ပြည်ပကုန်သွယ်မှုသတင်းများ

             အင်ဒိုနီးရှားနိုင်ငံသမဝါယမဝန်ကြီး Ferry Juliantono က Red and White ကျေးရွာသမ ဝါယမအသင်းများသည် နိုင်ငံ၏စီးပွားရေး ၈ ရာခိုင်နှုန်းကြီးထွားမှုရည်မှန်းချက်ကို အကောင် အထည်ဖော်ရာတွင် ပံ့ပိုးပေးနိုင်မည့် စီးပွားရေးအင်အားဖြစ်လာနိုင်ကြောင်း ပြောကြားခဲ့ပါသည်။  စက်တင်ဘာလ ၁၁ ရက်နေ့ကကျင်းပခဲ့သည့် Great Lecture ဆွေးနွေးပွဲတွင် ဝန်ကြီးက စီးပွားရေးကြီးထွားမှုသည် အများပါဝင်နိုင်ပြီး ညီမျှမှုရှိရမည်ဖြစ်ပြီး သို့မှသာ လူမှုအသိုက်အဝန်း အဆင့်အတန်းအားလုံးသည် အကျိုးကျေးဇူးများကို ခံစားနိုင်မည်ဖြစ်ကြောင်း၊ ၎င်းကို သမဝါယမ အသင်းများမှတစ်ဆင့် အကောင်အထည်ဖော်နိုင်ကြောင်းနှင့် စီးပွားရေးအသွင်ကူးပြောင်းမှုသည် ကြီးမားသောအဖွဲ့အစည်းများနှင့် ရင်းနှီးမြှုပ်နှံမှုကြီးများပေါ်တွင်သာ မမူတည်သင့်ပဲ အငယ်စား နှင့်အသေးစားလုပ်ငန်းများပါ လွှမ်းခြုံနိုင်အောင် ဆောင်ရွက်သင့်ကြောင်း ပြောကြားခဲ့ပါသည်။ ဝန်ကြီးက သမဝါယမအသင်းများသည် အတူတကွရှိမှုမူဘောင်ကို ဦးစားပေးသည့် ပြည်သူ့စီးပွား ရေး၏စင်မြင့်တစ်ခုဖြစ်လာရန် အဓိကအခန်းကဏ္ဍတွင် ရှိနေကြောင်း အသားပေးပြောကြားခဲ့ပါ သည်။ ဝန်ကြီး၏အဆိုအရ အသင်းအဖွဲ့အားကောင်းခြင်း၊ ဒစ်ဂျစ်တယ်အသွင်ကူးပြောင်းခြင်းနှင့် မှန်ကန်သောမူဝါဒပံ့ပိုးမှုများမှတစ်ဆင့် သမဝါယမအသင်းများသည် စီးပွားရေးကြီးထွားမှု ၈ ရာခိုင်နှုန်း ရရှိရေးတွင် အဓိကအင်အားတစ်ခုဖြစ်လာနိုင်ကြောင်း သိရပါသည်။ တစ်ချိန်တည်းမှာ ပင် ဘဏ္ဍာရေးဝန်ကြီး Purbaya Yudhi Sadewa က မှန်ကန်သောငွေကြေးပံ့ပိုးမှု၊ ရင်းနှီးမြှုပ်နှံမှု အားကောင်းခြင်းနှင့် သက်ဆိုင်သူအားလုံးတက်ကြွစွာပါဝင်ခြင်းနှင့်အတူ လာမည့် ၂ နှစ်မှ ၃ နှစ် အတွင်း ၈ ရာခိုင်နှုန်းစီးပွားရေးကြီးထွားမှုမှာ ဖြစ်နိုင်ချေရှိကြောင်းနှင့် စီးပွားရေးညီတူညီမျှရှိမှသာ သက်ဆိုင်သူအားလုံး အကျိုးကျေးဇူးကို ခံစားနိုင်မည်ဖြစ်ကြောင်း ပြောကြားခဲ့ပါသည်။ သမ္မတ Prabowo Subianto သည် ကျေးရွာစီးပွားရေးအားကောင်းရန် Red and White ကျေးရွာသမဝါ ယမပရိုဂရမ်အောက်တွင် နိုင်ငံတစ်ဝှမ်း သမဝါယမအသင်း ၈၀၀၀၀ ပတ်လည်ကို တရားဝင် စတင်မိတ်ဆက်ဆောင်ရွက်ခဲ့ကြောင်း သိရပါသည်။ သမဝါယမအသင်းများသည် ကျေးရွာများ တွင် စီးပွားရေးနှင့် လူမှုအသိုက်အဝန်း ဝန်ဆောင်မှုအချက်အချာအဖြစ်ဆောင်ရွက်ပြီး ငွေစုခြင်း၊ ငွေချေးခြင်းနှင့် ကျန်းမာရေးဝန်ဆောင်မှုများ ဆောင်ရွက်သွားမည်ဟုသိရပါသည်။

