သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဦးမျိုးအေး၊ ဦးစီးအရာရှိပါ ဝန်ထမ်း (၃)ဦးတို့သည် (၈.၁.၂၀၂၅)ရက်နေ့ နံနက်(၁၀:၀၀)နာရီအချိန်တွင် အင်းစိန်မြို့နယ် အတွင်းရှိ ဘိလပ်မြေလက်လီ/လက်ကားအရောင်းဆိုင်များသို့ ဘိလပ်မြေပြတ်လပ်မှုရှိ/မရှိနှင့် မြေပြင် လက်ကျန်အခြေအနေများ၊ ဈေးနှုန်း၊ ဈေးကွက်အခြေအနေများအား ကွင်းဆင်းစစ်ဆေးခဲ့ပါ သည်။

          ထိုသို့ကွင်းဆင်းစစ်ဆေးရာတွင် စော်ဘွားကြီးကုန်းဝင်းအတွင်းရှိ ဘိလပ်မြေဆိုင်များ ဖြစ်သော မဟာဖန်တီးရှင်၊ ရတနာတောင်၊ အဲဗား၊ မင်းမင်း(နိုင်မိသားစု)ဆိုင်များသို့ သွားရောက် ၍ ဆိုင်ပိုင်ရှင် များနှင့်တွေ့ဆုံကာ ရောင်းချသည့်အမျိုးအစား၊ အမျိုးအစားအလိုက် ယခင်လ ရောင်းဈေးနှင့် ယခုလ‌ရောင်းဈေး၊ ဆိုင်တွင်းလက်ကျန်အရေအတွက်၊ ဘိလပ်မြေပြတ်လပ်မှုရှိ/ မရှိတို့ကိုကွင်းဆင်း စစ်ဆေး ခဲ့ပါကြောင်း သတင်းရရှိပါသည်။

DOCA(ရန်ကုန်)

၂၁.၁.၂၀၂၅ ရက်နေ့ နေ့လည်(၁၃:၃၀)အချိန်တွင် စားသုံးသူရေးရာဦးစီးဌာန၊ မှော်ဘီ မြို့နယ်ခွဲရုံးမှ ဝန်ထမ်း(၂)ဦးတို့သည် မြို့နယ်စည်ပင်သာယာရေးအဖွဲ့တို့နှင့်ပူးပေါင်း၍ မှော်ဘီ မြို့နယ်၊ မြို့မဈေးအတွင်းရှိ ရောင်းချနေသော ဆပ်ပြာမှုန့်အမျိုးမျိုးအား ကွင်းဆင်းစစ်ဆေး ဆောင်ရွက်ခဲ့ပါသည်။

ထိုသို့ ကွင်းဆင်းစစ်ဆေးရာ မြို့မဈေးအတွင်းရှိ ရောင်းချလျက်ရှိသော ဆပ်ပြာမှုန့် အမျိုးမျိုးတွင် ကုန်အညွှန်းအမှတ်အသား ဖော်ပြချက်များနှင့် ကိုက်ညီမှုရှိ/မရှိစစ်ဆေးခဲ့ရာ ကုန်အညွှန်းအမှတ်အသားပြည့်စုံစွာဖော်ပြထားသည်ကို စစ်ဆေးတွေ့ရှိရပြီး မည်သည့်ကုန်ပစ္စည်း မဆို ကုန်အညွှန်းအမှတ်အသား မပြည့်စုံသည့်ကုန်စည်များအားရောင်းချခြင်းမပြုရန် အသိပညာပေး ပြောကြားခဲ့ကြောင်း သိရှိရပါသည်။

DOCA(ရန်ကုန်)

(၂၁.၁.၂၀၂၅)ရက်နေ့ နံနက်(၁၀:၃၀)အချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၃)ဦးတို့သည် Online Sales မှတ်ပုံတင်ထားသော မင်္ဂလာဒုံမြို့နယ်ရှိ ကျောက်မျက်တို့ဆုံဆည်းရာနေရာ Online Sales လုပ်ငန်းသို့ မှတ်ပုံတင် လျှောက် ထားရာတွင် ဖော်ပြထားသောအချက်များနှင့် မြေပြင်အချက်အလက်များ ကိုက်ညီမှု ရှိ/မရှိ ကွင်းဆင်း စစ်ဆေးခြင်းဆောင်ရွက်ခဲ့ပါသည်။

