ပြည်တွင်းကုန်သွယ်မှုသတင်း

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများ ဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးသည့်အပြင် ရာသီစာသီးနှံများနှင့် စားဖိုဆောင်သီးနှံများကိုလည်း စိုက်ပျိုးကြသည်။

     ယခုအခါ ကန့်ဘလူမြို့ပေါ်၊ နတ်ပေးကျေးရွာနှင့် အခြားသောကျေးရွာများတွင် ကန်စွန်းရွက် များကို စိုက်ပျိုးကြကြောင်း၊ ကန်စွန်းရွက်များကို ကန့်ဘလူမြို့မဈေးတွင်ရောင်းချကြောင်း၊ ၂၀၂၅ခုနှစ်၊ မေလ ပထမပတ်အတွင်း ကန်စွန်းရွက်(၁)စည်းလျှင်(၁၅၀)ကျပ်၊ ကန်စွန်းရွက်(၄) စည်းလျှင်(၅၀၀)ကျပ်ဖြင့်ရောင်းချကြောင်း၊  ကန်စွန်းရွက်များကို  အိမ်ရှင်မများဟင်းချက်ရာတွင် လည်းကောင်း၊ စားသောက်ဆိုင်များနှင့် အထောင်းစုံရောင်းသည့်ဆိုင်များမှ ဝယ်ယူကြသဖြင့် ကန်စွန်းရွက်များ အရောင်းအဝယ်သွက်လျက်ရှိကြောင်း မြို့မဈေးရှိ ကုန်စိမ်းရောင်းချသူတစ်ဦးထံမှ သိရှိရပါသည်။

DOCA(စစ်ကိုင်း)

             ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ် လင်းလွန်းပင် ကျေးရွာအုပ်စု၊ ပုဇွန်ချောင်းကျေးရွာ၊ ဓနုဖြူမြို့နယ်တွင် ကြယ်တာရာပန်းကို ဦးမြဆိုင်၏ ခြံမြေ ၀.၅၀ ဧက တွင် စိုက်ပျိုးထားကြောင်း သိရသည်။ ဓနုဖြူမြို့နယ်တွင် လယ်မြေသီးနှံများ စိုက်ပျိုးကြသလို ခြံမြေဥယာဉ်များကိုလည်း စိုက်ပျိုးကြပြီး အိမ်တွင်းလက်မှုလုပ်ငန်းများ၊ တပိုင်တနိုင်မုန့်လုပ်ငန်းများ စသည်တို့လုပ်ကိုင်ကြပြီး ဒေသဖွံ့ဖြိုးတိုးတက်သော မြို့နယ်တစ်ခုဖြစ်ကြောင်း သိရသည်။

            စိုက်ပျိုးနေသော ဦးမြဆိုင်ခြံမြေတွင် ကြယ်တာရာပန်းကို နှစ်စဉ်စိုက်ပျိုးပြီး ပန်းမျိုးကို ရန်ကုန်တိုင်းဒေသကြီး အဖျောက်မြို့နယ်မှာ မှာယူစိုက်ပျိုးသည်။ ပန်းမျိုး အပင်ပေါက် တစ်ပင်ကို ၅၀ကျပ်ဖြင့် ဝယ်ယူရပြီး စိုက်ဧကတွင် အပင်ရေ (၅၀၀၀)စိုက်ပျိုးထားကြောင်း စိုက်ပျိုးသူ ဦးမြဆိုင်ကပြောပြသည်။ ကြယ်တာရာပန်းကို သီတင်းကျွတ်လတွင် စတင်စိုက်ပျိုးပြီး တပေါင်းလတွင် ထွက်ရှိသည်။ ပန်းထွက်ရှိမှု အနေဖြင့် တစ်နေ့ကို ၃၀၀-၄၀၀ ခန့်ခူးရပြီး ရက် ၂၀ရက်အတွင်း အပြီးခူး၍ ပန်း ၈၀၀၀ခန့် ထွက်ရှိသည်။ စိုက်ပျိုးမှုကုန်ကျစရိတ်အနေဖြင့် စိုက်ဧက ၀.၅၀ဧကတွင် ၄၀၀၀၀၀/-ကုန်ကျကြောင်းသိရသည်။

