သတင်းနှင့် လှုပ်ရှားမှုများ

        စားသုံးသူကာကွယ်ရေးဥပဒေပါ တားမြစ်ချက်များအား ဖောက်ဖျက်မှု ရှိ၊ မရှိနှင့် ကုန်အညွှန်းအမှတ်အသားပါ အချက်အလက်၊ ကြော်ငြာ၊ ကမ်းလှမ်းချက်၊ အရောင်းမြှင့်တင်ခြင်းတွင် ပါဝင်သော အချက်အလက်များ ကိုက်ညီမှု ရှိ၊ မရှိ ဈေးကွက်စောင့်ကြည့်ရန် ညွှန်ကြားချက်အရ ၂၀၂၆ ခုနှစ်၊ စက်တင်ဘာလ ၁၇ ရက်နေ့တွင် စစ်ကိုင်းခရိုင်ရုံးမှ စစ်ဆေးရေးမှူး(၂)ဦးသည် မြို့နယ်စည်ပင် သာယာရေးအဖွဲ့မှ တာဝန်ရှိသူနှင့်အတူ စစ်ကိုင်းမြို့၊ ပန်းဘဲတန်းရပ်ရှိ စတိုးဆိုင် (၃)ဆိုင်သို့ ကွင်းဆင်း၍ ဈေးကွက်စောင့်ကြည့် စစ်ဆေးခဲ့ကြောင်း သိရှိရသည်။

       ထိုသို့ဈေးကွက်စောင့်ကြည့်စစ်ဆေးခဲ့မှုတွင် dmpအမှတ်တံဆိပ် ကလေးခေါင်းလျှော်ရည် ကုန်စည်အား စစ်ဆေးခဲပြီး အဆိုပါ ကုန်စည်သည် ကုန်အညွှန်းအမှတ်အသားပါ အချက်အလက်၊ ကြော်ငြာ၊ ကမ်းလှမ်းချက်၊ အရောင်းမြှင့်တင်ခြင်းတွင် ပါဝင်သောအချက်အလက်များ မှန်ကန်မှုရှိကြောင်း စစ်ဆေးတွေ့ရှိရသည်။  စားသုံးသူရေးရာဦးစီးဌာနမှ တာဝန်ရှိသူက ဆိုင်ပိုင်ရှင်များအား မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ထားသည့် (၂/၂၀၁၉) ညွှန်ကြားချက်ပါ အသေးစိတ်အချက်များ၊ စားသုံးသူကာကွယ်ရေးဥပဒေ အခန်း (၁၀)ပါ စီးပွားရေးလုပ်ငန်းရှင်၏ တာဝန်များ၊ ဥပဒေအခန်း (၁၁)ပါ ကုန်စည်နှင့်စပ်လျဉ်း၍ အာမခံချက်ပေးခြင်းဆိုင်ရာ အချက်အလက်များ၊ စားသုံးသူကာကွယ်ရေးဥပဒေ အခန်း(၂၃)ပါ တားမြစ်ချက်များ ရှင်းလင်းပြောကြားခဲ့ပြီး အသိပညာပေးခဲ့ကြောင်း သတင်းရရှိပါသည်။

DOCA(စစ်ကိုင်း)

          မန္တလေးတိုင်း‌ဒေသကြီး၊မိတ္ထီလာခရိုင်၊ စားသုံးသူရေးရာဦးစီးဌာန၊ ခရိုင်ဦးစီးမှူး၏ လမ်းညွှန်မှု ဖြင့် သာစည်မြို့နယ်၊ ကုက္ကိုစုကျေးရွာ  စားသုံး သူများဘေးအန္တရာယ်ကင်းရှင်းစေ ရေးအတွက်၂၀၂၆ခုနှစ်၊စက်တင်ဘာလ(၁၁)ရက်နေ့တွင်စားသုံးသူကာကွယ်ရေးအသိပညာပေးဟောပြောဆွေးနွေးခဲ့ပါ သည်။

