ပြည်တွင်းကုန်သွယ်မှုသတင်း

      ကန်စွန်းဥ စိုက်ပျိုးရာ ဒေသမှာ အမေရိကတိုက်၏ အရှေ့ပိုင်းဒေသသည် မူရင်းဒေသဖြစ်သည်။ ကန်ဇွန်းဥကိုမြန်မာပြည်၌ဒေသအနှံအပြားတွင်စိုက်ပျိုးသည်။ကန်စွန်းဥမျိုးပေါင်းမြောက်များစွာရှိသည်။ အသားမာမျိုးနှင့် အသားပျော့ မျိုးနှင့်ဟူ၍ ခွဲခြားနိုင်သည်။ အချို့အပင်ပေါက်ပုံအလေ့အထ မူတည်၍ ခွဲကြသည်။အလွယ်ဆုံးမှာ ကန်စွန်းဥ၏ အရောင်ပေါ် မူတည်၍ အမျိုးအစားခွဲခြားခြင်းဖြစ်သည်။သဲမြေ၊ သဲနှုန်းမြေ၊တို့တွင် ကန်းစွန်းဥကို ကောင်းစွာစိုက်ပျိုးနိုင်သည်။ သို့သော် အောက်ခံမြေသည် နုန်းစနယ်ဖြစ်ရန်လိုသည်။မြေသည်ဖွယ်နေရမည်။ ရေဝပ်ဒဏ်ကို ခံနိုင်ကြချေ။အလွန်စေးသော မြေတွင်ကန်စွန်းဥသည် အသားကြမ်းပြီး ပုံသဏ္ဍာမမှန်တော့ပေ မြေ၏အသင့်တော်ဆုံး အပူချိန်မှာ (၂၀-၃၀) ဒီဂရီစင်တီဂရိတ် အတွင်းဖြစ်သည်ကန်စွန်းဥသည်အသင့်ချဥ်သောမြေတွင်စိုက်ပျိုး၍ရသည်။အနဉ်းဆုံးပူနွေးသောရာသီ(၄)လရှိရန်လိုအပ်သည်။မိုးအသင့်အတင့်ရွာသောဒေသဖြစ်ရမည့်အပြင် အလင်းရောင် ကောင်းစွာရရှိရမည်။ ကန်စွန်းဥ စိုက်ပျိုးရာတွင် အညွှန့်ကိုယူ၍ စိုက်ရသည်။သင့်လျော်မည့်အရှည်ကို ပျိုဘောင်ပြုလုပ်ပေးရသည်။ အလွန်ဖွယ်သောမြေသဲဆန်သောမြေတွင် ပြုလုပ်ပါသည်။ အပင်များမြေပေါ်သို့က်လာသောအခါအပင်ခြေတွင်မြေဖို့ပေးရပါသည်။ဤသို့ဖို့ပေးခြင်းဖြင့် ပင်စည်အရင်းပိုင်းတွင် ၃/၄လက်မအထိ အမြစ်များထွက်လာပါသည်။ပျိုးပင်များရှည်လာ၍ မိမိလိုအပ်သော ကိုင်အရေအတွက် ရနိုင်လောက်မည့်အရွယ်တွင်စိုက်ခင်းကိုရွေ့ပြောင်းစိုက်ပျိုးနိုင်သည်။နွားချေးများထည့်စိုက်ပျိုးရပါသည်။မြေဆွေးများထည့်၍လည်းစိုက်ပျိုးရပါသည်။တစ်တန်းနှင့်တစ်တန်း တစ်ပေခြား၍ စိုက်ပျိုးရသည်။ ကန်စွန်းဥကို မေလ/ဇွန်လ အတွင်း စတင်စိုက်ပျိုးရသည်။ စိုက်ပြီး အစောပိုင်း ကာလတွင် ပေါင်းမြတ်ကိုရှင်းရသည်။ အပင်များ တစ်ပင်နှင့်တစ်ပင် ရောယှက်၍ မြေကိုဖုံးသွားပါက ပေါင်းလိုက်ရန် အလိုတော့ခြေ ။ စိုက်ပြီးနှစ်လ ခွဲအကြာ တွင်အပင်ခြေရင်း၌မြေတင်ပေးရသည်။ကန်စွန်းဥသည် မိုးတွင်းစိုက်ပျိုးသောသီးနှံဖြစ်၍ရေသွင်းရန်မလိုအပ်ပေ။ ဆောင်းနှင့်နွေရာသီ စိုက်လျှင် (၄)ရက် နှင့်(၉)ရက်အကြားတွင် ရေသွင်းပေးရသည်။