            ဈေးနှုန်းအနေဖြင့် ကြယ်တာရာပန်းကို ၁ပင်ကို ၂၀၀ကျပ်လက်ကားဈေးဖြင့် ရောင်းချပြီး တစ်နေ့ကို အပင်ရေ ၄၀၀ခန့် ထွက်ရှိသဖြင့် ရက်၂၀ ခူးရသောကြောင့် ငွေကျပ် ၁၆၀၀၀၀၀/-ကျပ်ရရှိရ စိုက်ပျိုးသူအနေဖြင့်  ငွေကျပ် ၁၂၀၀၀၀၀/- အကျိုးအမြတ်ကျန်ရှိကြောင်း သိရသသည်။ ဈေးကွက်အနေဖြင့် ဒေသတွင်းရောင်းချပြီး ညောင်တုန်း၊ ပန်းတနော်၊ ဟင်္သတမြို့နယ်ဘက်သို့ တင်ပို့ရောင်းချကြောင်း စိုက်ပျိုးသူထံမှ သိရသည်။

DOCA(ဧရာဝတီ)

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ရာသီပေါ်သီးနှံများကို စိုက်ပျိုး ရောင်းချလျက်ရှိရာ ယခုအခါ ဟင်းနုနွယ်ပင်များကို  နေအိမ်ခြံဝင်းများတွင်လည်းကောင်း၊ ယာတော၊ လယ်တောများတွင်လည်းကောင်း တစ်နိုင်တစ်ပိုင်စိုက်ပျိုး၍ ရောင်းချလျက်ရှိကြောင်း သိရသည်။ 

    ယခုအခါ ကန့်ဘလူမြို့မဈေးတွင် ကုန်စိမ်းရောင်းချသူတစ်ဦး၏ ပြောပြချက်အရ ဟင်းနုနွယ် ရွက်များကို ကန့်ဘလူမြို့ပေါ်နှင့် နတ်ပေးကျေးရွာ၊ နတ်အင်းကျေးရွာများမှလည်းကောင်း ဝယ်ယူ ရောင်းချလျက်ရှိကြောင်း ၂၀၂၅ ခုနှစ်၊ မေလ ပထမပတ်အတွင်း ဟင်းနုနွယ်ရွက် (၁)စည်းလျှင် (၂၀၀)ကျပ်၊ ဟင်းနုနွယ်ရွက် (၃)စည်းလျှင် (၅၀၀)ကျပ်၊ ဟင်းနုနွယ်ရွက်(၂၅)ကျပ်သားပါ (၁)ထုပ် လျှင် (၅၀၀)ကျပ်နှင့် ဟင်းနုနွယ်ရွက်(၁)ပိဿာပါ(၁)ထုပ်လျှင် (၂၀၀၀)ကျပ်ဖြင့်ရောင်းချကြောင်း၊ ဟင်းနုနွယ်ရွက်များကို အိမ်ရှင်မများဟင်းချက်ရာတွင်လည်းကောင်း၊ ထမင်းဆိုင်များမှလည်းဝယ်ယူ ကြသဖြင့် အရောင်းအဝယ်သွက်လျက်ရှိကြောင်း သတင်းရရှိပါသည်။

DOCA(စစ်ကိုင်း)

     စံပယ်ပန်းသည် မွှေးကြိုင်သောသင်းရနံ့နှင့် အဖြူရောင်အဆင်းရှိပြီး အမျိုးသမီးတိုင်း ကြိုက်နှစ်သက်သော ပန်းဖြစ်သည်။ စံပယ်ပန်းပင်သည် ချုံပင်တစ်မျိုးဖြစ်ပြီး ရုက္ခဗေဒအမည်မှာ “ဂျက်စမင်နမ်ဆမ်ဗက်” ဖြစ်သည်။ အိမ်စံပယ်၊ တောစံပယ်၊ စံပယ်အိနှင့် စံပယ်နွဲ့ ဟူ၍ စံပယ်အမျိုး မျိုးရှိသည်။

