သတင်းနှင့် လှုပ်ရှားမှုများ

 (၁၇-၁-၂၀၂၅)ရက်နေ့၊ နံနက် (၁၀:၀၀) နာရီအချိန်တွင် ဓနုဖြူမြို့နယ်၊ မြို့မဈေးအတွင်း စားသုံး သူရေးရာဦးစီးဌာန၊ ဓနုဖြူမြို့နယ်ခွဲရုံးမှဝန်ထမ်းများသည် မြို့နယ်စည်ပင်သာယာရေး အဖွဲ့ တို့နှင့်ပူးပေါင်း၍ ကုန်မျိုးစုံဆိုင်များ၌  အမှတ်တံဆိပ်ပါ ဗူးသွပ်ဆီးဗူးများတွင်  ကုန်အညွှန်း အမှတ် အသားပြည့်စုံမှုရှိ/မရှိနှင့် ထောက်ခံချက် အမှတ်ပါဝင်မှု ရှိ/ မရှိ ကိုကွင်းဆင်း စစ်ဆေး ခြင်းများ ဆောင် ရွက်ခဲ့ကြောင်းသိရှိရပါသည်။

          ထိုသို့ကွင်းဆင်းစစ်ဆေးရာ စားသုံးသူရေးရာဦးစီးဌာန ဓနုဖြူမြို့နယ် ဦးစီးမှူး ဦးဝင်းမင်းစိုးနှင့် ပူးပေါင်းအဖွဲ့တို့သည် ငွေလမင်းကုန်စုံဆိုင် (၇)ရပ်ကွက်၊ ချမ်းမြေ့ကုန်စုံဆိုင် (၇)ရပ်ကွက် ဒေါ်ရွှေ ကုန်စုံဆိုင် (၇)ရပ်ကွက် ကုန်မျိုးစုံဆိုင်များ၌ရောင်းချနေသော အမှတ်တံဆိပ်ပါ ဗူးသွပ်ဆီ အမျိုးမျိုး တွင် စားသုံးသူကာကွယ်ရေးဥပဒေ (၂၀၁၉)၊ အခန်း (၁၈) တွင်ပြဋ္ဌာန်းထားသော ကုန်အညွှန်း အမှတ် အသားဖော်ပြခြင်းဆိုင်ရာ အချက်များနှင့်ကိုက်ညီမှုရှိ/မရှိနှင့် ရောနှောဆီများ ရောင်းချ ခြင်းရှိ/ မရှိ တို့ကိုစစ်ဆေးခြင်း၊ သက်ဆိုင်ရာဌာနတို့ ၏ ထောက်ခံချက် အမှတ် ပါဝင်ခြင်း ရှိ/မရှိကို စစ်ဆေးခဲ့ရာ ဆီဘူးများတွင် ကုန်အညွှန်းအမှတ် အသားပြည့်စုံစွာ ဖော်ပြပါရှိ ပြီး ရောနှောဆီများကို ရောင်းချ မှုမရှိ ကြောင်း၊ သက်ဆိုင်ရာဌာနတို့ ၏ ခွင့်ပြုထောက်ခံချက် အမှတ်များပါဝင် ကြောင်းစစ် ဆေးတွေ့ ရှိရပါသည်။

DOCA(ဧရာဝတီ)

            ပဲခူးတိုင်းဒေသကြီး ဆန်သိုလှောင်ဈေးနှုန်းမြှင့်တင်ရောင်းချမှုများ စိစစ်ရေးလုပ်ငန်းအဖွဲ့အနေဖြင့် (၁၇.၁.၂၀၂၅)ရက်နေ့ နံနက်(၀၉:၀၀)နာရီအချိန်တွင် ပဲခူးမြို့အတွင်းရှိ လက်လီ/လက်ကား ရောင်းချနေသော ဆန်ဆိုင်များသို့ သွားရောက်၍ ကွင်းဆင်းစစ်ဆေးခြင်း ဆောင်ရွက်ခဲ့ကြောင်းသိရသည်။

