ပြည်တွင်းကုန်သွယ်မှုသတင်း

          ငါန်းဇွန်မြို့နယ်သည် လယ်ယာစိုက်ပျိုးရေးကို အဓိကလုပ်ကိုင်သောမြို့နယ်တစ်မြို့ဖြစ်ပြီး ဆီထွက်သီးနှံများ ဖြစ်သော မြေပဲ၊ နှမ်း၊ နေကြာနှင့် ပန်းနှမ်းတို့ကိုလည်း အဓိက စိုက်ပျိုးကြောင်း သိရသည်။ ၂၀၂၅-၂၀၂၆ ခုနှစ် ဆောင်းမြေပဲ လျာထားဧက (၃၃၂၃)ဧက လျာထားခဲ့ပြီး စိုက်ပျိုးမှု(၂၇၃၄)ဧက စိုက်ပျိုးထားကြောင်း သိရသည်။ ယခင်နှစ် ဆောင်းမြေပဲ လျာထားဧက (၃၃၁၅)ဧက၊ စိုက်ပျိုးဧက(၃၃၀၁)ဧက အထွက်နှုန်းမှာ (၆၃.၁၀)တင်းနှင့် အထွက်တင်း ပေါင်း(၂၀၈၂၉၃)တင်း ထွက်ရှိခဲ့ကြောင်း သိရသည်။ ငါန်းဇွန်မြို့နယ်သည် မိုးကောင်း ရေသောက် မြို့နယ်ဖြစ်သောကြောင့် စိုက်ပျိုးသောမျိုးများမှာ ဆင်း-၁၁၊ SP- 121 မျိုးနှင့် ကျောင်းကုန်းမျိုးများကိုသာ  အများဆုံးစိုက်ပျိုးကြောင်း သိရသည်။  ယခင်နှစ် ပေါ်စချိန်တွင် မြေပဲတောင့်  တစ်တင်းလျှင် ဈေးနှုန်းမှာ (၃၅၀၀၀)ကျပ်ဖြင့် ကျေးရွာများသို့ တိုက်ရိုက်ဝယ်ယူသော ပွဲစားများရှိသလို မန္တလေးမြို့သို့ ဆီဆံခွဲ၍ ရောင်းချကြောင်း သိရသည်။

DOCA(မန္တလေး)

   ငါန်းဇွန်မြို့နယ်သည် လယ်ယာစိုက်ပျိုးရေးကို အဓိကလုပ်ကိုင်သောမြို့နယ် တစ်မြို့ဖြစ်ပါ သည်။ ၂၀၂၄-၂၀၂၅ ခုနှစ်တွင် အစေ့ထုတ်ပြောင်းလျာထားဧက (၂၇၄၂)ဧက  လျာထားခဲ့ပြီး စိုက်ပျိုးဧက (၃၆၆၉)ဧက စိုက်ပျိုးခဲ့ပြီး အထွက်နှုန်းအနေဖြင့် (၇၈.၉၀)တင်း ထွက်ရှိပြီး အထွက်တင်းပေါင်း(၂၈၉၄၈၄)တင်း ထွက်ရှိကြောင်း သိရသည်။ ၂၀၂၅-၂၀၂၆ ခုနှစ် အစေ့ထုတ် ပြောင်းလျာထားဧက(၃၆၆၉)ဧက လျာထားခဲ့ပြီး စိုက်ပျိုးမှု(၄၂၅၉) ဧက စိုက်ပျိုးထာပြီး ဒီဇင်ဘာ လဆန်းထိ ရိတ်သိမ်းပြီးစီးမှုအနေဖြင့် (၇၂၀)ဧက ပြီးစီး၍ အထွက်နှုန်းမှာ(၇၈.၇၀)တင်းနှင့် အထွက် နှုန်းပေါင်း (၅၆၆၆၄)တင်းထွက်ရှိကြောင်း သက်ဆိုင်ရာဌာနစာရင်းအရ သိရှိရသည်။ ငါန်းဇွန်မြို့ နယ်သည် မိုးကောင်းရေသောက် မြို့နယ်ဖြစ်သောကြောင့် နွားစာတိရစ္ဆာန်အစာရှားပါး သောကြောင့် ဖူးစားပြောင်းရိုးများကို နွေရာသီနွားစာရှားပါးချိန် နွားစာဖူလုံရန်အတွက် အများဆုံး စိုက်ပျိုး ကြကြောင်း သိရသည်။ ကျောက်ဆည်မြို့နယ်၊ မြစ်သားမြို့နယ်နှင့် တံတားဦးမြို့နယ် များတွင် ဆည်ရေဖြင့်စိုက်ပျိုးသော နှမ်းစိုက်ခင်းများ  ပေါ်ချိန်တွင် နွားစာများ သွားရောက်ဝယ်ယူရပါ ကြောင်း သိရသည်။

