ပြည်တွင်းကုန်သွယ်မှုသတင်း

        မြင်းခြံမြို့ မြို့မစည်ပင်သာယာဈေးတွင် ဒေသထွက် ပဲမျိုးစုံများရောင်းချလျက်ရှိရာ ယခု နိုဝင်ဘာလ ပထမပတ်တွင် ဖြစ်ပေါ်နေသော ဈေးနှုန်းများအနေဖြင့် မတ်ပဲတစ်ပိဿာလျှင်(၃၅၀၀ မှ ၃၈၀၀)ကျပ်၊ ပဲဇီးကွက်တစ်ပိဿာလျှင်(၅၇၀၀/၆၀၀၀) ကျပ်၊ ထောပတ်ပဲ(ကြီး)တစ်ပိဿာလျှင်(၄၀၀၀) ကျပ်၊ ထောပတ်ပဲ(လတ်) တစ်ပိဿာလျှင် (၃၅၀၀)ကျပ်၊ ထောပတ်ပဲ(သေး)တစ်ပိဿာလျှင် (၃၂၀၀) ကျပ်၊  ကုလားပဲ V2 တစ်ပိဿာလျှင်(၃၉၀၀) ကျပ်၊ ကုလားပဲ 929 တစ်ပိဿာ လျှင်(၄၂၀၀) ကျပ်၊ ပဲစဉ်းငုံ တစ်ပိဿာလျှင်(၄၀၀၀)ကျပ်၊ ပဲပုပ် တစ်ပိဿာလျှင်  (၆၄၀၀)ကျပ်၊ မြေပဲဆီဆံ တစ်ပိဿာလျှင် (၇၆၀၀ မှ ၇၆၅၀)ကျပ်၊ မြေပဲလုံးဆံ တစ်ပိဿာလျှင် (၈၀၀၀/၈၂၀၀)ကျပ်၊ မြေပဲ ပြန့်လုံးဆံ တစ်ပိဿာလျှင် (၈၁၀၀/၈၂၀၀)ကျပ်၊ နှမ်းဖြူ တစ်ပိဿာလျှင် (၆၅၀၀)ကျပ်၊ နှမ်းညိုတစ်ပိဿာလျှင် (၅၉၀၀ မှ ၆၀၀၀)ကျပ်၊ ပဲတီစိမ်း တစ်ပိဿာလျှင် (၄၈၀၀ မှ ၅၀၀၀)ကျပ်၊ CPပြောင်း တစ်ပိဿာလျှင်(၁၃၅၀/၁၄၀၀)ကျပ် တို့ဖြင့် အရောင်းအဝယ်ဖြစ်ပေါ်လျက်ရှိကြောင်း သိရသည်။

DOCA(မန္တလေး)   

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် သံပုရာသီးနှင့် သံပုယိုသီး နှင့်ပဲတောင့်ရှည်များစိုက်ပျိုးထားပြီး ယခုအချိန်တွင် လှိုင်လှိုင်ထွက်ပေါ်နေပြီဖြစ်ကြောင်းသိရ ပါသည်။ သံပုရာသီးများအား ဖျော်ရည်၊ သံပုရာချဉ်ဖက်၊ အသုပ်မျိုးစုံနှင့် သရေစာတို့တွင် ထည့်သွင်း စားသုံးခြင်း သာမက သံပုယိုသီးများကိုလည်း ကျန်းမာရေးအတွက် ဆေးဖော်စပ်ရာတွင်လည်း အသုံးပြုကြသဖြင့် သုံးစွဲမှုများသည့် သီးနှံများဖြစ်ကြောင်း၊ ပဲတောင့်ရှည်သီးများကိုလည်းကြော်စား၊ ချက်စားအမျိုးမျိုးပြုလုပ်၍ စားသုံးကြကြောင်း သိရသည်။

    ၂၀၂၅ခုနှစ်၊ နိုဝင်ဘာလ ဒုတိယပတ်အတွင်းဖြစ်ပေါ်လျက်ရှိသော သံပုရာသီးဈေးနှုန်းများမှာ သံပုရာသီး(အကြီး)(၁)လုံးလျှင် (၁၀၀)ကျပ်၊ သံပုရာသီး(အသေး)(၁)လုံးလျှင် (၅၀)ကျပ်ဖြင့်လည်း ကောင်း၊ သံပုယိုသီး(အကြီး)(၁)လုံးလျှင်(၂၀၀)ကျပ်နှင့် (အသေး)(၁)လုံးလျှင်(၁၀၀)ကျပ်၊ ပဲတောင့် ရှည်သီးဈေးနှုန်းမှာ ပဲတောင့်ရှည်သီး(၅)တောင့်ပါ (၁)စည်းလျှင်(၅၀၀)ကျပ်၊ (၁၀)စည်းပါ(၁)ထုံး လျှင်(၄၈၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း ကုန်စိမ်းရောင်းချသူထံမှ သိရပါသည်။

