ပြည်တွင်းကုန်သွယ်မှုသတင်း

     မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်အတွင်းရှိ ဒေသခံပြည်သူများသည် ကြက်သွန်နီသီးနှံကို ဒေသစီးပွားဖြစ် နှစ်စဉ်မပြတ်စိုက်ဧက အများဆုံးစိုက်ပျိုးလျက်ရှိသည်။ ဆိပ်ဖြူ မြို့ ကြက်သွန်နီ ဈေးကွက်သို့ ဒေသတွင်းကြက်သွန်နီစိုက်ပျိုးထွက်ရှိသော ကျေးရွာများအပြင် အခြားမြို့နယ်များဖြစ်‌သော ပွင့်ဖြူ၊ စလင်း၊ ချောက်၊ ပခုက္ကူ ဒေသထွက် ကြက်သွန်နီများလည်း ဝင်ရောက် အရောင်းအဝယ်ဖြစ်လျက်ရှိသည်။ မေလအတွင်း တစ်ရက်လျှင် ကုန်ချိန်ပိဿာ(၃) သောင်းခန့်၊ တစ်လအတွင်း ကုန်ချိန်ပိဿာ(၇)သိန်းခန့် ဝင်ရောက်ခဲ့ကြောင်း ဈေးကွက်မှသိရှိရသည်။

    ၂၀၂၅ခုနှစ်၊ ဇူလိုင်လအတွင်း ကြက်သွန်နီဈေး ကျဆင်း၍ အရောင်းအဝယ်ဖြစ်ပြီး ဈေးနှုန်း အနေဖြင့် တောင်သူပေါက်ဈေး ကြက်သွန်နီအရည်အသွေးလိုက်၍ တစ်ပိဿာလျှင် ကျပ်(၁၁၀၀)မှ ကျပ်(၇၀၀)ဈေးဖြင့် အရောင်းအဝယ်ဖြစ်ပြီး ပွဲရုံများမှ ကြက်သွန်နီများကို ပြန်လည်သန့်စင်ပြီး ရောင်းချသောဈေးနှုန်းမှာ ကြက်သွန်နီတစ်ပိဿာလျှင် အမြင့်ဈေး(ရှယ်) ကျပ်(၁၆၀၀)၊ လတ်ကြီး တစ်ပိဿာလျှင် ကျပ်(၁၅၀၀)၊ လတ်ချောတစ်ပိဿာလျှင် ကျပ်(၁၄၀၀)၊ လတ်သန့် တစ်ပိဿာလျှင် ကျပ်(၁၃၀၀)၊ အသေးစတစ်ပိဿာလျှင် ကျပ်(၁၂၀၀) ဈေးအသီးသီးဖြင့် ဒေသအနှံ့အပြားသို့ ဖြန့်ဖြူး ရောင်းချလျက်ရှိကြောင်း၊ ဆိပ်ဖြူမြို့၊ ပတ္တမြားဈေးအတွင်း အရောင်းအဝယ်ဖြစ်သော လက်လီ ဈေးနှုန်းမှာ အရည်အသွေး၊ အရွယ်အစားလိုက်၍ တစ်ပိဿာလျှင် ကျပ် (၁၇၀၀- ၁၄၀၀- ၁၀၀၀) ဈေးဖြင့် အရောင်းအဝယ်ဖြစ်ကြောင်း သိရှိရသည်။

    ကုန်စည်စီးဆင်းမှုအနေဖြင့် ဇွန်လအတွင်း ကုန်ချိန်ပိဿာ(၇)သိန်းခန့်၊ တန်ချိန်အားဖြင့် (၁၁၄၃)တန်ခန့် စီးဆင်းခဲ့ကြောင်း၊ ရန်ကုန်ဘုရင့်နောင်ပွဲရုံသို့ ကုန်ချိန်အများဆုံး တင်ပို့ပြီး မြဝတီ၊ မော်လမြိုင်မြို့မှတစ်ဆင့် ထိုင်းနိုင်ငံသို့ တင်ပို့လျက်ရှိကြောင်း၊ ပြည်ပတင်ပို့မှုနည်း၍ ဆိပ်ဖြူ ကြက်သွန်နီ ဈေးကွက်ဈေးအေး၍ အရောင်းအဝယ်ဖြစ်လျက်ရှိကြောင်း သိရှိရသည်။