DOCA(ရန်ကုန်)

     ဗြိတိန်နိုင်ငံနှင့် အမေရိကန်နိုင်ငံတို့သည် အမေရိကန်သမ္မတ Donald Trump ၏ Washington ရှိ ဗြိတိန်သံရုံးသို့ လည်ပတ်မှုအပြီးတွင်‌ အထင်ကရ နည်းပညာသဘောတူညီမှုကို လက်မှတ်ရန် ပြင်ဆင်နေကြောင်း သိရပါသည်။ အဆိုပါသဘောတူညီမှုသည် နှစ်နိုင်ငံလုံး၏ ဒေါ်လာ ထရီလီယံတန်ကြေးရှိသော နည်းပညာကဏ္ဍတွင် ပူးပေါင်းဆောင်ရွက်မှုကို အဆင့်မြှင့် တင်ရန် ရည်ရွယ်ပြီး နှစ်နိုင်ငံလုံး၏ စီးပွားရေးလုပ်ငန်းများအတွက် အခွင့်အလမ်းများကို ပိုမိုရရှိ စေနိုင်မည်ဖြစ်ကြောင်း သိရပါသည်။ အသေးစိတ်အဆုံးသတ်မှုများကို ဆွေးနွေးနေသော်လည်း သံရုံးက အဆိုပါပူးပေါင်းဆောင်ရွက်မှုသည် AI၊ လျှပ်ကူးပစ္စည်းများ၊ ဆက်သွယ်ရေးပစ္စည်းများနှင့် ကွန်ပျူတာနည်းပညာ အစရှိသော နည်းပညာကဏ္ဍများတွင် အဓိကထားပူးပေါင်း ဆောင်ရွက် သွားမည် ဖြစ်ကြောင်း သိရပါသည်။ ယခုနှစ်ကနဦးအနေဖြင့် နှစ်နိုင်ငံလုံးသည် AI လုပ်ဆောင်မှု စီမံကိန်းများကို စတင်ပြုလုပ်နေပြီဖြစ်ကြောင်း သိရပါသည်။ အမေရိကန်နိုင်ငံမှ Anthropic နှင့် OpenAI ကုမ္ပဏီများသည် လန်ဒန်မြို့တွင် အပြည်ပြည်ဆိုင်ရာရုံးဌာနများ စတင်တိုးမြင့် တည်ဆောက်နေပြီဖြစ်ပြီး ဗြိတိန်အခြေစိုက်ကုမ္ပဏီများဖြစ်သော DeepMind ကုမ္ပဏီသည်လည်း trans-Atlantic ပူးပေါင်းဆောင်ရွက်မှုတွင် ရင်းနှီးမြှုပ်နှံမှုများ ဆက်လက်ပြုလုပ်သွားမည် ဖြစ် ကြောင်း သိရပါသည်။

DOCA (ရန်ကုန်)

