သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ ပုသိမ်ခရိုင်ဦးစီးမှူးရုံးအနေဖြင့် ကျောင်းများနှင့် မုန့်ဈေးတန်း များတွင် စားသုံး သူကာကွယ်ရေး အသိပညာပေးခြင်းများ လိုက်လံဟောပြောဆောင်ရွက်လျက်ရှိရာ ကျောင်းကုန်းမြို့နယ်တာဝန်ခံ သည် (၂၁.၂.၂၀၂၅)ရက်နေ့တွင် အ.ထ.က ကျောင်းရှိ ဆရာ/မများနှင့် ကျောင်းသား/သူများအား အသိပညာပေး ဆောင်ရွက်ခဲ့ပါသည်။

          ထိုသို့ဆောင်ရွက်ရာတွင် ကလေးသူငယ်များအနေဖြင့် မုန့်များကိုရွေးချယ်ဝယ်ယူရာတွင် ကုန်အညွှန်း အမှတ်အသားပြည့်စုံသည့် မုန့်များကို ရွေးချယ်ဝယ်ယူစားသုံးတတ်စေရန်၊ ကုန်အညွှန်း အမှတ်အသားဆိုသည်မှာ မည်သည်ကိုဆိုလိုကြောင်း၊ စားသုံးရန်မသင့်သည့် တားမြစ်ထားသော မုန့်များကို ကလေးသူငယ်များသိရှိစေရန် နားလည်သဘောပေါက်အောင် ဆွေးနွေးဟောပြောခဲ့ ကြောင်း သိရှိရပါသည်။

DOCA(ဧရာဝတီ)

          ပုသိမ်ခရိုင်အတွင်းရှိ မြို့နယ်များတွင် လုပ်ငန်းရှင်များအားဟောပြောပွဲများကို လစဉ်ဆောင် ရွက်လျက်ရှိရာ (၂၃.၂.၂၀၂၅)ရက်နေ့တွင် ပုသိမ်ခရိုင်၊ ဒု-ခရိုင်ဦးစီးမှူးသည် ပုသိမ်မြို့၊ အမှတ်(၃) ရပ်ကွက်ရှိ ကုန်စုံဆိုင်ရောင်းချသူ လုပ်ငန်းရှင်များအား စားသုံးသူအသိပညာပေးခြင်းအား ဟောပြော ဆောင်ရွက်ခဲ့ ပါသည်။

          ထိုသို့ဆောင်ရွက်ရာတွင် လုပ်ငန်းရှင်များ သိရှိလိုက်နာဆောင်ရွက်ရမည့် လုပ်ငန်း တာဝန်များ နှင့်စားသုံးသူများရရှိနိုင်မည့် အခွင့်အရေးများကို သိရှိနားလည်အောင် ဟောပြောဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် ဝါးခယ်မမြို့နယ်တာဝန်ခံ ဦးအောင်မိုးနှင့်ဝန်ထမ်းများသည် (၂၃.၂.၂၀၂၅)ရက်နေ့  နံနက် (၉:၃၀) အချိန်တွင် အထွေထွေ အုပ်ချုပ်ရေးဦးစီးဌာနရုံးအစည်းအဝေးခန်းမ၌ ယာယီနေရပ်စွန့်ခွာပြည်သူများအား  ထောက်ပံ့ငွေပေးအပ်ပွဲ အခမ်းအနားသို့ တက်ရောက်ခဲ့ပါသည်။

            ထိုအခမ်းအနားသို့တက်ရောက်ရာတွင် ဝါးခယ်မမြို့နယ် အထွေထွေအုပ်ချုပ်ရေးဦးစီးဌာနမှ ယာယီ နေရပ်စွန့်ခွာပြည်သူ(၁၇၂)ဦးအား တစ်ဦးလျှင်(၂၀၀၀၀)ကျပ်နှုန်းဖြင့် ပြည်သူများအား  ထောက်ပံ့ငွေပေးအပ်ခဲ့ကြောင်း သိရှိရပါသည်။

DOCA(ဧရာဝတီ) 

           ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် လပွတ္တာမြို့နယ် တာဝန်ခံ ဦးမြင့်ဌေးနှင့်ဝန်ထမ်းများသည် (၂၂.၂.၂၀၂၅)ရက်နေ့ နံနက်(၇:၀၀) အချိန်တွင် ဌာနဆိုင်ရာများနှင့် ပူးပေါင်း၍ ကုတင်(၂၀၀)ဆေးရုံဝန်းအတွင်:စုပေါင်းသန့်ရှင်းရေးဆောင်ရွက် ခဲ့ကြသည်။

          ထို့သို့သန့်ရှင်းရေးပူးပေါင်းဆောင်ရွက်ရာတွင် လွတ္တာမြို့နယ် ကုတင်(၂၀၀)ဆေးရုံဝန်းအတွင်း စားသုံးသူရေးရာဦးစီးဌာန၊ အခြားဌာနဆိုင်ရာများနှင့် ရပ်ကွက်နေပြည်သူများ စုပေါင်း၍ သန့်ရှင်းရေးပြုလုပ်ခဲ့ကြောင်း၊ အထွေထွေအုပ်ချုပ်ရေးဦးစီးဌာန၏ “အိမ်၊ လမ်း၊ ရွာ၊ ကျောင်းသန့်ရှင်းကြောင်း စုပေါင်းအမှိုက်သိမ်း” ဟူသောလမ်းညွှန်ချက်နှင့်အညီစုပေါင်းသန့်ရှင်းရေး ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

           ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် အိမ်မဲမြို့နယ် တာဝန်ခံ ဒေါ်ဇင်မာသန်းနှင့်ဝန်ထန်းများသည်(၂၁.၂.၂၀၂၅)ရက်နေ့ညနေ(၀၃:၀၀) နာရီအချိန်တွင် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနတို့နှင့် ပူးပေါင်း၍ စားသုံးသူပြည်သူများအား အိမ်မဲမြို့နယ်၊ ပြန်ကြားရေး နှင့်ပြည်သူ့ဆက်ဆံရေး ဦးစီးဌာန၊ လူထုအခြေပြု Community Centre ခန်းမတွင် စားသုံးသူအသိပညာပေး Talk Show ပြုလုပ်ခဲ့ပါသည်။

          ထိုသို့ဟောပြော ဆွေးနွေးရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ဦးစီးအရာရှိ ဒေါ်ဌေးဌေးလှိုင်မှ စားသုံးသူအသိပညာပေး Talk Show ပြုလုပ်ရခြင်း၏ ရည်ရွယ်ချက်အား ရှင်းလင်းပြောကြားပြီး စားသုံးသူရေးရာဦးစီးမှုးရုံး မြို့နယ်တာဝန်ခံမှ ဌာန၏မျှော်မှန်းချက်၊ ရည်မှန်းချက်များ ရှေ့ဆက်လုပ်ဆောင် ရမည့်လုပ်ငန်းတာဝန်များအား ဦးစွာရှင်းလင်းပြောကြားခဲ့ပြီး စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှထုတ်ပြန်ထားသော  စားသုံးသူကာကွယ်ရေးဥပဒေ ၂၀၁၉ပါ ပြဌာန်းချက်များမှ အခန်း(၁၈)၊ ပုဒ်မ(၄၁)ပါ ကုန်အညွှန်းအမှတ်အသားဖော်ပြခြင်း အချက်(၈)အား ကုန်စည်အမျိုးမစားအလိုက် သတ်မှတ်၃ချက်များနှင့်အညီ သိသာထင်ရှားစွာ ဖော်ပြရမည်ဖြစ်ကြောင်း၊ စစ်ဆေးရေးအရာရှိ၏ လုပ်ဆောင်ရမည့်လုပ်ငန်းတာဝန်များအား အသေးစိတ်ရှင်းလင်းဆွေးနွေးခဲ့ပါသည်။ ဥပဒေပါအချက်အလက်များ သိရှိလိုပါက စားသုံးသူရေးရာဦးစီးဌာန၊ ခရိုင်ဦးစီးမှူးရုံးသို့လည်းကောင်း၊ စားသုံးသူရေးရာစီးဌာန၊ ရုံးချုပ်၏ www.doca.gov.mm website တွင်လည်း ဝင်ရောက်ကြည့်ရှုနိုင် ပါကြောင်း စားသုံးသူများနစ်နာမှုရှိလာပါက  စားသုံးသူသတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေးစင်တာ CICC သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ပါကြောင်း အသိပညာပေး ဟောပြောဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)