DOCA(မကွေး)

     ကရင်ပြည်နယ်၊ ဘားအံမြို့အနီးတဝိုက်ကျေးရွာများရှိ ဒေသခံတောင်သူများသည်ရာသီစာ သီးနှံများကို မိသားစုအပိုဝင်ငွေရရှိရန်နှင့်စီးပွားဖြစ်ပါစိုက်ပျိုးကြသည်။ ဒေသခံတောင်သူများသည် မိမိတို့၏စိုက်ခင်းမှထွက်ရှိသော  ခဝဲသီးများကို ဘားအံမြို့ပေါ်ဈေးများတို့ လက်ကား/လက်လီ လာရောက် ရောင်းချကြပါသည်။ ဘားအံမြို့ရေပေါ်ဈေးတွင်ရောင်းချလျက်ရှိသော ခဝဲသီးသီးဈေးနှုန်း များမှာ ခဝဲသီး လက်ကားဈေးနှုန်း ဆယ်ပိဿာလျှင် (၄၀၀၀၀)ကျပ်၊ ခဝဲသီး လက်လီဈေးနှုန်း တစ်ပိဿာလျှင် (၆၀၀၀)ကျပ်နှင့် ခဝဲသီး အစည်းသေးတစ်စီးလျှင် (၁၀၀၀၊၁၅၀၀)ကျပ်နှုန်းတို့ဖြင့် ဈေးကောင်းရ၍ အရောင်းအဝယ် ဖြစ်လျက်ရှိကြောင်း သိရသည်။

DOCA(ကရင်)

   မြန်မာလူမျိုးများသည် သီးနှံများအား အမျိုးမျိုးစမ်းသပ်စိုက်ပျိုးပြီး‌ ဈေးကွက်တွင် ရောင်းချ နေကြပါသည်။ စမ်းသပ်စိုက်ပျိုးသည့်သီးနှံများထဲမှ ထောပတ်ခရမ်းသီးလည်း အပါအဝင်ဖြစ်ပါသည်။ ထောပတ်ခရမ်းသီးကို ပြည်မြို့ရှိကျေးရွာများတွင် စိုက်ပျိုးနေကြပြီး  ဈေးကွက်တွင် ကျယ်ကျယ် ပြန်ပြန့် ရောင်းချနေပြီ ဖြစ်ပါသည်။

    ဈေးကွက်ရောင်းဝယ်မှုတွင် ပိဿာဖြင့် ဝယ်ယူကြပြီး၊ တစ်ပိဿာကို (၁၈၀ဝိ/)ဈေးဖြင့် ဝယ်ယူ ကာ ဈေးကွက်တွင် ပြန်လည်ရောင်းချရာတွင် တစ်ပိဿာကို ၃၀၀ဝိ/ဈေးဖြင့် လည်ကောင်း၊ လက်ကား ဈေးအနေဖြင့် တစ်ဆယ့်ကျပ်သားကို ၁၅၀ဝိ/-ဈေးဖြင့်လည်ကောင်း ရောင်းချနေကြောင်း သိရှိရပါ သည်။

(Doca ဧရာဝတီ)

   ကန်ကြီးထောင့်မြို့ ပတ်ဝန်းကျင်ရှိ ကျေးရွာများမှာ မြို့မဈေးသစ်အတွင်းသို့ ရာသီစာ အသီးအရွက်များအပြင်ဗုံလုံးသီးများလာရောက်ရောင်းချကြပါသည်။ဗုံလုံသီး(ခေါ်)ပဲလင်းမြွှသီးများကိုပုစွန်ဖြင့်အစာသွပ်၍လည်းကောင်း၊ကြက်ဥနှင့်ရောမွှေ၍ချက်၍သော်လည်းကောင်း၊ဝက်သားဖြင့်ရောချက်၍လည်းကောင်း စားသုံးနိုင်ကြပါသည်။

     ကန်ကြီးထောင့်မြို့၊မြို့မဈေးသစ်တွင်၂၀၂၅ခုနှစ်ဩဂုတ်လပထမပတ်တွင်ဖြစ်ပေါ်နေ သောဗုံလုံသီး(ခေါ်)ပဲလင်းမြွှေသီး အကြီးတစ်ထောင့်လျှင် (၈၀၀)ကျပ်၊ အသေးတစ်ထောင့်လျှင် (၆၀၀) ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း ရောင်းချနေသူများမှ သိရှိရပါသည်။