            အဆိုပါ ကွင်းဆင်းစစ်ဆေးရာ လက်လီ/ လက်ကားရောင်းချနေသော ဆန်ဆိုင်များနှင့် ဆန်သိုလှောင်ရုံများအနေဖြင့် ဈေးကစားရန်ရည်ရွယ်ချက်ဖြင့် ဆန်များသိုလှောင်ထားခြင်း မပြုလုပ်ကြစေရန်၊ သတ်မှတ်ထားသည့် သင့်တင့်မျှတသောဈေးနှုန်းများဖြင့် ရောင်းချနိုင်ရန်နှင့် ဈေးနှုန်းများကို အများပြည်သူမြင်သာသောနေရာတွင် မြင်သာသည့်အရွယ်အစားနှင့် ‌ရေးသားဖော်ပြ၍ရောင်းချရန်၊ အလေးချိန်ပြည့်ဝမှန်ကန်စွာရောင်းချခြင်းရှိ/ မရှိ၊ မြန်မာဆန်စပါးအွန်လိုင်း (Myanmar Rice Online) (MyRo)တွင် မှတ်ပုံတင်ထားခြင်းရှိ/ မရှိနှင့် မှတ်ပုံတင်ထားခြင်းမရှိပါက သက်ဆိုင်ရာ မြို့နယ်အလိုက် စားသုံးသူရေးရာဦးစီးဌာနရုံးများနှင့် ချိတ်ဆက်၍ မှတ်ပုံတင်ခြင်း ဆောင်ရွက်နိုင်ရေးတို့ကို အသိပညာပေးဆွေးနွေးကာ ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သိရှိရပါသည်။

DOCA(ပဲခူး)

          ပဲခူးတိုင်းဒေသကြီး ဆန်သိုလှောင်ဈေးနှုန်းမြှင့်တင်ရောင်းချမှုများ စိစစ်ရေးလုပ်ငန်းအဖွဲ့ အနေဖြင့် (၁၇.၁.၂၀၂၅)ရက်နေ့ နံနက်(၁၀:၂၀)နာရီအချိန်တွင် သနပ်ပင်မြို့အတွင်းရှိ လက်လီ/ လက်  ကားရောင်းချနေသော ဆန်ဆိုင်များသို့ သွားရောက်၍ ကွင်းဆင်းစစ်ဆေးခြင်း ဆောင်ရွက်ခဲ့ကြောင်းသိရသည်။

            အဆိုပါ ကွင်းဆင်းစစ်ဆေးရာ လက်လီ/ လက်ကားရောင်းချနေသော ဆန်ဆိုင်များအနေဖြင့် သတ်မှတ်ထားသည့် သင့်တင့်မျှတသောဈေးနှုန်းများဖြင့် ရောင်းချနိုင်ရန်နှင့် ဈေးနှုန်းများကို အများပြည်သူမြင်သာသောနေရာတွင် မြင်သာသည့်အရွယ်အစားနှင့် ‌ရေးသားဖော်ပြ၍ ရောင်းချရန်၊ အလေးချိန် ပြည့်ဝမှန်ကန်စွာ ရောင်းချခြင် ပြုလုပ်ကြရန်၊ ဈေးကစားရန် ရည်ရွယ်ချက်ဖြင့် ဆန်များသိုလှောင်ထားခြင်း မပြုလုပ်ကြစေရန်၊ မြန်မာဆန်စပါးအွန်လိုင်း (Myanmar Rice Online) (MyRo)တွင် မှတ်ပုံတင်ထားခြင်းရှိ/ မရှိနှင့် မှတ်ပုံတင်ထားခြင်းမရှိပါက သက်ဆိုင်ရာမြို့နယ်အလိုက် စားသုံးသူရေးရာဦးစီးဌာနရုံးများနှင့် ချိတ်ဆက်၍ မှတ်ပုံတင်ခြင်းဆောင်ရွက်နိုင်ရေးတို့ကို အသိပညာပေးဆွေးနွေးကာ ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သိရှိရပါသည်။

DOCA(ပဲခူး)

 (၁၆-၁-၂၀၂၅)ရက်နေ့၊ နံနက် (၁၀:၀၀) နာရီအချိန်တွင် ညောင်တုန်းမြို့နယ်၊ အတွင်း စားသုံး သူရေးရာဦးစီးဌာန၊ မြို့နယ်ခွဲရုံးမှဝန်ထမ်းများသည် မြို့နယ်စည်ပင်သာယာရေး အဖွဲ့ တို့နှင့် ပူးပေါင်း၍ ကုန်မျိုးစုံဆိုင်များ၌  အမှတ်တံဆိပ်ပါ ဗူးသွပ်ဆီးဗူးများတွင်  ကုန်အညွှန်း အမှတ် အသားပြည့်စုံမှုရှိ/မရှိနှင့် ထောက်ခံချက် အမှတ်ပါဝင်မှု ရှိ/ မရှိ ကိုကွင်းဆင်း စစ်ဆေး ခြင်းများ ဆောင် ရွက်ခဲ့ကြောင်းသိရှိရပါသည်။

