ပြည်တွင်းကုန်သွယ်မှုသတင်း

    မိတ္ထီလာဈေးကွက်အတွင်း ယခုဩဂုတ်လပထမပတ်တွင်ဖြစ်ပေါ်နေသော ဆီထွက်သီးနှံ ဈေးနှုန်း များမှာ နှမ်းညိုတစ်တင်းလျှင် (၈၅၀၀၀-၈၇၀၀၀)ကျပ်၊ နှမ်းဖြူတစ်တင်းလျှင် (၉၀၀၀၀)ကျပ်၊ နေကြာစေ့တစ်ပိဿာလျှင်(၅၈၀၀-၆၀၀၀)ကျပ်၊ မြေပဲဆံတစ်ပိဿာလျှင်(၇၅၀၀)ကျပ် ၊ မြေပဲဆီ တစ်ပိဿာလျှင် (၁၆၀၀၀-၁၇၀၀၀)ကျပ်၊ နှမ်းဆီ (၁၃၀၀၀-၁၅၅၀၀)ကျပ်၊ နေကြာဆီတစ်ပိဿာလျှင် (၁၈၀၀၀) ကျပ်၊ နှမ်းဖတ်တစ်ပိဿာလျှင် (၂၆၀၀-၂၆၅၀)ကျပ်၊ ပဲဖတ်တစ်ပိဿာလျှင်(၄၃၀၀)ကျပ်၊ နေကြာဖတ် တစ်ပိဿာလျှင်(၂၈၀၀)ကျပ်ဖြင့် အရောင်းအဝယ်ဖြစ်လျက်ရှိပြီး ယခင်လနှင့်ကာလတူ နှိုင်းယှဉ်လျှင် နှမ်းညိုတစ်တင်းလျှင် (၆၀၀၀-၇၀၀၀)ကျပ်၊ နှမ်းဖြူတစ်တင်းလျှင် (၈၀၀၀)ကျပ်၊ မြေပဲဆံတစ်ပိဿာလျှင်(၁၀၀၀)ကျပ်၊နေကြာစေ့တစ်ပိဿာလျှင်(၃၀၀-၄၀၀)ကျပ်၊ နှမ်းဖတ်တစ်ပိဿာ လျှင်(၂၀၀-၂၅၀)ကျပ်၊ ပဲဖတ်တစ်ပိဿာလျှင်(၅၀၀)ကျပ်၊ပဲဆီ၊နှမ်းဆီ၊နေကြာဆီဈေးနှုန်းများမှာ (၅၀၀) ကျပ်ခန့်အသီးသီးဈေးနှုန်းကျဆင်းလာကြောင်း၊ ဈေးနှုန်းကျဆင်းလာရခြင်းမှာ မိုးနှမ်းများဈေးကွက်သို့ လှိုင်လှိုင်ဝင်ရောက်လာခြင်း၊ ကုန်ကြမ်းဈေးများကျဆင်းလာသဖြင့် ကုန်ချောဆီဈေးနှုန်းနှင့် ပဲဖတ်၊ နှမ်းဖတ်ဈေးများပါအနည်းငယ်ကျဆင်းလာကြောင်းသိရပါသည်။

    ဈေးကွက်အနေဖြင့် မိတ္ထီလာမြို့ပေါ်ရှိပွဲရုံများတွင် မိုးနှမ်းများတစ်ရက်လျှင် အိတ်( ၅၀၀-၈၀၀) ခန့်ဝင်ရောက်လျက်ရှိပြီး ဒေသတွင်းဆီကြိတ်စက်များအပြင် မန္တလေး၊ ရန်ကုန်မြို့များသို့ တင်ပို့ ရောင်းချလျက်ရှိကြောင်း သီးနှံပွဲရုံများမှသိရပါသည်။

DOCA (မန္တလေး)

