ပြည်ပကုန်သွယ်မှုသတင်းများ
Royal Railway Comgodia (RRC) သည် ၎င်း၏ကုန်စည်ပို့ဆောင်ရေးစွမ်းရည်ကိုမြှင့်တင်ရန်အတွက် မလေးရှားနိုင်ငံမှ ရထားတွဲသစ် ၂၅တွဲကိုတင်သွင်းခဲ့ကြောင်း ကုမ္ပဏီမှ ပြောကြားခဲ့သည်။
ထိုရထားတွဲများအားတင်ဆောင်လာမည့် သင်္ဘောသည် ဇူလိုင်လ ၂၈ရက်နေ့တွင် ကမ္ဘောဒီးယားနိုင်ငံသို့ရောက်ရှိလာခဲ့ကြောင်း Royal Railway ၏ထုတ်ပြန်ချက်တွင် ဖော်ပြထားသည်။
စင်္ကာပူနိုင်ငံပိုင် ရင်းနှီးမြှုပ်နှံသူ Temasek သည် ကျန်းမာရေးစောင့်ရှောက်မှု၊ ဘဏ္ဍာရေးဝန်ဆောင်မှုနှင့် နည်းပညာ စသည့်ကဏ္ဍာများနှင့်ပတ်သက်၍ အမေရိကန်နိုင်ငံတွင် လာမည့် ငါးနှစ်အတွင်း အမေရိကန်ဒေါ်လာ ၃၀ဘီလီယံအထိ ရင်းနှီးမြှုပ်နှံရန်စီစဉ်ထားသည်။
၎င်းသည် US တွင် မယုံနိုင်လောက်အောင်နက်နဲပြီး ကျယ်ပြန့်သော အရင်းအနှီးဈေးကွက်တစ်ခုဖြစ်ကြောင်း Temasek ၏ မြောက်အမေရိကအကြီးအကဲ Jone Aterton က Reuters သို့ပြောကြားခဲ့သည်။
ကမ္ဘာ့ဘဏ်မှ ကုန်ပစ္စည်းတစ်ခုလျှင် လက်ရှိအခွန် ၆၅% အပြင် အရက်တစ်လီတာလျှင် ပကတိအခွန် VND ၁၆၅၀၀ (၀.၆၅ဒေါ်လာ) ကောက်ခံရန် ဘဏ္ဍာရေးဝန်ကြီးဌာနသို့ အဆိုပြု ထားကြောင်း အတိုင်ပင်ခံလုပ်ငန်းအစီအရင်ခံစာအရသိရသည်။
ယင်းကဲ့သို့ အခွန်စည်းကြပ်ခြင်းသည် အရက်သေစာသောက်စားမှုအား ပိုမိုပျံ့နှံ့စေခြင်းမရှိကြောင်း သေချာစေကာ အပြုသဘောဆောင်သော ကျန်းမာရေးဆိုင်ရာသက်ရောက်မှုများ ကိုလည်း ဆောင်ကြဉ်ပေးနိုင်မည်ဖြစ်ကြောင်း ကမ္ဘာ့ဘဏ်မှ ပြောကြားခဲ့သည်။
နီပေါလျှပ်စစ်အာဏာပိုင်အဖွဲ့ (NEA) ၏အဆိုအရ နီပေါ်နိုင်ငံသည် ၂၀၂၃-၂၀၂၄ ဘဏ္ဍာနှစ်တွင် အိန္ဒိယသို့ ၁၆.၉၃ဘီလီယ့တန်ဖိုးရှိ လျှပ်စစ်ဓါတ်အားတင်ပို့ခဲ့သည်။ အခြားတစ်ဖက် တွင် တောင်ပိုင်းအိမ်နီးချင်းနိုင်ငံမှ လျှပ်စစ်ဓါတ်အားဝယ်ယူတင်သွင်းရန် Rs ၁၆.၈၁ဘီလီယံသုံးစွဲခဲ့သည်။ ထို့ကြောင့် NEA သည် ထိုသို့လျှပ်စစ်ဓါတ်အားအရောင်းအဝယ်ပြုလုပ်ခြင်းမှ Rs သန်း၁၂၀ကျော်အသားတင်ရရှိခဲ့သည်။
