“ကော့မှူးမြို့နယ်စည်ပင်သာယာမြို့မဈေးအတွင်း/အပြင်ရှိဆန်ဆိုင်များသို့ကွင်းဆင်း စစ်ဆေးခြင်း ”
ကော့မှူးမြို့နယ်၊ ဖေဖော်ဝါရီလ (၂၇) ရက်
ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေး အတွင်း/အပြင်ရှိ ဆန်နှင့်ဆန်ထွက်ပစ္စည်းများ ဖြန့်ဖြူးရောင်းချပေးလျက်ရှိသော ဆန်ဆိုင်များသို့ ဖေဖော်ဝါရီလ (၂၅)ရက်နေ့၊ နံနက် (၀၉:၃၀)နာရီအချိန်တွင် ပူးပေါင်းအဖွဲ့ဖြင့် ဆန်အမျိုးအစားအလိုက် ဖြန့်ဖြူးရောင်းချလျက်ရှိသော ဈေးနှုန်းအခြေအနေအား ကွင်းဆင်းစစ်ဆေးခဲ့ကြောင်း သိရသည်။
ထိုသို့ဈေးကွက်အတွင်း ကွင်းဆင်းစစ်ဆေးခဲ့ရာတွင် ဖေဖော်ဝါရီလအတွက် သင့်တင့် မျှတသော ဆန်ဈေးကွက်ဈေးနှုန်းနှင့် Consumer Packaging ဖြင့် ရောင်းချမှုများတွက် စားသုံးသူရေးရာဦးစီးဌာန အနေဖြင့် ထုတ်ပြန်ကြေငြာခဲ့ရာ သင့်တင့်မျှတသည့် ဆန်ဈေးကွက် ဈေးနှုန်းအတိုင်း Super Market၊ Mini Mart ၊ များအပါအဝင် မြို့နယ်များရှိ ဈေးကွက်အတွင်း ပြန်လည်ဖြန့်ဖြူးရောင်းချနိုင်ရေးကို ကြပ်မတ်ဆောင်ရွက်နိုင်ရန် ကော့မှူးမြို့နယ်စီမံ အုပ်ချုပ်ရေးအဖွဲ့မှ ညွှန်ကြားချက်နှင့်အညီ မြို့နယ် စည်ပင်သာယာရေးအဖွဲ့မှ အမှုဆောင် အရာရှိ ဦးတင်ထွန်းအောင်နှင့် ဝန်ထမ်းများ၊ စားသုံးသူရေးရာဦးစီး ဌာနမှ မြို့နယ်တာဝန်ခံ ဦးတင်မင်းတို့ ပူးပေါင်းအဖွဲ့သည် ကော့မှူးမြို့နယ်စည်ပင်သာယာမြို့မဈေး အတွင်း/အပြင်ရှိ ဖြန့်ဖြူးရောင်းချလျက်ရှိသော ဆန်ဆိုင်ပိုင်ရှင် စီးပွားရေးလုပ်ငန်းရှင်များအား ဆန်အမျိုးအစား အလိုက် သတ်မှတ်ထားသော သင့်တင့်မျှတသည့် ဆန်ဈေးနှုန်းများထက်ကျော်လွန်ပြီး ဖြန့်ဖြူး ရောင်းချခြင်းများ မပြုလုပ်ကြရန်၊ ဆန်ဈေးနှုန်းတည်ငြိမ်မှုမရှိစေရေးနှင့် ဈေးကစားရန် ရည်ရွယ် ချက်ဖြင့် သိုလှောင်ထားခြင်းများ မပြုလုပ်ကြရန် အသိပညာပေးဟောပြောခဲ့ပြီး ဆန်အမျိုး အစားအလိုက် ယခင်လဈေးနှုန်း၊ ယခုလဈေးနှုန်းတို့အား စာရင်းကောက်ယူ ရှောင်တခင် ကွင်းဆင်း စစ်ဆေးခဲ့ကြောင်း သိရသည်။
DOCA(ရန်ကုန်)
အဆိုပါတွေ့ဆုံဆွေးနွေးရာတွင် စားသုံးသူရေးရာဦးစီးဌာနမှ အွန်လိုင်းစနစ်ဖြင့် ရောင်းချခြင်း လုပ်ငန်း နှင့်စပ်လျဥ်း၍ မှတ်ပုံတင်လျှောက်ထားရာတွင် ကြိုတင်ပြင်ဆင်ထားရှိရမည့် အထောက်အထားများ၊ အခြေ ခံလိုအပ်ချက်များ၊ လျှောက်ထားခြင်းပုံစံအဆင့်ဆင့်နှင့် စားသုံးသူကာကွယ်ရေးဥပဒေပါ စားသုံးသူအခွင့် အရေး၊ တာဝန်များ၊ စီးပွားရေးလုပ်ငန်းရှင်များ လိုက်နာရမည့် တာဝန်များအကြောင်း၊ ကုန်အညွှန်းအမှတ် အသား ဖော်ပြခြင်းဆိုင်ရာများအကြောင်း ဟောပြောဆွေးနွေးခဲ့ကြောင်း သိရှိရပါသည်။