                       အဆိုပါဟောပြောပွဲတွင် စားသုံးသူရေးရာဦးစီးဌာန၊ မိတ္ထီလာခရိုင်ဦးစီးမှူးရုံး၊ ဒေါ်ဖြူဖြူထွန်း(ဒု-ဦးစီးမှူး)မှစားသုံးသူရေးရာဦးစီးဌာနတွင်လက်ရှိဆောင်ရွက်နေသောစားသုံးသူကာကွယ်ရေး အသိပညာပေးဟောပြောပွဲလုပ်ငန်းများဆောင်ရွက်ခြင်းနှင့်စားသုံးသူ များဘေးအန္တရာယ်ကင်းရှင်းရေး၊ ထုတ်ကုန်လုံခြုံစိတ်ချရမှုရှိစေရေးအတွက် ဈေးကွက်စောင့် ကြည့်စစ်ဆေးခြင်းလုပ်ငန်းများနှင့် နစ်နာဆုံးရှုံးမှုများ ညှိနှိုင်းဖြေရှင်းမှုများလုပ် ဆောင်ရွက် လျှက်ရှိကြောင်း ၂၀၁၉ စားသုံးသူကာကွယ် ရေး ဥပဒေအရစီးပွားရေးလုပ်ငန်းရှင် များအနေဖြင့် စားသုံးသူပြည်သူများ နေ့စဉ်ဝယ်ယူသုံးစွဲနေသော ကုန်စည်များနှင့်ပတ်သက်သော သတင်းအချက်အလက်များကို ရိုးရှင်းမှန်ကန်စွာဖော်ပြရန် တာဝန်ရှိ ကြောင်း လုပ်ငန်းရှင်များ အနေဖြင့် ထုတ်လုပ်သောကုန်စည်များပေါ်တွင် ဥပဒေပါကုန်အညွှန်း အမှတ်အသားများ နှင့်စပ်လျဉ်း၍ လိုက်နာရမည့်အချက်များအား လိုက်နာခြင်းမရှိပါက အရေးယူဆောင်ရွက်နိုင်မည့်ပြစ်မှုပြစ်ဒဏ်များကိုလည်းကောင်း၊မိမိထုတ်ကုန်များကိုကုန်အညွှန်း အမှတ်အသား ဖော်ပြရာတွင် အခက်အခဲရှိပါကဌာနသို့ လာရောက်မေးမြန်းနိုင်ကြောင်း၊ လုပ်ငန်း ရှင်များအနေ ဖြင့်လည်း အခြားကုန်စည်ကို ဝယ်ယူသုံးစွဲရာတွင်  မိမိတို့ကိုယ်တိုင်စားသုံးသူ များဖြစ်သည့် အတွက် စာသုံးသူအခွင့် အရေးနစ်နာဆုံးရှုံးမှုများရှိခဲ့လာပါက တိုင်းဒေသကြီး/ ပြည်နယ် နှင့် ခရိုင်ရုံးများတွင် ဖွင့်လှစ်ထားသော စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင် ရွက်ရေးစင်တာ (CICC) ရုံးမှားတွင် တိုင်ကြားနိုင်ပါကြောင်း၊  DOCA Myanmar Application နှင့် စားသုံးသူရေးရာ ဦးစီးဌာန၏ Website တွင် ဝင်ရောက်လေ့လာတိုင်ကြားနိုင်ကြောင်း ၊ Consumer Cell Center နံပါတ် (၁၅၃၅) သို့လည်း ရုံးချိန်အတွင်း ဆက်သွယ်မေးမြန်း ဆောင်ရွက်နိုင်ပါ ကြောင်းကို ဆွေးနွေးပြောကြားခဲ့ပြီးကြောင်းသိရှိရပါသည်။      

    DOCA(မန္တလေး)

                                      စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံးမှ ခရိုင်ဦးစီးမှူး၏ လမ်းညွှန်မှုဖြင့် မိတ္ထီလာခရိုင်ရုံးရှိ ဝန်ထမ်းများသည် ၂၀၂၆ ခုနှစ် ဧပြီလ (၂၄) ရက်နေ့နေ့လည်(၁၀:၃၀)အချိန်မိတ္ထီလာမြို့နယ်ရှိမိဘမေတ္တာကုန်စုံဆိုင်တွင်ရောင်းချလျက်ရှိသောစားသောက် ကုန်ပစ္စည်းများ၊ လူသုံးကုန်ပစ္စည်းများပြတ်လပ်မှုရှိ/မရှိ၊ ဈေးနှုန်း မြင့်တင်ရောင်းခြင်းရှိ/မရှိ အခြေအနေအား ဈေးကွက်စောင့်ကြည့် စစ်ဆေးခြင်းဆောင်ရွက်ခဲ့ကြောင်း သိရှိရပါသည်။     

