သတင်းနှင့် လှုပ်ရှားမှုများ

            ၂၀၂၅ ခုနှစ်၊ ဖေဖော်ဝါရီလ ၂၅ ရက်နေ့၊ (၁၃း၀၀)နာရီအချိန်တွင် ထားဝယ်မြို့၊ တနင်္သာရီတိုင်းဒေသကြီး၊ ထားဝယ်မြို့၊ အသေးစားစက်မှုလက်မှုလုပ်ငန်းဦးစီးဌာနအစည်းအဝေးခန်းမတွင်ကျင်းပပြုလုပ်သည့် ဒီဂျစ်တယ်အသိပညာ၊ ခံယူချက်နှင့်အလေ့အကျင့်ဆိုင်ရာသင်တန်းတွင် တနင်္သာရီတိုင်း‌ဒေသကြီး၊ စားသုံးသူရေးရာဦးစီးဌာနမှ စားသုံးသူကာကွယ်ရေဥပဒေအကြောင်း သိကောင်းစရာများ၊ ကုန်အညွှန်းအမှတ်အသားဖော်ပြခြင်းဆိုင်ရာများအကြောင်းနှင့် Online မှရောင်းချရာတွင် Online မှတ်ပုံတင်လျှောက်ထားဆောင်ရွက်ရမည့် ကိစ္စရပ်များနှင့်ပတ်သက်၍ အသိပညာပေးဟောပြော သင်တန်းပို့ချဆွေးနွေးခဲ့ကြောင်း သိရှိရပါသည်။

            အဆိုပါသင်တန်းတွင် စားသုံးသူရေးရာဦးစီးဌာနမှ ဦးစီးအရာရှိ‌ ဒေါ်အေးအေးလွင်မှ စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ စားသုံးသူကာကွယ်ရေးဥပဒေကို ကျယ်ကျယ်ပြန့်ပြန့်သိရှိနိုင်စေရေးအတွက် စားသုံးသူအခွင့်အရေးနှင့် စားသုံးသူ၏တာဝန်များ၊ စီးပွားရေးလုပ်ငန်းရှင်များ၏ တာဝန်များအကြောင်းနှင့် အကြီးတန်းစာရေး ဦးထက်အောင်လှိုင်မှ  ကုန်အညွှန်းအမှတ်အသားဖော်ပြခြင်းဆိုင်ရာများအကြောင်း၊ Online ဖြင့်ရောင်းချသည့် ကုန်စည်/ဝန်ဆောင်မှု များနှင့်ပတ်သက်၍ Online မှတ်ပုံတင်လျှောက်ထားဆောင်ရွက်ပြီးမှသာလျှင် ရောင်းချရန်နှင့် Online မှတ်ပုံတင်လျှောက်ထားရာတွင် လိုအပ်သည့် အချက်အလက်များနှင့် ပတ်သက်သည့် အကြောင်းအရာများအား ပို့ချဟောပြောဆွေးနွေးခဲ့ပြီး တက်ရောက်လာကြသူများမှ မေးမြန်း ဆွေး နွေးခြင်းများဆောင်ရွက်ခဲ့ကာ သင်တန်းပို့ချမှုအား (၁၄း၃၀)နာရီအချိန်တွင် အောင်မြင်စွာပြီးမြောက်ခဲ့ကြောင်း သိရှိရပါသည်။

DOCA(တနင်္သာရီ)

မကွေးတိုင်းဒေသကြီး၊ သရက်ခရိုင်ဦးစီးမှူးရုံးမှဝန်ထမ်းများသည် (၂၄.၂.၂၀၂၅)ရက်နေ့၊ နံနက်(၀၈း၀၀)နာရီအချိန်တွင် အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင် သာယာရေးအဖွဲ့၊ ကျန်းမာရေးဦးစီးဌာနတို့နှင့်ပူးပေါင်း၍ သရက်မြို့၊ မြို့မစည်ပင်သာယာဈေး အတွင်း ပလတ်စတစ် Campaign ပြုလုပ်ခြင်းနှင့် ကုန်အညွှန်းအမှတ်အသားအသိပညာပေးခြင်း ဆောင်ရွက်ခဲ့ကြောင်း သိရသည်။

