သတင်းနှင့် လှုပ်ရှားမှုများ

          ၂၀၂၅ ခုနှစ် ၊ မတ်လ ၁၈ ရက်နေ့၊   နံနက် ၈း၀၀ နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီး၊ ထားဝယ်မြို့မှ စစ်ဆေးရေးအရာရှိနှင့်ဝန်ထမ်းများသည် မိတ်ဖက်ဌာနများ ဖြစ်သည့် အစားအသောက်နှင့်ဆေးဝါးကွပ်ကဲရေးဦးစီးဌာန၊ ပြည်သူ့ကျန်းမာရေးဦးစီးဌာန၊ အထွေထွေ အုပ်ချုပ်ရေးဦးစီးဌာန၊ ဗဟိုစာရင်းအင်းအဖွဲ့၊ စည်ပင်သာယာရေးအဖွဲ့တို့နှင့်အတူ ထားဝယ်မြို့ပေါ်ရှိ အလှကုန် အရောင်းဆိုင်များအား စျေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါ သည်။

          အဆိုပါ စျေးကွက်စောင့်ကြည့်စစ်ဆေးရာတွင် သုံးစွဲသူပြည်သူများ‌ ဘေးအန္တရာယ်ကင်းရှင်းစွာ ဝယ်ယူသုံးစွဲနိုင်စေရေးအတွက် စျေးကွက်အတွင်း မြန်မာဘာသာနှင့်အခြားဘာသာတစ်ခုခုနှင့်ဖြစ်စေ တွဲလျက် ဖော်ပြထားသော ကုန်အညွှန်းအမှတ်အသား ပြည့်စုံမှန်ကန်စွာပါရှိသည့်အလှကုန်ပစ္စည်းများ ရောင်းချနေခြင်း၊ အွန်လိုင်းစနစ်ဖြင့်‌ရောင်းချခြင်းနှင့် ပတ်သက်၍ အွန်လိုင်းလိုင်စင်လျှောက်ထားခြင်း ကိစ္စရပ်များအကြောင်း၊ သက်ဆိုင်ရာဌာနများမှ တားမြစ်ထားသောအလှကုန်ပစ္စည်းများ‌ရောင်းချခြင်းနှင့် တရားမဝင်တင်သွင်းလာ‌သော အလှကုန်ပစ္စည်းများ ရောင်းချခြင်းများ ရှိ/မရှိစစ်ဆေးခြင်းများ ဆောင် ရွက်ခဲ့ကြောင်းသိရှိရပါသည်။

DOCA(တနင်္သာရီ)

  စားသုံးသူရေးရာဦးစီးဌာန၊ ရန်ကုန်တိုင်းဒေသကြီး အရှေ့ပိုင်းခရိုင်ဦးစီးမှူးရုံးမှ ဒေါ်ယုယုလွင်(ငယ်/ရေး) နှင့် ဝန်ထမ်းများသည်  ဗိုလ်တထောင်ခရိုင်၊ သာကေတမြို့နယ် Capital  ဧရာဝဏ်အတွင်းရှိ အလှကုန်ပစ္စည်းအမျိုးမျိုးအား (၁၇-၃-၂၀၂၅) ရက်နေ့တွင်  သွားရောက်၍ ကွင်းဆင်းအသိပညာပေးမှုများ ဆောင်ရွက်ခဲ့ကြောင်း သိရှိရပါသည်။

        ထိုသို့ ကွင်းဆင်းစစ်ဆေးရာတွင်  သာကေတမြို့နယ်တာဝန်ခံနှင့်ဝန်ထမ်းများသည် Capital  ဧရာဝဏ်အတွင်းရှိ အလှကုန်ပစ္စည်းအမျိုးမျိုးအား ပြည်သူများဝယ်ယူသုံးစွဲရာတွင် ဘေးအန္တရာယ် ကင်းစေရန်နှင့် ကုန်အညွှန်းအမှတ်အသားတွင် မြန်မာဘာသာဖြင့်သော် လည်းကောင်း၊ မြန်မာဘာသာနှင့် အခြားဘာသာတစ်ခု(သို့မဟုတ်) တစ်ခုထက်ပို၍ တွဲလျက်ဖြစ်စေ မဖြစ်မနေ ဖော်ပြရမည့်အချက်များ ပါဝင်မှုရှိ/မရှိ စစ်ဆေးခြင်းနှင့်ဈေးကွက်အတွင်းရှိ ကုန်အညွှန်း အမှတ်အသား ပြည့်စုံစွာဖော်ပြထားခြင်းမရှိသည့် အလှကုန်အမျိုးမျိုးအပါအဝင် အခြား ဘေးအန္တရာယ်ဖြစ်စေနိုင်သည့် ကုန်စည်များကိုလည်း ရောင်းချခြင်းမပြုလုပ်ကြရန်၊ ထိုသို့ ပြုလုပ်မှုအား စစ်ဆေးတွေ့ရှိပါက  စားသုံးသူကာကွယ်ရေးဥပဒေ နှင့်အညီ အရေးယူ ဆောင်ရွက်သွားမည်ဖြစ်ကြောင်း တာဝန်ခံများအား အသိပညာပေးဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

  စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးသိန်းထွန်း(ဌာနခွဲစာရေး)  နှင့်ဝန်ထမ်းများသည်   ဒဂုံမြို့သစ်ခရိုင်၊  အရှေ့ဒဂုံမြို့နယ်စည်ပင်သာယာရေး ကော်မတီမှ  တာဝန်ရှိသူများနှင့် ပူးပေါင်းပြီး မြို့နယ်အတွင်း    ဆန်ရောင်းချမှုအခြေအနေများကို    ကွင်းဆင်းအသိပညာပေးမှုများဆောင်ရွက်လျှက်ရာ (17.3.၂၀၂၄)  ရက်နေ့တွင်  အရှေ့ဒဂုံမြို့နယ်၊  ဆန်နှင့်ကုန်မျိုးစုံရောင်းဝယ်ရေး      အရောင်းဆိုင်အား  သွားရောက်၍ ကွင်းဆင်းအသိပညာ ပေးမှုများ ဆောင်ရွက်ခဲ့ကြောင်း သိရှိရပါသည်။

        ထိုသို့ ကွင်းဆင်းအသိပညာပေးရာတွင် ဆန်ဆိုင်များရှိ ရောင်းချနေသော ဆန်များ ၊ ဆန်ဈေးနှုန်း ကြီးမြှင့်မှုမဖြစ်ပေါ်စေရေးအတွက် ဈေးကစားရန်အလို့ငှာ ဆန်များသိုလှောင် ထားခြင်းမပြုရန် မြန်မာနိုင်ငံဆန်စပါးအသင်းချုပ်မှ သတ်မှတ်ထားသောဈေးနှုန်းများအတိုင်း ရောင်းချသွားရန်နှင့် ဆိုင်အတွင်း ရှိ စားသောက်ကုန်များသည် ကုန်အညွှန်းအမှတ်အသားများ ပြည့်စုံစွာဖော်ပြထားသော ကုန်စည်များကို ရောင်းချခြင်းရှိ/မရှိတို့ကို စစ်ဆေးမှုများဆောင်ရွက်ခဲ့ ကြောင်း သိရှိရပါသည်။

DOCA(ရန်ကုန်)

ဒလမြို့နယ် ၊ မတ်လ  (၁၈) ရက်

ရန်ကုန်တိုင်းဒေသကြီး၊ တွံတေးခရိုင်၊ ဒလမြို့နယ်ရှိ  စားအုန်းဆီ လက်လီ၊ လက်ကား အရောင်းဆိုင်သို့ မတ်လ(၁၂)ရက်နေ့၊ နေ့လည်(၁၂:၀၀)နာရီအချိန်တွင် စားသုံးသူရေးရာ ဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်အရ စားအုန်းဆီကိုယ်စား လှယ်များအနေဖြင့် စားသုံးသူပြည်သူများထံသို့ လက်လီ၊ လက်ကား ဖြန့်ဖြူးရောင်းချနေမှု အခြေ အနေအား ရှောင်တခင်ကွင်းဆင်း စိစစ်ကြပ်မတ်စစ်ဆေးခဲ့ကြောင်း သိရသည်။

