တရုတ်နိုင်ငံ၏ တန်ဖိုးမြင့်စက်မှုလုပ်ငန်းများမှ ကုန်ထုတ်လုပ်မှုသည် သြဂုတ်လတွင် ယခင် နှစ် အလားတူကာလထက် ၅.၂ ရာခိုင်နှုန်းတိုးတက်ခဲ့ကြောင်း စက်တင်ဘာလ ၁၅ ရက်နေ့ထုတ်ပြန် သော အချက်အလက်များအရသိရှိရပါသည်။ အမျိုးသား စာရင်းအင်းဌာန၏ ထုတ်ပြန်ချက်များအရ ဇူလိုင်လတွင် ၅.၇ ရာခိုင်နှုန်းတိုးတက် ခဲ့ရာမှတိုးတက်မှုနှုန်း နှေးကွေးခဲ့ခြင်းဖြစ်ကြောင်း သိရှိရပါ သည်။
ယခုနှစ်ပထမ ၈ လတာကာလအတွင်း တရုတ်နိုင်ငံ၏ စက်မှုလုပ်ငန်းထုတ်လုပ်မှုသည် ယခင်နှစ် အလားတူကာလနှင့် နှိုင်းယှဉ်ပါက ၆.၂ ရာခိုင်နှုန်းတိုးတက်ခဲ့ကြောင်း သိရှိရပါသည်။
စက်မှုလုပ်ငန်းများမှ ကုန်ထုတ်လုပ်မှုသည် နှစ်စဉ်လုပ်ငန်းလည်ပတ်မှု ပမာဏ ယွမ်သန်း ၂၀ (အမေရိကန်ဒေါ်လာ ၂.၈ သန်းခန့်) ရှိသော လုပ်ငန်းကြီးများ၏ လုပ်ဆောင်ချက်ကို တိုင်းတာရန် အသုံးပြုကြောင်းသိရှိရပါသည်။
ထုတ်လုပ်မှုလုပ်ငန်း၏ တန်ဖိုးမြင့်ထုတ်လုပ်မှုသည် ပြီးခဲ့သည့်လက တစ်နှစ်ထက်တစ်နှစ် ၅.၇ ရာခိုင်နှုန်း တိုးတက်ခဲ့ပြီး သတ္တုတူးဖော်ရေးလုပ်ငန်းသည် ၅.၁ ရာခိုင်နှုန်း တိုးတက်ခဲ့ပါသည်။ လျှပ်စစ်၊ အပူ၊ ဓာတ်ငွေ့၊ ရေထုတ်လုပ်မှုနှင့် ထောက်ပံ့ရေးကဏ္ဍ၏ တန်ဖိုးမြင့်ထုတ်လုပ်မှုသည် ၂.၄ ရာခိုင်နှုန်းတိုးတက်ခဲ့ကြောင်းသိရှိရပါသည်။
DOCA (ရန်ကုန်)