သတင်းနှင့် လှုပ်ရှားမှုများ

            ၂၀၂၅ ခုနှစ်၊ ဖေဖော်ဝါရီလ ၂၁ ရက် နံနက် ၀၉:၃၀ အချိန်တွင် စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တာဝန်ခံဦးမျိုးဝင်းသန်းနှင့် ဒေါ်အိမွန် ကျော် အကြီးတန်းစာရေးတို့သည့် မြို့နယ်ကျန်းမာရေးဦးစီးဌာန၊ စည်ပင်သာယာရေးအဖွဲ့စသည့် တာဝန်ရှိသူများနှင့်ပူးပေါင်း၍ ကန့်ဘလူမြို့မဈေးရှိ (၁၀)ဂရမ်နှင့်အထက်အလှကုန်ပစ္စည်းအမျိုးမျိုး အရောင်းဆိုင်အား ဈေးကွက်စောင့်ကြည့်စစ်ဆေးခဲ့ကြောင်း သိရသည်။

           စားသုံးသူပြည်သူများအတွက် ကုန်စည်နှင့်ဝန်ဆောင်မှုများအသုံးပြုရာတွင် ဘေးအန္တရာယ် ကင်းရှင်းစေရေးအတွက် ဆောင်ရွက်လျက်ရှိရာ ကန့်ဘလူမြို့မဈေးရှိ  အလှကုန်ပစ္စည်းအရောင်း ဆိုင်များရှိ (၁၀)ဂရမ်နှင့်အထက် အလှကုန်ပစ္စည်းများအား ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ရာ ကုန်အညွှန်းအမှတ်အသားနှင့်ပြည့်စုံမှုမရှိသော အလှကုန်ပစ္စည်းများ ရောင်းချခြင်း ရှိ/မရှိစစ်ဆေးခဲ့ကြောင်း၊ လုပ်ငန်းရှင်များအနေဖြင့် ကုန်အညွှန်းအမှတ်အသားဖော်ပြရာတွင် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)နှင့် ကိုက်ညီမှုမရှိသော အလှကုန်ပစ္စည်းမျိုးမျိုးအား ရောင်းချခြင်းမပြုရန်  အသိပညာပေးပြောကြားခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရသည်။

DOCA(စစ်ကိုင်း)

            စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနရုံးချုပ်၏ ညွှန်ကြားချက်နှင့်အတူ စစ်ကိုင်းတိုင်းဒေသကြီး စားသုံးသူရေးရာဦးစီးဌာန ဒုတိယတိုင်းဒေသကြီးဦးစီးမှူး ဦးဆောင်၍ ဝန်ထမ်းများသည် တိုင်းဒေသကြီးအသေးစားစက်မှုလက်မှုလုပ်ငန်းဉီးစီးဌာနတွင် စားသုံးသူကာကွယ်ရေး အသိပညာပေးဟောပြောပွဲ ကျင်းပဆောင်ရွက်ခဲ့ရာ အသေးစားစီးပွားရေးလုပ်ငန်းရှင် စုစုပေါင်း (၃၀)ဦး တက်ရောက်ခဲ့ကြောင်း သိရှိရပါသည်။