              ကမ္ဘောဒီးယားနိုင်ငံသည် ၎င်း၏ သီဟိုဠ်စေ့လုပ်ငန်းကို ကမ္ဘာလုံးဆိုင်ရာ အပြိုင်အဆိုင် ကဏ္ဍတစ်ခုအဖြစ် အသွင်ပြောင်းရန် အကြီးတန်းအရာရှိများက အလားအလာရှိသော တရုတ်ရင်းနှီးမြုပ်နှံမှုများကို ကြိုဆိုခဲ့ပြီးနောက် ကမ္ဘောဒီးယား၏ ရည်မှန်းချက်သည် ကုန်ကြမ်းတင်ပို့မှုမှ တန်ဖိုးမြင့်လုပ်ငန်းသို့ ပြောင်းလဲလာခဲ့သည်။ ကမ္ဘောဒီးယားနိုင်ငံ၊ စက်မှု၊ သိပ္ပံ၊ နည်းပညာနှင့် ဆန်းသစ်တီထွင်မှု (MISTI) ဝန်ကြီး Hem Vandy သည် Kampu Nuts Agro Product နှင့် China National Machinery Industry Corporation (SINOMACH) မှ ကိုယ်စားလှယ်များနှင့် တွေ့ဆုံခဲ့ပြီး နိုင်ငံအတွင်းရှိစက်ရုံများနှင့် အဆင့်မြင့်စက်ပစ္စည်းများတွင် ရင်းနှီးမြှုပ်နှံမှုဆိုင်ရာ အခွင့်အလမ်းများကို ဆွေးနွေးခဲ့သည်။ တွေ့ဆုံစဉ် ကိုယ်စားလှယ်အဖွဲ့ သည် ကမ္ဘောဒီးယားနိုင်ငံအတွင်း အခြေခံအဆောက်အအုံများ ဆောက်လုပ်ရန် အခိုင်အမာ စိတ်ဝင်စားကြောင်း ဖော်ပြခဲ့ကြသည်။  ကမ္ဘောဒီးယားသည် ကမ္ဘာ့ထိပ်တန်း သီဟိုဠ်စေ့အကြမ်း ထုတ်လုပ်သည့်နိုင်ငံများထဲမှ တစ်နိုင်ငံဖြစ်လာခဲ့ပြီး  တရားဝင်ခန့်မှန်းချက်များအရ နှစ်စဉ် အထွက်နှုန်းမှာ တန်ချိန်တစ်သန်းကျော်ရှိသည်။ သို့သော်လည်း ဤထုတ်လုပ်မှုအများစုကို ကုန်ကြမ်းပုံစံဖြင့် တင်ပို့နေပြီး အများစုမှာ ဗီယက်နမ်နိုင်ငံသို့ တင်ပို့ လျက်ရှိသည်။ အစိုးရသည် ဤပုံစံကို ပြောင်းလဲလိုကြောင်း Hem Vandy က အလေးပေးပြောကြားခဲ့ သည်။  ကမ္ဘောဒီးယား သည် အထည်ချုပ်လုပ်ငန်းများအပေါ်မှီခိုအားထားမှုကို လျှော့ချရန်နှင့် တန်ဖိုးမြင့်ကုန် ထုတ်လုပ်မှုကို ဆွဲဆောင်ရန် ကမ္ဘောဒီးယားမှ စိုက်ပျိုးရေးစက်မှုလုပ်ငန်း မျိုးစုံကွဲပြားမှုကို ကြီးမားသောကဏ္ဍစုံခွဲဝေမှုကို တွန်းအားပေးဆောင်ရွက်လျက်ရှိသည်။ ကမ္ဘာပေါ်တွင် သီဟိုဠ်စေ့ စားသုံးမှုအများဆုံးနိုင်ငံဖြစ်သည့် တရုတ်နိုင်ငံသည် ကမ္ဘောဒီးယားအတွက် အဓိကပစ်မှတ်ဈေး ကွက်ဖြစ်လာစေရန် ရည်ရွယ်ထားပြီး ပြုပြင်ပြီးသား သီဟိုဠ်စေ့များကို တရုတ်နိုင်ငံသို့ တိုက်ရိုက် တင်ပို့ခြင်းသည် နိုင်ငံတော်က ကုန်ကြမ်း သီဟိုဠ်အစေ့အဆန်များ တင်ပို့ခြင်းအစား ပြည်တွင်း၌ တန်ဖိုးပိုမိုရရှိစေမည်ဖြစ်ကြောင်း Hem Vandy ကဆက်လက်ပြောကြားခဲ့သည်။ ကမ္ဘောဒီးယား သီဟိုဠ်စေ့အသင်း (CAC) ၏ အဆိုအရ ကမ္ဘောဒီးယားနိုင်ငံသည် ၂၀၂၅ ခုနှစ် ပထမ (၈) လ အတွင်း ပြည်ပဈေးကွက်များသို့ သီဟိုဠ်စေ့ အကြမ်း တန်ချိန် ၉၄၁,၀၀၀ ခန့် တင်ပို့ခဲ့ပြီး ဝင်ငွေ အမေရိကန်ဒေါ်လာ ၁.၄ ဘီလီယံခန့် ရရှိခဲ့သည်။ 

