သတင်းနှင့် လှုပ်ရှားမှုများ

ဒလမြို့နယ်၊ ဖေဖော်ဝါရီလ  (၂၄) ရက်

          ရန်ကုန်တိုင်းဒေသကြီး၊ တွံတေးခရိုင်၊ ဒလမြို့ ကမာကဆစ်ဈေး အတွင်း/အပြင်ရှိ ဆပ်ပြာမှုန့် အမျိုးမျိုးရောင်းချနေသည့်ဆိုင်များသို့ ပြည်တွင်းမှ ထုတ်လုပ်ဖြန့်ဖြူးရောင်းချလျက်ရှိသော ဆပ်ပြာမှုန့် မျိုးစုံနှင့် ပြည်ပမှနည်းလမ်းပေါင်းစုံဖြင့် ဝင်ရောက်လာသော ဆပ်ပြာမှုန့်မျိုးစုံတို့တွင် ကုန်အညွှန်းအမှတ် အသားပြည့်စုံစွာ ဖော်ပြထားခြင်းရှိ/မရှိကို စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အညီ ဖေဖော်ဝါရီလ (၂၂)ရက်နေ့၊ နံနက်(၁၀:၀၀)နာရီအချိန်တွင် ကွင်းဆင်းစစ်ဆေးခဲ့ ကြောင်းသိရသည်။

          ထိုသို့ကွင်းဆင်းစစ်ဆေးခဲ့ရာတွင် ဒလမြို့ ကမာကဆစ်ဈေးမှ ဈေးတာဝန်ခံနှင့် စားသုံးသူရေးရာ ဦးစီးဌာန မြို့နယ်တာဝန်ခံတို့ ပူးပေါင်း၍ ဈေးအတွင်း/အပြင်ရှိ ဆပ်ပြာမှုန့်အမျိုးမျိုး ဖြန့်ဖြူးရောင်းချ လျက်ရှိသော လူသုံးကုန်ပစ္စည်းအရောင်းဆိုင်ပိုင်ရှင်အား စားသုံးသူပြည်သူများ ဆပ်ပြာမှုန့် အမျိုးမျိုးကို ဝယ်ယူသုံးစွဲရာတွင် ဘေးအန္တရာယ်ကင်းရှင်းစေရန်အတွက် ထုတ်ကုန်များလုံခြုံစိတ်ချရမှုရှိစေရေး ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားတစ်ခု (သို့) တစ်ခုထက်ပို၍ တွဲလျက်ဖြစ်စေ ဖော်ပြထားခြင်း ရှိ/မရှိ ကွင်းဆင်းစစ်ဆေးခဲ့ပြီး အရောင်းဆိုင်ပိုင်ရှင် များအနေဖြင့် စားသုံးသူများ ဘေးအန္တရာယ်ကင်းရှင်းစေရေးအတွက် ကုန်အညွှန်းအမှတ်အသား ပြည့်စုံသည့် ဆပ်ပြာမှုန့် အမျိုးမျိုးအား ဝယ်ယူဖြန့်ဖြူးရောင်းချခြင်းမပြုရန် စားသုံးသူကာကွယ်ရေး အသိပညာပေး ဆွေးနွေးပြောကြားခဲ့ပြီး ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။     

DOCA(ရန်ကုန်)                                                                                                         

          ၂၂.၂.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ ပြည်နယ်ဦးစီးမှူးရုံးမှ ဝန်ထမ်းများသည် သံဖြူဇရပ်မြို့နယ်ရှိ Kyaw Computer and Mobile ဆိုင်သို့ အွန်လိုင်းမှတ်ပုံ တင်လျှောက်ထားခြင်းနှင့် စပ်လျဉ်း၍ မြေပြင်ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

          ထို့သို့ ကွင်းဆင်းစစ်ဆေးရာ  ဦးစီးမှူး ဦးမင်းနောင်က အွန်လိုင်းစနစ်ဖြင့် ရောင်းချနေသော လုပ်ငန်းရှင်များသို့ မှတ်ပုံတင်လက်မှတ်လျှောက်ထားမှုနှင့် စပ်လျဉ်း၍ မြေပြင်ကွင်းဆင်း ဆောင်ရွက်ရာတွင် လျှောက်လွှာပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအမှန်တကယ် တည်ရှိခြင်း ရှိ/ မရှိ၊ မှတ်ပုံတင်လက်မှတ်လျှောက်ထားစဉ်က ရောင်းချရန်တင်ပြထားသော ကုန်စည် (သို့)ဝန်ဆောင်မှု အမျိုးအစားစာရင်းအတိုင်း မြေပြင်တွင် အမှန်တကယ်ရောင်းချနေသော စာရင်းကိုက်ညီမှု ရှိ/ မရှိတို့ကို စစ်ဆေးခဲ့ပြီး၊ မှတ်ပုံတင် လက်မှတ်ရရှိသူ၏ တာဝန်ဖောက်ဖျက်မှုရှိ/ မရှိ၊ စားသုံးသူကာကွယ်ရေးဥပ‌ဒေပါ ကုန်စည် ပေါ်တွင် ဖော်ပြပါရှိရမည့် ကုန်အညွှန်းအမှတ်အသား ဖော်ပြမှုတို့ကို ကွင်းဆင်း စစ်ဆေးခဲ့ကြောင်း သိရှိရပါသည်။

