သတင်းနှင့် လှုပ်ရှားမှုများ

           ၂၇.၂.၂၀၂၅ ရက်နေ့ နံနက် (၁၀:၀၀) နာရီအချိန်တွင် စားသုံးသူ​ရေးရာဦးစီးဌာန၊ ပြည်နယ်ဦးစီးမှူးရုံးမှ ပြည်တွင်းကုန်သွယ်မှုဖွံ့ဖြိုးရေးနှင့်သုတေသနဌာနခွဲ တာဝန်ခံ ဦးစီးအရာရှိ ဒေါ်ငြိမ်းမြတ်ကျော်၊ မော်လမြိုင်မြို့နယ်တာဝန်ခံ ဦးအောင်ညီညီခန့်နှင့် ဝန်ထမ်းများသည် မြေပြင်ကွင်းဆင်းစစ်ဆေးရေးအဖွဲ့တို့ပူးပေါင်း၍ မွန်ပြည်နယ်၊ မော်လမြိုင်ခရိုင်၊ ​မော်လမြိုင်မြို့နယ်အတွင်းရှိ ရပ်ကွက်၊ စည်ပင်သာယာဈေးများတွင် ရောင်းချနေသော စားအုန်းဆီ လက်လီဆိုင်များအား ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရသည်။

            ထိုသို့ ကွင်းဆင်းစစ်ဆေးရာတွင် စားအုန်းဆီရောင်းချသူများအနေဖြင့် သတ်မှတ်ရည်ညွှန်းဈေးအပေါ်  ဖြစ်သင့်ဖြစ်ထိုက်သည့် အမြတ်ရာနှုန်းထက် ပိုမို၍ ရောင်းချ​နေမှုရှိ/ မရှိ၊ အလေးချိန်မှန်ကန်မှုရှို/ မရှိတို့ကို ကွင်းဆင်းစစ်​ဆေးခဲ့ကြောင်း သိရှိရပါသည်။

DOCA(မွန်)

          ၂၇.၂.၂၀၂၅ ရက်နေ့ နံနက် (၁၀:၀၀) နာရီအချိန်တွင် မွန်ပြည်နယ်၊ စားသုံးသူရေးရာ ဦးစီးဌာန၊ ပြည်နယ်ဦးစီးမှူးရုံးမှ ဝန်ထမ်းများသည် မော်လမြိုင်မြို့နယ်ရှိ ဆန်သိုလှောင်ရုံနှင့် ဆန်ဆိုင်ကြီးများတွင် ဆန်ရောနှောရောင်းချခြင်းများရှိ/ မရှိ ကွင်းဆင်းစစ်ဆေးခဲ့ကြောင်း သိရသည်။

          ထိုသို့ ကွင်းဆင်းစစ်ဆေးခဲ့ရာ မော်လမြိုင်မြို့နယ်ရှိ ဆန်သိုက်၊ သစ္စာ၊ မေတ္တာမွန်၊ မိုးထက်ကြယ်၊ သန်းကြွယ်၊ ထာဝရ ဆန်အရောင်းဆိုင်များတွင် ဆန်အမျိုးအစားများအား ရောနှောရောင်းချခြင်း ရှိ/မရှိ စစ်ဆေးခဲ့ရာ ဆန်အမျိုးအစားများအား ရောနှောရောင်းချခြင်းမရှိကြောင်း တွေ့ရှိရပါသည်။ ဆန်ဈေးနှုန်းများအနေဖြင့် ရွှေဘို ၁၀၈ ပေါင် တစ်အိတ်လျှင် ၁၄၀၀၀၀ ကျပ်၊ ဧရာဝတီ(ကျားပျံ) ၁၀၈ ပေါင်တစ်အိတ်လျှင် ၁၂၅၀၀၀ ကျပ်၊ မနောသုခ ၁၀၈ ပေါင်တစ်အိတ်လျှင် ၆၇၀၀၀ ကျပ်၊ ပြည်နယ်အတွင်းရှိ ဧည့်မထ ၁၀၈ ပေါင်တစ်အိတ်လျှင် ၇၅၀၀၀ ကျပ်ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(မွန်)

                   ရန်ကုန်တိုင်းဒေသကြီး၊ တရားမဝင်ကုန်သွယ်မှုတိုက်ဖျက်ရေးအထူးအဖွဲ့ ၏ လမ်းညွှန် မှုအရ အကောက်ခွန်ဦးစီးဌာနမှဦးဆောင်သော ပူးပေါင်းအဖွဲ့သည်  ၁-၂-၂၀၂၅ ရက်နေ့မှ ၂၆-၂-၂၀၂၅ ရက်နေ့အထိ ကမ်းရိုးတန်းသွားရေယာဉ်များ ဆိုက်ကပ် သည့် ဆိပ်ကမ်းများဖြစ်သော ရွှေမဲ ဆိပ်ကမ်း၊ သာကေတဆိပ်ကမ်း၊ မုတ္တမဆိပ်ကမ်း၊ Mother ဆိပ်ကမ်းများသို့ အရှေ့ပိုင်းခရိုင်စားသုံး သူရေးရာဦးစီးဌာန၊ တိုင်းရဲတပ်ဖွဲ့၊ မူးယစ်ရဲတပ်ဖွဲ့၊ မြန်မာ့ဆိပ်ကမ်းအာဏာပိုင်၊ အမှတ်(၃)ရေ ကြောင်းရဲတပ်ဖွဲ့ စသည့်ပူးပေါင်းအဖွဲ့များနှင့်အတူ သွားရောက်၍ ရေယာဉ်များတွင် တင်ဆောင် ထား သောကုန်စည်များကို ရှောင်တခင်ဝင်ရောက်စစ်ဆေးခဲ့သည့် ရေယာဉ်စုစုပေါင်း (၄၃) စီး ရှိပြီး ဆောက်လုပ်ရေးသုံးပစ္စည်းမျိုးစုံ၊ ကြွေပြား၊ ရေချိုးခန်း သုံးပစ္စည်းမျိုးစုံ၊ ပြောင်း၊ လူသုံးကုန်၊ ကား တာယာ၊ လျှပ်စစ်ပစ္စည်း၊ မော်တော်ဆိုင်ကယ်တာယာ၊ အိမ်ဆောက် ပစ္စည်းမျိုးစုံ၊ စာရေးကရိယာ မျိုးစုံ စသည့်ကုန်ပစ္စည်းများကို  စစ်ဆေးခဲ့ကြောင်း သိရှိရပါသည်။

