရွာငံဘက်များမှ ဝင်ရောက်လျှက်ရှိပါသည်။ ဆောင်းအဝင်မှာ ဝင်ရောက်သည့်ပန်းမုံလာပွင့်များသည် ရာသီစာတစ်ခု ဖြစ်သည့်အတွက် အကြိုက်များပါသည်။ မန္တလေးမြို့တွင် ပန်းမုံလာပွင့်ဈေးကွက်အနေနှင့် ၄၁ လမ်း၊ ကုန်စိမ်းဈေးတွင် ပန်းပွင့်အကြီး ၁၀ ပွင့်လျှင် ၈၀၀၀ ကျပ်မှ ၉၀၀၀ ကျပ်၊ အလတ်ပွင့် ၁၀ ပွင့်လျှင် ၆၀၀၀ ကျပ်မှ ၆၅၀၀ ကျပ်၊ အပွင့်သေး ၁၀ ပွင့်လျှင် ၄၁၀၀ ကျပ်မှ ၅၀၀၀ ကျပ်ဈေးနှုန်းများနှင့် ရောင်းဝယ်မှုရှိပြီး ရပ်ကွက်အတွင်းရှိ လက်လီဈေးများတွင် ပန်းပွင့်ကြီး ၁ ပွင့်လျှင် ၁၀၀၀ ကျပ်မှ ၁၁၀၀ ကျပ်၊ အလတ် ၁ ပွင့် ၇၀၀ ကျပ်မှ ၈၀၀ ကျပ်၊ ပွင့်‌သေး ၁ ပွင့်လျှင် ၅၅၀ ကျပ်မှ ၆၀၀ ကျပ်ဈေးနှုန်းများနှင့် ရောင်းဝယ်မှုရှိပြီး ရာသီစာဖြစ်သောကြောင့် ဈေးအတွင်းအရောင်းအဝယ်ဖြစ် လျက်ရှိကြောင်း လေ့လာသိရှိရပါသည်။

DOCA (မန္တလေး)

     တနင်္သာရီတိုင်း၊ မြိတ်ခရိုင်စားသုံးသူရေးရာဦးစီးဌာနသည် ၂၀၂၅ခုနှစ်၊ နိုဝင်ဘာလ(၁၈)ရက် နေ့တွင် မြိတ်မြို့၊ တောရကျောင်းရပ်ရှိ ဘိလပ်မြေရောင်းချနေသော ကုန်မာဆိုင်များသို့သွားရောက်၍ ဒေသတွင်း ဘိလပ်မြေစျေးနှုန်းနှင့် လက်ကျန်အခြေအနေတို့ကို ကွင်းဆင်းစုံစမ်းခဲ့ကြောင်း သိရှိ ရပါသည်။

    အဆိုပါ ဘိလပ်မြေအရောင်းဆိုင်သို့ကွင်းဆင်းရာ၌ မြိတ်မြို့အတွင်း ဘိလပ်မြေဝင်ရောက် နေမှု၊ လက်ကျန်အခြေအနေနှင့် စျေးနှုန်း တို့ကိုမေးမြန်းခဲ့ရာ မြိတ်မြို့တွင် ဘိလပ်မြေ အယ်လ်ဖာ တစ်အိပ်စျေးနှုန်း ၂၇၀၀၀ကျပ်၊ ကြံ့တစ်အိတ် ၂၇၀၀၀ကျပ်နှင့် ဆင်နီတစ်အိတ်လျှင် ၂၈၀၀၀ခန့်ဖြစ် ပေါ်နေပြီး ဒေသအတွင်းဖြစ်သင့်ဖြစ်ထိုက်သောစျေးနှုန်းများဖြင့်ရောင်းချရန်နှင့် စျေးနှုန်းမမြှင့်တက် စေရေးတို့အတွက် ပစ္စည်းပြတ်လပ်မှုမရှိစေရေးဆောင်ရွက်ရန် ပြောကြားခဲ့ကြောင်းသိရှိရပါသည်။

DOCA(တနင်္သာရီ)

      တနင်္သာရီတိုင်းဒေသကြီး၊ ထားဝယ်မြို့အတွင်းရှိ ကျေးရွာများနှင့် မြို့ပေါ်ရပ်ကွက်များတွင် စိုက်ပျိုးရေးလုပ်ငန်းများကို လုပ်ကိုင်စားသောက်ကြရာမှ စားဖိုဆောင်သီးနှံဖြစ်သည့် ခရမ်းချဉ်သီးကိုလည်း တစ်နိုင်တစ်ပိုင်စိုက်ပျိုးလျက်ရှိပြီး ထားဝယ်မြို့မစျေးကြီးများနှင့် ကမ်းနားပျံကျစျေးများတွင် အရောင်းအဝယ်ကောင်းလျက်ရှိပြီး တစ်နိုင်တစ်ပိုင်ရောင်းချလျက်ရှိကြောင်း သိရှိရပါသည်။

     ထားဝယ်မြို့ စည်ပင်သာယာစျေးကြီးများနှင့် ကမ်းနားပျံကျစျေးများတွင် စျေးကွက်တွင် ခရမ်းချဉ်သီးစျေးနှုန်းများမှာ စျေးကောင်းရရှိကာ အရောင်းအဝယ်ကောင်းလျက်ရှိကြောင်း၊ ယခုအခါ ထားဝယ်မြို့‌စျေးကွက်အတွင်း နိုဝင်ဘာလဒုတိယအပတ်တွင် ခရမ်းချဉ်သီးစျေးနှုန်းများမှာ တစ်ပိဿာလျှင် (၃၅၀၀) ကျပ်ရှိကြောင်း ရောင်းချသူများထံမှ သိရှိရပါသည်။

DOCA(တနင်္သာရီ)