မြို့မစည်ပင်သာယာဈေးအတွင်းရှိ ကုန်စုံဆိုင်ရှင်များအား ကုန်အညွှန်းအမှတ်အသားနှင့် ပြည့်စုံသည့် ကုန်စည်များကိုသာ ရောင်းချစေရန် ဆွေးနွေးပြောကြားခြင်း၊  မြန်မာနိုင်ငံစားသုံးသူ ကာကွယ်ရေးကော်မရှင်မှ ထုတ်ပြန်ထားသည့် လက်ကမ်းစာစောင်များ ပေးဝေခြင်း၊ ခရိုင်အစား အသောက်နှင့်ဆေးဝါးကွပ်ကဲရေးဦးစီးဌာန(FDA)မှ အန္တရာယ်ကင်းသော အစားအစာများ ဖြစ်ပေါ် စေရေးအတွက် အဓိကဆောင်ရွက်ရမည့် အချက်(၅)ချက်အား ရှင်းလင်းပြောကြားပြီး ကျန်းမာရေး နှင့်ညီညွတ်သော အစားအစာများကိုသာ စားသုံးရန်ပြောကြားခြင်းနှင့် အသီးအနှံ၊ အသားငါး ရောင်းချသည့်ဆိုင်များတွင် ပလတ်စတစ်အိတ်အစား အင်ဖက်များကိုသာအသုံးပြုစေရန် ပြောကြား ခြင်းများဆောင်ရွက်ခဲ့ကြောင်း သိရှိရပါသည်။

DOCA(မကွေး)

မကွေးတိုင်းဒေသကြီး၊ သရက်ခရိုင်၊ ကံမမြို့နယ်တာဝန်ခံနှင့်ဝန်ထမ်းသည် (၂၁.၂.၂၀၂၅) ရက်နေ့၊ နံနက်(၀၉း၀၀)နာရီအချိန်တွင် ကံမမြို့ရှိ မြန်မာ့စီးပွားရေးဘဏ်၌ ပင်စင်စားများအား လစာထုတ်ယူသည့်ကာလဝန်းကျင်တွင် စားအုန်းဆီများ သက်သာသည့်ဈေးနှုန်းဖြင့် ဝယ်ယူသုံးစွဲ နိုင်ရေးအတွက် ရည်ရွယ်၍ သရက်မြို့ Than Thar Trading Co.,Ltd  လက်ခွဲကိုယ်စားလှယ် ပြည့် ဆီအရောင်းဆိုင်မှ စားအုန်းဆီရောင်းချပေးနေမှုအား သက်ဆိုင်ရာဌာနများဖြစ်သော မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ကျန်းမာရေးဦးစီးဌာန၊ မြန်မာ့စီးပွားရေးဘဏ်၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့နှင့်အတူ အဖွဲ့စုံဖြင့်  ‌ကြီးကြပ်ဆောင်ရွက်ခဲ့ကြောင်း သိရသည်။

ပင်စင်စား(၁)ဦးလျှင် စားအုန်းဆီ(၅၀)ကျပ်သား ဘူးအပါအဝင် (၁)ဘူးလျှင် ကျပ်(၄၄၅၀) ဈေးနှုန်းဖြင့် ပိဿာ(၂၀၀)၊ စုစုပေါင်း ပင်စင်စား(၄၀၀)ဦးအား ရောင်းချခဲ့ကြောင်း သိရပါသည်။

DOCA(မကွေး)

          မကွေးတိုင်းဒေသကြီး၊ မင်းဘူးခရိုင်ဦးစီးမှူးရုံးမှ ပွင့်ဖြူမြို့နယ်တာဝန်ခံနှင့်ဝန်ထမ်းသည် (၁၃.၂.၂၀၂၅)ရက်နေ့၊ နံနက်(၀၈:၀၀)နာရီအချိန်တွင် အစားအသောက်နှင့်ဆေးဝါးကွပ်ကဲရေး ဦးစီးဌာန၊ အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ စားသုံးသူရေးရာဦးစီးဌာန၊ စည်ပင်သာယာရေးအဖွဲ့နှင့်  မြန်မာနိုင်ငံရဲတပ်ဖွဲ့တို့ပူးပေါင်းပြီး ပွင့်ဖြူမြို့၊ မြို့မစည်ပင်ဈေးရှိ ကုန်မျိုး စုံအရောင်းဆိုင်(၄)ဆိုင်အား စားသောက်ကုန်များ နမူနာကောက်ယူ၍ စားသုံးရန်သင့်/မသင့် Mobile lab ဖြင့် ဓာတ်ခွဲစမ်းသပ်စစ်ဆေးခြင်းကို ရှောင်တခင်ဆောင်ရွက်ခဲ့ကြောင်း သိရသည်။

