သတင်းနှင့် လှုပ်ရှားမှုများ

ရန်ကုန်တိုင်းဒေသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ ညွှန်ကြားချက် အရအကောက်ခွန်ဦးစီးဌာန၊ ရေကြောင်းရဲတပ်ဖွဲ့၊ တိုင်းရဲတပ်ဖွဲ့၊ အရှေ့ပိုင်း ခရိုင်စားသုံးသူ ရေးရာဦးစီးဌာန၊ မြန်မာ့ဆိပ်ကမ်းအာဏာပိုင်၊ အမှတ်(၃)ရေကြောင်းရဲကွက်ကဲမှုအဖွဲ့နှင့် အကောက်ခွန် ဦးစီးဌာနတို့ပါဝင်သော အဖွဲ့များသည် သာကေတမြို့နယ် (သာကေတ) ဆိပ်ကမ်း အား သွားရောက်စစ် ဆေးခဲ့ကြောင်း သိရှိရပါသည်။

          ထိုသို့စစ်ဆေးရာတွင် (ရန်ကုန်မှကော့သောင်း)သို့ ထွက်ခွာမည့် ကမ်းရိုးတန်း သင်္ဘောဖြစ် သော  MV.MCL(3) ရေယာဉ်ပေါ်တွင် ကုန်ပစ္စည်းမျိုးစုံ (1၆၃၆.၈၈၃)တန်ကို ပူးပေါင်း စစ်ဆေးရေး အဖွဲ့ဖြင့်(၁၈.1.2025)ရက်နေ့ နံနက်(11:15)နာရီမှ စတင်စစ်ဆေးခဲ့ပြီးတရားမဝင် ကုန်ပစ္စည်း များနှင့် လက်နက်ခဲယမ်းများ သိုဝှက်သယ်ဆောင်ခြင်းမရှိစေရေးနှင့်မူးယစ်ဆေးဝါးများသယ်ဆောင် ခြင်းများမပြုလုပ်ရန် အသိပညာပေးပြောကြားခဲ့ကြောင်း  သိရှိရပါသည်။

DOCA(ရန်ကုန်)

          ၂၀၂၅ ခုနှစ် ဖေဖော်ဝါရီလ ၂၀ ရက်နေ့ နေ့လည် ၁၃:၃၀ အချိန်၊ ကော့သောင်းခရိုင် ကုန် သည်ကြီးများအသင်း အစည်းအဝေးခန်းမ၌ တနင်္သာရီတိုင်းဒေသကြီးဦးစီးမှူးသည်ကော့သောင်း မြို့သို့ရောက်ရှိစဉ် တနင်္သာရီတိုင်းဒေသကြီးဆီအုန်းစိုက်ပျိူးထုတ်လုပ်သူများအသင်းအား ပြန် လည်ဖွဲ့စည်း သက်ဝင်လှုပ်ရှားနိုင်ရေးအတွက် ကော့သောင်းခရိုင် ဆီအုန်းကုမ္ပဏီများ၊ ကိုယ်တိုင် စိုက်ခြံတောင်သူများနှင့် တွေ့ဆုံဆွေးနွေး ပြောကြားခဲ့ကြောင်း သိရှိရပါသည်။

DOCA(တနင်္သာရီ)

             မန္တလေးတိုင်း‌ဒေသကြီး၊ မိတ္ထီလာခရိုင်၊ စားသုံးသူရေးရာဦးစီးဌာန၊ ခရိုင်ဦးစီးမှူး၏လမ်းညွှန်မှုဖြင့် သာစည်မြို့နယ်၊ ကုန်းတောင်းကျေးရွာတွင်  စားသုံးသူများဘေးအန္တရာယ်ကင်းရှင်းစေရေးအတွက် ၂၀၂၅ခုနှစ် ၊ဖေဖော်ဝါရီလ (၁၇) ရက်နေ့ နံနက်(၁၀း၀၀) နာရီချိန်တွင် စားသုံးသူကာကွယ် ရေးအသိပညာပေး ဟောပြောဆွေးနွေးခဲ့ပါသည်။