          ထိုသို့ကွင်းဆင်းစစ်ဆေးရာ ညောင်တုန်းမြို့နယ် ဦးစီးမှူး ဦးအောင်လွင်နှင့် ပူးပေါင်း အဖွဲ့တို့သည် (၃)ရပ်ကွက် မှ ကိုလှဦးကုန်စုံဆိုင်၊ စန်းစန်းဝင်းကုန်စုံဆိုင်၊ (၄)ရပ်ကွက် ဒေါ်ကျင်မြ ကုန်စုံဆိုင်၊  (၇)ရပ်ကွက်မှ လှဌေးကုန်စုံဆိုင်၊ ယမင်းရွှေဇင် ကုန် ကုန်မျိုးစုံဆိုင်များ၌ ရောင်းချ နေသော အမှတ်တံဆိပ်ပါ ဗူးသွပ်ဆီ အမျိုးမျိုး အား စျေးကွက်စောင့်ကြည့်စစ်ဆေးခြင်းများ ဆောင်ရွက် ရာတွင် ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ ပြည့်စုံမှန်ကန်စွာ ဖော်ပြ ထားသော ကုန်စည်များကိုသာ ဦးစားပေးရောင်းချကြရန် ၊ စားသုံးသူပြည်သူများ နစ်နာဆုံးရှုံးမှု ဖြစ်စေမည့် ကုန်စည်များ ၊ သက်တမ်းလွန် ကုန်စည်များအား  ရောင်းချခြင်းများ ရှောင်ကြဉ်ကြရန်၊ FDA ဌာန၏ ထိန်းချုပ်စားသောက်ကုန် ၂မျိုး ဖြစ်သော ရေနှင့်၊ ဆီတွင် ထောက်ခံချက်အမှတ်ပါဝင်မှ ဈေးကွက်ဖြန့်ရောင်းချခွင့် ရှိသဖြင့်  လုပ်ငန်းရှင်များရောင်းချသော ဆီဗူးများတွင် သက်ဆိုင်ရာ ထောက်ခံချက် အမှတ်ပါဝင်သော ကုန်စည်ကိုသာရောင်းချရန်၊ ဈေးကွက်စောင့်ကြည့်စစ်ဆေး ရေး အဖွဲ့မှ စစ်ဆေးသည့်အခါ အမှတ်တံဆိပ်ပါ ဗူးဆီများတွင် သက်ဆိုင်ရာဌာန၏ ထောက်ခံချက် အမှတ် မပါဝင်ပါက အရေးယူဆောင်ရွက်၍ ကုန်စည်များသိမ်းဆည်း မည်ဖြစ်သဖြင့် သတ်မှတ် ချက်များကို လိုက်နာဆောင်ရွက်ရန် အသိပေးပြောကြားခဲ့ကြောင်း သတင်းရရှိပါသည်။

DOCA(ဧရာဝတီ)

 စားသုံးသူရေးရာဦးစီးဌာန၊ မအူပင်ခရိုင် ဒုခရိုင်ဦးစီးမှူး ဦးအောင်ဇော်ဦးနှင့် မြို့နယ် ကုန်းလမ်း သယ်ယူပို့ဆောင်ရေးဦးစီးဌာန၊ မြန်မာနိုင်ငံရဲတပ်ဖွဲ့ ယဉ်ထိန်းရဲတပ်ဖွဲ့။  မြို့နယ်ပြန်ကြားရေးနှင့် ပြည်သူ့ဆက်ဆံ ရေးဦးစီးဌာန၊  ၁၆.၁.၂၀၂၅ ရက်နေ့ နံနက် (၁၄၀၀)နာရီအချိန်က Polytechnic University (Maubin)   တက္ကသိုလ် ကျောင်းသို့ သွားရောက်၍ ကျောင်းသား/ သူ (၁၃၀)ဦးအား စားသုံးသူကာကွယ်ရေး အသိပညာပေး ဟောပြောခဲ့ပါသည်။