          ထိုသို့ ပူးပေါင်းစစ်ဆေးဆောင်ရွက်ခြင်းဖြင့် စားသုံးသူပြည်သူများအနေဖြင့်လည်း ဘေး အန္တရာယ်ကင်းရှင်းသည့် ကုန်ပစ္စည်းများကို ယုံကြည်စိတ်ချစွာဝယ်ယူသုံးစွဲ နိုင်ခြင်းနှင့် ပြည်တွင်း ကုန်သွယ်မှုလုပ်ငန်းများဖွံ့ဖြိုးတိုးတက်လာပြီး ကုန်စည်စီးဆင်းမှု များလျှင်မြန်ချောမွေ့လာစေရေး အတွက်  လက်နက်ခဲ ယမ်းများတင်ဆောင်မှုမရှိစေရေး သက်ဆိုင်ရာဌာနများမှ အသိပေးပြောကြား ခဲ့ကြောင်း သိရှိရပါသည်။

DOCA(ရန်ကုန်)

            ၂၆.၂.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ မုဒုံမြို့နယ်တာဝန်ခံ ဒုတိယဦးစီးမှူး ဦးညီလွင်အေးသည် မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ မုဒုံမြို့နယ်၊ ရွှေင်္ဟသာဈေးအတွင်းရှိ ရောင်းချနေသော ဆန်ဆိုင်များအား ဈေးကစားရန်ရည်ရွယ်၍ သိုလှောင်ခြင်း၊ ဖြန့်ဖြူးရောင်းချခြင်းရှိ/ မရှိအား ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သိရှိရသည်။

          ထိုသို့ ကွင်းဆင်းစစ်ဆေးရာတွင် မုဒုံမြို့နယ်၊ ရွှေင်္ဟသာဈေးအတွင်းရှိ ရောင်းချနေသော ဆန်ဆိုင်များတွင် ဈေးနူန်းမြှင့်တင်ရောင်းချရန်အတွက် သိုလှောင်ခြင်း၊ ဖြန့်ဖြူးရောင်းချခြင်းများမရှိကြောင်း စစ်ဆေးတွေ့ရှိရပါသည်။

DOCA(မွန်)

          စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၅ခုနှစ်၊ ဖေဖော်ဝါရီလ(၂၇)ရက်နေ့ နံနက်(၁၀:၀၀)နာရီအချိန်တွင် လွိုင်ကော်မြို့၊ မင်းစုရပ်ကွက်ရှိ စားသုံးဆီထုတ်လုပ်ဖြန့်ဖြူးရောင်းချနေသည့် ထေးသမဆီစက်သို့ မြန်မာနိုင်ငံစားသုံးသူကာကွယ်ရေးကော်မရှင်၏(၂/၂၀၁၉)ပါ ကုန်အညွှန်းအမှတ်အသားသတ်မှတ်ချက်များနှင့် ကိုက်ညီမှုရှိ/ မရှိ သက်ဆိုင်ရာမိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့်စစ်ဆေးဆောင်ရွက်ခဲ့ကြောင်းသိရသည်။

          ထိုသို့ ဈေးကွက်စောင့်ကြည့်စစ်ဆေးရာတွင် ထေးသမဆီစက်မှ ထုတ်လုပ်ဖြန့်ဖြူးရောင်းချသည့် စားသုံးဆီများတွင် မြန်မာနိုင်ငံစားသုံးသူကာကွယ်ရေးကော်မရှင်၏(၂/၂၀၁၉)ပါ ကုန်အညွှန်းအမှတ်အသားသတ်မှတ်ချက်များနှင့် ကိုက်ညီမှုရှိသော အချက်အလက်များအား ထည့်သွင်းဖော်ပြထားသည်ကို စစ်ဆေးတွေ့ရှိရပြီး စီးပွားရေးလုပ်ကိုင်ရာတွင် စီးပွားရေးကျင့်ဝတ်၊ စည်ကမ်းများနှင့်အညီ ဖြောင့်မတ်မှန်ကန်စွာ ဆောင်ရွက်ကြရန် အသိပညာပေးဆောင်ရွက်ခဲ့ကြောင်း သတင်းရရှိပါသည်။

DOCA(ကယား)