ပြန်လည်သုံးသပ်ကာလအတွင်း ဗီယက်နမ်နိုင်ငံ၏ ကုန်သွယ်မှုပမာဏသည် အမေရိကန်ဒေါ်လာ ၄၄၀ဘီလီယံနီးပါးရှိခဲ့ပြီး ပို့ကုန်စုစုပေါင်းမှာ ဒေါ်လာ ၂၂၆.၉၈ဘီလီယံနှင့် သွင်းကုန် စုစုပေါင်းမှာ ဒေါ်လာ ၂၁၂.၉ဘီလီယံဖြင့် နှစ်စဉ် ၁၅.၇% နှင့် ၁၈.၅% အသီးသီးမြင့်က်ခဲ့သည်။
ပို့ကုန်တန်ဖိုး၏ ပြည်တွင်းကဏ္ဍသည် ၂၇.၈% နှင့် နိုင်ငံခြားရင်းနှီးမြှုပ်နှံမှုကဏ္ဍသည် ၁၆.၉% မှ ၁၃၄.၉ ဘီလီယ့အထိမြင့်တက်လာခဲ့သည်။
ဗီယက်နမ်နိုင်ငံအနေဖြင့် လက်ရှိဆန်တင်ပို့မှု အရှိန်အဟုန်ကို ထိန်းသိမ်းထားမည်ဆိုပါက ယခုနှစ်တွင် ဆန်တင်ပို့မှုသည် စံချိန်တင်တန်ဖိုး အမေရိကန်ဒေါ်လာ ၅ ဘီလီယံအထိ ရှိလာနိုင်ကြောင်း ဆန်တင်ပို့သည့် GLE ကုမ္ပဏီမှ အမှုဆောင်အရာရှိချုပ် Vu Tuan Anh က ပြောကြားခဲ့သည်။
ဂျပန်နိုင်ငံတွင် ယခင်နှစ်၌ ကျရောက်ခဲ့သော အပူလှိုင်းဒဏ်ကြောင့် ဆန်အရည်အသွေးဆိုင်ရာ ပြဿာနာများ ဖြစ်ပေါ်ခဲ့ပြီး ဖြန့်ဖြူးမှု ကျဆင်းလာခြင်းကြောင့် ဆန်ပြတ်လပ်မှုနှင့် ရင်ဆိုင်နေရပြီး စိုက်ပျိုးထုတ်လုပ်သူများနှင့် စားသုံးသူများအကြား စိုးရိမ်ပူပန်မှုများ မြင့်တက်လာခဲ့သည်။ အချို့သော စူပါမားကတ်များသည် အထိတ်တလန့် ဆန်ဝယ်ယူမှုများကို တားဆီးရန်အတွက် ကန့်သတ်ချက်များ ချမှတ်ထားကြောင်းနှင့် ခရီးသွားလုပ်ငန်း ပြန်လည်ဦးမော့လာပြီးနောက် စားသောက်ကုန် ဝယ်လိုအား တိုးလာခြင်းကြောင့် ဈေးနှုန်းများ တက်လာခြင်းဖြစ်ကြောင်း သိရှိရပါသည်။
ကမ္ဘာ့စားအုန်းဆီ အများဆုံးထုတ်လုပ်သည့် အင်ဒိုနီးရှားနိုင်ငံသည် စားအုန်းဆီ ၃၅ ရာခိုင်နှုန်းခန့် (B35) ကို ဇီဝဒီဇယ်အဖြစ် ရောနှောအသုံးပြုလျက်ရှိရာမှ လာမည့် ၂၀၂၅ ခုနှစ်တွင် ၄၀ ရာခိုင်နှုန်း (B40) အထိရောနှော၍ လောင်စာဆီအဖြစ် အသုံးပြုရန်စမ်းသပ်နေသည်ဟု အင်ဒိုနီးရှား စွမ်းအင်ဝန်ကြီးဌာနက ပြောကြားကြောင်း The Edge Malaysia သတင်းဌာနက ၂၄-၇-၂၀၂၄ ရက်နေ့တွင် ဖော်ပြပါသည်။
