ပြည်တွင်းကုန်သွယ်မှုသတင်း

   စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့၊ ဘုရားကြီးဈေးရှိ အသီးမျိုးစုံ ရောင်းချနေသည့်ဆိုင်များတွင် ကြက်မောက်သီးများကို စတင်ရောင်းချနေကြောင်းသိရသည်။ ရာသီပေါ် ကြက်မောက်သီးများကို မန္တလေးမြို့ရှိ သစ်သီးပွဲရုံများမှမှာယူရောင်းချလျက်ရှိ‌ကြောင်း သိရသည်။

   ကြက်မောက်သီးသည် အနီရောင်အခွံပေါ်တွင်အစိမ်းရောင် အမွှေးအမျှင်ကလေးများဖြင့် ကာရံထားကာ အတွင်းထဲက အဖြူရောင်အသီးလေးဖြစ်ပြီး အရသာမှာအချို၍ခံတွင်းရှင်းစေ ပါသည်။ ကြက်မောက်သီးသည် အရည်ရွှမ်းသောကြောင့် အရသာကောင်းမွန်၍ လူကြိုက်များပြီး သရေစာအဖြစ် လူကြီးလူငယ်မရွေးဝယ်ယူ စားသုံးကြကြောင်း၊၂၀၂၅ ခုနှစ်၊ မေလ ဒုတိယပတ် အတွင်း ကြက်မောက်သီးဈေးနှုန်းမှာ ကြက်မောက်သီး(၁)လုံးလျှင် (၇၀၀)ကျပ်၊ ကြက်မောက် သီး(၁၀)လုံးလျှင်(၆၈၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း ကန့်ဘလူမြို့၊ ဘုရားကြီး ဈေးတွင်ရောင်းချလျက်ရှိသော သစ်သီးဆိုင်များမှ သတင်းရရှိပါသည်။

DOCA(စစ်ကိုင်း)

တနင်္သာရီတိုင်းဒေသကြီး မြိတ်မြို့နယ်တွင် တောင်ယာလုပ်ငန်းကို အများဆုံးလုပ်ကိုင်ကြ ပါသည့်အပြင် ရာသီပေါ်သီးနှံနှင့် စားဖိုဆောင်သီးနှံများကို အများအပြားစိုက်ပျိုးကြပါသည်။ စိုက်ပျိုးရေးလုပ်ငန်းများဖြစ်သည့် ကန်စွန်း၊ ခရမ်းသီး၊ ဘူးသီး၊ ပဲသီး အစရှိသည့် သီးနှံမျိုးစုံကို စိုက်ပျိုးကြပါသည်။ ကန်စွန်းရွက်ပင်ကို အိမ်တိုင်းလိုလိုစိုက်ပျိုးကြပါသည်။ ကန်စွန်းပင်သည် အပူပိုင်းဒေသတွင် ပေါက်ရောက်သော အပင်တစ်မျိုးလည်းဖြစ်ပါသည်။ ကန်စွန်းပင်သည် ရေထဲ (သို့မဟုတ်) စိုစွတ်သောမြေကြီးပေါ်တွင် ပေါ်လေ့ရှိပြီး ကန်စွန်းရိုးအဆစ်များမှ တစ်ဆင့်အမြစ် များထွက်ပြီး ပေါက်လေ့ရှိပါသည်။ မြိတ်မြို့ပေါ်ရှိ ဆိပ်ငယ်ဈေးကြီး၊ စမ်းချောင်းကုန်စိမ်းဈေးနှင့် ရပ်ကွက်ဈေးငယ်များတွင် ယခင်ပတ်ကကန်စွန်းရွက်တစ်စီးလျှင် (၄၀၀)ကျပ် နှင့် (၄၅၀)ကျပ်ထိ ရှိပြီး ယခုဧပြီလပထမပတ်တွင် ကန်စွန်းရွက်တစ်စီးလျှင်(၃၀၀)ကျပ်ရှိကြောင်း သိရှိရပါသည်။

DOCA(တနင်္သာရီ)

   ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ်ရှိ ပဲမျိုးစုံရောင်းဝယ်ရေး ပွဲရုံများတွင် ရောင်းဝယ်နေသော မတ်ပဲဈေးနှုန်းများမှာ ယခင် မတ်လ တတိယပတ်နှင့် စတုတ္တပတ်တွင် ရောင်းဝယ်ခဲ့သော ဈေးနှုန်းနှင့်နှိုင်းယှဉ်ပါက  ဈေးအနည်းငယ်တက်၍  အရောင်း အဝယ် ဖြစ်နေသည်ကို  တွေ့ရ ပါသည်။

   ပြီးခဲ့သော မတ်လ တတိယပတ်တွင် ရောင်းဝယ် ဖြစ်ခဲ့သော မတ်ပဲဈေးနှုန်းမှာ  ပိဿာ (၂၀) တစ်တင်းလျှင် (၉၇၃၀၀ ကျပ်မှ ၉၈၀၀၀ ကျပ်)နှုန်းဖြင့် အရောင်းအဝယ် ဖြစ်ခဲ့ပြီး    စတုတ္တပတ်တွင် (၉၆၅၀၀-ကျပ်မှ ၉၇၀၀၀-ကျပ်) အထိဈေးမြင့်တက်ခဲ့ပါသည်။