    ကန်စွန်းဥဈေးကောင်းကို မရင့်မှီ အရွယ်ရောက်ဥများကို တူးဖော်ရောင်းချနိုင်သည်။တစ်ဧကလျှင် တစ်ပိသာချိန်(၃၀၀၀မှ၅၀၀၀)ကျော်ထိ ထွက်ရှိသည်။တစ်ပိသာကို ၇၀၀၀ကျပ်ဖြစ်ပါသည်။

(Doca ဧရာဝတီ)

   မိတ္ထီလာမြို့၊ ပြည်သာယာဈေးရှိ ထောပတ်ပဲနှင့်ပဲလိပ်ပြာ ဈေးကွက်တွင် ဒီဇင်ဘာလပထမပတ်၌ ဈေးအနည်းငယ်ကျဆင်းလာကြောင်းသိရသည်။ နိုဝင်ဘာလပထမပတ်တွင် ထောပတ်ပဲကို နို့ဆီဘူးတစ်ဘူးလျှင် (၁၂၀၀-၁၃၀၀)ကျပ်၊ ပဲလိပ်ပြာနို့ဆီဘူးတစ်ဘူးလျှင် (၁၂၀၀)ကျပ်ဈေးဖြင့် အသီးသီးရောင်းချလျက်ရှိကြောင်း ဈေးကွက်မှသိရသည်။ ထောပတ်ပဲနှင့် ပဲလိပ်ပြာများကို မကွေးတိုင်း၊ မန္တလေးတိုင်း၊ ရှမ်းပြည်နယ်ဘက်မှ အများဆုံးဝင်ရောက် ကြောင်းဈေးကွက်မှသိရသည်။ ယခင်တပတ်နှင့်နှိုင်းယှဉ်ပါက ပဲဈေးနှုန်းမှာ အနည်းငယ်ကျဆင်း လာကြောင်း ပြည်သာယာဈေးရှိကုန်စိမ်းသည် များထံမှသိရပါသည်။

DOCA(မန္တလေး)

  မိတ္ထီလာမြို့၊ ပြည်သာယာဈေးတွင် ၂၀၂၅ ခုနှစ် ဒီဇင်ဘာလပထမပတ်တွင် ရောင်းချ လျက်ရှိသော ထန်းမြစ်များကို မိတ္ထီလာမြို့နှင့်အနီးတဝိုက်ကျေးရွာများရှိ ထန်းပင်များမှ တိုက်ရိုက် ထွက်ရှိသည်ဟု သိရပါသည်။ လက်ရှိဈေးနှုန်းများအရ (၁၀)ချောင်းပါတစ်စီးကို(၂၅၀၀)ကျပ်၊ (၂၅)ချောင်းပါတစ်စီးလျှင်(၄၀၀၀)ကျပ်ဈေးနှုန်းဖြင့် အရောင်းအဝယ်ဖြစ်လျက်ရှိကြောင်းသိရသည်။ ထန်းမြစ်ကို မီးဖုတ်၍သော်လည်းကောင်း၊ ပြုတ်၍သော်လည်းကောင်းစားသုံးကြပါသည်။ မိတ္ထီလာမြို့တွင် ထန်းမြစ်ဈေးနှုန်း၊ ဈေးကွက်အနေနှင့် ဈေးနှုန်းတည်ငြိမ်လျက်ရှိကြောင်း ပြည်သာယာဈေးရှိ ကုန်သည်များထံမှသိရသည်။

DOCA(မန္တလေး)