ရှေးဦးစွာ မအူပင်မြို့နယ် Polytechnic University (Maubin) တွင် ဒုတိယပါမောက္ခချုပ်  က " တက္ကသိုလ်အနေနဲ့ကျောင်းသားကျောင်းသူများကို ပညာရပ်များကို အဆင့်မီစွာ လုံခြုံအေးချမ်းစွာ ပညာသင်ကြား နိုင်ဖို့ စီမံဆောင်ရွက်လျက်ရှိပါတယ်။ အခုခေတ်မှာ OnlineLearning များနဲ့လေ့လာ သင်ယူနေကြ တာ  ကောင်းကျိုးများရှိပေမယ့် ယခုလို အသိပညာပေးဟောပြော ဆွေးနွေးပွဲများကတော့ တက္ကသိုလ် ကျောင်းများမှာသာ တွေ့ကြုံရမယ့် အတွေ့အကြုံကောင်း တစ်ခုဖြစ်ပါတယ်။ ဒါကြောင့် တက်ရောက်လာ သူများက  တန်ဖိုးထားပြီး အလေးအနက်ထားနားထောင်ဖို့နဲ့ သိလိုတာများ ပြန်လည် ဆွေးနွေးလိုတာများရှိရင် ဟောပြောသူများ ရှင်းလင်းဆွေးနွေးပြီးတဲ့နောက်မှာ မေးမြန်းဆွေးနွေးပေးပါလို့ အသိပေးလိုကြောင်း အဖွင့်အမှာစကားပြောကြားခဲ့သည်။

ဆက်လက်၍ စားသုံးသူရေးရာဦးစီးဌာနမှ ဒုခရိုင်ဦးစီးမှူး ဦးအောင်ဇော်ဦးက ဟောပြောဆွေးနွေးရာ စားသုံးသူရေးရာဦးစီးဌာနက စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအောက်တွင် ရှိပြီး ဌာနတစ်ခု ဖြစ်တဲ့အတွက် ကုန်သွယ်ရေးအတွက် အဓိကအရေးကြီးတဲ့ ဌာနဖြစ်တော့ နိုင်ငံစီးပွားဖွံ့ဖြိုးမှု အတွက် အဓိက ဖော်ဆောင်နေသော ဌာနတစ်ခု ဖြစ်ကြောင်း၊ ဘေးအန္တရာယ်ရှိတဲ့ ကုန်စည်နှင့် ဝန်ဆောင်မှုများကို ဝယ်ယူသုံးစွဲမိလို့  ဘေးဥပါဒ်ဖြစ်ခဲ့တာမျိုး စိတ်ကျေနပ်မှုမရှိတာမျိုးဖြစ်ခဲ့ရင်  ရဲစခန်းတိုင်တာ၊ တရားစွဲတာ တွေလဲ  မလုပ်ဖြစ်တော့ ခံနေခဲ့ရတာကို အခုဆိုရင် စားသုံးသူရေးရာဦးစီးဌာနက တိုင်ကြားလို့ရတယ် ဖြေရှင်းပေးနေကြောင်းကိုလည်းကောင်း၊ စားသုံးသူရေးရာဦးစီးဌာန၏ စားသုံးသူကာကွယ်ရေးဥပဒေ(၂၀၁၉) ထွက်ရှိလာမှု ဖြစ်စဉ်အကြောင်းကိုလည်းကောင်း၊ စားသုံးသူတာဝန်၊ စီးပွားရေးလုပ်ငန်းရှင်တာဝန်အကြောင်း ကိုလည်းကောင်း၊ စားသုံးသူအခွင့်အရေးနစ်နာမှု ရှိပါက  တိုင်ကြားနိုင်သည့် လုပ်ငန်း အဆင့်ဆင့်ကို အကျယ်တဝင့် ရှင်းလင်းဆွေးနွေးပြီး၊ စီမံခန့်ခွဲမှု နည်းလမ်းအရအရေးယူဆောင်ရွက်မှု လုပ်ငန်းစည်အကြောင်းကိုလည်းကောင်း၊ စားသုံးသူကာကွယ်ရေးနှင့် ပတ်သက်၍ Consumer Call Center ၁၅၃၅ ကိုဆက်သွယ်တိုင်ကြားလို့ ရကြောင်းနှင့် တားမြစ်ခြင်းနှင့် ပြစ်မှု ပြစ်ဒဏ်များအကြောင်း၊ ကြော်ငြာခြင်းဆိုင်ရာ တားမြစ်ချက်နှင့် ပြစ်မှု ပြစ်ဒဏ်များအကြောင်းတို့ကို ရှင်းလင်းဟောပြောဆွေးနွေးခဲ့သည်။

အဆိုပါ ဟောပြောပွဲသို့ တက္ကသိုဠ် ကျောင်းသား/ သူ(၁၀၀)ဦး ဆရာ/မ(၃၀) ဦးစုစုပေါင်း (၁၃၀)ဦး တက်ရောက်ခဲ့ပြီး စားသုံးသူကာကွယ်ရေးဆိုင်ရာ လက်ကမ်း စာစောင်များ ဖြန့်ဝေခဲ့ပါသည်။

DOCA (ဧရာဝတီ)