DOCA(မွန်)

မွန်ပြည်နယ်၊ စားသုံးသူရေးရာဦးစီးဌာန၊ ကျိုက်ထိုမြို့နယ် တာဝန်ခံသည် (၂၂.၂.၂၀၂၅) ရက်‌နေ့ နံနက် (၀၈:၀၀) နာရီအချိန်တွင် ကျိုက်ထိုမြို့နယ်၊ အောင်ဆန်း(၂)ရပ်ကွက်ရှိ Kaung Lyan New Asia CoL,d ကုမ္ပဏီသို့ ယာဉ်အမှတ် 3B-4329 မော်တော်ယာဉ်ဖြင့် စားအုန်းဆီ (၂၇) ပေပါ၊ 4G-2351 မော်တော်ယာဉ်ဖြင့် (၄) ပေပါ၊ 2B-6298 မော်တော်ယာဉ်ဖြင့် (၁၅) ပေပါ စုစုပေါင်း (၄၆) ပေပါ တင်ဆောင်လာကြောင်း သိရှိရပါသည်။

အဆိုပါ စားအုန်းဆီများကို စားသုံးသူရေးရာဦးစီးဌာန၊ ကျိုက်ထိုမြို့နယ်၊ မြို့နယ်တာဝန်ခံနှင့် စားအုန်းဆီကြီးကြပ်ရေးအဖွဲ့တို့မှ သွားရောက်စစ်ဆေးခဲ့ပြီး သတ်မှတ်ရည် ညွှန်းဈေးအပေါ် သယ်ယူပို့ဆောင်ကုန်ကျစရိတ်နှင့် ၂% အမြတ်တို့ဖြင့် စားသုံးသူပြည်သူများ ထံသို့ ပြန်လည်ဖြန့်ဖြူးရောင်းချပေးရန်နှင့် ဈေးနှုန်းမြှင့်တင်ရောင်းချခြင်းမပြုရန်၊ အလေးချိန် မှန်ကန်ပြည့်ဝစွာ ရောင်းချရန် ဆီကိုယ်စားလှယ်အား ပြောကြားခဲ့ကြောင်း သိရသည်။

DOCA(မွန်)

          ၂၄.၂.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ ပြည်နယ်ဦးစီးမှူးရုံးမှ ထုတ်ကုန်လုံခြုံစိတ်ချရမှုဌာနခွဲတာဝန်ခံ ဒေါ်စောကြည်သည် “လင်းယုန်ဦး” အမှတ်တံဆိပ် ကိတ်နှင့်မုန့်မျိုးစုံထုတ်လုပ်သည့် လုပ်ငန်းရှင်နှင့်တွေ့ဆုံ၍ ကုန်အညွှန်းအမှတ်အသားဆိုင်ရာ များနှင့်ပတ်သက်၍ ဆွေးနွေးခဲ့ပါသည်။

          ကုန်အညွှန်းအမှတ်အသားပြုလုပ်ရာတွင် လိုအပ်သည်များကို ထုတ်ကုန်လုံခြုံ စိတ်ချရမှုဌာနခွဲတာဝန်ခံက လုပ်ငန်းရှင်အား ၎င်းတို့၏ ထုတ်ကုန်ပစ္စည်းများပေါ်တွင် စားသုံးသူကာကွယ်ရေးဥပဒေ ၂၀၁၉ အခန်း (၁၈)တွင် ဖော်ပြထားသောပြဌာန်းချက်အတိုင်း ကုန်အညွှန်းအမှတ်အသားကို ပြည့်စုံစွာဖော်ပြရန်၊ ကုန်စည်အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်း ဖော်ပြချက်တို့ကို မြန်မာဘာသာဖြင့်ဖြစ်စေ၊ မြန်မာဘာသာ (သို့မဟုတ်) အခြားဘာသာ တစ်ခုဖြင့်ဖြစ်စေ ဖော်ပြရန် အသိပညာပေးဆွေးနွေးခဲ့ပြီး ကုန်အညွှန်းအမှတ်အသား ဖော်ပြချက်လျှောက်ထားခြင်းနှင့် ပတ်သက်၍ အသိပညာပေးဆွေးနွေးခဲ့ကြောင်း သိရှိရ ပါသည်။

DOCA(မွန်)

          ၂၂.၂.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ ပြည်နယ်ဦးစီးမှူးသည် မော်လမြိုင်ခရိုင် သံဖြူဇရပ်မြို့နယ်နှင့် မုဒုံမြို့နယ်တို့ရှိ ဌာနပိုင်မြေ၊ ရုံးအဆောက်အဦး၊ သိုလှောင်ရုံတို့အား ကွင်းဆင်းစစ်ဆေးခဲ့ကြောင်း သိရသည်။

          ထိုသို့ ကွင်းဆင်းစစ်ဆေးရာ ပြည်နယ်ဦးစီးမှူးက မြို့နယ်တာဝန်ခံများအား ရုံးလုံခြုံရေး၊ မီးဘေးအန္တရာယ်ကာကွယ်ရေး၊ ရုံးဝန်းကျင် သန့်ရှင်းသာယာလှပရေးတို့အား ဆောင်ရွက်ကြရန် လမ်းညွှန်မှာကြားခဲ့ကြောင်း သိရှိရပါသည်။

DOCA(မွန်)