ပြည်တွင်းကုန်သွယ်မှုသတင်း

   မိတ္ထီလာမြို့ရှိ ဘုရားပန်းဈေးကွက်သို့ နိုဝင်ဘာလကုန်ပိုင်းမှစ၍ မေမြို့ပန်းများဝင်ရောက် လာကြောင်း သိရသည်။ ဈေးကွက်တွင်း နှင်းဆီပန်း၊ ဂန္ဓာပန်း၊ သပြေပန်းစသည်တို့မှာ ရာသီမရွေး တွေ့ရသော်လည်း မြေမြို့ပန်းမှာ ဆောင်းရာသီကာလတွင်သာ တွေ့ရလေ့ရှိပါသည်။ မေမြို့ပန်းကို ဘုရာပန်းကပ်လှူရန်အတွက် ဝယ်လိုအားများခြင်းကြောင့် ဒေသနေတောင်သူများက စိုက်ပျိုးကြပါ သည်။ မိတ္ထီလာဈေးကွက်သို့ မိတ္ထီလာမြို့၊ မြို့သစ်ရပ်ကွက်အနောက်ပိုင်းရှိ ကျေးရွာများတွင် စိုက်ပျိုး ကာ မြို့သစ်ဈေးမှတစ်ဆင့် မြို့ပေါ်ဈေးများသို့ ပြန်လည်ရောင်းချကြောင်းသိရသည်။ မေမြို့ပန်းတစ် စီးလျှင် (၁၀၀၀) ကျပ်ဈေးဖြင့် ရောင်းချနေရာ ရာသီပေါ် ဘုရားပန်းအနေဖြင့် အရောင်းသွက်ကြောင်း ဈေးကွက်မှသိရသည်။

DOCA(မန္တလေး)

   မိတ္ထီလာမြို့ ဟင်းသီးဟင်းရွက်ဈေးကွက်တွင် ရာသီပေါ်သီးနှံများကိုစိုက်ပျိုးရောင်းချ လျက်ရှိရာ ယခုအခါပဲစောင်းလျားသီးများကို မိမိတို့နေအိမ်ခြံဝင်းများတွင်လည်းကောင်း ၊ မိမိပိုင်ယာ တောများ တွင်လည်းကောင်း တစ်နိုင်တစ်ပိုင်စိုက်ပျိုး၍ မိတ္ထီလာမြို့မဈေး ၊ ဘဲကန်(ကုန်စိမ်း)ဈေး နှင့်မြို့ပေါ် ရပ်ကွက်ဈေးများတွင် လာရောက်ရောင်းချကြကြောင်းသိရပါသည်။

          ဈေးနှုန်းအနေဖြင့် မိတ္ထီလာဈေးကွက် ဒီဇင်ဘာလပထမပတ်တွင် ရောင်းချလျက်ရှိသော ပဲစောင်းလျားသီးဈေးနှုန်းမှာ(၂၅)ကျပ်သားလျှင် (၈၀၀-၁၀၀၀)ကျပ် ဖြင့်လည်းကောင်း ၊ ၁ပိဿာလျှင်(၃၀၀၀-၃၅၀၀)ကျပ် ဖြင့်လည်းကောင်း ရောင်းချလျက်ရှိကြောင်းကုန်စိမ်းရောင်းချသူများ ထံမှ သိရပါသည်။ 

DOCA(မန္တလေး)

     မြန်မာနိုင်ငံစက်သုံးဆီတင်သွင်း သိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီက သောကြာနေ့တိုင်း တစ်ပတ်တစ်ခါ စက်သုံးဆီဈေးနှုန်းများ ပြောင်းလဲလျက်ရှိရာ ယခုတစ်ပတ် (၂၈.၁၁.၂၀၂၅)ရက်နေ့တွင် ဓာတ်ဆီ(92)၊ ဓာတ်ဆီ(95)၊ ဒီဇယ်နှင့် အဆင့်မြင့်ဒီဇယ်တို့၏ ဈေးနှုန်း ပြောင်းလဲမှုမှာ 92 Octance ဓါတ်ဆီ ဈေးနှုန်းတစ်လီတာမှာ ၂၆၄၅ကျပ်၊ 95 Octance ဓါတ်ဆီ ဈေးနှုန်းတစ်လီတာမှာ ၂၇၂၀ကျပ်၊ ဒီဇယ်ရိုးရိုး ဈေးနှုန်းတစ်လီတာမှာ ၂၆၆၅ကျပ်၊ ဒီဇယ် (အဆင့်မြင့်) ဈေးနှုန်းတစ်လီတာမှာ ၃၁၈၅ကျပ်ဖြစ်ကြောင်း သိရှိရပါသည်။