ထိုသို့ ကွင်းဆင်းစစ်ဆေးခဲ့ရာတွင် မင်္ဂလာဒုံမြို့နယ်၊ မဥ္ဇူသကလမ်းသွယ်(၂)၊ အပိုင်း(၇) ပေါက်ကုန်းရပ်ကွက် ဒေါ်ဖြိုးဝေလွင်၊ ကျောက်မျက်တို့ဆုံဆည်းရာနေရာ Online Sales မှတ်ပုံတင်ရာတွင် ထည့်သွင်းလျှောက်ထားသည့်အချက်များ (၁၈)ချက်နှင့် မြေပြင်တွင် သွားရောက် စစ်ဆေး သည့်အချက်အလက်များ ကိုက်ညီမှုရှိ/မရှိ ကွင်းဆင်းစစ်ဆေးခဲ့ပြီး စီးပွားရေး လုပ်ငန်းရှင် ၏ လိုက်နာ ရမည့်တာဝန်များအကြောင်း အသိပညာပေးဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

 ၂၁.၁.၂၀၂၅ ရက်နေ့ နံနက်(၁၁:၅၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် ဦးစားပေးကုန်စည်(၁၀)မျိုးမှ ဈေးကွက်အတွင်း ရောင်းချနေသော အလှကုန်ပစ္စည်းအမျိုးမျိုးအား ကုန်အညွှန်းအမှတ်အသား ပြီးပြည့်စုံစွာဖော်ပြ ပါဝင်ခြင်း ရှိ/မရှိ သက်တမ်းလွန် အလှကုန်များ ဈေးကွက်အတွင်းရောင်းချမှု မရှိစေရေးကို ဈေးကွက်စောင့်ကြည့် စစ်ဆေးခဲ့ပါသည်။

          အလှကုန်ပစ္စည်း အမျိုးမျိူးရောင်းချသော City Mart (ကျန်စစ်မင်း) တာဝန်ခံအား မိမိရောင်းချနေသော အလှကုန်များတွင် ကုန်အညွှန်းအမှတ်အသားများ ပြည့်စုံစွာပါရှိသည့် ကုန်စည်များကိုသာ ရောင်းချရန်၊ သက်တမ်းလွန်ကုန်စည်ဖြစ်ပါက ရောင်းချခြင်းများ မပြုလုပ် ရန်၊ အလှကုန်ပစ္စည်းများတွင် ဖော်ပြရမည့်  ကုန်အညွှန်းအမှတ်အသား အချက်အလက်များ ပါဝင်ခြင်းရှိ/မရှိကို စစ်ဆေးခြင်း၊ အလှကုန်ပစ္စည်းအမျိုးမျိုး၌ မြန်မာနိုင်ငံစားသုံးသူ ကာကွယ်ရေး ကော်မရှင်မှ ထုတ်ပြန်ထားသည့် ညွှန်ကြားချက်အမှတ်(၂/၂၀၁၉)နှင့်အညီ ပြည့်စုံစွာ ဖော်ပြ ထားရှိသော ကုန်စည်များကိုသာရောင်းချရန် တာဝန်ခံအား ပြောကြားခဲ့ပြီး သက်တမ်းလွန် ပစ္စည်းများကို ရောင်းချခြင်းမပြုရန် အသိပညာပေး ဆွေးနွေးခဲ့ကြောင်း သိရှိရသည်။

DOCA(ရန်ကုန်)

၂၀.၁.၂၀၂၅ ရက်နေ့ နေ့လယ်(၁၄:၃၀)အချိန်တွင် မြောက်ပိုင်းခရိုင်ဦးစီးမှူးရုံးမှ ဝန်ထမ်းများ သည် လှိုင်သာယာ(အရှေ့ပိုင်း)မြို့နယ်ရှိ City Mart ကျန်စစ်မင်းတွင် စားသုံးဆီအမျိုးမျိုးအား ဈေးကွက်စောင့်ကြည့်ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

ထိုသို့ဆောင်ရွက်ခဲ့ရာတွင် အမှတ်(၂/က)၊ (၈)ရပ်ကွက်၊ ကျန်စစ်မင်းအိမ်ရာရှိ City Mart မှ တာဝန်ခံ ဒေါ်မျိုးမျိုးမြင့်အောင်မှ ပူးပေါင်းပါဝင်လျက် ဈေးကွက်အတွင်းရောင်းချနေသော စားသုံးဆီ အမျိုးမျိုးတွင် ကုန်အညွှန်းအမှတ်အသားပြည့်စုံစွာဖော်ပြကြောင်း စိစစ်တွေ့ရှိရပြီး FDA ထောက်ခံ ချက်များလည်းပါရှိကြောင်း၊ ရောင်းချသော စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ကြရန်နှင့် စားသုံးသူ ကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များ အကြောင်းကို အသိပေးပြောကြားခဲ့ပါသည်။

DOCA(ရန်ကုန်)