ထိုသို့ဈေးကွက်စောင့်ကြည့် ကွင်းဆင်းစစ်ဆေးခဲ့ရာတွင် သန်လျင်ခရိုင် စားသုံးသူရေးရာ ဦးစီးဌာနမှ ခရိုင်ဦးစီးမှူးနှင့် အထူးစုံစမ်းစစ်ဆေးဦးစီးဌာနမှ စစ်ဆေးရေးမှူး၊ စားသုံးသူရေးရာ ဦးစီးဌာန ဒလမြို့နယ်တာဝန်ခံတို့ပူးပေါင်း၍စားအုန်းဆီကိုယ်စားလှယ်ရ ဒလမြို့ရှိ ဦးကျော်ဇင်ထူး၏ စားအုန်းဆီဖြန့်ဖြူးရောင်းချလျက်ရှိသော ဈေးဆိုင်များသို့ သွားရောက် တွေ့ဆုံခဲ့ပြီး မိမိအနေဖြင့် စားအုန်းဆီခွဲတမ်းရရှိနေသည့် ကုမ္ပဏီအမည်၊ ခွဲတမ်းရရှိသည့် ပေပါ အရေအတွက်၊ တစ်ရက်ဖြန့်ဖြူး ရောင်းချနေသည့် စားအုန်းဆီပေပါ၊ပိဿာနှင့် ပြည်သူများထံသို့ ပြန်လည်ရောင်းချနေသည့် နှုန်းထား ခွဲတမ်းပုံစံများနှင့် လက်လီ၊ လက်ကား ဈေးနှုန်းများစာရင်း ကောက်ယူခဲ့ပြီး စားအုန်းဆီကိုယ်စား လှယ်အနေဖြင့် တစ်ရက်ထုတ်ယူရရှိသည့် ပေပါနှင့် တစ်ရက်ပြန်လည်ဖြန့်ဖြူးရောင်းချနေသည့် ပေပါစာရင်းကိုက်ညီမှုရှိ/မရှိနှင့် စားအုန်းဆီ ဈေးနှုန်း တည်ငြိမ်မှုရှိစေရန်အတွက် ဈေးကစားရန်ရည်ရွယ် ချက်ဖြင့် သိုလှောင်ထားခြင်းများ သတ်မှတ်ထားသည့် အခြေခံရည်ညွှန်းဈေးအပေါ် နှစ်ရာခိုင်နှုန်း အမြတ်ထက်မပိုသော ဈေးနှုန်းဖြင့် ပြန်လည်ရောင်းချ ဖြန့်ဖြူးခြင်းများ မပြုလုပ်ကြရန် စားသုံးသူ ကာကွယ်ရေး အသိပညာပေးပြောကြားခဲ့ပြီး ရှောင်တခင်ကွင်းဆင်း စိစစ်ကြပ်မတ် စစ်ဆေးခဲ့ကြောင်း သိရသည်။

DOCA(ရန်ကုန်)

မှော်ဘီခရိုင်၊ မှော်ဘီမြို့နယ်အတွင်းရှိ Kyaw San စက်သုံးဆီအရောင်းဆိုင်သို့ ၁၇.၃.၂၀၂၅ ရက်နေ့ နံနက်(၁၀:၀၀)နာရီအချိန်တွင် မြို့နယ်စီမံအုပ်ချုပ်ရေးအဖွဲ့ ဥက္ကဌနှင့် စားသုံးသူရေးရာဦးစီး ဌာနမှ ဒေါ်ဖြူဖြူမြင့်၊ ဒုကြီးကြပ်ရေးမှူး၊ ရေနံထွက်ပစ္စည်းကြီးကြပ် စစ်ဆေးရေးဦးစီးဌာန၊ မြန်မာနိုင်ငံ ရဲတပ်ဖွဲ့မှ မြို့နယ်ရဲတပ်ဖွဲ့မှူး၊ မြို့နယ်မီးသတ်ဦးစီးဌာနတို့ ပူးပေါင်းပါဝင်လျက် ကွင်းဆင်းစစ်ဆေးခဲ့ ပါသည်။

ထိုသို့စစ်ဆေးခြင်းဆောင်ရွက်ရာတွင် စစ်ဆေးရေးအဖွဲ့များသည် စက်သုံးဆီအရောင်းဆိုင်၌ စက်သုံးဆီရောင်းချမှုအခြေအနေ၊ ဆီရောက်ရှိမှုအခြေအနေ၊ ဆီလက်ကျန်အခြေအနေများအား စစ်ဆေးမေးမြန်းခြင်းဆောင်ရွက်ခဲ့ပြီး Kyaw San စက်သုံးဆီအရောင်းဆိုင်တွင် ဆီသိုလှောင်ကန် ထပ်မံတည်ဆောက်ထားခြင်းအားစစ်ဆေးခြင်း၊ မြို့နယ်အတွင်းစက်သုံးဆီပြတ်လပ်မှု မရှိစေရေးနှင့် စက်သုံးဆီဈေးနှုန်း အဆမတန်မြှင့်တင်ရောင်းချခြင်းများ မရှိစေရေး ဆွေးနွေး မှာကြားခြင်းများဆောင်ရွက်ခဲ့ပြီး မီးသတ်ဦးစီးဌာနမှ စက်သုံးဆီအရောင်းဆိုင်များတွင် လိုအပ်သည့်မီးသတ်ဆေးဘူးများ ထပ်မံဖြည့်တင်းထားရှိရန် မှာကြားခြင်းများဆောင်ရွက်ခဲ့ ကြောင်း သိရှိရပါသည်။

DOCA(ရန်ကုန်)