      ၂၀၂၅ ခုနှစ်၊ ဒီဇင်ဘာလ ပထမပတ်တွင် ကန့်ဘလူမြို့နယ်အတွင်းရှိ စက်သုံးဆီအရောင်း ဆိုင်များတွင် 92 Octance ဓါတ်ဆီ ဈေးနှုန်းတစ်လီတာမှာ (၂၇၈၅)ကျပ်၊ 95 Octance ဓါတ်ဆီဈေး နှုန်းတစ်လီတာမှာ (၂၈၇၅)ကျပ်၊ ဒီဇယ်ရိုးရိုး ဈေးနှုန်းတစ်လီတာမှာ (၂၈၁၅)ကျပ်၊ ဒီဇယ် (အဆင့်မြင့်)ဈေးနှုန်း တစ်လီတာမှာ (၃၃၉၀)ကျပ်ဖြင့် ရောင်းချလျက်ရှိရာ  ယခင်နိုဝင်ဘာ စတုတ္ထပတ်၏ ဈေးနှုန်းများနှင့်နှိုင်းယှဉ်ပါက ယခုပထမပတ်အတွင်း 92 Octance၊ 95 Octance ဒီဇယ်ရိုးရိုးနှင့် ဒီဇယ်ပရီမီယံ စက်သုံးဆီဈေးနှုန်းများ ဆက်လက်ကျဆင်းနေကြောင်း၊ စက်သုံးဆီအရောင်းဆိုင်များမှ သိရှိရပါသည်။

DOCA(စစ်ကိုင်း)

   ကျောက်ဆည်မြို့ရှိ အေးမြကြည်လင်ဈေးနှင့် မြို့မဈေးများသို့ ရွှေပဲသီးတောင့်များ ဝင်ရောက်လျက်ရှိရာ ရှမ်းပြည်နယ်၊ အောင်ပန်း၊ ပင်းတယ နှင့် ရွာငံ ၊ ရေဦး မြို့များမှ အများဆုံး ဝင်ရောက်လျက်ရှိကြောင်း၊ ရွှေပဲသီးကို အစိမ်းကြော်၊ ကြာဇံကြော်၊ ခေါက်ဆွဲကြော်၊ ကုန်းဘောင်ကြီး ကြော်စသည့် ဟင်းလျာများတွင် ထည်းသွင်းချက်ပြုတ်လျက်ရှိကြောင်း၊ ရွှေပဲသီးတွင် ဗီတာမင်အေ၊ စီ၊ အမျှင်ဓာတ်တွေနဲ့ သံဓာတ်၊ ဗီတာမင်အေတို့ပါဝင်တဲ့အပြင် အခြား အာဟာရ ဓာတ်တွေလည်း ပါဝင်သောကြောင့် နှလုံးကျန်းမာစေရုံသာမက ဝိတ်ကိုထိန်းနိုင်စေပြီး အရိုးတွေကိုလည်း ကျန်းမာ စေကြောင်း၊ အမျှင်ဓာတ် မြင့်မားစွာပါဝင်သောကြောင့် အစာခြေစနစ်ကို ကူညီပေးနိုင်ကြောင်း၊ သွေးတွင်းသကြားဓာတ်ကိုလည်း ထိန်းပေးနိုင်ပြီး အမျှင်ဓာတ်ကြောင့် အစာခြေလွယ်ပြီး ဝိတ်လည်း ထိန်းနိုင်ကြောင်း၊ ရွှေပဲသီးဈေးနှုန်းအနေဖြင့် တစ်ပိဿာလျှင် လက္ကားစျေး (၁၀၀၀၀/-)ကျပ်၊ လက်လီဈေးနှုန်းအနေဖြင့် (၁၂၀၀၀/-)ကျပ်ဖြင့် ရောင်းဝယ်လျက်ရှိကြောင်း၊ ဆောင်းဦးရာသီရှိ ရွှေပဲသီးတောင့် ကုန်စိမ်းမှာအရောင်းသွက်လျက်ရှိကြောင်း  ကုန်စိမ်းရောင်းချသူတစ်ဦးထံမှ သိရပါ သည်။

