ပြည်တွင်းကုန်သွယ်မှုသတင်း

  မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့၊ မြို့မဈေး၌ ထိုင်ဝမ်ခရမ်းချဉ်သီးကို မြို့ပတ် ဝန်းကျင်ရှိ ကျောက်တန်းရွာ၊ ရွာသာ၊ ကြာကန်၊ လေးအိမ်တန်းစသည့် ကျေးရွာများ အပြင် မကွေး၊ တောင်တွင်းကြီးနှင့် ရှမ်းပြည်နယ် အောင်ပန်းမြို့တို့မှ အဓိကမှာယူရောင်းချ ကြောင်းသိရသည်။

     ၂၀၂၅ ခုနှစ်၊ ဒီဇင်ဘာလ(ပထမပတ်)တွင် ခရမ်းချဉ်သီး(၁)ပိဿာလျှင် ကျပ်(၄၅၀၀)ဖြင့် ရောင်းချ လျက်ရှိပြီး နိုဝင်ဘာလ(ပထမပတ်)တွင် ခရမ်းချဉ်သီး(၁)ပိဿာလျှင် ကျပ်(၂၅၀၀)ဖြင့် ရောင်းချခဲ့ရာ ဈေးနှုန်းနှိုင်းယှဉ်ပါက ကျပ်(၂၀၀၀)ဈေးနှုန်းမြင့်တက်ပြီး အရောင်းအဝယ်ဖြစ်ကြောင်း သိရသည်။ မင်းဘူးမြို့နယ်အတွင်းရှိ ကျေးရွာများတွင်  ထိုင်ဝမ်ခရမ်းချဉ်သီးများ ပေါ်ဦးပေါ်ဖျားဖြစ်သည့်အတွက် ဈေးကောင်းရလျက်ရှိသည့်အပြင် အရောင်းအဝယ်မှာလည်း သွက်လျက်ရှိကြောင်း သိရှိရပါသည်။

DOCA(မကွေး)

  ကရင်ပြည်နယ်၊ ဘားအံမြို့၏ ဈေးကွက်တွင် ဘူးသီးများ ဈေးနှုန်းအနည်းငယ်ကျလျက်ရှိကြောင်း သိရသည်။ ဘူးသီးကို ဘားအံမြို့ အနီးတစ်ဝိုက်ကျေးရွာများတွင် တစ်နိုင်တစ်ပိုင်စိုက်ပျိုးကြသည့် အပြင် စီးပွားဖြစ်လည်စိုက်ပျိုးကြပါသည်။ ဘူးသီးကို ဟင်းနှင့်ဟင်းချိုအဖြစ်ချက်ပြုတ်စားကြသလို အကြော်ဆိုင်များတွင် အကြော်ကြော်၍ ရောင်းချကျသောကြောင့် ဝယ်ယူမှုများပြီးစိုက်ပျိုးတောင်သူ အတွက် အပိုဝင်ငွေတိုးစေပါသည်။ ဘူးသီးကို အလုံးအရွယ်အစားအလိုက် ဈေးနှုန်းခွဲခြားရောင်းချ ကြသည်။ ဘူးသီးအလုံးကြီးဈေးနှုန်း တစ်လုံးလျှင်(၅၀၀၀)ကျပ်၊ ဘူးသီးအလုံးလတ်ဈေးနှုန်း တစ်လုံး လျှင်(၃၅၀၀)ကျပ်၊ ဘူးသီးအလုံးသေးဈေးနှုန်း တစ်လုံးလျှင် (၂၀၀၀)ကျပ်တို့ဖြစ် အရောင်းအဝယ် ဖြစ်လျက်ရှိကြောင်း သိရသည်။

DOCA(ကရင်)

  ၂၀၂၅  ခုနှစ်၊ ဒီဇင်ဘာလ ဒုတိယပတ်တွင် ဘားအံမြို့ပေါ်ရေပေါ်ဈေးအတွင်း ဒေသထွက် အာတာလွတ်ဥများနှင့်အခြားမှ ဝင်ရောက်လာသောအာတာလွတ်ဥများ ဈေးကောင်းရလျက်ရှိ ကြောင်း သိရသည်။

      မြန်မာအစားအစာထဲတွင် နေရာတစ်နေရာယူထားသည့် အာတာလွတ်ဥမှာလည်း ဆေးဖက် ဝင်ကြောင်းသိရသည်။  အာတာလွတ်ဥတွင် သတ္တုဓာတ်၊ အမျှင်ဓာတ်နှင့် ပရိုတင်းဓာတ်များ ပါဝင် သည့်အတွက် အာဟာရပြည့်စုံ၍ ကျန်းမာရေးအတွက် များစွာအထောက်အကူဖြစ်စေသော သီးနှံတစ်မျိုးဖြစ်ပေသည်။

  ဘားအံမြို့ရှိ ဈေးများပေါ်တွင် အာတာလွတ်ဥကို အရွယ်အစားအလိုက် အတာလွတ်ဥကြီး တစ်ပိဿာလျှင် (၆၀၀၀)ကျပ်၊ အာတာလွတ်အသေး တစ်ပိဿာလျှင် (၄၀၀၀၊၅၀၀၀)ကျပ်၊ နှုန်း တို့ဖြင့် အရောင်းအဝယ်ဖြစ်လျက်ရှိကြောင်း သိရသည်။