အင်ဒိုနီးရှားနှင့် ဖိလစ်ပိုင်တို့ အပါအဝင် အဓိကဈေးကွက်များမှ ဆန်ဝယ်လိုအား မြင့်တက်လာခြင်း၊ ပြည်တွင်း ဆန်စပါးစိုက်ပျိုးထုတ်လုပ်မှု မြင့်မားဖွယ်ရှိပြီး ဘတ်ငွေတန်ဖိုး ကျဆင်းလျက်ရှိခြင်းစသည့် အခြေအနေများအရ ထိုင်းနိုင်ငံ၏ ယခုနှစ်ဆန်တင်ပို့မှုမှာ ယခင်က ခန့်မှန်းထားသည့် တန်ချိန် ၇.၅ သန်းကို ကျော်လွန်လျက် တန်ချိန် ၈.၂ သန်းအထိ တင်ပို့နိုင်ဖွယ်ရှိမည်ဟု ထိုင်းကူးသန်းရောင်းဝယ်ရေးဝန်ကြီးဌာနက ၃၀-၇-၂၀၂၄ နေ့တွင် ပြောကြားခဲ့သည်။
လာမည့်စိုက်ပျိုးရာသီအတွက် ပြင်ဆင်သည့်အနေဖြင့် လယ်ယာရိတ်သိမ်း ချွေလှေ့မှုမှ ကျန်ရှိသော စွန့်ပစ်ပစ္စည်းများကို မီးရှို့ရှင်းလင်းသည့် ထိုင်းနိုင်ငံမှတောင်သူများသည် PM 2.5 အဆင့်ရှိသော လေထုညစ်ညမ်းမှုကို လျှော့ချရန် ရည်ရွယ်သည့် လှုပ်ရှားမှုအရ ထိုင်းအစိုးရ၏ အထောက်အပံ့များ လက်ခံရရှိတော့မည်မဟုတ်ကြောင်း သိရှိရသည်။
အိန္ဒိယနိုင်ငံတွင် ရာဂျာဆာဘလွှတ်တော်၌ မေးမြန်းချက်အပေါ် တရားမဝင်တင်သွင်းလာသော ကွမ်းသီးများ ဖမ်းဆီးရရှိသည့်အကြိမ် အရေအတွက်နှင့် ကုန်စည်ပမာဏသည် မကြာသေးမီ နှစ်ကာလများအတွင်း သိသာစွာ မြင့်တက်လာခဲ့သည်ဟု ကူးသန်းရောင်းဝယ်ရေးနှင့် စက်မှုဝန်ကြီးဌာနက ဖြေကြားခဲ့ကြောင်း အိန္ဒိယ Hindu Business Line သတင်းဌာနက ဖော်ပြပါသည်။
အင်ဒိုနီးရှားနိုင်ငံတွင် ကုန်စည်ဝယ်ယူရရှိရန် လွယ်ကူမှုကို အာမခံချက်ပေးနိုင်ရန်အတွက် အရေးကြီးစားသောက်ကုန်စာရင်း၌ ဂျုံမှုန့်နှင့်ဆားတို့ကို ထည့်သွင်းသတ်မှတ်ရန် အမျိုးသားစားနပ်ရိက္ခာအေဂျင်စီ (Bapanas) က အဆိုပြုခဲ့ကြောင်း သိရှိရသည်။