          ဟောပြောပွဲတွင် စားသုံးသူရေးရာဦးစီးဌာနမန္တလေးတိုင်းဒေသကြီး၊ မိတ္ထီလာခရိုင်၊ စားသုံးသူရေး ရာ ဌာနခွဲ ဒေါ်သိမ့်သူဇာမောင်မှ စားသုံးသူရေးရာဦးစီးဌာနတွင် လက်ရှိဆောင်ရွက်နေသော စားသုံးသူကာကွယ်ရေး အသိပညာပေးဟောပြောပွဲလုပ်ငန်းများ ဆောင်ရွက်ခြင်းနှင့် စားသုံးသူများ ဘေးအန္တရာယ်ကင်းရှင်းရေး၊ ထုတ်ကုန်လုံခြုံစိတ်ချရမှုရှိစေရေးအတွက် ဈေးကွက်စောင့်ကြည့်စစ်ဆေးခြင်း လုပ်ငန်းများနှင့် နစ်နာဆုံးရှုံးမှုများအတွက် ညှိနှိုင်းဖြေရှင်းမှုများလုပ်ဆောင်ရွက်လျှက်ရှိကြောင်း ၂၀၁၉ စားသုံးသူကာကွယ်ရေး ဥပဒေအရ စားသုံးသူအခွင့်အရေးများ၊ လိုက်နာရမည့််တာဝန်များ အကြောင်း၊ စားသုံးသူအခွင့််အရေး နစ်နာဆုံးရှုံးမှုများအတွက် ဖြေရှင်းပေးမှုမျာအား အကျယ်တဝင့် ဆွေးနွေး ခဲ့ပါသည်။ လုပ်ငန်းရှင်များ အနေဖြင့်လည်း အခြားကုန်စည်ကို ဝယ်ယူသုံးစွဲရာတွင်  မိမိတို့ကိုယ်တိုင် စားသုံးသူများဖြစ်သည့်အတွက် စာသုံးသူအခွင့်အရေးနစ်နာဆုံးရှုံးမှုများရှိခဲ့လာပါက တိုင်းဒေသကြီး/ ပြည်နယ်နှင့် ခရိုင်ရုံးများတွင် ဖွင့်လှစ်ထားသော စားသုံးသူသတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေးစင်တာ (CICC) ရုံးများတွင် တိုင်ကြားနိုင်ပါကြောင်း၊  DOCA Myanmar Application နှင့်စားသုံးသူရေးရာဦးစီးဌာန၏ Website www.doca.gov.mm တွင် ဝင်ရောက်လေ့လာ တိုင်ကြားနိုင်ကြောင်း၊ Consumer Cell Center နံပါတ် (၁၅၃၅) သို့လည်း ရုံးချိန်အတွင်း ဆက်သွယ် မေးမြန်းဆောင်ရွက်နိုင်ပါကြောင်းကို ဆွေးနွေးပြောကြားခဲ့ပြီး ဟောပြောပွဲတွင် ကျေးရွာနေပြည်သူ စုစုပေါင်း ( ၅၄ ) ဦးတက်ရောက်ခဲ့ပါသည်။ လက်ကမ်းစာစောင်များလည်း ဖြန့်ဝေခဲ့ပြီး ဟောပြောပွဲကိုနံနက်(၁၁း၀၀)နာရီအချိန်တွင် ရုတ်သိမ်းခဲ့ကြောင်း သိရှိရပါသည်။

DOCA(မန္တလေး)

          ၂၀၂၅ ခုနှစ် ဖေဖော်ဝါရီလ (၂၀)ရက်နေ့တွင် စားသုံးသူရေးဦးစီးဌာန၊ ခရိုင်ဦးစီးမှူး ဦးဇော်မင်း ဦးဆောင်၍ မိတ်ဖက်ဌာနများဖြစ်သည့် မြို့နယ်အထွေထွေအုပ်ချုပ်ရေးဦးစီးဌာန၊ စက်မှုကြီးကြပ်ရေး နှင့် စစ်ဆေးရေးဦးစီးဌာနမှ တာဝန်ရှိသူများသည် မိတ္ထီလာမြို့နယ်ရှိ ဆီကြိတ်စက်များသို့ ကွင်းဆင်းစိစစ်ဆောင်ရွက်ခဲ့ကြောင်း သိရသည်။ ကွင်းဆင်းအဖွဲ့အနေဖြင့် ဆီစက်များ၏ ဆီကြိတ်ခွဲထုတ်လုပ်မှု အပေါ် စက်စွမ်းအား၊ စက်လည်ပတ်မှုရှိ/ မရှိ၊ ကုန်ကြမ်းဝယ်ယူမှု၊ ကုန်ချောထုတ်လုပ်မှု၊ တင်ပို့ရောင်းချ မှုနှင့် ကြုံတွေ့ရသည့်အခက်အခဲအခြေအနေများကို ကွင်းဆင်းစိစစ်လေ့လာခဲ့ကြသည်။