    ယခုဧပြီလ ပထမပတ် အဖွင့်ဈေးမှာ ပိဿာ(၂၀)တစ်တင်းကို (၉၇၀၀၀-ကျပ် မှ ၉၇၅၀၀-ကျပ်)ဖြင့် ဈေးပိတ်ခဲ့ပါသည်။ ယခုစတုတ္တပတ်တွင်(၉၈၀၀၀-ကျပ်မှ ၉၈၅၀၀-ကျပ်)အထိ  ဈေးအမြင့်ဖြင့် အရောင်းအဝယ်ဖြစ်နေသည်ကို တွေ့ရှိရပါသည်။

   တင်ပို့ရောင်းချမှု အနေဖြင့် ရန်ကုန်ဝယ်လက်သို့ အိတ် (၃၅၀)ဆံ့ ကားဖြင့် (၁)ရက်လျှင်    ကားစီးရေ(၂)စီးမှ (၃)စီးခန့် တင်ပို့နေရကြောင်း ပဲမျိုးစုံရောင်းဝယ် ရေးပွဲရုံမှ စုံစမ်းသိရှိရပါသည်။

DOCA(ပဲခူး)

     ပဲခူးတိုင်းဒေသကြီး၊သာယာဝတီခရိုင်၊မင်းလှမြို့နယ်တွင် မေလပထမအပတ်ဖြစ်ပေါ်နေသော အခြေခံစားသောက်ကုန်များဖြစ်သော ဧည့်မထတစ်ပြည်လျှင် ၃၀၀၀/ကျပ်၊ကြက်သွန်နီ(အကြီး) တစ်ပိဿာလျှင် ၂၅၀၀ကျပ်၊(အလတ်) ၂၂၀၀/ကျပ်၊(အသေး) ၂၀၀၀/ကျပ်၊ကြက်သွန်ဖြူ(ကြူကုတ်) တစ်ပိဿာလျှင် ၁၅၀၀၀/ကျပ်၊မြန်မာတစ်ပိဿာလျှင် ၁၂၀၀၀/ကျပ်၊ဂျင်းတစ်ပိဿာလျှင် ၇၀၀၀/  ကျပ်၊သကြားတစ်ပိဿာလျှင် ၅၅၀၀/ကျပ်၊ကုလားပဲတစ်ပိဿာလျှင် ၆၀၀၀/ကျပ်၊မြေပဲဆံတစ် ပိဿာလျှင် ၉၀၀၀/ကျပ်၊ငရုတ်သီးခြောက်တစ်ပိဿာလျှင် ၁၂၀၀၀/ကျပ်၊အာလူးတစ်ပိဿာလျှင် ၅၀၀၀/ကျပ်၊ဆားတစ်ပိဿာလျှင် ၁၀၀၀/ကျပ်တို့ဖြင့် အရောင်းအဝယ်ဖြစ်လျက်ရှိပါသည်။

DOCA(ပဲခူး)

မွန်ပြည်နယ်သည် လယ်ယာသီးနှံ၊ ဥယျာဥ်ခြံသီးနှံများနှင့် ရော်ဘာစိုက်ပျိုးမှု အောင်မြင် ဖြစ်ထွန်းသော ပြည်နယ်ဖြစ်ရာ မုဒုံမြို့နယ်ရှိ ကျေးလက်ဒေသများနှင့် မြို့အနီးအနားဝန်းကျင် တစ်ဝိုက်တွင် ယိုးဒယားပိန်နဲသီးမျိုးများ စိုက်ပျိုးမှုဖြစ်ထွန်း၍ ယခုနှစ်သီးနှံထွက်ချိန် ပိန်နဲသီး များလှိုင်လှိုင်ထွက်ရှိပြီး စျေးကောင်းရရှိနေကြောင်း သိရသည်။

ပိန်နဲပင်များကို ပျိုးပင်များနှင့် ကိုင်းဆက်ကိုင်းကူးနည်းဖြင့် ရိုးရိုးအရိုင်းသီးမျိုးနှင့် ယိုးဒယားမျိုးတို့ကို အများဆုံးစိုက်ပျိုးကြရာ ကာလရှည် သီးနှံတစ်မျိုးဖြစ်သောကြောင့် စိုက်ပျိုး နည်းစနစ်များ စနစ်တကျမှန်ကန်အောင်ပြုစုရကြောင်း၊ အပင်များကိုစိုက်ပျိုးပြီး (၃)နှစ်ခန့် အကြာတွင် အသီးစတင်ထွက်ရှိကြောင်း၊ ယိုးဒယားမျိုး ပိန်နဲသီးပင် (၂၀) ကို စိုက်ပျိုးရုံဖြင့် တစ်နှစ်ဝင်ငွေ သိန်း (၄၀)ခန့် ရရှိနိုင်ကြောင်း ဘဲရမ်းကျေးရွာနေ ပိန်နဲသီးစိုက် တောင်သူတစ်ဦး ကပြောသည်။

မုဒုံမြို့နယ်တွင် ဒေသထွက် ပိန်နဲသီးများကို တစ်ကီလိုလျှင် ငွေကျပ် (၁၅၀၀) မှ (၂၀၀၀) ကျပ် အထိ စျေးရရှိပြီး ပိန်နဲသီးတစ်လုံးလျှင် ဒေသပေါက်စျေး အသီးအရွယ်အစားအလိုက် ငွေကျပ် (၁၅၀၀၀) မှ (၃၀၀၀၀) ကျပ်အထိရရှိကာ မြို့ပေါ်စျေးများအပြင် မော်လမြိုင်၊ ရန်ကုန်နှင့် အခြားဒေသများသို့ တင်ပို့ရောင်းချလျက်ရှိကြောင်း သိရသည်။

DOCA(မွန်)