DOCA (ရန်ကုန်)

         ကမ္ဘောဒီးယားနှင့် တရုတ်ကုမ္ပဏီများသည် ကမ္ဘောဒီးယားသီဟိုဠ်စေ့များကို တရုတ်ဈေးကွက်သို့ တင်ပို့မှု မြှင့်တင်ရန် နားလည်မှုစာချွန်လွှာ (MoU) ကို လက်မှတ်ရေးထိုးခဲ့ပြီး တန်ဖိုးအားဖြင့် အမေရိကန်ဒေါ်လာ ၃၅ တန်ဖိုးရှိသည်။ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန အတွင်းရေးမှူး Samheng Bora၊ EPTF ဥက္ကဋ္ဌ Sinomach Hainan မှ Zou Zhun နှင့် တရုတ်နိုင်ငံ Hangzhou နှင့် Guangxi ပြည်နယ်ရှိ ကုမ္ပဏီငါးခုမှ ကိုယ်စားလှယ်များ၊ ကမ္ဘောဒီးယား Nut Agro Product Co., Ltd. နှင့် ကမ္ဘောဒီးယား Cashew Nut Agro Product Co., Ltd. တို့ တွေ့ဆုံပြီးနောက် လက်မှတ်ရေးထိုးပွဲ အခမ်းအနားကို ၂၀၂၅ ခုနှစ်၊ စက်တင်ဘာ ၁၂ ရက်က စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၌ ပြုလုပ်ခဲ့သည်။ အဆိုပါ နားလည်မှုစာချွန်လွှာအရ လာမည့်သုံးနှစ်အတွင်း သီဟိုဠ်စေ့ခြောက်တန်ချိန် ၂၀,၀၀၀ နှင့် သီဟိုဠ်စေ့တန်ချိန် ၅,၀၀၀ ကို တရုတ်နိုင်ငံသို့ နှစ်စဉ်တင်ပို့မည်ဖြစ်သည်။ အခမ်းအနားတွင် Samheng Bora မှ Sinomach Hainan အား ၎င်း၏ ရင်းနှီးမြှုပ်နှံမှုနှင့် ကမ္ဘောဒီးယား အလားအလာရှိသော ထုတ်ကုန်များကို တရုတ်ဈေးကွက်သို့ တင်ပို့ရန် ကြိုးပမ်းမှုအတွက် ကျေးဇူးတင်ရှိကြောင်း ပြောကြားခဲ့သည်။  ကမ္ဘောဒီးယားရှိ သီဟိုဠ်စေ့တန်ဖိုးကွင်းဆက်ကို အားကောင်းလာစေရန်၊ ဒေသထွက် သီဟိုဠ်စေ့ကို တိုးချဲ့လုပ်ဆောင်ခြင်းနှင့် ကမ္ဘောဒီးယားရှိ သီဟိုဠ်စေ့တန်ဖိုးကွင်းဆက်ကို ခိုင်မာအားကောင်းစေမည့် ဖြစ်နိုင်ခြေများကို ဆက်လက် လေ့လာရန် ကုမ္ပဏီအား ဆက်လက်တိုက်တွန်းခဲ့သည်။ အဆိုပါနားလည်မှုစာချွန်လွှာသည် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် ကမ္ဘောဒီးယား သီဟိုဠ်စေ့အသင်းတို့မှ တစ်ဆင့် ကမ္ဘောဒီးယားအစိုးရ၏ ကြိုးပမ်းအားထုတ်မှုများကို ထင်ဟပ်စေကာ လက်ရှိဈေးကွက် များကို ထိန်းသိမ်းရန်၊ အသစ်များဖွင့်လှစ်ရန်နှင့် ကမ္ဘောဒီးယားနိုင်ငံ၏ သီဟိုဠ်စေ့ကဏ္ဍတွင် ပိုမိုရင်းနှီးမြုပ်နှံရန် တွန်းအားပေးဆောင်ရွက်နေကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနက ထုတ်ပြန်ထားသည်။

