မြိတ်ဒေသတွင် ဒေသထွက်ကုန်ဖြစ်သော ရာဘာ၊ သီဟိုဠ်၊ ဆီအုန်း၊ ကွမ်းသီးများစိုက်ပျိုးလျက်ရှိပြီး ပြည်တွင်းပြည်ပတင်ပို့လျက်ရှိရာ ဒေသထွက်ကွမ်းသီးစျေးနှုန်းများ ကျဆင်းလာကြောင်း သိရှိရပါသည်။ သီဟိုဠ်သီးကို မြိတ်ခရိုင်ရှိ မြို့နယ်များဖြစ်သော ပုလော၊ တနင်္သာရီ၊ ကျွန်းစု၊ ဘုတ်ပြင်း မြို့နယ်များတွင် အများဆုံးထွက်ရှိပြီး ရန်ကုန်နှင့် မန္တလေးတိုင်းတို့အား တင်ပို့ရောင်းချလျက်ရှိပါသည်။ ၎င်းတို့မှတစ်ဆင့် ဒေသထွက်များဖြစ်သည့် သီဟိုဠ်စေ့များကို ပြည်ပနိုင်ငံများသို့ တင်ပို့ရောင်းချကြပြီး ယခုအခါ အထွက်နှုန်းကောင်းမွန်ခြင်းနှင့် ဝယ်လိုအားတိုးလာခြင်းတို့ကြောင့် မြိတ်ဒေသထွက် သီဟိုဠ်စေ့များ စျေးနှုန်းတက်လာကြောင်း သိရှိရပါသည်။ ယခင်နှစ်က သီဟိုဠ်စေ့တစ်ပိဿာ စျေးနှုန်း ၄၅၀၀၀ ကျပ်ခန့် ပတ်လည်ဝန်းကျင်ရှိရာမှ ယခု စျေးနှုန်းတစ်ပိဿာ စျေးနှုန်း ၆၀၀၀၀ ကျပ် ခန့်ထိ စျေးတက်သွားကြောင်း သိရှိရပါသည်။ ယခုလအတွင်း သီဟိုဠ်စေ့လုပ်ငန်းလုပ်ကိုင်သူခန့်မှန်း ပြောကြားချက်အရ တစ်ပိဿာလျှင် ၇၀၀၀၀ ကျပ်ခန့်အထိ စျေးတက်သွားမည်ဖြစ်ကြောင်း သိရှိရပါ သည်။ ၂၀၂၆ခုနှစ်၊ ဇူလိုင်လ(၂၈)ရက်နေ့တွင် မြိတ်မြို့၌ သီဟိုဠ်စေ့ တစ်ပိဿာလျှင် ၆၀၀၀၀ ကျပ်ဖြင့် အရောင်းအဝယ်ဖြစ်နေကြောင်းသိရှိရပါသည်။
DOCA(တနင်္သာရီ)