          ထိုသို့ ကွင်းဆင်းစစ်ဆေးရာတွင် ဈေးကွက်တွင် ရောင်းချနေသော လူသုံးကုန်ပစ္စည်းများ၊ အသင့်စားစားသောက်ကုန်ပစ္စည်းများ ဈေးကွက်အတွင်း ကုန်ပစ္စည်းပြတ်လပ်မှု ရှိ/မရှိ၊ ဈေးနှုန်းမြင့် တက်ခြင်းရှိ/မရှိ သက်ဆိုင်ရာဌာနများမှ ကန့်သတ်တားမြစ်ထား သည့်မုန့်များ ရောင်းချခြင်း ရှိ/မရှိနှင့်  စားသုံးသူဘေးအန္တရာယ်ဖြစ်စေနိုင်သော မုန့်များရောင်းချခြင်းရှိ/မရှိတို့အား စစ်ဆေးခဲ့ပြီး၊ ကုန်စည် အမျိုးအစားအလိုက် သတ်မှတ်ထားသည့် ဥပဒေနှင့်အညီ လိုက်နာဆောင်ရွက်ကြရန် ပြောကြား ခဲ့ပြီး စျေးကွက်အတွင်းရောင်းချနေသောကုန်စည်များတွင်ကုန်အညွှန်အမှတ်အသားပြည့်စုံစွာဖော်ပြ ဆောင်ရွက်မှု ရှိ/မရှိအား ဌာနမှစျေးကွက်စောင့်ကြည့်စစ်ဆေးခြင်းများကိုနေ့စဉ်ကွင်းဆင်း ဆောင်ရွက်သွားမည်ဖြစ်ကြောင်းနှင့် ကုန်အညွှန်းအမှတ်အသား ပြည့်စုံစွာဖော်ပြထားခြင်းမရှိသော ကုန်ပစ္စည်းများအား ‌ရောင်းချခြင်း မပြုကြရန်ပြောကြားခဲ့ပြီး၊ သတ်မှတ်စံချိန်စံနှုန်းနှင့်ကိုက်ညီ၍ သက်ဆိုင်ရာဌာနများမှ ခွင့်ပြုထားသောသော ကုန်အညွှန်းအမှတ် အသားပြည့်စုံစွာဖော်ပြထားသော အသင့်စားမုန့်များကိုသာ ဈေးကွက်အတွင်း ရောင်းချလျက်ရှိကြောင်း သိရှိရပါသည်။

 DOCA(မန္တလေး)

            မန္တလေးတိုင်းဒေသကြီး၊ (မိတ္ထီလာ၊ ရမည်းသင်း)ခရိုင်၊ ခရိုင်ဦးစီးမှူး၏လမ်းညွှန်ချက်ဖြင့် ၂၀၂၆ ခုနှစ်၊ စက်တင်ဘာလ ၁၈ ရက်နေ့ နံနက် (၁၀း၀၀) နာရီချိန်တွင် မိတ္ထီလာခရိုင်ဦးစီးမှူးရုံးမှ ဦးစီးအရာရှိ နှင့်အဖွဲ့သည် ရမည်းသင်းမြို့တို့ဟူးလုပ်ငန်းလုပ်ကိုင်သော ဦးစိုး+ဒေါ်ရွှေအိ တို့ဟူးလုပ်ငန်းတို့ သွားရောက်လေ့လာဆွေးနွေး ခဲ့ပါသည်။

          တို့ဟူးလုပ်ငန်းသည် မိရိုးဖလာလုပ်ငန်းဖြစ်ပြီး မိသားစုတစ်နိုင်တစ်ပိုင်စီးပွားရေးလုပ်ငန်း ဖြစ်ကြောင်း၊ တို့ဟူးကျိုရာတွင် ကုလားပဲကို (၄) နာရီကြာ‌ ရေစိမ်၍ ကြိတ်ရကြောင်း၊ ကြိတ်၍ ကျလာသော အရည်အားပိတ်စနှင့်စစ်၍ ကျရည်ကိုသွန်၍ အနစ်ထုတ်ယူရကြောင်း၊ ၎င်းကျရည် ကိုလည်း တိရစ္ဆာန်စာအဖြစ်လာရောက် ဝယ်ယူကြ‌ကြောင်း၊ ရရှိလာသော အနှစ်ကို မိနစ် (၄၀) ကြာ ကျိုရပြီး အအေးခံပုံစံခွက်သို့ ထည့်၍ အအေးခံရ ‌ကြောင်းသိရှိရပါသည်။