DOCA(မန္တလေး)

   ပြင်ဦးလွင်မြို့မှဒေသထွက် ခရမ်းချဉ်သီးများ ဈေးကောင်းရရှိသဖြင့် ခရမ်းချဉ်စိုက် တောင်သူများ အဆင်ပြေလျက်ရှိကြောင်း သိရှိရပါသည် ။ ကျောက်ဆည်မြို့နယ်အတွင်း ကျေးရွာ အချို့တွင်လည်း ဗမာခရမ်းချဉ်သီးများကို တစ်ပိုင်တစ်နိုင် စိုက်ပျိုးလျက်ရှိပါသည်။ ကျောက်ဆည် မြို့နယ်အတွင်းရှိ မြို့မဈေးနှင့် အေးမြကြည်လင်ဈေးတို့တွင် ရောင်းချသည့် ဟင်းသီးဟင်းရွက်အများစုမှာ မြို့နယ် အတွင်းကျေးရွာများ နှင့် ရွာငံဒေသမှ လာရောက်တင်သွင်း ရောင်းချခြင်းများဖြစ်ပြီး ခရမ်းချဉ်သီး၊ မုန်လာဥ၊ ချဉ်ပေါင်ရွက်၊ ခရမ်းသီး၊ ပဲသီး၊ ဆလပ်ရွက်၊ ပန်းမုံလာ၊ ငရုပ်သီး၊ အာလူး၊ကြက်သွန်၊ ဗူးသီး၊ဂေါ်ဖီထုပ်နှင့် ဘုရားပန်းများလာရောက်ရောင်းချလျှက်ရှိပါသည်။ ယခင်နှစ် ခရမ်းချဉ်သီး စိုက်တောင်သူများ အရှုံးပေါ်ခဲ့သည့်အတွက် စိုက်သူများလာသဖြင့် ခရမ်းချဉ်သီး ထွက်နှုန်းများ ကျဆင်းပြီး ဝယ်လိုအားနှင့်ရောင်းလိုအား မမျှတကာ ခရမ်းချဉ်သီး ဈေးကွက်ဆက်တိုက် ဈေးတက် လျက်ရှိကြောင်း၊ စားဖိုဆောင်သီးနှံတစ်မျိုးဖြစ်သည့် ဗမာခရမ်းချဉ်သီးအနေဖြင့် ယခင်လ ဈေးနှုန်းမှာ (၁)ပိဿာလျှင် လက်ကားဈေး(၄၀၀၀)ကျပ်ရောင်းချပြီး ၊လက်လီဈေးအနေဖြင့်(၁)ပိဿာလျှင် (၆၀၀၀)ကျပ်ဖြင့် ရောင်းချရကြောင်း၊ ယခုလတွင် လက်ကားဈေးနှုန်း (၁)ပိဿာလျှင် (၆၀၀၀/-) ကျပ်၊ လက်လီဈေးနှုန်းအနေဖြင့် (၁)ပိသာလျှင် (၈၀၀၀/-)ကျပ်ဖြင့် ရောင်းဝယ်လျက်ရှိကြောင်း၊ မိုးအကုန် ဆောင်းအကူးဖြစ်သောကြောင့် အထွက်နှုန်းနည်းပါးသောကြောင့် ယခင်လနှင့်နှိုင်းယှဉ်ပါ က ဈေးနှုန်းမြင့်တက်လျက်ရှိကြောင်း ကုန်စိမ်းရောင်းချသည့် ဈေးသည်တစ်ဦးထံမှသိရှိရပါသည်။

DOCA(မန္တလေး)