သတင်းနှင့် လှုပ်ရှားမှုများ

           စစ်ကိုင်းတိုင်းဒေသကြီး၊ ရွှေဘိုခရိုင် မြို့ပြနှင့်အိမ်ရာဖွံ့ဖြိုးရေးဦးစီးဌာန၊ ဝန်ထမ်းအိမ်ယာရှိ ရွှေဘိုခရိုင်ဦးစီးမှူး၏ တိုက်ခန်း၌ (၂၇.၂.၂၀၂၅)ရက်နေ့၊ နံနက်(၁၀:၃၀)နာရီအချိန်တွင် ရွှေဘိုခရိုင် စားသုံးသူရေးရာဦးစီးဌာနမှ ဝန်ထမ်းများအား စွမ်းဆောင်ရည်မြင့်မားစေရန် ရည်ရွယ်၍ (၂/၂၀၂၅) ကြိမ်မြောက် Thursday Talk ဝန်ထမ်းစွမ်းဆောင်ရည်မြှင့်တင်ရေး အထောက်အကူပြု အသိပညာပေး ဟောပြောဆွေးနွေးပွဲ ကျင်းပပြုလုပ်ခဲ့ရာ ဝန်ထမ်း(၁၀)ဦး တက်ရောက်ခဲ့ကြောင်းသိရသည်။

          အဆိုပါ Thursday Talk ဝန်ထမ်းစွမ်းဆောင်ရည်မြှင့်တင်ရေး အထောက်အကူပြု အသိပညာပေး ဟောပြောဆွေးနွေးပွဲတွင် ဒု-ဦးစီးမှူး ဦးသန့်ဇော်လင်းက စစ်ဆေးရေးအရာရှိ၏ လုပ်ငန်းတာဝန်များအကြောင်းကို အကျယ်တဝင့် ဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)

           ၃.၃.၂၀၂၅ ရက်နေ့ နံနက် (၈:၃၀) နာရီအချိန်တွင် စားသုံးသူရေးရာဦးစီးဌာန၊ မွန်ပြည်နယ်၊ ပြည်နယ်ဦးစီးမှူးနှင့် မော်လမြိုင်မြို့နယ်တာဝန်ခံတို့သည် မော်လမြိုင်မြို့၊ ပြည်နယ်အားကစားခန်းမ၌ ကျင်းပပြုလုပ်သော နွေရာသီအခြေခံအားကစားသင်တန်းဖွင့်ပွဲ အခမ်းအနားသို့ တက်ရောက်ခဲ့ပါသည်။

             အခမ်းအနားတွင် ပြည်နယ်ဝန်ကြီးချုပ်က  လူအဖွဲ့အစည်းကို ပညာရေးနဲ့ ဟန်ချက် ညီညီ တည်ဆောက်နိုင်ရေးအတွက် အားကစားက အထောက်အကူပြုပြီး၊ မျိုးဆက်သစ် လူငယ်များကိုလည်း ဗလ(၅)တန်နဲ့ဟန်ချက်ညီစွာဖွံ့ဖြိုးလာစေရန်အတွက် အားကစားဟာ မရှိမဖြစ် လိုအပ်သည့် အခန်းကဏ္ဍကပါဝင်နေကြောင်း၊ မွန်ပြည်နယ်အတွင်း နွေရာသီ အခြေခံအားကစား သင်တန်းများကို နွေရာသီကျောင်းပိတ်ရက်များတွင် ပြည်နယ်အဆင့် အားကစားနည်း(၁၁)မျိုး၊ ခရိုင်အဆင့် အားကစားနည်း(၇)မျိုးနဲ့ မြို့နယ်အဆင့် အားကစားနည်း(၃)မျိုး ဖွင့်လှစ်သင်ကြား ပေးသွားမည်ဖြစ်ကြောင်း ပြောကြားခဲ့သည်။

            ဆက်လက်၍ မြန်မာ့သိုင်း၊ ကရာတေး၊ ဟော်ကီအားကစားနည်းများဖြင့် သရုပ်ပြနေမှုများကို ပြည်နယ်ဝန်ကြီးချုပ်နှင့် ပြည်နယ်ဝန်ကြီးများက ကြည့်ရှုအားပေး၍ တက်ရောက်လာ ကြသည့် သင်တန်းသား/သင်တန်းသူများနှင့် ရင်းရင်းနှီးနှီး လိုက်လံနှုတ်ဆက်ခဲ့ကြောင်း သိရှိရပါသည်။

DOCA(မွန်)

            ၃.၃.၂၀၂၅ ရက်နေ့ နံနက် (၀၉:၃၀) နာရီအချိန်တွင် မွန်ပြည်နယ်၊ စားသုံးသူရေးရာ ဦးစီးဌာန၊ မော်လမြိုင်ခရိုင်၊ ချောင်းဆုံမြို့နယ်တာဝန်ခံ ဒေါ်ထက်ထက်နွေဦးသည် ပြည်နယ်အစားအသောက်နှင့် ဆေးဝါးကွပ်ကဲရေးဦးစီးဌာနမှ ဦးဆောင်၍ မြို့နယ်ကျန်းမာရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင် သာယာရေးအဖွဲ့တို့နှင့် ပူးပေါင်း၍ ချောင်းဆုံမြို့နယ်အတွင်းရှိ အစားအသောက်ထုတ်လုပ်ခြင်းထောက်ခံချက် သက်တမ်းကုန်ဆုံးလျက်ရှိသော သောက်ရေသန့် အလုပ်ရုံ၊စက်ရုံများသို့ ကွင်းဆင်းစစ်ဆေးခဲ့ကြောင်း သိရသည်။