DOCA(မန္တလေး)

     ကျွန်းလှမြို့တွင် စိုက်ပျိုးရေးလုပ်ငန်းကို တစ်ပိုင်တစ်နိုင်အနေဖြင့် စိုက်ပျိုးကြရာတွင် စားဖိုဆောင် သီးနှံများဖြစ်သည့် ကန်ဇွန်း၊ ချဉ်ပေါင်၊ ကြက်ဟင်းခါး၊ ခဝဲ၊ ခဆော့သီး၊ ကင်းမုံသီး၊ ပဲတောင့်ရှည်သီး ၊ ရုံးပတီသီး နှင့် သခွားသီး စသည်တို့ကို စိုက်ပျိုးသည့်အနက် ငရုတ်သီးစိမ်းများဖြစ်သည့် မိုးမျှော်ငရုတ် (ကျောက်စိမ်းမျိုး)နှင့် ကုလားအော် ငရုတ်သီးစိမ်း တို့ကိုပါ စိုက်ပျိုးရောင်းချကြပါသည်။

      ၂၀၂၅ ခုနှစ်၊ ဒီဇင်ဘာလ ပထမပတ်အတွင်း ကျွန်းလှမြို့၌ ဖြစ်ပေါ်နေသော ငရုတ်သီးစိမ်း ဈေးနှုန်း အနေဖြင့် မိုးမျှော်ငရုတ်(ကျောက်စိမ်းသီး) တစ်ပိဿာလျှင်(၅၀၀၀)ကျပ်၊ (၅၀)ကျပ်သားလျှင်(၂၅၀၀)ကျပ် နှင့် (၂၅)ကျပ်သားလျှင်(၁၃၀၀)ကျပ်၊ ကုလားအော် ငရုတ်သီးစိမ်း တစ်ပြည်လျှင်(၁၂၀၀၀)ကျပ်၊ နို့ဆီ တစ်ဘူးလျှင်(၁၅၀၀)ကျပ်နှင့် ကုလားအော် ငရုတ်သီးစိမ်း တစ်ပုံလျှင်(၅၀၀)ကျပ်၊ ပန်းငရုတ်ပွသီး ဈေးနှုန်း မှာ ပန်းငရုတ်ပွသီး လက္ကား တစ်ပိဿာလျှင်(၁၀၀၀၀)ကျပ်၊ ပန်းငရုတ်ပွသီး လက်လီ တစ်ပိဿာလျှင်(၁၂၀၀၀)ကျပ်၊ ၅၀ကျပ်သားလျှင်(၆၀၀၀)ကျပ်၊ ၂၅ကျပ်သားလျှင်(၃၀၀၀)ကျပ်နှင့် ပန်းငရုတ်ပွသီး (၁၀)ကျပ်သားလျှင်(၁၂၀၀)ကျပ်ဈေးနှုန်းများဖြင့် ရောင်းချသောကြောင့် ယခင်အပတ်ထက် ပန်းငရုတ်ပွသီး တစ်ပိဿာလျှင်(၃၀၀၀)ကျပ် ဈေးနှုန်းကျဆင်းပြီး အရောင်းအဝယ်ဖြစ်နေကြောင်း သိရှိရပါ သည်။

DOCA(စစ်ကိုင်း)

     ကျွန်းလှမြို့နယ်အတွင်းရှိ ကျေးရွာများတွင် စိုက်ပျိုးရေးကို အဓိကထားလုပ်ကိုင်ကြရာမှ စားဖို ဆောင်သီးနှံဖြစ်သည့် ကန်ဇွန်းရွက်၊ ချဉ်ပေါင်ရွက်၊ ရုံးပတီသီး၊ ငရုတ်သီးစိမ်း၊ ခဝဲသီး၊ ဗုံလုံသီး သင်္ဘောသီး ကင်မုံသီး၊ ကြက်ဟင်းခါးသီး၊ ခရမ်းသီး၊ ခရမ်းကြွပ်သီး နှင့်  ခါကြက်ဥ(ဗမာ)မျိုးကို တစ်ပိုင်တစ်နိုင် စိုက်ပျိုးကြပြီး သစ်ရာမြိုင် ဈေးကွက် အတွင်းသို့ လာရောက် ပို့ဆောင်ရောင်းချကြပါသည်။