             အဆိုပါ ဟောပြောပွဲတွင် စစ်ကိုင်းတိုင်းဒေသကြီးစားသုံးသူရေးရာဦးစီးဌာနမှ ဒုတိယတိုင်းဒေသကြီးဦးစီးမှူး ဒေါ်ဇင်မာဦးက စီးပွားရေးနှင့်ကူသန်းရောင်းဝယ်ရေးဝန်ကြီးဌာန၏ ဖွဲ့စည်း ဆောင်ရွက်မှုများအကြောင်း၊ စားသုံးသူကာကွယ်ရေးဥပဒေပါ စားသုံးသူအခွင့်အရေးများနှင့် စားသုံးသူများလိုက်နာရမည့်တာဝန်များ၊ စီးပွားရေးလုပ်ငန်းရှင်များ လိုက်နာရမည့်တာဝန်များ၊ ကုန်အညွှန်းအမှတ် အသားဖော်ပြခြင်းဆိုင်ရာ အချက်အလက်များ၊ စားသုံးသူရေးရာဦးစီးဌာနတွင် တိုင်ကြားနိုင်သည့် နည်းလမ်းများ၊ ဌာနမှ ဖြေရှင်းဆောင်ရွက်နေမှု အခြေအနေများ၊ Online Sale ဆိုင်ရာ သိသင့်သည့် အချက်အလက်များအကြောင်းကို ရှင်းလင်းဆွေးနွေးခြင်း၊ တိုင်ကြားမှုများအား လက်ခံညှိ့နှိုင်းဖြေရှင်း ဆောင်ရွက်ခြင်းများအကြောင်း ရှင်းလင်းဆွေးနွေးခဲ့ပါသည်။ ဆက်လက်၍ ဒုတိယတိုင်းဒေသကြီး ဦးစီးမှူးက eComReg System တွင် မှတ်ပုံတင်ခြင်းဆိုင်ရာများ၊ လုပ်ငန်းရှင်များ အနေဖြင့် ကုန်စည်နှင့် ဝန်ဆောင်မှုများကို အွန်လိုင်းစနစ် အသုံးပြုပြီး ရောင်းချမည်ဆိုပါက မဖြစ်မနေ အွန်လိုင်းစနစ်ဖြင့် မှတ်ပုံတင်ပြီးမှသာရောင်းချရန်၊ မှတ်ပုံတင်ထားခြင်းမရှိဘဲ ရောင်းချမည်ဆိုပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူခံရမည်ဖြစ်ကြောင်း၊ တက်ရောက်လာသူများမှ သိလိုသည်များကို ဒုတိယတိုင်းဒေသကြီး ဦးစီးမှူးက ရှင်းလင်းဖြေကြားပြီး ဌာန၏ ပညာပေး လက်ကမ်းစာဆောင်များ ဖြန့်ဝေပေးခဲ့ကြောင်း သတင်းရရှိပါသည်။    

DOCA(စစ်ကိုင်း)

စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ လမ်းညွှန်မှာကြားချက် အရ ပြည်တွင်းဆေးဝါးပြတ်လပ်မှုမရှိစေရေး အရှေ့ပိုင်းခရိုင်စားသုံးသူရေးရာဦးစီးဌာန၊ မြို့နယ်ပြည်သူ့ ကျန်းမာရေးဦးစီးဌာနမှနှင့် ပူးပေါင်း၍ (၁9.၂.202၅)ရက်နေ့၊ နေ့လည်(13:၃0) နာရီတွင်  အမှတ် (၁၈၇)/ဘီ၊အင်းဝ (၂၀)လမ်း၊(၆)ရပ်ကွက် ရှိ Thy Nol Trading ဆေး ကုမ္ပဏီ မှ  ဆိုင်တာဝန်ခံ‌ ဦးတင်မောင်လတ်နှင့် တွေ့ဆုံ၍ ဆေးကုမ္ပဏီအတွင်းရှိ ဆေးဝါးများအခြေအနေ စစ်ဆေးမေးမြန်း မှုများ ပြုလုပ်ခဲ့ကြောင်း သိရှိရပါ သည်။

ထိုသို့စစ်ဆေးမေးမြန်းရာတွင် ဆေးကုမ္ပဏီသည် လက်ရှိကာလတွင် ဆေးပစ္စည်းနှစ်မျိုးတည်း ကိုသာ တင်သွင်းဖြန့်ချိကြောင်း၊ ပစ္စည်းပြတ်လပ်မှု မရှိပါကြောင်းဖြေကြားပြီး ၊ စားသုံးသူရေးရာဦးစီး ဌာနမှ ဝန်ထမ်းများက ကုန်အညွှန်းအမှတ်အသားပြည့်စုံသောဆေးများကိုသာ‌ရောင်းချပေးရန်၊ ဖြစ်သင့် ဖြစ်ထိုက်သည့်‌ ဈေးနှုန်းထက် ဈေးနှုန်းမြှင့်တင်ရောင်းချမှုကို စစ်ဆေးတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူခံရမည်ဖြစ်ကြောင်း   အသိပညာပေး ပြောကြားခဲ့ကြောင်း သတင်း ရရှိပါသည်။

DOCA(ရန်ကုန်)

စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ လမ်းညွှန်မှာကြားချက် အရ ပြည်တွင်းဆေးဝါးပြတ်လပ်မှုမရှိစေရေး အရှေ့ပိုင်းခရိုင်စားသုံးသူရေးရာဦးစီးဌာန ၊ မြို့နယ်ပြည်သူ့ ကျန်းမာရေးဦးစီးဌာနတို့မှ ပူးပေါင်း၍ (၁9.၂.202၅)ရက်နေ့၊ နေ့လယ်(13:၃0) နာရီတွင်အမှတ် (၉၃၃) ၊ သစ္စာလမ်း ၊ (၇) ရပ်ကွက်ရှိ Manawhari Pharma Limitedဆေး ကုမ္ပဏီ မှ  ဆိုင်တာဝန်ခံ‌ ဒေါ်ထက်ထက်အောင် နှင့် တွေ့ဆုံ၍ ဆေးကုမ္ပဏီအတွင်းရှိ ဆေးဝါးများအခြေအနေ စစ်ဆေးမေးမြန်း မှုများ ပြုလုပ်ခဲ့ကြောင်း သိရှိရပါ သည်။

ထိုသို့စစ်ဆေးမေးမြန်းရာတွင် ဆေးကုမ္ပဏီသည် လက်ရှိကာလတွင် ဆေးပစ္စည်းနှစ်မျိုးတည်း ကိုသာ မလေးရှားနိုင်ငံမှ တင်သွင်းဖြန့်ချိကြောင်း ၊ ပစ္စည်းပြတ်လပ်မှုမရှိပါကြောင်း ဖြေကြားခဲ့ပြီး ၊ ဖြစ်သင့်ဖြစ်ထိုက်သည့်‌ ဈေးနှုန်းထက် ဈေးနှုန်းမြှင့်တင်ရောင်းချမှုကို စစ်ဆေးတွေ့ရှိပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူခံရမည်ဖြစ်ကြောင်း   အသိပညာပေး ပြောကြားခဲ့ကြောင်း သတင်းရရှိပါသည်။

DOCA(ရန်ကုန်)

          ရန်ကုန်တိုင်းဒေသကြီး၊ ဒဂုံမြို့သစ်ခရိုင်၊ ဒဂုံဆိပ်ကမ်း မြို့နယ်၊ သရက်ပင်ချောင်း ကျေးရွာ၊ ပဲခူးမြစ်ပတ်လမ်းတွင် လိုင်စင်မဲ့စက်သုံးဆီများ တရားမဝင်ရောင်းချနေကြောင်း သတင်းအရ ဒဂုံမြို့ သစ်ခရိုင် တရားမဝင်ကုန်သွယ်မှုတိုက်ဖျက်ရေးအထူးအဖွဲ့ခေါင်းဆောင် ဒုတိယရဲ မှူးကြီးမျိုးဝင်း ဦး‌ဆောင်၍(၁၇.၂.၂၀၂၅)ရက်နေ့၊ (၁၆:၀၀) နာရီအချိန်တွင် သွားရောက် စစ်ဆေးခဲ့ကြောင်းသိရှိ ရပါသည်။

          စစ်ဆေးတွ့ရှိချက်အရ ဒီဇယ် (၄၈) ဂါလန်ပါ၊ အပြာရောင်ဆီပေပါ (၁)လုံး၊ ဒီဇယ်(၄၈) ဂါ လန်ပါ၊ အဖြူရောင်ဆီပေပါ(၁)လုံး စုစုပေါင်း ဒီဇယ်ပေပါ(၂)လုံး၊ ဆီဂါလန်ခွက်(၁)ခု၊ ဆီကန်တော့ (၁)ခု တို့အား လုပ်ငန်းရှင်ဦးဉာဏ်လင်းအောင်မှ ရောင်းချနေကြောင်း စစ်‌ဆေးတွေ့ရှိရသဖြင့် ရေနံနှင့်ရေနံထွက်ပစ္စည်းများဆိုင်ရာ ဥပ‌ဒေပုဒ်မ ၃၇ အရပ/၅/၂၀၂၅ဖြင့် ဒဂုံဆိပ်ကမ်းမြို့နယ်၊ သရက်ပင်ချောင်နယ်မြေရဲစခန်း၌ အမှုဖွင့်လှစ်ထားရှိပြီး အမှုအား ရဲလုပ်ငန်းများနှင့်အညီ ပြီးပြည့်စုံစွာ‌ ဆောင်ရွက်သွားမှာဖြစ်ကြောင်း သိရှိရပါသည်။ 

DOCA(ရန်ကုန်)