DOCA (ရန်ကုန်)

       UAE နိုင်ငံအခြေစိုက် Etihad Airways သည် အာရပ်စော်ဘွားများပြည်ထောင်စု(UAE)၏ မြို့တော် Abu Dhabi (အဘူဒါဘီ)မှ ကမ္ဘောဒီးယားနိုင်ငံရှိ Techo အပြည်ပြည်ဆိုင်ရာလေဆိပ်သို့ ၂၀၂၅ ခုနှစ် အောက်တိုဘာလ ၃ ရက်နေ့မှ စတင်၍ တိုက်ရိုက်ပျံသန်းပြေးဆွဲမည်ဖြစ်သည်။ အဆိုပါလမ်းကြောင်းသစ်သည် ကမ္ဘောဒီးယားသို့ လာရောက်လည်ပတ်သည့် နိုင်ငံတကာ ခရီးသည်များ နှင့် ခရီးသွားအရေအတွက် သိသိသာသာ တိုးလာမည်ဟု မျှော်လင့်ထားသည်။ Etihad Airways မှ အာရှသြစတြေးလျဒေသဆိုင်ရာ မန်နေးဂျင်းဒါရိုက်တာ Charles Tan မှ ၁၂-၉-၂၀၂၅ ရက်နေ့၊ နံနက်ပိုင်းတွင် ဖနွမ်းပင်တွင် ကမ္ဘောဒီးယားခရီးသွားလုပ်ငန်းဝန်ကြီး Huot Hak နှင့် တွေ့ဆုံစဉ် အဆိုပါ တိုက်ရိုက်ခရီးစဉ်အသစ်အား ပြောကြားခဲ့ခြင်းဖြစ်သည်။ တွေ့ဆုံစဉ် Tan သည် လေကြောင်းလိုင်း၏ လက်ရှိလုပ်ငန်းဆောင်ရွက်မှုများနှင့် ပတ်သက်၍ ဝန်ကြီးအား ရှင်းလင်းတင်ပြခဲ့ပြီး ကမ္ဘောဒီးယားတွင် လာမည့်လုပ်ငန်းဆောင်ရွက်မှုများအတွက် ပူးပေါင်း ဆောင်ရွက်မှု၊ ပံ့ပိုးကူညီမှုနှင့် မဟာဗျူဟာလမ်းညွှန်မှုများကို တောင်းခံခဲ့သည်။ ဝန်ကြီး Huot Hak က Etihad Airways အား ကမ္ဘောဒီးယား၏ ကြီးထွားလာနေသော ခရီးသွားလာရေး အလား အလာကို အသိအမှတ်ပြုသည့်အတွက် ကျေးဇူးတင်ရှိကြောင်း ပြောကြားခဲ့ သည်။  ဝန်ကြီးက လေကြောင်း ချိတ်ဆက်မှုအသစ်သည် ကမ္ဘောဒီးယားကို ကမ္ဘာလုံးဆိုင်ရာ ခရီးစဉ်များနှင့် ချိတ်ဆက်ကာ နိုင်ငံ၏ခရီးသွားကဏ္ဍကို ပိုမိုမြှင့်တင်ရာတွင် အဓိကအခန်းကဏ္ဍမှ ပါဝင်မည်ဖြစ်ကြောင်း အလေးပေးပြောကြားခဲ့သည်။

DOCA (ရန်ကုန်)