     စံပယ်ပန်းပင်သည် ပူအိုက်သော ရာသီဥတုကို ကြိုက်နှစ်သက်သည်။ ထို့ကြောင့် စံပယ်ပန်း ပင်ကို မြန်မာနိုင်ငံ အပူပိုင်းဒေသတွေမှာ အများဆုံးစိုက်ပျိုးလေ့ရှိကြသည်။ စံပယ်ပန်းပင်များကို အခြားပန်းပင်များကဲ့သို့ ခြံဖွဲ့၍စိုက်ပျိုးခြင်းမရှိသော်လည်း မိမိတို့နေအိမ်များတွင်စိုက်ပျိုးကြသည်။ အမျိုးသမီးများသည် စံပယ်ပန်းပွင့်များကို ကြိုးဖြင့်သီကုံးပြီး ဦးခေါင်းတွင်ပန်ဆင်ကြသလို အခက် လိုက်ပန်ဆင်သူများလည်းရှိသည်။ ယခုအခါ စံပယ်ပန်းများကို ကန့်ဘလူမြို့ပေါ်ရှိ ရပ်ကွက်များမှ တစ်နိုင်တစ်ပိုင်စိုက်ပျိုးကြပြီး ရရှိလာသောစံပယ်ပန်းကုံးများကို  မြို့မဈေးသို့လာရောက်ရောင်းချ ကြောင်း၊ ပန်းသည်၏ပြောပြချက်အရ မေလ ပထမပတ်အတွင်း တစ်ရက်လျှင် စံပယ်ပန်းကုံး(၃၅ မှ၄၅)ခန့်အထိရရှိပြီး (၁)ကုံးလျှင် (၂၀၀)ကျပ်၊ (၃)ကုံးလျှင် (၅၀၀)ကျပ်ဖြင့် ရောင်းချလျက်ရှိ ကြောင်းသိရှိရသည်။ စံပယ်ပန်းကုံးများကို ဘုရားပန်းကပ်လှူရန်အတွက်လည်းကောင်း၊ အမျိုးသမီး များအလှပန်ရန်အတွက်လည်းကောင်း၊ ကားများ၊ ဈေးဆိုင်များတွင် သဘာဝပန်းအလှများချိတ်ဆွဲ ရန်အတွက်လည်းကောင်း ဝယ်ယူကြကြောင်း သိရှိရသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများ ဖြစ်သည့် စပါး၊ ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးသည့်အပြင် ရာသီစာသီးနှံများနှင့် စားဖိုဆောင်သီးနှံများကိုလည်း စိုက်ပျိုးကြသည်။

   ယခုအခါ ကန့်ဘလူမြို့ပေါ်၊ နတ်ပေးကျေးရွာနှင့် အခြားသောကျေးရွာများတွင် ခံသီးပင်၊ ခဆော့ပင်များကို စိုက်ပျိုးကြကြောင်း၊ ခံသီးများကို ကန့်ဘလူမြို့မဈေးတွင်ရောင်းချကြောင်း၊ ၂၀၂၅ခုနှစ် မေလ ပထမပတ်အတွင်း ခံသီး(၁)ပြည်လျှင် (၂၂၀၀)ကျပ်၊ ခံသီး(၁)ဘူးလျှင်(၃၀၀)ကျပ်၊ ခရမ်းကဆော့သီး(၁)ပြည်လျှင် (၃၀၀၀)ကျပ်၊ ခရမ်း ကဆော့သီး(၁)ဘူးလျှင်(၄၀၀)ကျပ်ဖြင့် ရောင်း ချကြောင်း၊ ခံသီးများကို သုပ်စားခြင်း၊ ချက်စားခြင်းများပြုလုပ်၍ စားသုံးကြပြီး၊   ခဆော့သီးများကို ဒယ်အိုးထဲ ထည့်လှော်ပြီးသုပ်စားခြင်း၊ အစိမ်းလိုက်အခြမ်းလေးခြမ်းပြီး ချက်စားခြင်းများပြုလုပ်၍ စားသုံးကြကြောင်း၊ ယခုအခါ အိမ်ရှင်မများဟင်းချက်ရာတွင်လည်းကောင်း၊ အချဉ်ပေါင်း အရောင်း ဆိုင်များမှ အများဆုံး ဝယ်ယူကြသဖြင့် ခံသီးများကို အရောင်းအဝယ် သွက်လျက်ရှိပါကြောင်းနှင့် ခရမ်းကဆော့သီးများကိုလည် ထမင်းဆိုင်များမှ အများဆုံးဝယ်ယူကြသဖြင့် အရောင်းအဝယ် သွက်လျက်ရှိကြောင်း မြို့မဈေးရှိကုန်စိမ်း ရောင်းချသူတစ်ဦးထံမှသိရှိရ ပါသည်။

DOCA(စစ်ကိုင်း)