          တို့ဟူးကျိုရာတွင် အသုံးပြုသော ကုန်ကြမ်းကုလားပဲကို မန္တလေးမြို့မှ ဝယ်ယူရကြောင်း၊ ကုလားပဲ တစ်အိတ်လျှင် အချိန် (၃၀) ရှိပြီး (၁၉၀၀၀၀) ကျပ်ပေးရကြောင်း၊ တစ်နေ့လျှင် ကုန်ကြမ်းတစ်အိတ်ခွဲခန့် ပုံမှန်ပြုလုပ်ရကြောင်း၊ ကုလားပဲ ၁ ပိဿာကျိုလျှင် တို့ဟူးအချိန် (၂.၅) ပိဿာထွက်ရှိပြီး ကုန်ကြမ်းတစ်အိတ်ခွဲကျိုလျှင် ပိဿာ(၁၀၀) ခန့်ရရှိကြောင်း သိရှိရပါသည်။ လုပ်သား (၃) ဦးအသုံးပြု၍ လုပ်ငန်းဆောင်ရွက်လျှက်ရှိပြီး လုပ်သားတစ်ဦးလျှင် (၁၀၀၀၀) နှုန်းဖြင့် (၃၀၀၀၀) ကျပ် ကုန်ကျကြောင်း သိရှိရပါသည်။ ကုန်ချောတို့ဟူးများ ကို တစ်ပိဿာ (၆၀၀၀) ကျပ်ဖြင့် ရောင်းချပြီးအဆိုပါ တို့ဟူးများသည် (၁၀) ရက်ခန့်အထားခံသဖြင့် ရန်ကုန်၊ မန္တလေး၊ မြစ်ကြီးနား မြို့များအထိ တင်ပို့ရောင်းချလျှက်ရှိကြောင်း သိရှိရပါသည်။  

DOCA(မန္တလေး)

       စားသုံးသူရေးရာဦးစီးဌာန၊ မုံခရိုင်တာဝန်ရုံးမှ ခရိုင်ဦးစီးမှူးမှ စားသုံးထုတ်လုံဌာနခွဲတာဝန်ခံမှ ဦးဆောင်၍ ခရိုင်စားသုံးသူရေးရာဦးစီးဌာနမှ ဝန်ထမ်း(၂)ဦီးတို့သည် ၂၉-၈-၂၀၂၆ ရက်နေ့တွင် နံနက် (၁၀း၀၀) နာရီခွဲအချိန်ခန့်တွင် မုံရွာမြို့၊  မြဝတီရပ်ကွက်ရှိ K- Mart စတိုးဆိုင်သို့ သွားရောက်၍ စားသုံးသူများ ဘေးအန္တရာယ်ကင်းရှင်းပြီး ထုတ်ကုန်လုံခြုံစိတ်ချရမှုရှိစေရေး၊ ဘေးအန္တရာယ်ရှိသောကုန်စည်များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ဖော်ပြခြင်းနှင့် ပတ်သက်၍ ကိုက်ညီမှုရှိ/ မရှိ ဈေးကွက်စောင့်ကြည့် စစ်ဆေးခဲ့ကြောင်း သိရသည်။

          ထိုသို့ ဈေးကွက်စောင့်ကြည့်စစ်ဆေးရာ “ Dmp” အမှတ်တံဆိပ်ပါ ကလေးခေါင်းလျှော်ဘူးပေါ်တွင် မြန်မာနိုင်ငံ စားသုံးသူကာကွယ်ရေးကော်မရှင်က ထုတ်ပြန်ထားသော ညွှန်ကြားချက်အမှတ် (၂/၂၀၁၉) အရ ကုန်စည်အမျိုးအစားအလိုက် မြန်မာဘာသာဖြင့်ဖော်ပြရမည့် ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်းနှင့် ဓာတ်မတည့်ကြောင်းဖော်ပြချက်တို့ကို မြန်မာဘာသာဖြင့် ကိုက်ညီပြည့်စုံစွာ ဖော်ပြပါရှိကြောင်း၊ ထုတ်လုပ်သည့်ရက်စွဲ၊ သက်တမ်းကုန်ဆုံးရက်တို့ဖော်ပြထားကြောင်း စစ်ဆေးတွေ့ရှိရပြီး ကုန်စုံဆိုင်လုပ်ငန်းရှင်အား သက်တမ်းကုန်ဆုံးသည့် ကုန်စည်များ၊ ကုန်အညွှန်းအမှတ်အသား ပြည့်စုံမှုမရှိသည့်ကုန်စည်များ ဈေးကွက်အတွင်းရောင်းချခြင်းမပြုရန်နှင့် ဆင်တူရိုးမှား အတုအပ အမှတ်တံဆိပ်များ ဝယ်ယူရောင်းချခြင်းမပြုရန်တို့ကို အသိပညာပေးဆွေးနွေးခဲ့ပြီး ကုန်အညွှန်းအမှတ်အသား ဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)