DOCA(စစ်ကိုင်း)

  တောင်ငူမြို့သည် စစ်တောင်းမြစ်နှင့်ခပေါင်းချောင်း အနီးတွင်တည်ရှိသောကြောင့် ယခုလို မိုးကုန်ခါနီးတွင် ယင်းချောင်းများမှ ဖမ်းယူရရှိသော ဒေသငါးများပေါများသော ဒေသတစ်ခုဖြစ်ပါသည်။ မြစ်၊ ချောင်းများမှ ဖမ်းယူရရှိသောငါး၊ပုဇွန်များမှာ လတ်ဆတ်၍ ချိုသောကြောင့် လူကြိုက် များလှ ပါသည်။

          တောင်ငူမြို့ရှိ စစ်တောင်းမြစ်နှင့်ခပေါင်းချောင်းဘေးတွင်တည်ရှိသော ကျေးလက်ဒေသမှ ယင်းမြစ်၊ ချောင်းများမှ ဖမ်းယူရရှိသော ငါး၊ ပုဇွန်များအား တောင်ငူမြို့ပေါ်ရှိ ဈေးများသို့ တိုက်ရိုက် သော်လည်းကောင်း၊ ဖောက်သည်သွင်း၍သော်လည်းကောင်း လာရောက်ရောင်းချလေ့ရှိပါသည်။ စားသုံးသူအိမ်ရှင်မများအနေဖြင့် တိုက်ရိုက်ရောင်းချသောဈေးသည်နှင့်တွေ့ပါက ဈေးနှုန်းချိုသာလေ့ ရှိပြီး ဖောက်သည်ယူ၍ ပြန်လည်ရောင်းချသူများထံမှ ဝယ်ယူပါက ဈေးနှုန်းအနည်းငယ်မြင့်ပါသည်။

          ဒေသငါးနှင့်ပုဇွန်ဈေးနှုန်းများအနေဖြင့် ငါးခူ (၁) ပိဿာလျှင်ယခင်လက ၃၀၀၀၀ကျပ် နှင့် ယခုလတွင် ၂၀၀၀၀ကျပ်၊ ငါးနုသန်း ယခင်လက (၁) ပိဿာလျှင် (၃၅၀၀၀) ကျပ်နှင့်ယခုလတွင် ၂၅၀၀၀ကျပ်၊ ချောင်းပုဇွန်အလတ် (၁) ပိဿာလျှင် ယခင်လက ၄၀၀၀၀ကျပ် နှင့်ယခုလတွင် ၃၅၀၀၀ကျပ် ဖြင့်ရောင်းချပေးလျှက်ရှိရာ ယခင်လများနှင့် နှိုင်းယှဉ်ပါက ဈေးနှုန်းအနည်းငယ် ကျဆင်းသွားကြောင်း တောင်ငူမြို့ ညောင်ပင်လေးဈေးရှိ ငါး၊ ပုဇွန် ရောင်းချသူတစ်ဦးထံမှ သိရှိခဲ့ပါ သည်။

          ယခုလိုရာသီတွင်မှ ပေါ်သော ဒေသငါးများကို ချက်စားပါက ခံတွင်းမြိန်စေသော ဟင်းတစ်ခွက် ဖြစ်ပါသည်။ မိခင်ကိုယ်ဝန်ဆောင်ချိန်မှ ကလေးအသက်နှစ်နှစ်အထိ ရက်ပေါင်း ၁၀၀၀ အတွင်း ငါးကလေးများကိုပုံမှန်စားသုံးခြင်းဖြင့် အဟာရချို့တဲ့မှုကို ကာကွယ်နိုင် ကြောင်းလည်း လေ့လာသိရှိရပါသည်။ ထို့ကြောင့်နေ့စဉ်စားသုံးသော မိသားစုထမင်းဝိုင်းတွင် ရာသီပေါ် ဒေသတွင်းငါးဟင်းအား စားသုံးခြင်းဖြင့် ခံတွင်းမြိန်စေပြီး အဟာရလည်းပြည့်ဝ ကျန်းမာရေးနှင့်လည်း ညီညွတ်မှုရှိနိုင်ကြောင်း လေ့လာသိရှိရပါသည်။

DOCA(ပဲခူး)