          ပွင့်ဖြူမြို့၊ မြို့မစည်ပင်ဈေးရှိ  ကုန်မျိုးစုံအရောင်းဆိုင်(၄)ဆိုင်အား အစားအသောက်နှင့် ဆေးဝါး ကွပ်ကဲရေးဦးစီးဌာနမှ Mobile Lab ဖြင့် (ခြူးအိမ့်မှူး)အမှတ်တံဆိပ် ဝက်အူချောင်း၊  (ပြည့်စုံအောင်) အမှတ်တံဆိပ် လက်ဖက်၊ အမဲသွေး၊ ဆိတ်သွေးများအား နမူနာ ကောက်ယူ၍ ဆိုးဆေးနှင့် တာရှည်ခံဆေးများ ပါဝင်မှုရှိ/မရှိ ဓာတ်ခွဲစမ်းသပ်စစ်ဆေးခဲ့ရာ  (ပြည့်စုံအောင်) အမှတ်တံဆိပ် လက်ဖက်၊ အမဲသွေး၊ ဆိတ်သွေးများတွင် ဆိုးဆေးနှင့် တာရှည်ခံ ဆေးများ ပါဝင်မှုမရှိကြောင်းနှင့် (ခြူးအိမ့်မှူး)အမှတ်တံဆိပ် ဝက်အူချောင်းအား Mobile Lab ဖြင့် စစ်ဆေး၍မရသဖြင့် အစားအသောက်နှင့်ဆေးဝါးကွပ်ကဲရေးဦးစီးဌာနရုံးတွင် စစ်ဆေးရန် ယူဆောင် သွားကြောင်း သိရှိရပါသည်။

DOCA(မကွေး)

ရန်ကုန်တိုင်းဒေသကြီးအတွင်း ဒေသဆိုင်ရာ MSME  အေဂျင်စီများအနေဖြင့် နိုင်ငံတော်မှ မတည်ရင်းနှီးထားသည့် ငွေကြေးအရင်းအနှီးကို Quality Loan အဖြစ်အမှန်တကယ် လိုအပ်သည့် MSME လုပ်ငန်းရှင်များထံသို့ အပြည့်အဝရရှိစေရေးနှင့် အကျိုးထိရောက်စွာ အသုံးပြုနိုင်ရေး စီမံ ကြပ်မတ်ဆောင်ရွက်လျက်ရှိရာ ဗိုလ်တထောင်ခရိုင်၊ ပုစွန်တောင်ညွှန့် မြို့နယ် ရေကျော်လမ်းရှိ UP (ရေသန့်)အရောင်းဆိုင်သို့ (၂၄-၂-၂၀၂၅) ရက်နေ့ နေ့လည် ၁၅:00 နာရီတွင် MSME ဌာန မှ ဦးဆောင်၍ ပြည်တွင်းအခွန်၊ မြို့နယ်အထွေထွေအုပ်ချုပ်ရေးဦးစီးဌာန၊ ခရိုင်ရဲတပ်ဖွဲ့၊ သမဝါယမဦးစီးဌာန၊ အရှေ့ပိုင်းခရိုင်စားသုံးသူရေးရာဦးစီးဌာနမှ ဒေါ်အေးအေးနွယ်(ဦးစီးအရာရှိ) တို့ပါဝင်သည့်အဖွဲ့ဝင်များမှ ကွင်းဆင်းဆောင်ရွက်ခဲ့ကြကြောင်း သိရှိရပါသည်။

ကွင်းဆင်းစစ်ဆေးရာတွင် စားသုံးသူရေးရာဦးစီးဌာနမှ ဒေါ်အေးအေးနွယ်က ယခုလုပ်ငန်း သည် စားသောက်ကုန်လုပ်ငန်းဖြစ်သည့်အတွက် စားသုံးသူကာကွယ်ရေးဥပဒေပါ  အခန်း(၁၁)၊ ပုဒ်မ (၂၃)ပါ စီးပွားရေးလုပ်ငန်းရှင်၏ အာမခံချက်များပါ အချက်အလက်များ စားသုံးသူကာကွယ် ရေးဥပဒေပါ   အခန်း(၁၈)ရှိ ကုန်အညွှန်းအမှတ်အသားဖော်ပြခြင်းနှင့် ပတ်သတ်၍ အသိပေးပြော ကြားခဲ့ကြောင်း သိရှိရပါသည်။

DOCA(ရန်ကုန်)