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင်  ရာသီစာ အသီးအနှံများကို စိုက်ပျိုးရောင်းချလျက်ရှိရာ ယခုအခါ ကန့်ဘလူမြို့မဈေးတွင် ဩဇာသီးနှင့် မာလကာသီးများ  လှိုင်လှိုင်ရောင်းချလျက်ရှိပါသည်။ ဩဇာသီးပင်နှင့် မာလကာသီးပင်သည် အသီးတင်သာမက အရွက်ရော အခေါက်ပါဆေးဖက်ဝင်သော အပင်ဖြစ်သည်။ဩဇာသီးပင်နှင့် မာလကာသီးပင်များ ကိုကန့်ဘလူမြို့ပေါ်ရပ်ကွက်များနှင့် နတ်ပေးကျေးရွာ၊ နတ်အင်းကျေးရွာတို့မှ မိမိတို့၏နေအိမ်ခြံ ဝင်းများနှင့် ယာတောများတွင် တစ်နိုင်တစ်ပိုင်စိုက်ပျိုးကြပြီး လာရောက်ရောင်းချကြကြောင်း၊ ၂၀၂၅ခုနှစ် ၊ဩဂုတ်လ ပထမပတ်တွင်ရောင်းချသော ဩဇာသီး ဈေးနှုန်းများမှာ အရွယ်အစား အလိုက်ဈေးအမျိုးမျိုးရှိပြီး အရွယ်ကြီးအလုံးလှ(၁)လုံးလျှင်(၁၀၀၀)ကျပ်ဖြင့် ရောင်းချရပြီး အရွယ်သေး အလုံးသေး(၁)လုံးလျှင်(၅၀၀)ကျပ်ဖြင့်လည်းကောင်း၊ မာလကာသီးအကြီး(၁)လုံးလျှင်(၈၀၀)ကျပ်၊ အသေး(၁)လုံးလျှင်(၅၀၀)ကျပ်ဖြင့် ရောင်းချလျက်ရှိကြောင်း ကုန်စိမ်းရောင်းချသူထံမှ သိရှိရပါသည်။

DOCA(စစ်ကိုင်း)

    စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်အနေဖြင့်ဒေသ တွင်းစိုက်ပျိုးထွက်ရှိသည့် သီးနှံဈေးနှုန်းများ၊ ရာသီပေါ်အစားအစာများ၏ ဈေးနှုန်း၊ဈေးကွက်အ ခြေအနေတို့အား ရေးသားတင်ပြလျက်ရှိရာ ယခုအခါ ကန့်ဘလူမြို့ပေါ်ရှိ ကုန်စုံဆိုင်များတွင် ရောင်းချလျက်ရှိသည့် ကျောက်ဖရုံယိုနှင့် မြေပဲပွကြော်တို့ကို  ရွှေဘိုမြို့ရှိ လက္ကားဆိုင်များမှ ဝယ်ယူရောင်းချကြောင်း သိရသည်။

     ၂၀၂၅ခုနှစ်၊ ဩဂုတ်လ ပထမပတ်တွင် ရောင်းချနေသော ကျောက်ဖရုံယိုနှင့်မြေပဲပွကြော် ဈေးနှုန်းတို့မှာ ကျောက်ဖရုံယို(၁)ပိဿာလျှင် (၁၁၅၀၀)ကျပ်၊ ကျောက်ဖရုံယို (၅၀)ကျပ်သားလျှင် (၆၀၀၀)ကျပ်၊ ကျောက်ဖရုံယို(၂၅)ကျပ်သားလျှင် (၃၀၀၀)ကျပ်နှင့် မြေပဲပွကြော်(၁)ပြည်လျှင် (၅၅၀၀)ကျပ်နှင့်(၁)ဘူးလျှင်(၇၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(စစ်ကိုင်း)

      မန္တလေးတိုင်းဒေသကြီး ၊ရမည်းသင်းမြို့နယ်အတွင်းရှိ ကျေးရွာများတွင်  လယ်ယာစိုက်ပျိုးရေး လုပ်ငန်းများကိုအဓိကလုပ်ကိုင်ကြပြီး သီးနှံမျိုးစုံစိုက်ပျိုးလျက်ရှိရာမှ စက်မှုကုန်ကြမ်း သီးနှံတစ်မျိုး ဖြစ်သည့် မိုးကြိုဝါသီးနှံများကိုစိုက်ပျိုးကြကြောင်း၊ ရမည်းသင်းခရိုင်တွင် မိုးကြိုဝါ စိုက်ဧက( ၄၀၁၇) ဧက စိုက်ပျိုးနိုင်ခဲ့ကြောင်း စိုက်ပျိုးရေးဦီးစီးဌာနစာရင်းအရသိရှိရပါသည်။