    စစ်ကိုင်းတိုင်းဒေသကြီး၊ မုံရွာမြို့နယ်ရှိ ကျေးရွာများတွင် ရာသီပေါ်ခြံထွက်သီးနှံများ နှစ်ရှည်သီးနှံပင်များနှင့် စားသောက်ကုန်များ အများအပြား စိုက်ပျိုးရောင်းဝယ်လျက်ရှိသည်။ စိုက်ပျိုးရရှိသော သင်္ဘောသီးများနှင့် ဂွေးချိုသီးများကို မုံရွာမြို့ပေါ်ရှိ မန်ကျဉ်းပင်ဈေးနှင့် သာစည်ဈေးတို့တွင် လာရောက်ရောင်းချကြကြောင်း သိရှိပါသည်။

          နိုဝင်ဘာလ ဒုတိယပတ်တွင် မန်ကျဉ်းပင်ဈေးနှင့် သာစည်ဈေးတို့တွင် သင်္ဘောသီး အစိမ်းတစ်လုံးလျှင် (၇၀၀/၁၃၀၀) ကျပ်နှင့် အမှည့်တစ်လုံးလျှင် (၃၇၀၀/၄၅၀၀) ကျပ်၊  ဂွေးချိုသီး (၂၀)လုံးပါ တစ်ထုပ်လျှင် (၁၀၀၀)ကျပ်ဖြင့် ရောင်းလျက်ရှိကြောင်း သိရှိရပါသည်။

DOCA(စစ်ကိုင်း)

                ငှက်ပျောဖူးသည် ကျန်းမာရေးအကျိုးများပြီး အရသာရှိသော်လည်း အများကြီးစားသုံးပါက လေချုပ်ခြင်း၊ ဗိုက်အောင့်ခြင်းများ ဖြစ်နိုင်ပါသည်။ ငှက်ပျောဖူးတွင် ethanol ပါဝင်သောကြောင့် ဘတ်တီးရီးယားပေါက်ဖွားခြင်းမျိုးမဖြစ်အောင်ကာကွယ်ပေးပါသည်။ အနာကျက်မြန်စေနိုင်သလို ကူးစက်တတ်သောရောဂါများမှလည်း ကာကွယ်ပေးပါသည်။ ငှက်ပျောဖူးသည် သွေးတွင်းသကြား ဓာတ်ကိုထိန်းညှိပေးနိုင်သောကြောင့် ဆီးချိုရှိသူများအနေဖြင့် စားသုံးပေးနိုင်ပါသည်။ ငှက်ပျောဖူး ၏အကျိုးကျေးဇူးတစ်ရပ်မှာ ဟီမိုဂလိုဘင်ပမာဏကိုမြင့်တက်စေသောကြောင့် သွေးနီဉဆဲလ် ထုတ်လုပ်မှုကိုတိုးစေပါသည်။ သွေးအားနည်းရောဂါမဖြစ်အောင်လည်း ကာကွယ်ပေးပါသည်။ ငှက်ပျောဖူးစားသုံးပေးခြင်းဖြင့် နို့တိုက်မိခင်များအနေဖြင့် နို့ထွက်များစေဖို့ထောက်ကူ ပေးခြင်း၊ ကိုယ်ဝန်ဆောင်ချိန်ဝမ်းချုပ်ခြင်း မဖြစ်အောင်ကာကွယ်ပေးခြင်း၊ သားအိမ်ကိုကျန်းမာစေ ခြင်း၊ အမျှင်ဓာတ်ကြွယ်ဝစွာပါဝင်သောကြောင့်ဝမ်းမှန်စေခြင်း၊ ဓာတ်တိုးဆန့်ကျင်ပစ္စည်းကြွယ်ဝစွာ ပါဝင်သောကြောင့် ကင်ဆာအပါအဝင် နာတာရှည်ရောဂါများမဖြစ်အောင်ကာကွယ်ပေးခြင်း၊အရွယ်မတိုင်ခင်အိုမင်းခြင်းမဖြစ်အောင်ကာကွယ်ပေးခြင်း၊ကိုယ်အလေးချိန်ကျအောင်ထောက်ပံ့ပေးခြင်း၊ စိတ်ခံစားမှုကောင်းမွန်စေခြင်း၊အစာခြေစနစ်ကောင်းမွန်စေခြင်း၊ နှလုံးကျန်းမာစေခြင်းနှင့် အာရုံ ကြေ စနစ်ကိုကောင်းမွန်စေခြင်းစသည့်ကျန်းမာရေးဆိုင်ရာအကျိုးကျေးဇူးများစွာ ရရှိစေနိုင်ပါ သည်။

DOCA(မန္တလေး)