( DOCA ဧရာဝတီ)

      ပူစီနံသည် မြန်မာနိူင်ငံတွင် စိုက်ပျိုးရလွယ်ကူပြီး  ဆေးဖက်ဝင်၍ ဝင်ငွေရသော အပင်ဖြစ်ကြောင်း၊ အရွက်ကိုစားသုံးခြင်းဖြင့်  နှစ်ခြိုက်စွာ အိပ်ပျော်စေပြီး ခန္ဓာကိုယ် အဆီကျ၍ ကိုယ်အလေးချိန်လျော့ချနိုင်ကြောင်း သိရှိရသည်။ အစာမကြေဖြစ်ပါက ပူစီနံ (၅) ရွက်စားပေး ခြင်း ရေနွေးစိမ်သောက်ခြင်းဖြင့် ခံတွင်းကိုရှင်းစေပြီး အစာကို လည်းကြေစေ၍ အိပ်ပျော်စေပြီး အာရုံကြောအားကောင်းကြောင်း၊ ပူစီနံရွက်၏ ပူရှိန်သည့်ဓာတ် ကြောင့် ချွဲကျစေပြီး ချောင်းဆိုး သက်သာပျောက်ကင်းကြောင်း၊ လည်ချောင်းရှင်းပြီး အသက်ရှုလမ်းကြောင်း ကောင်းမွန်သော ကြောင့် ပန်းနာရင်ကျပ်လည်း သက်သာကြောင်းသိရှိရသည်။ အရွက်ကိုပုံမှန်စားသုံးခြင်းဖြင့် ပူစီနံရွက်တွင်ပါဝင်သော  ပူရှိန်တဲ့ ဓာတ်သည် သွေးထဲက အဆီခဲတွေကိုဖယ်ရှားပေးနိုင်ပြီး အဝလွန် ခြင်း ကို ကာကွယ်ပေးကြောင်း၊ အသားအရေစိုပြေစေပြီး နေပူဒဏ်ခံနိုင်ကြောင်း သိရှိရ သည်။ အသက်အရွယ် ကြီးမားလာသည့် အတွက် စိတ်ဖိစီးမှုများခြင်းကြောင့် သတိမေ့ခြင်း ရောဂါများဖြစ်လာလျှင် ပူစီနံကိုစားသုံးပါက ကိုသက်သာစေကြောင်း၊ ကင်ဆာဆဲလ် တွေ သေစေနိုင်မှုကို ပူစီနံဓာတ်က ကူညီတိုက်ဖျက်ပေး ကြောင်းနှင့် ကိုယ်အလေးချိန်များနေသူတွေ အဝလွန်နေသူတွေကိုလည်း သွေးထဲက အဆီကို ဖယ်ရှားပေးသောကြောင့် ကိုယ်အလေးချိန်မှန်ပြီး ပိန်‌စေ၍ ပူစီနံရွက်ကို စားသုံးသင့် စာပေများမှ ဖတ်ရှု့သိရှိရသည်။ မြင်းခြံမြို့ ရှိ တလုပ်ကျေးရွာနှင့် တောပုကျေးရွာများတွင် ပူစီနံပင်များကို  စီးပွားဖြစ် တစ်နိုင်တစ်ပိုင် စိုက်ပျိုးထားကြောင်း၊ စိုက်ခင်းများမှ ထွက်ရှိသောပူစီနံရွက်များကို တောင်သူများကိုယ်တိုင်  အေးမြသီတာဈေးတွင် လာရောက်ရောင်းချကြောင်း၊ ၂၀၂၅ ခုနှစ်၊ ဇူလိုင် နောက်ဆုံးပတ်တွင် ပူစီနံတစ်စီးလျှင်(၂၀၀)ကျပ်၊ တစ်ပိဿာလျှင်( ၁၁၀၀၀) ကျပ်ပေါက် ဈေးများ ဖြင့်ရောင်းချကြောင်း၊ ဆေးဖက်ဝင်သောကြောင့် အရောင်းအဝယ်ဖြစ်လျက်ရှိကြောင်း တောင်သူ၏ ပြောပြချက်အရ သိရှိရသည်။

 DOCA (မန္တလေး)