    နတ်တော်လဆန်းကာလတွင် မန္တလေးစျေးကွက်သို့ ခရမ်းချဉ်သီးကိုင်းသီးဝင်ရောက်မှုများ ပြားရှိပြီး၊အရောင်းသွက်လျက်ရှိကြောင်းသိရှိရပါသည်။ မန္တလေးစျေးချို၊ ကိုင်းတန်းစျေးရှိ ခရမ်းချဉ် သီးပွဲရုံများ၊သီရိမာလာစျေး (ပိုက်ကျုံးစျေး) နှင့် ၄၁လမ်း၊  ကမ်းနားလမ်းရှိ   ကုန်စိမ်းလက္ကားစျေးတို့တွင် ခရမ်းချဉ်သီး(ကိုင်းသီး)၊ခရမ်းချဉ်သီး(အင်းသီး)နှင့်ခရမ်း ချဉ်သီး(ဘောလုံးသီး)တို့အား ခေါင်သီး နှင့် အလတ်စသီးဟူ၍ အမျိုးအစားခွဲခြား ရောင်းချလျှက်ရှိပါသည်။  ၂၀၂၅ ခုနှစ် ဒီဇင်ဘာလပထမ ပတ်အတွင်း   ဖြစ်ပေါ်လျှက်ရှိသော လက္ကားစျေးအနေဖြင့် ခရမ်းချဉ်သီး(ကိုင်းသီး)   အချိန်(၃၀)ပါ တစ်တောင်းလျှင် ၂၇၀၀၀၀ ကျပ်နှင့် ၃၀၀၀၀၀ ကျပ်၊လက်လီစျေးတစ်ပိဿာလျှင် ၁၁၀၀၀ကျပ်နှင့် ၁၂၀၀၀ ကျပ်၊ အင်းသီးလက္ကား‌စျေးတစ်သေတ္တာ(၂၀ ပိဿာပါ)လျှင် ၅၀၀၀၀ကျပ် နှင့် ၆၅၀၀၀ကျပ်၊ လက်လီစျေး အနေဖြင့် ခရမ်းချဉ်သီး ဘောလုံးသီးနှင့်  အင်းသီးတစ်ပိဿာလျှင်    ၄၀၀၀ ကျပ်နှင့် ၅၀၀၀ ကျပ်တို့ဖြင့်ရောင်းချလျက်ရှိပြီး ၊ နိုဝင်ဘာလနောက် ဆုံးပတ်စျေးနှင့် နှိုင်းယှဉ်ပါက တစ်ပိဿာလျှင် ၅၀၀ ကျပ်စျေးမြင့်တက်သွားကြောင်း သိရှိရပါသည်။

DOCA(မန္တလေး)

  ဆောင်းရာသီကာလဖြစ်သော နတ်တော်လဆန်းအတွင်း မန္တလေးတိုင်းဒေသကြီးနှင့် စစ်ကိုင်းတိုင်းဒေသကြီးတို့မှ ထွက်သည့်ရာသီစာ ပဲချဉ်ပေါင်ရွက်(ခေါ်)ပဲကစာလီများ စတင်ဝင်ရောက် လျက် ရှိပြီး၊အရောင်းသွက်လျက်ရှိကြောင်း သိရှိရပါသည်။ မြန်မာ့ရိုးရာအသုပ်အစားအစာတစ်မျိုးဖြစ်သည့် ပဲချဉ်ပေါင်ရွက်(ခေါ်)ပဲကစာလီများမှာ မန္တလေးမြို့ ၄၁လမ်း၊ ကုန်စိမ်းစျေးကွက်တွင် ၂၀၂၅ ခုနှစ် ဒီဇင်ဘာလပထမပတ်အတွင်း တစ်ပိဿာလျှင် လက္ကားစျေး ၁၈၀၀၀ ကျပ်နှင့် ၂၀၀၀၀ ကျပ်၊ လက်လီစျေး ၂၂၀၀၀ ကျပ်နှင့် ၂၅၀၀၀ ကျပ်စျေး၊ တဆယ်ကျပ်သားလျှင် ၂၅၀၀ ကျပ်တို့ဖြင့် ရောင်းချ လျှက်ရှိကြောင်း ကုန်စိမ်း ရောင်းချ သူတစ်ဦးထံမှ သိရှိရပါသည်။

DOCA(မန္တလေး)