            ထိုသို့ ကွင်းဆင်းစစ်ဆေးရာ ချောင်းဆုံမြို့နယ်အတွင်းရှိ ဇမ္ဗူသောက်ရေသန့်၊ ဝင်းလတ်သောက်ရေသန့်၊ ရွှေဇင်ယော် သောက်ရေသန့် အလုပ်ရုံ၊ စက်ရုံများ၌ သက်ဆိုင်ရာဌာနများ၏ ခွင့်ပြုထောက်ခံချက်ပါရှိမှုရှိ/ မရှိ၊ သောက်ရေသန့်စက်ရုံများ၌ သန့်ရှင်းသပ်ရပ်မှုရှိ/ မရှိတို့ကို စစ်ဆေးခဲ့ကြောင်း သိရှိရပါသည်။

DOCA(မွန်)

          ၄.၃.၂၀၂၅ ရက်နေ့တွင် စားသုံးသူရေးရာဦးစီးဌာန၊ သထုံခရိုင်ရုံးမှ ဦးစီးအရာရှိ ဦးအောင်ကျော်မင်း၊ သထုံမြို့နယ်တာဝန်ခံ ဦးထိန်လင်းထွန်းနှင့် ဝန်ထမ်းများသည် Good day အမှတ်တံဆိပ် သောက်ရေသန့်ထုတ်လုပ်သည့် လုပ်ငန်းရှင်နှင့် တွေ့ဆုံ၍ ကုန်အညွှန်းအမှတ် အသားဆိုင်ရာများနှင့်ပတ်သက်၍ ဆွေးနွေးခဲ့ပါသည်။

          ထို့သို့ တွေ့ဆုံဆွေးနွေးရာ မြို့နယ်တာဝန်ခံက ကုန်အညွှန်းအမှတ်အသားပြုလုပ်ရာတွင် လိုအပ်သော ၎င်းတို့၏ ထုတ်ကုန်ပစ္စည်းများအပေါ်တွင် စားသုံးသူကာကွယ်ရေးဥပဒေ ၂၀၁၉ အခန်း (၁၈) တွင် ဖော်ပြထားသော ပြဌာန်းချက်အတိုင်း ကုန်အညွှန်းအမှတ်အသားများကို ပြည့်စုံစွာဖော်ပြရန်၊ ကုန်စည်အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်း ဖော်ပြချက်တို့ကို မြန်မာဘာသာဖြင့်ဖြစ်စေ၊ မြန်မာဘာသာ(သို့မဟုတ်) အခြားဘာသာတစ်ခုခုဖြင့်တွဲလျက်ဖော်ပြရန် အသိပညာပေး ဆွေးနွေးခဲ့ကြောင်း သိရှိရပါသည်။

DOCA(မွန်)

            စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူးနှင့်ဝန်ထမ်းများသည် တိုင်းဒေသကြီးဦးစီးမှူး၏ လမ်းညွှန်မှုဖြင့် စားသုံးသူများ စားသုံးသူကာကွယ်ရေးဥပဒေအား သိရှိလိုက်နာစေရေး၊ အခွင့်အရေးနှင့် တာဝန် များအား သိရှိစေရန် ရည်ရွယ်၍ အသိပညာပေးခြင်းများကို စဉ်ဆက်မပြတ် ကွင်းဆင်းဆောင်ရွက် လျက်ရှိပါသည်။

              ပခုက္ကူခရိုင်အနေဖြင့် ဖေဖေါ်ဝါရီလအတွင်း ဒုတိယခရိုင်ဦးစီးမှူး၊ ပခုက္ကူမြို့နယ်တာဝန်ခံ၊ စားသုံးသူရေးရာဌာနခွဲတာဝန်ခံနှင့် ဝန်ထမ်းများသည် ပခုက္ကူမြို့နယ်ရှိ ဆုကြီးပန်ပညာသင်ကျောင်း၊ အမှတ်(၁၃၄) အခြေခံပညာမူလတန်းကျောင်း၊ အမှတ်(၁၄၅)အခြေခံပညာမူလတန်းလွန်ကျောင်း၊ အမှတ်(၇)အခြေခံ ပညာမူလတန်း စာသင်ကျောင်းများသို့ အသိပညာပေး စုစုပေါင်း(၄)ကြိမ်၊ ဆိပ်ဖြူမြို့နယ်အတွင်း အသိပညာပေးဆောင်ရွက်မှုအနေဖြင့် မြို့နယ်တာဝန်ခံက ဆိပ်ဖြူမြို့ အနောက်ပိုင်းရပ်ကွက် အခြေခံပညာအထက်တန်းကျောင်းသို့ (၁)ကြိမ်၊ ဆိပ်ဖြူမြို့ ယောဝရပ်ကွက် အခြေခံပညာမူလတန်းကျောင်းသို့ (၁)ကြိမ် အသိပညာပေး စုစုပေါင်း(၂)ကြိမ်ဆောင်ရွက်ခဲ့ကြောင်း သိရသည်။

          ဂန့်ဂေါခရိုင်အတွင်း အသိပညာပေးဆောင်ရွက်မှုအနေဖြင့် မြို့နယ်တာဝန်ခံက ဂန့်ဂေါမြို့ မြောက်ကုန်းရပ်ကွက်ရှိ အခြေခံပညာအလယ်တန်းကျောင်းသို့(၁)ကြိမ် အသိပညာပေးဆောင်ရွက်ခဲ့ပြီး ပခုက္ကူနှင့်ဂန့်ဂေါခရိုင်ဦးစီးမှူးရုံးမှ အသိပညာပေးဆောင်ရွက်မှု စုစုပေါင်း(၇)ကြိမ် ဆောင်ရွက်နိုင်ခဲ့ကြောင်း သိရှိရပါသည်။

DOCA(မကွေး)