DOCA(ကရင်)

     တနင်္သာရီတိုင်းဒေသကြီး၊ မြိတ်မြို့တွင် စိုက်ပျိုးရေးလုပ်ငန်းများကိုအဓိကလုပ်ကိုင်ကြပြီး ရာသီပေါ်သီးနှံများနှင့် စားဖိုဆောင်သီးနှံများကိုလည်း စိုက်ပျိုးကြ‌ကြောင်း သိရှိရပါသည်။ ယခု အခါ မြိတ်မြို့ပေါ်တွင် ခဝဲသီးများကို တစ်နိုင်တစ်ပိုင်စိုက်ပျိုးကြပြီး စီးပွားဖြစ်စိုက်ပျိုးကြနေကြောင်းလည်း တွေ့ရှိရပါသည်။ ခဝဲသီးစားပေးခြင်းဖြင့် ကင်ဆာဖြစ်နှုန်းကိုလျော့ချပေးခြင်း၊ နှလုံးကျန်းမာစေခြင်း၊ သွေးအားနည်းခြင်းကိုကာကွယ်ပေးခြင်း၊ ကိုယ်အလေးချိန်ကိုထိန်းချုပ်ပေးခြင်းနှင့် အရိုးသိပ်သည်း ဆကိုကောင်းမွန်စေသော အသီးတစ်မျိုးဖြစ်သည်။ ယခုအခါ မြိတ်မြို့ပေါ်ရှိ စည်ပင်သာယာဈေးကြီး နှင့် အခြားသောဈေးများတွင် ဈေးရောင်းချသူများစည်ကားလျက်ရှိပြီး ‌ဒေသခံစိုက်ပျိုးသူများနှင့် အနီးအနားစိုက်ပျိုးသူများမှ ဈေးကွက်အတွင်းသို့ တင်ပို့ရောင်းချကြကြောင်းလည်း တွေ့ရှိရပါသည်။

    ယခု၂၀၂၅ခုနှစ်၊ ဒီဇင်ဘာလပထမပတ်တွင် မြိတ်မြို့ပေါ်တွင် ရောင်းချနေသော ခဝဲသီး ဈေးနှုန်းမှာ တစ်လုံးလျှင် (၁၂၀၀)ကျပ်ခန့်ရှိကြောင်း ကုန်စိမ်းရောင်းချနေသူတစ်ဦးထံမှ သိရှိရပါ သည်။

DOCA(တနင်္သာရီ)

    တနင်္သာရီတိုင်းဒေသကြီး၊ မြိတ်ခရိုင်ရှိ တနင်္သာရီမြို့နှင့် ကျွန်းစုမြို့တို့တွင် နှစ်ရှည်သီးနှံ များနှင့် ရာသီစာသီးနှံများဖြစ်သော ဒူးရင်းသီး၊ တညင်းသီး၊ သရက်သီး၊ မင်းဂွတ်သီး၊ အုန်းသီး၊ ကြက်မောက်သီး၊ ပိန္နဲသီး၊ ငှက်ပျောသီး၊ စုံပတသီး အစရှိသည့် အသီးတို့ကို အများအပြားစိုက်ကြ သလို တစ်နိုင်တစ်ပိုင်လည်း စိုက်ပျိုးကြ၍ ထွက်ရှိသောသီးနှံများကို မြိတ်မြို့ပေါ်ရှိဈေးများတွင် လာရောက် ရောင်းချကြပါသည်။ ၄င်းအသီးအနှံများထဲမှ ငှက်ပျောသီးသည် လူကြီး/လူငယ်မရွေး ကြိုက်နှစ်သက်ကြသဖြင့် အရောင်းအဝယ်သွက်ကြောင်း သိရှိရပါသည်။ ငှက်ပျောသီးများကို အခြောက်လှန်း၍ ကြော်စားကြသလို မြန်မာမုန့်များတွင် ထည့်သွင်းပြုလုပ်စားသုံးကြကြောင်းလည်း သိရှိရပါသည်။

     ၂၀၂၅ခုနှစ်၊ ဒီဇင်ဘာလပထမပတ်တွင် မြိတ်မြို့ပေါ်ရှိရောင်းချနေသော ငှက်ပျောသီး ဈေးနှုန်းမှာ ဖီးကြမ်းငှက်ပျောသီးတစ်ဖီးလျှင်(၄၀၀၀)ကျပ်၊ ငှက်ပျောဝါသီး တစ်ဖီးလျှင် (၄၀၀၀)ကျပ်၊ ဆွဲအံသီးတစ်ဖီးလျှင် (၅၀၀၀)ကျပ်နှင့် ဆိတ်နို့သီးတစ်ဖီးလျှင် (၃၀၀၀)ကျပ်ခန့်ရှိကြောင်း ငှက်ပျောသီး ရောင်းချသူထံမှ သိရှိရပါသည်။