          မိတ္ထီလာခရိုင်အနေဖြင့် ဆီထွက်သီးနှံများဖြစ်သည့် မြေပဲ၊ နှမ်းသီးနှံနှင့် နေကြာတို့ကို စိုက်ပျိုးဖြစ်ထွန်းပြီး စားသုံးဆီကြိတ်ခွဲထုတ်လုပ်သည့် စက်အနေဖြင့် မိတ္ထီလာမြို့နယ်တွင် (၃၈)စက်၊ မလှိုင်မြို့ နယ်တွင် (၅၀)စက်၊ သာစည်မြို့နယ်တွင် (၁၅)စက်၊ ဝမ်းတွင်းမြို့နယ်တွင်(၁၃)စက်၊ စုစုပေါင်း (၁၁၆) စက်ရှိကြောင်း စက်မှုကြီးကြပ်ရေးနှင့် စစ်ဆေးရေးဦးစီးဌာန၏ စာရင်းများအရသိရသည်။ ဆီစက်များမှာ ဆီထွက်သီးနှံများကို တန်ဖိုးမြှင့်ထုတ်လုပ်နေသော ကုန်ထုတ်လုပ်ငန်းများဖြစ်ရာ ဒေသတွင်းစားသုံးဆီထုတ်လုပ်နိုင်မှုအခြေအနေကို သိရှိနိုင်ရန် ကွင်းဆင်းဆောင်ရွက်ခြင်းဖြစ်ကြောင်း သိရှိရပါသည်။

DOCA(မန္တလေး)

             မကွေးတိုင်းဒေသကြီး၊ မင်းဘူးခရိုင်ဦးစီးမှူးရုံးမှ ဝန်ထမ်းများသည် မြို့နယ်အတွင်းရှိ ကျောင်းများသို့ကွင်းဆင်း၍ အသိပညာပေးခြင်း ဆောင်ရွက်လျက်ရှိရာ (၁၈.၂.၂၀၂၅)ရက်နေ့၊ နံနက်(၀၉:၃၀)နာရီအချိန်တွင် မင်းဘူးမြို့နယ်၊ စကုမြို့အခြေခံပညာအထက်တန်းကျောင်း၌ ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်အားကစားနှင့်ကာယပညာဦးစီးဌာန၊ မြို့နယ်စားသုံးသူရေးရာဦးစီးဌာနတို့ ပူးပေါင်း၍ အသိပညာပေးဟောပြောပွဲ ဆောင်ရွက်ခဲ့ကြောင်း သိရသည်။

           ဟောပြောပွဲတွင် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ခရိုင်ဦးစီးမှူးက စာဖတ်ခြင်း၏ အကျိုးကျေးဇူးများအကြောင်းကိုလည်းကောင်း၊ မြို့နယ်အားကစားနှင့်ကာယ ပညာဦးစီးဌာနမှ ဦးစီးမှူးက အားကာသိပ္ပံကျောင်းနှင့်ပတ်သက်၍ သိကောင်းစရာများအကြောင်းကို လည်းကောင်း၊ မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံက စားအုန်းဆီစားသုံးခြင်းဖြင့် ဖြစ်ပေါ်လာနိုင်သည့် ဆိုးကျိုးများ၊ စားသုံးသူနှင့် လုပ်ငန်းရှင်ကြားကုန်စည် သို့မဟုတ် ဝန်ဆောင်မှုနှင့် ပတ်သက်၍ ပြဿနာတစ်စုံတစ်ရာဖြစ်ပေါ်ပါက တိုင်ကြားနိုင်ပါကြောင်းနှင့် တိုင်ကြားနိုင်သည့် ပုံစံများအကြောင်းအားလည်းကောင်း အသီးသီးဟောပြောဆွေးနွေးခဲ့ပြီး အသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)