    ၂၀၂၅ ခုနှစ်၊ ဒီဇင်ဘာလ ပထမအပတ် ကျွန်းလှမြို့၊ သစ်ရာမြိုင်ဈေးအတွင်း ရောင်းချနေသော  ခါကြက်ဥ၊ ဂျူးမြစ် နှင့် မုံညှင်းထုပ် ဈေးနှုန်းအနေဖြင့်  ခါကြက်ဥ(ဗမာ)ဥ တစ်ပိဿာလျှင်(၈၀၀၀)ကျပ်၊ (၅၀)ကျပ်သားလျှင်(၄၀၀၀)ကျပ်၊ (၂၅)ကျပ်သားလျှင်(၂၀၀၀)ကျပ်၊ ခါကြက်ဥ(တရုတ်ဥ)တစ်ပိဿာလျှင် (၁၈၀၀၀)ကျပ်၊ (၅၀)ကျပ်သားလျှင်(၉၀၀၀)ကျပ် နှင့် (၂၅)ကျပ်သားလျှင်(၄၅၀၀)ကျပ် ဈေးနှုန်းဖြင့် လည်းကောင်း ၊ ဂျူးမြစ် ဈေးနှုန်းမှာ ဂျူးမြစ် လက္ကား တစ်ပိဿာလျှင်(၈၀၀၀)ကျပ်၊ ဂျူးမြစ် လက်လီ တစ်ပိဿာလျှင်(၁၀၀၀၀)ကျပ်၊၅၀ကျပ်သားလျှင်(၅၀၀၀)ကျပ်၊၂၅ကျပ်သားလျှင်(၂၅၀၀)ကျပ်နှင့်ဂျူးမြစ် (၁၀)ကျပ်သားလျှင်(၁၀၀၀)ကျပ်၊ မုံညှင်းထုတ် ဈေးနှုန်းအနေဖြင့် မုံညှင်းထုတ် တစ်ပိဿာလျှင် (၁၀၀၀၀)ကျပ်၊ ၅၀ကျပ်သားလျှင်(၅၀၀၀)ကျပ် နှင့် (၂၅)ကျပ်သားလျှင်(၂၅၀၀)ကျပ် ဈေးနှုန်းများဖြင့် ရောင်းချသောကြောင့် ယခင်အပတ်ထက် ခါကြက်ဥ(ဗမာ) (၁)ပိဿာလျှင်(၂၀၀၀)ကျပ် ဈေးနှုန်ူး ကျဆင်းပြီး အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(စစ်ကိုင်း)

       ကျွန်းလှမြို့၊ ပိတောက်မြိုင်ဈေးတွင် အသား/ငါး၊ ဥမျိုးစုံနှင့် အခြားစား‌သောက် ကုန်ပစ္စည်းများ၊ လူသုံးကုန်ပစ္စည်းများကို ရောင်းချလျက်ရှိရာ ကြက်ဥ၊ ဘဲဥ နှင့် ငုံးဥ များကို မိမိတို့ဒေသထွက် ကြက်ခြံ၊ ဘဲခြံများ နှင့် မန္တလေးမြို့တို့မှ ဝယ်ယူရောင်းချလျက်ရှိပါသည်။

     ၂၀၂၅ ခုနှစ်၊ ဒီဇင်ဘာလ ပထမပတ် ကျွန်းလှမြို့ ဈေးကွက်အတွင်း၌ ရောင်းချနေသည့် ကြက်ဥ၊ ဘဲဥ နှင့် ငုံးဥ ဈေးနှုန်းများမှာ ကြက်ဥ အကြီး(၁)လုံးလျှင်(၅၅၀)ကျပ်၊ ကြက်ဥ အသေး(၁)လုံးလျှင်(၅၀၀) ကျပ် နှင့် ဘဲဥ(၁)လုံးလျှင်(၆၅၀)ကျပ် နှင့် ငုံးဥ(၁)လုံးလျှင်(၁၃၀)ကျပ် ငုံးဥ(၁၀)လုံးလျှင်(၁၃၀၀)ကျပ် ဈေးနှုန်းတို့ဖြင့်ရောင်းချလျက်ရှိပြီး ယခင်အပတ်ထက် ဈေးနှုန်းမြင့်တက်လျက်ရှိကြောင်း သိရသည်။

DOCA(စစ်ကိုင်း)