          မိုးကြိုဝါကို မတ်လတွင် စိုက်ပျိုးကြပြီး ဇူလိုင်၊ဩဂုတ်လများတွင် စတင်ရိတ်သိမ်းကြကြောင်း၊ မိုးကြိုဝါသီးနှံကိုသီးသန့်စိုက်ပျိုးကြကြောင်း၊ ကုန်ကျစရိတ်အနေဖြင့် မျိုး၊ မြေပြုပြင်ခ၊ သွင်းအားစု၊ လုပ်သားခအပါအဝင် တစ်ဧကစုစုပေါင်း ငွေကျပ်(၈)သိန်းခန့်ကုန်ကျကြောင်း၊  ယခုနှစ်အထွက်နှုန်းမှာ မိုးများ၍ဝါအရည်အသွေးညံ့သဖြင့်အထွက်နှုန်းနည်းကြောင်းဝါစိုက်တောင်သူများထံမှသိရပါသည်။

   ယခုဩဂုတ်လပထမပတ်တွင် မိုးကြိုဝါတစ်ပိဿာလျှင် (၃၅၀၀-၃၃၀၀) ကျပ်ဖြင့်အရောင်း အဝယ်ဖြစ်လျက်ရှိကြောင်း၊ ယခင်လနှင့်နှိုင်းယှဉ်လျှင် မိုးကြိုဝါတစ်ပိဿာလျှင်(၁၀၀-၂၀၀)ကျပ်ခန့် ဈေးနှုန်းမြင့်တက်လာကြောင်း၊ဈေးနှုန်းအနည်းငယ်မြင့်တက်လာရခြင်းမှာ ဈေးကွက်အတွင်း အဝင်နည်း ခြင်းကြောင့်ဖြစ်ကြောင်း၊ ဈေးကွက်အနေဖြင့် မန္တလေး CYT နှင့် စိန်ကမ္ဘာချည်စက်များသို့ အဓိကတင်ပို့ ရောင်းချကြကြောင်းသိရပါသည်။

DOCA (မန္တလေး)

   ဒေါနပန်း၏ အဓိပ္ပာယ်သည် “တို့တစ်တွေခွဲခွာကြပါစို့” ဟူ၍ ဖြစ်သည် ဒေါနပန်းဟုဆိုရာဝယ် လှပသော ပန်းပွင့်ကလေးများမဟုတ်ဘဲ သပြေပန်းနည်တူ အရွက်များသာရှိပြီး မွှေးပျံ့သော ရနံ့ရှိသည့် ပန်းပင်ဖြစ်သည်။ငွေအဖြူရောင်အမွှေးလေးများ ဖုံးထားသော အရွက်ကလေးများဖြစ်ပြီး အဖြူရောင် သို့မဟုတ် မီးခိုးရောင်သန်းနေကြသည်။ ရနံ့ရှိသော ပင်ပျော့အမျိုးအစားဖြစ်သည် ဒေါနပန်းသည် အိန္ဒိယ နတ်ဘုရားသို့သစ္စာတရားဖြင့် ပေးအပ်ပူဇော်ကြသည်။မြန်မာနိုင်ငံသည် ဘုရားပန်း ၊နတ်ပန်း ဖြစ်လှူဒါန်းကြသည် ဒေါနရွက်တွင်  အနံ့ထွက်ဆီ တစ်မျိုးပါဝင်သောကြောင့်မွှေးရခြင်းဖြစ်သည်။ ရှေးယခင်ကအုန်းဆီဘူးမျာထဲတွင်ဒေါနပန်းခြောက်ကလေးများ ထည့်ပြီး  မွှေးဆီအဖြစ် ဆံကေသာကို လိမ်းကြသည်။ ဒေါနပန်းသည် ရနံ့သင်းသင်းမွေးကြိုင်ပြီး အိပ်မပျော်သူများအတွက် နှစ်ခြိုက်စွာအိပ်ပျော်စေပါသည်။ ဒေါနပန်အဆီကို ရေမွှေးပြုလုပ်ရာတွင်လဲ အသုံးပြုကြသည်။ ယခုအခါဒေါနပန်းကို ဝယ်ယူသုံးစွဲမှုနည်းလာပြီး ခေတ်မီ မွှေးဆီ၊အုန်းဆီများကိုသာ သုံးစွဲလာကြသည်။ ဒေါနပန်းသည် အခြားဆေးဖက်ဝင် အပင်များကဲသို့ စိတ်ကျန်းမာရေးကိုအထောက်အကူပေးနိုင်ပြီး စိတ်ဖိစီးတာ၊ စိုးရိမ်စိတ်များတာကို သက်သာစေနိုင်ပါသည်။ဒေါနပန်းပျိုးပင် (၁)အိုလျှင် (၁၅၀၀-၂၀၀၀)ကျပ်ဖြင့် ရောင်းချလျှက်ရှိကြောင်း သိရှိရသည်။

DOCA (မန္တလေး)