Myroတွင်မှတ်ပုံတင်ထားပြီး သက်တမ်းတိုးရန်ကျန်ရှိသောသိုလှောင်ရုံများ ကွင်းဆင်း၍ ကုန်ထုတ်၊ ကုန်ရ၊ ကုန်လက်ကျန် ဖြည့်သွင်းရန် ကွင်းဆင်းစစ်ဆေး
(၂၀.၆.၂၀၂၆)ရက်နေ့၊ နေ့လယ်(၁၂:၀၀)နာရီအချိန်တွင် ဓနုဖြူမြို့နယ်အတွင်းရှိ Myroတွင်မှတ်ပုံတင်ထားပြီးသက်တမ်းတိုးရန် ကျန်ရှိသောသိုလှောင်ရုံများအား သက်တမ်းတိုးဆောင်ရွက်ရန်နှင့် လစဉ်(၁ရက်နေ့မှ၁၀ရက်နေ့) အတွင်း ကုန်ထုတ်၊ ကုန်ရ၊ ကုန်လက်ကျန် ဖြည့်သွင်းရန် မြေပြင်ရှိ ဆန်စက်လုပ်ငန်းရှင်ထံ ကွင်းဆင်းအသိပေး ဆောင်ရွက်မှုပြုလုပ်ခဲ့ကြောင်း သိရသည်။
ကွင်းဆင်းစစ်ဆေးဆောင်ရွက်ရာတွင် ဓနုဖြူမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးဝင်းမင်းစိုးသည် ဓနုဖြူမြို့နယ်ရှိ ငွေလမင်းဆန်စက်၊ ရွှေပြည်သစ်ဆန်စက်၊ ဓူဝံကြယ်ဆန်စက် လုပ်ငန်းရှင်များနှင့် တွေ့ဆုံ၍ ဆန်စက်လုပ်ငန်း လည်ပတ်နေမှုအား ကြည်ရှုစစ်ဆေးပြီး ဆန်စက်များမှ ဆန်ကြိတ်ခွဲနေမှု၊ ဆန်၊ စပါး ဈေးနှုန်းအခြေအနေများ၊ စစ်ဆေးသော ဆန်စက်များမှ စပါးကို နဝလီကြိတ်ခွဲနေပြီး ကုန်သည်နှင့် တောင်သူတို့၏ စပါးကို ကြိတ်ခွဲကြောင်း၊ ရန်ကုန်တင်ပို့မှုမရှိကြောင်း၊ စစ်ဆေးသော ဆန်စက်များတွင် လက်ရှိ စပါးသိုလှောင်မှု အနည်းငယ် ၅၀၀ တင်းခန့်သာရှိကြောင်း Myroတွင် ကုန်ထုတ်၊ ကုန်ရ၊ ကုန်လက်ကျန် စာရင်းများကို သတ်မှတ်ရက်များအတွင်း ဖြည့်သွင်းဆောင်ရွက်သွားမည်ဖြစ်ကြောင်း လုပ်ငန်းရှင်နှင့် ဆွေးနွေးအသိပညာပေးခဲ့ကြောင်း သိရှိရပါသည်။
DOCA(ဧရာဝတီ)
